#😭 അവസാനമില്ലാത്ത തീമഴ! മരണസംഖ്യ ഉയരുന്നു | VIDEOS ഇറാന്റെ മിസൈൽ, ഡ്രോൺ ആക്രമങ്ങളിലെ നഷ്ടങ്ങൾ പുറം ലോകം അറിയാതിരിക്കാൻ ഇസ്രായേൽ ഭരണകൂടം കടുത്ത സെൻസർഷിപ്പ് ഏർപ്പെടുത്തുന്നതായി ഇന്ത്യൻ മാധ്യമപ്രവർത്തകൻ ബ്രജ് മോഹൻ സിങിന്റെ വെളിപ്പെടുത്തൽ. സാധന ന്യൂസിന് വേണ്ടി യുദ്ധഭൂമിയിൽ നിന്ന് റിപ്പോർട്ട് ചെയ്ത് മടങ്ങിയെത്തിയ ശേഷമായിരുന്നു അദ്ദേഹത്തിന്റെ പ്രതികരണം. തെൽ അവീവിലെ യഥാർത്ഥ സാഹചര്യം ഔദ്യോഗിക വിവരണങ്ങളിൽ നിന്ന് തികച്ചും വ്യത്യസ്തമാണെന്നും ഇന്ത്യയയിലേതിനേക്കാൾ മോശമാണ് ഇസ്രയേലിൽ മാധ്യമങ്ങളുടെ അവസ്ഥയെന്നും അദ്ദേഹം പറഞ്ഞു. ""ഇന്ത്യക്കാരനാണോ ഇസ്രായേലുകാരനാണോ എന്ന് നോക്കിയല്ല സ്ഫോടനം നടക്കുന്നത്. ബങ്കറുകൾ സുരക്ഷിതമാണെന്നൊക്കെ പറയുന്നത് വെറും വാക്കുകൾ മാത്രമാണ്. 100 അടി ആഴത്തിലുള്ള ബങ്കറുകൾക്കുള്ളിൽ പോലും ആളുകൾ മരിച്ചുവീഴുന്നത് ഞാൻ കണ്ടു. അവിടെ യാഥാർത്ഥ്യത്തെക്കുറിച്ച് നിങ്ങൾക്ക് ഒന്നും പറയാൻ കഴിയില്ല, കാരണം ആരും ഒന്നും നമ്മോട് പറയുന്നില്ല. ഇത് ഇന്ത്യൻ മാധ്യമങ്ങളാണ്, നമ്മുടെ സർക്കാർ എത്ര മഹത്തരമാണെന്ന് നമ്മൾ നന്ദി പറയണം." "ഇസ്രയേൽ ഭരണകൂടം ഒന്നും പുറത്തുപറയില്ല. മൃതദേഹങ്ങളുടെ ദൃശ്യങ്ങൾ പകർത്താൻ കഴിയില്ല. ആശുപത്രികൾ സന്ദർശിക്കാൻ പോലും അനുവാദമില്ല. മിസൈൽ പതിച്ച സ്ഥലം പോലും നമുക്ക് ആരും പറഞ്ഞു തരില്ല. രാത്രി മിസൈൽ പതിച്ച സ്ഥലത്ത് രാവിലെ എത്തുമ്പോൾ, ഒരാൾ മാത്രമേ മരിച്ചുള്ളൂ എന്നാണ് ഉദ്യോഗസ്ഥർ പറയുക. എന്നാൽ, തദ്ദേശവാസിയായ ഒരു ഇസ്രയേലി പറഞ്ഞത് അവിടെ നാല് വീടുകൾ ഉണ്ടായിരുന്നുവെന്നും അതിൽ ആരും തന്നെ ഇപ്പോൾ ജീവനോടെയില്ലെന്നുമാണ്." "മിസൈൽ വരുന്നതിന്റെ മുന്നറിയിപ്പായി അലാറം മുഴങ്ങാറുണ്ടായിരുന്നു. എന്നാൽ, ഒരു ദിവസം പുലർച്ചെ അഞ്ച് മണിക്ക് അലാറം പ്രവർത്തിച്ചില്ല. പുറത്ത് വലിയ ശബ്ദങ്ങൾ കേൾക്കുന്നുണ്ടായിരുന്നു, അപ്പോഴാണ് അലാറം മുഴങ്ങാതെ തന്നെ ആക്രമണങ്ങൾ നടക്കുന്നുണ്ടെന്ന് ഞങ്ങൾ മനസ്സിലാക്കിയത്." "ബങ്കറുകൾ സുരക്ഷിതമാണെന്ന് അവർ പറഞ്ഞുകൊണ്ടേയിരിക്കുന്നു, പക്ഷേ ആളുകൾ അതിനുള്ളിൽ മരിക്കുന്നത് ഞങ്ങൾ കാണുന്നുണ്ട്. എന്താണ് ശരിക്കും അവിടെ നടക്കുന്നതെന്ന് നിങ്ങളോട് പറയുന്നില്ല. സർക്കാർ ഒന്നും വെളിപ്പെടുത്തില്ല, മൃതദേഹങ്ങളുള്ള ആശുപത്രികൾ സന്ദർശിക്കാൻ മാധ്യമപ്രവർത്തകരെ അനുവദിക്കില്ല. ഒരു സംഭവം നടന്നാൽ ഏത് ലൊക്കേഷനാണെന്ന് പോലും നമുക്ക് അറിയില്ല. ഇറാനിയൻ മിസൈലുകൾ ചിലപ്പോൾ സൈറണുകൾ മുഴങ്ങാതെ തന്നെ പതിക്കാറുണ്ട്." - ബ്രജ് മോഹൻ സിങ് പറഞ്ഞു.