శీర్షిక : సురభి గోదారి పొంగుల అందమంతా పొంగింది, మనసు తేలిపోయింది గోదాట్లో పడవల. యవనాల ఊరిలో పరువాలు పలకమారి ఊరించే ఊట్టు ఎక్కి ఊరులన్నీ ఊరేగింది. రంగు జల్లి పోయింది జ్ఞాపకాల గుర్తుగా వదిలిపోని మత్తుగా వెంటపడి రమ్మంటూ. మురిసిపోతూ ముద్దుగుమ్మ ఏ ఒడ్డును తాకుతుందో గుండె గుబులు పడుతుంది నన్ను వీడి పోతుందని. ఆకాశాన ఆగలేదు భూమిపైనా ఉరుకుతుంది ఏ గుట్ట ఆపలేదు ఏ గట్టు నిలవలేదు ఎక్కడికి పోతుందో. ఇష్టాన్ని తాకగానే గిరగిరా తిరిగింది నదిలో సుడిగుండంలా, కౌగిట్లో బంధి అయి విడిపోని బంధమయ్యింది గోదాట్లో లంకల. ____________ మల్లిన గణపతి #✍️కవితలు