തനിക്ക് ചുറ്റും എന്താണ് സംഭവിക്കുന്നത് എന്ന് അവൾക്കു മനസിലായില്ല ….. ചുറ്റും കൂടി നിൽക്കുന്നവർ എന്തൊക്കെയോ പറയുന്നുണ്ട് ….. ജീവച്ഛവം പോലെ അവൾ നിന്നു ….. പെട്ടെന്ന് ഒരാൾ അവളെ നെഞ്ചോട് ചേർത്ത് പിടിച്ചു … " ... ഇവൾ എന്റെതാണ് …. എന്റെ പെണ്ണാ … ഇനി ഒരു അക്ഷരം പറഞ്ഞാൽ എല്ലാത്തിന്റെയും നാവ് ഞാൻ പിഴുതെടുക്കും .... " അവന്റെ അലർച്ച കേട്ട് ഒരുനിമിഷം എല്ലാവരും നിശബ്ദരായി … അവൻ അവളുടെ കൈ പിടിച്ചുകൊണ്ട് അമ്പലത്തിലേക്ക് നടന്നു ….. ഒരു പാവയെ പോലെ അവൾ അവന്റെ കൂടെ നടന്നു …. അവളുടെ കണ്ണുകൾ നിറഞ്ഞൊഴുകുന്നുണ്ടായിരുന്നു ….. അതു തുടച്ചുമാറ്റാൻ പോലും അവൾക്കു കഴിഞ്ഞില്ല …. പൂജിച്ച താലി അവളുടെ കഴുത്തിൽ അവൻ അണിയിച്ചു … ഒരു നുള്ള് സിന്ദൂരം കൊണ്ട് അവളുടെ നെറ്റിത്തടം അവൻ ചുവപ്പിച്ചു …. കാറിന്റെ സീറ്റിൽ ചാരി കണ്ണടച്ചു ഇരിക്കുന്നവളെ അവനൊന്ന് നോക്കി…. മുടിയൊക്കെ പാറിപറന്നിരിക്കുന്നു…. കവിളിൽ അടികൊണ്ട പാട് തെളിഞ്ഞു നിൽക്കുന്നു …. അവളെ ഈ അവസ്ഥയിൽ ആക്കിയവരോട് അവന് തീർത്താൽ തീരാത്ത ദേഷ്യം തോന്നി ….. കാർ ഗേറ്റ് കടന്ന് ഒരു വലിയ വീടിന്റെ മുൻപിൽ നിർത്തി …. ഡോർ തുറന്ന് അവളെ അവൻ വിളിച്ചു. അവന്റ മുഖത്തേക്ക് പോലും നോക്കാതെ അവൾ ഇറങ്ങി …. താക്കോലെടുത്ത് അവൻ ഡോർ തുറന്നു. അവൾ അകത്തേക്ക് കയറി …. " ... ഇവിടെ ആരുമില്ല… എല്ലാവരും നാളെ എത്തുകയെ ഉള്ളു … താൻ ആ കാണുന്ന റൂമിൽ കയറി ഫ്രഷ് ആയിക്കോളൂ ....” അവളുടെ നോട്ടത്തിന്റെ അർത്ഥം മനസ്സിലായതും അവൻ പറഞ്ഞു. അവൾ മറുപടിയൊന്നും പറയാതെ അവൻ ചൂണ്ടി കാട്ടിയ റൂമിലേക്ക് കയറി ഡോർ ലോക്ക് ചെയ്തു ….. ഡോറിൽ ചാരി നിന്നുകൊണ്ട് അവൾ വാ പൊത്തി കരഞ്ഞു …. കഴിഞ്ഞ കുറച്ചു ദിവസങ്ങൾക്കുള്ളിൽ അവളുടെ ജീവിതത്തിൽ സംഭവിച്ച കാര്യങ്ങൾ ഓരോന്നും അവളുടെ മനസ്സിലൂടെ അപ്പോൾ കടന്ന് പോയി .... 💫💫💫 അവൾ പൗർണമി. എല്ലാവരുടെയും പൗമി …. മോഹന്റെയും ശാരികയുടെയും ഒരേ ഒരു മകൾ … മോഹന്റെയും ശാരിയുടെയും ലവ് മാര്യേജ് ആയിരുന്നു … കോളേജിൽ വച്ച് തുടങ്ങിയ പ്രണയം …. ജോലി കിട്ടിയ ശേഷം അയാൾ ശാരിയുടെ കാര്യം വീട്ടിൽ അവതരിപ്പിച്ചു …. അയാളുടെ അമ്മക്ക് എതിർപ്പ് ഒന്നും ഉണ്ടായിരുന്നില്ല. എന്നാൽ അച്ഛൻ യാതൊരു തരത്തിലും സമ്മതിച്ചില്ല … എന്ന് മാത്രമല്ല മോഹന്റെ മുറപ്പെണ്ണുമായി അയാളുടെ വിവാഹം ഉറപ്പിക്കുകയും ചെയ്തു. മോഹനെ അവർ മുറിയിൽ പൂട്ടിയിട്ടു …മോഹന്റെ സഹോദരങ്ങളും അയാൾക്ക് എതിരായിരുന്നു … ശാരിയെ ഈ വിവരമറിയിക്കാൻ കഴിയാതെ അയാൾ വിഷമിച്ചു. ഒരു ദിവസം രാത്രിയിൽ മോഹന്റെ അമ്മ ആരും കാണാതെ അയാളെ തുറന്നു വിട്ടു …. ശാരിയെയും കൊണ്ട് എവിടെയെങ്കിലും പോയി ജീവിച്ചോളാൻ പറഞ്ഞു കൊണ്ട് അവർ കുറച്ചു രൂപയും കൂടി മോഹന്റെ കയ്യിൽ കൊടുത്തു … അങ്ങനെ ആ നാട്ടിൽ നിന്നും മോഹനും ശാരിയും ഒളിച്ചോടി. ആദ്യം കുറച്ചു ബുദ്ധിമുട്ടിയെങ്കിലും മോഹൻ സ്വന്തമായി ഒരു വീട് വച്ചു …. അതിനു ശേഷമാണ് പൗർണമി ജനിക്കുന്നത് …… പിന്നീടുള്ള അവരുടെ ദിവസങ്ങൾ സന്തോഷത്തിന്റെതായിരുന്നു പക്ഷേ ആ സന്തോഷം അധിക നാൾ നീണ്ടു നിന്നില്ല. തലവേദനയുടെ രൂപത്തിൽ വിധി ശാരിയെ തട്ടിയെടുത്തു … എപ്പോഴും വരുന്ന തലവേദന ശാരി കാര്യമാക്കിയില്ല ……. ഒരു ദിവസം ശാരി തലച്ചുറ്റി വീണു … ഹോസ്പിറ്റലിൽ കൊണ്ട് ചെന്നപ്പോൾ ആണ് ബ്രെയിൻ ട്യൂമർ ആണെന്നും ഒരുപാട് ലേറ്റ് ആയിപോയെന്നും അവർ അറിയുന്നത്. അത് കേട്ട് മോഹൻ ആകെ തകർന്നു പോയി …. രണ്ടാഴ്ചക്കുള്ളിൽ ശാരിയുടെ മരണവും സംഭവിച്ചു .... അന്ന് പൗര്ണമിക്ക് പ്രായം ഏഴു വയസ്സ് മാത്രമാണ് …. വർഷങ്ങൾ പിന്നെയും കഴിഞ്ഞു ….. പൗർണ്ണമിയുടെ പതിനേഴാമത്തെ പിറന്നാളിന് കേക്ക് വാങ്ങാൻ പോയ മോഹൻ പിന്നീട് തിരിച്ചു വന്നത് വെള്ളപ്പുതച്ചുകൊണ്ടാണ് ….. ഒരു കാർ ഡ്രൈവറുടെ അശ്രദ്ധകൊണ്ട് സംഭവിച്ച ആക്‌സിഡന്റ്…. മോഹന്റെ വീട്ടുകാർ വിവരം അറിഞ്ഞു വന്ന് പൗർണ്ണമിയെ അവിടെ നിന്നും കൂട്ടികൊണ്ടുപോയി …അപ്പോയെക്കും മോഹന്റെ അച്ഛൻ മരിച്ചു പോയിരുന്നു ... മോഹന്റെ അമ്മ സുഖമില്ലാതെ കിടപ്പിലുമായി ... ആരെയും തിരിച്ചറിയാൻ പോലും പറ്റാത്ത അവസ്ഥ ….. മറ്റുള്ളവരുടെ കണ്ണ് തന്റെ പേരിലുള്ള സ്വത്തിൽണെന്ന് മനസിലായപ്പോൾ അവിടെ നിന്നും പൗർണമി ഇറങ്ങി …. തനിച്ചായിട്ടും തളരാൻ അവളുടെ മനസ്സനുവദിച്ചില്ല …. മോഹന്റെ സുഹൃത്തായിരുന്ന ജോസഫിന്റെ വീട്ടിലേക്ക് പൗർണമി പോയി …. കോളേജിൽ അഡ്മിഷൻ എടുക്കാൻ അയാൾ സഹായിച്ചു. പ്ലസ്ടുവിന് നല്ല മാർക്ക്‌ ഉണ്ടായിരുന്നത് കൊണ്ട് അഡ്മിഷന് വലിയ ബുദ്ധിമുട്ടൊന്നും ഉണ്ടായില്ല … അയാൾ അവൾക്ക് ഹോസ്റ്റലിൽ താമസം റെഡിയാക്കി … പൗർണ്ണമിയും അച്ഛനും അമ്മയും നിന്നിരുന്ന വീട് വാടകക്ക് കൊടുത്തു ... വാടക കൃത്യമായി അവളുടെ അക്കൗണ്ടിൽ വരാൻ തുടങ്ങി. 💫💫💫 അന്ന് കോളേജിലെ പൗർണ്ണമിയുടെ ആദ്യത്തെ ദിവസമായിരുന്നു … നേരത്തെ തന്നെ എഴുന്നേറ്റ് റെഡിയായി കോളേജിലേക്ക് നടന്നു … ഹോസ്റ്റലിൽ നിന്നും നടക്കാനുള്ള ദൂരമേ ഉണ്ടായിരുന്നുള്ളു .... ആരെയും പരിചയമില്ലാത്തത് കൊണ്ട് തനിച്ചായിരുന്നു അവൾ .... കോളേജ് ഗേറ്റിന് മുൻപിൽ നിൽക്കുമ്പോൾ നല്ലത് മാത്രം വരുത്തണേ എന്നവൾ ഉള്ളുരുകി പ്രാർത്ഥിച്ചു ... എന്നാൽ അവളുടെ ജീവിതം തന്നെ മാറ്റിമറിക്കാൻ പോകുന്ന കാര്യങ്ങളാണ് വിധി അവൾക്കായ് അവിടെ കാത്തുവെച്ചിരിക്കുന്നത് എന്നവൾ അറിഞ്ഞിരുന്നില്ല ……… വിശാലമായ ക്യാമ്പസ്‌ …. ഓരോ ഡിപ്പാർട്മെന്റിനും സെപ്പറേറ്റ് ബിൽഡിംഗ്സ് ….. ഗ്രൗണ്ടിൽ ആൺകുട്ടികൾ കൂട്ടമായി നില്കുന്നുണ്ട് റാഗിംഗ് ഉണ്ടാവും .... അതോർത്തപ്പോൾ അവൾക്ക് ചെറിയ പേടി തോന്നി … ചുറ്റും നോക്കി നടക്കുന്നതിനിടയിൽ ആരോ ഒരാളുമായി അവൾ കൂട്ടിയിടിച്ചു … നെറ്റി തടവി നേരെ നോക്കിയപ്പോൾ കണ്ടത് രണ്ടു ഉണ്ടക്കണ്ണുകളാണ് …. അതിന്റെ ഉടമയെ അവളൊന്ന് നോക്കി .... സുന്ദരിയായ ഒരു പെൺകുട്ടി …. വിശാലമായ ക്യാമ്പസ്‌ …. ഓരോ ഡിപ്പാർട്മെന്റിനും സെപ്പറേറ്റ് ബിൽഡിംഗ്സ് ….. ഗ്രൗണ്ടിൽ ആൺകുട്ടികൾ കൂട്ടമായി നില്കുന്നുണ്ട് റാഗിംഗ് ഉണ്ടാവും .... അതോർത്തപ്പോൾ അവൾക്ക് ചെറിയ പേടി തോന്നി … ചുറ്റും നോക്കി നടക്കുന്നതിനിടയിൽ ആരോ ഒരാളുമായി അവൾ കൂട്ടിയിടിച്ചു … നെറ്റി തടവി നേരെ നോക്കിയപ്പോൾ കണ്ടത് രണ്ടു ഉണ്ടക്കണ്ണുകളാണ് …. അതിന്റെ ഉടമയെ അവളൊന്ന് നോക്കി .... സുന്ദരിയായ ഒരു പെൺകുട്ടി …. " ... എവിടെ നോക്കിയാടോ നടക്കുന്നത് ? ... എന്റെ നെറ്റിയിടിച്ചു പൊളിച്ചല്ലോ താൻ .... " അവൾ ചോദിച്ചു. " ... സോറി ഞാൻ ... പെട്ടെന്ന് ... കണ്ടില്ല ….. " പൗർണ്ണമിക്ക് അല്പം പേടി തോന്നി …… അവളുടെ മുഖഭാവം കണ്ടിട്ട് ആ പെൺകുട്ടി ചിരിച്ചു … " .... പുതിയ ആളാണ്ണല്ലേ ... ഞാൻ സേറ …. ഫസ്റ്റ് ഇയറാണ് … “ ആ പെൺകുട്ടി സ്വയം പരിചയപ്പെടുത്തി. " .... എന്റെ പേര് പൗർണമി … " അവൾ കൈ കൊടുത്തു കൊണ്ട് പരസ്പരം പരിചയപ്പെട്ടു .... പൗർണമി പിന്നീട് അവിടെ നിൽക്കാതെ തന്റെ ക്ലാസ്സ്‌ കണ്ടു പിടിച്ച് ഒഴിഞ്ഞ ഒരു സീറ്റിൽ പോയിരുന്നു …. ബാഗിൽ നിന്നും വാട്ടർ ബോട്ടിലെടുത്ത് വെള്ളം കുടിച്ചുകൊണ്ടിരിക്കുമ്പോളാണ് പുറത്ത് ഒരു അടി വീണത് ….. ഞെട്ടി തിരിഞ്ഞപ്പോൾ തന്നെ നോക്കി ഇളിച്ചുകൊണ്ട് നിൽക്കുന്ന സേറയെ ആണവൾ കണ്ടത് …. " .... നമ്മൾ ഒരേ ക്ലാസ്സ്‌ ആണ് …. കുറച്ചങ്ങോട്ട് നീങ്ങിയിരുന്നേ .... " എന്നു പറഞ്ഞവൾ പൗർണ്ണമിയുടെ അടുത്ത് വന്നിരുന്നു ….. സേറ ആളൊരു വായാടിയായിരുന്നു …. അവളെ സംബന്ധിക്കുന്ന എല്ലാ കാര്യങ്ങളും ഒറ്റ ഇരിപ്പിൽ തന്നെ അവൾ പൗർണ്ണമിയോടെ പറഞ്ഞ് തീർത്തു ….. അവളുടെ അച്ഛൻ ഡോക്ടർ ആണ് …. അമ്മ സ്വന്തമായി ഒരു ബ്യൂട്ടി പാർലർ നടത്തുന്നു … പിന്നെ ഉള്ളത് ഒരു ചേട്ടനാണ് …. സിറിയക്ക്‌ അവൻ ലണ്ടനിൽ ആണ് പഠിക്കുന്നത് …. അവളുടെ വീട് കോളേജിൽ നിന്നും കഷ്ടിച്ച് രണ്ട് കിലോമീറ്റർ മാത്രമേ ഉള്ളു …. പക്ഷേ അവൾ ഹോസ്റ്റലിൽ നിന്നാണ് പഠിക്കുന്നത് .... വീട്ടിൽ എപ്പോഴു അച്ഛനും അമ്മയും തമ്മിൽ വഴക്കായത് കൊണ്ട് അവരോട് അവൾ പിണങ്ങി ഇവിടെ വന്നു നിൽക്കുകയാണ് ….. ഇതെല്ലാം കേട്ട് പൗർണമി അന്തം വീട്ടിരിക്കുകയായിരുന്നു … അൽപ്പം മുൻപ് മാത്രം പരിചയപ്പെട്ട ആളോട് ഇതെല്ലാം പറയുമോ ? …. എന്നവൾ സ്വയം ആലോചിച്ചു. “ .... താൻ എന്റെ നല്ലൊരു ഫ്രണ്ട് ആയിരിക്കും എന്ന് എനിക്കു ഉറപ്പുണ്ട് അതുകൊണ്ടാണ് ഞാൻ ഇത്രയും പറഞ്ഞത് …. ” പൗർണ്ണമിയുടെ നോട്ടത്തിന്റെ അർത്ഥം മനസ്സിലായതും സേറ പുഞ്ചിരിച്ചു കൊണ്ട് പറഞ്ഞു. പിന്നീട് പൗർണമി കോളേജിക് നിന്ന് നേരെ ഹോസ്റ്റലിലേക്കാണ് പോയത്. അവിടെ ചെന്നപ്പോൾ മേട്രൻ തന്റെ റൂം മേറ്റ്‌ ആയി ഒരു കുട്ടി വന്നിട്ടുണ്ട് എന്ന് പറഞ്ഞു ... റൂമിൽ ചെന്നപ്പോൾ ബാഗ് ഒക്കെ അടുക്കി വെക്കുന്ന ആളെ കണ്ടപ്പോൾ പൗർണ്ണമിയുടെ കിളിപോയി " … ഇവളോ …… " 💫💫💫 വാതിലിൽ ശക്തമായി തട്ടുന്നത് കേട്ടാണ് പൗർണമി ഞെട്ടി എഴുന്നേറ്റത് … നിലത്ത് ചുവരിൽ ചാരി ഇരുന്നു ഓരോന്ന് ആലോചിച്ചു കൊണ്ടവൾ ഉറങ്ങിപ്പോയിരുന്നു …. എഴുന്നേറ്റു ഷാൾ കൊണ്ട് മുഖം അമർത്തി തുടച്ചു കൊണ്ടവൾ പതിയെ ചെന്ന് വാതിൽ തുറന്നു … “ .... താൻ കരയുകയായിരുന്നല്ലേ .... ഇനിയും ഇങ്ങനെ കരഞ്ഞിട്ട് എന്താ കാര്യം ? …. പെൺകുട്ടികളായാൽ കുറച്ചൊക്കെ ധൈര്യം വേണം ….. ആ സമയത്ത് ഞാൻ അവിടെ വന്നത് കൊണ്ട് രക്ഷപെട്ടു … ഇല്ലെങ്കിൽ എന്തായിരിക്കും അവസ്ഥ എന്ന് താൻ ആലോചിച്ചിട്ടുണ്ടോ ? .... " അവൻ ദേഷ്യത്തോടെ ചോദിച്ചതും മറുപടി പറയാതെ തല കുമ്പിട്ടവൾ അങ്ങനെ നിന്നു … അല്ലെങ്കിൽ തന്നെ എന്താ പറയേണ്ടത് ... തെറ്റ് തന്റെ ഭാഗത്ത്‌ തന്നെയാണെന്ന് അവൾക്ക് ബോധ്യമുണ്ടായിരുന്നു …. കേട്ടാതൊക്കെ സത്യമാണോ എന്ന് അന്വേഷിക്കുക പോലും ചെയ്യാതെ ചാടി ഇറങ്ങി പുറപ്പെട്ടത് കൊണ്ടാണ് ഇങ്ങനെ ഓക്കെ സംഭവിച്ചത് … പക്ഷേ ഇപ്പോഴും നടന്നത് എന്താണെന്ന് ഒരു പിടിയും കിട്ടുന്നില്ലാലോ എന്റെ കൃഷ്ണ … പൗർണമി മനസ്സിൽ പറഞ്ഞു .... അവൾ പതിയെ തല ഉയർത്തി ആ മുഖത്തേക്ക് നോക്കി …. കൈ രണ്ടും നെഞ്ചിൽ പിണച്ചു കെട്ടി കൊണ്ട് അവളെ തന്നെ നോക്കി നിൽക്കുകയാണവൻ … എന്തൊക്കെയോ പറയണമെന്നുണ്ട് പക്ഷേ അവളുടെ ശബ്ദം പുറത്തേക്ക് വന്നില്ല …. ” .... തന്റെ വായിൽ നാക്കില്ലേ ? …. ഇത്രയൊക്കെ സംഭവിച്ചിട്ടും തനിക്ക് ഒന്നും പറയാൻ ഇല്ലേ ? … ” അവൻ ക്ഷമക്കെട്ട് വീണ്ടും ചോദിച്ചു ….. ” ... ഞാൻ … എന്നോട് … ക്ഷമിക്കണം … " ഒരു വിധത്തിൽ അവൾ പറഞ്ഞു. ”... ക്ഷമിക്കാനോ എന്തിന് ? .... " അവൻ നെറ്റി ചുളിച്ചു കൊണ്ട് ചോദിച്ചു. “ .... ഞാൻ കാരണമല്ലേ ഇങ്ങനെയൊക്കെ സംഭവിച്ചത് ? … എന്നെ … എന്നെ …. വിവാഹം ചെയ്യേണ്ടിവന്നതും എല്ലാം ഞാൻ കാരണമല്ലേ .... " അവൾ വിക്കി വിക്കി പറഞൊപ്പിച്ചു … " ... ഓ അതാണോ ? .... ശരിയാ താലി കെട്ടി എന്നുള്ളത് നേര് തന്നെ ... പക്ഷെ നിന്നെ എന്റെ ഭാര്യയായി അംഗീകരിക്കാൻ എനിക്ക് കുറച്ചു ബുദ്ധിമുട്ടുണ്ട് ... ” മറ്റെങ്ങോ ദൃഷ്ടി പായിച്ചുകൊണ്ട് പറയുന്നവനെ അവൾ വേദനയോടെ നോക്കി …. “ .... നാളെ രാവിലെ ഞാൻ തന്നെ ഹോസ്റ്റലിൽ കൊണ്ടുപോയി ആക്കി തരാം …. മേട്രനോട് ഞാൻ സംസാരിച്ചോളാം …. അച്ഛനും അമ്മയുമൊക്കെ നാളെ വൈകീട്ടെ എത്തുകയുള്ളു … അവർ വരുന്നതിന് മുൻപ് താൻ ഇവിടെ നിന്ന് പോകണം …. ” അവൻ അവളുടെ നേരെ നോക്കി കൊണ്ട് പറഞ്ഞു … ” ... താൻ രാവിലെ മുതൽ ഒന്നും കഴിച്ചില്ലല്ലോ … ഞാൻ ഫുഡ്‌ വാങ്ങി കൊണ്ട് വന്നിട്ടുണ്ട് … വന്നു കഴിക്ക്‌ ..... ” “ ... എനിക്ക് വേണ്ട …. ” അവളത് പറയുമ്പോൾ വിതുമ്പി പോയിരുന്നു. ” ... താൻ രാവിലെ മുതൽ ഒന്നും കഴിച്ചില്ലല്ലോ … ഞാൻ ഫുഡ്‌ വാങ്ങി കൊണ്ട് വന്നിട്ടുണ്ട് … വന്നു കഴിക്ക്‌ ..... ” “ ... എനിക്ക് വേണ്ട …. ” അവളത് പറയുമ്പോൾ വിതുമ്പി പോയിരുന്നു. “ .... ദേ കൊച്ചേ എന്നെ വെറുതെ ദേഷ്യം പിടിപ്പിക്കാതെ … വന്നു കഴിക്കാൻ നോക്ക് .... " അവന്റെ ശബ്ദം ഉയർന്നതും അവൾ ഡയ്‌നിങ് ടേബിളിന്റെ അടുത്ത് കസേരയിൽ വന്ന് ഇരുന്നു …. പ്ലേറ്റ് കൊണ്ട് വന്നു വച്ചു കൊണ്ട് അവനും അവിടെ ഇരുന്നു …. ഫുഡ്‌ പാക്കറ്റിൽ തന്നെ ഇരിക്കുവാണ് …. അവൾ അവന്റെ മുഖത്തേക്ക് നോക്കി … “ .... ഭർത്താവിന് ഫുഡ്‌ വിളമ്പി കൊടുക്കേണ്ടത് ഭാര്യയുടെ കടമയല്ലേ ... അതു നമ്മളായിട്ട് എന്തിനാ വേണ്ടെന്ന് വെക്കുന്നത് .... “ അവൻ ചുണ്ട് കടിച്ചു പിടിച്ചു ചിരിച്ചു കൊണ്ട് പറഞ്ഞത് കേട്ട് പൗർണമി വായും പൊളിച്ചു ഇരുന്നു ….. ... ഇയാളെ മനസ്സിലാക്കാൻ പറ്റുന്നില്ലലോ ഈശ്വരാ നേരത്തേ വെട്ടുപോത്തിനെ പോലെ വന്നയാളാ … ഇപ്പോൾ പറയുന്നത് കേട്ടില്ലേ … അവൾ പിറുപിറുത്തു. പൗർണമി എഴുന്നേറ്റ് പാക്കറ്റിൽ നിന്നും ചപ്പാത്തിയും കറിയും പ്ലേറ്റിലേക്ക് വിളമ്പി … കഴിച്ചു കഴിഞ്ഞ് പ്ലേറ്റ് എല്ലാം എടുത്ത് കിച്ചണിൽ കൊണ്ടുപോയി കഴുകി വച്ചു. " ... താൻ ഈ ഡ്രെസ്സ് ചേഞ്ച്‌ ചെയ്യുന്നില്ലേ ? ….. ” ഹാളിലെ സെറ്റിയിൽ ഇരിക്കുന്ന പൗർണ്ണമിയുടെ ഓപ്പോസിറ്റ് വന്ന് ഇരുന്ന് കൊണ്ടവൻ ചോദിച്ചു … “ .... അത് …. എനിക്ക് വേറെ ഡ്രസ്സ് ‌… ” അവൾ ഒന്ന് നിർത്തി അവന്റ നേരെ നോക്കി… “ .... ഇതാ ഇത് ഇട്ട് നോക്കു പറ്റുമോ എന്ന് അറിയില്ല ... വേറെ ഒരു ആവശ്യത്തിന് വാങ്ങിയതാ .... ” ഒരു കവർ അവളുടെ നേരെ നീട്ടിക്കൊണ്ട് അവൻ പറഞ്ഞു. പൗർണമി മടിച്ചു മടിച്ചു നിന്നു കൊണ്ട് അത് വാങ്ങി റൂമിലേക്ക് ഓടിപ്പോയി …അതുകണ്ട് അവന്റെ ചുണ്ടിൽ പുഞ്ചിരി വിരിഞ്ഞു … ബാത്‌റൂമിൽ ഷവറിന് ചുവട്ടിൽ നിൽകുമ്പോൾ അവൾക്കൊരു ആശ്വാസം തോന്നി …. അവളുടെ കണ്ണൊക്കെ നീറുന്നുണ്ടായിരുന്നു … ഇന്നലെ മുതൽ കുറച്ചു മുൻപ് വരെ നിർത്താതെ കരഞ്ഞതുകൊണ്ട് കണ്ണൊക്കെ വീർത്തിട്ടുണ്ട് … കുളി കഴിഞ്ഞു ഇറങ്ങി പൗർണമി അവൻ വാങ്ങി കൊടുത്ത ഡ്രെസ്സ് എടുത്തു നോക്കി ... ബ്ലാക്കിൽ സിൽവർ കളർ പൂക്കൾ പ്രിന്റ് ചെയ്ത ലോങ്ങ്‌ സ്കെർട്ടും ഓഫ്‌ വൈറ്റ് കളറിൽ ഒരു സിമ്പിൾ ടോപ്പും … അവൾക്കത് നന്നായി ഇണങ്ങുന്നുണ്ടായിരുന്നു ….. ... ഡ്രസ്സ്‌ ഇട്ടത് ഒന്ന് കാണിക്കണ്ടേ …. ഉറങ്ങിയോ ആവോ … സമയം എത്രയായി ? ... ചുറ്റും ഇരുട്ടായത് അവൾ അപ്പോഴാണ് ശ്രദ്ധിക്കുന്നത് … ചുവരിലെ ക്ലോക്കിൽ നോക്കി … ഒൻപത് മണിയാകുന്നു ... ഇത്രയും നേരമായോ ? … പൗർണമി റൂമിൽ നിന്നും ഇറങ്ങി …. ഹാളിൽ എല്ലായിടത്തും നോക്കിയെങ്കിലും അവനെ കണ്ടില്ല …. മുകളിലേക്കു പോയിട്ടുണ്ടാവും എന്ന് കരുതി അവൾ സ്റ്റൈയർ കയറാൻ തുടങ്ങിയപ്പോൾ അവൻ താഴോട്ട് ഇറങ്ങി വരുന്നത് കണ്ടതും അവളവിടെ നിന്നു. പൗർണ്ണമിയെ കണ്ടതും അവന്റെ കണ്ണുകൾ വിടർന്നു …. പെട്ടന്ന് തന്നെ അവൻ നോട്ടം മാറ്റി … അവളുടെ മുൻപിലൂടെ പോയി സെറ്റിയിൽ ചെന്നിരുന്നു …. അവൻ ഒന്ന് നോക്കാൻ വേണ്ടി പൗർണമി അവന്റെ മുൻപിൽ പോയി നിന്നു … എന്നാൽ അവൻ അവളെ ശ്രദ്ധിക്കാതെ മൊബൈൽ എടുത്തു അതിൽ നോക്കാൻ തുടങ്ങി … അത് കണ്ട് പൗർണ്ണമിക്ക് ദേഷ്യം വന്നു … ഡ്രസ്സ്‌ വാങ്ങിക്കൊണ്ടു വന്നു തന്നതല്ലേ … അതൊന്ന് ഇട്ട് കാണിക്കാന്ന് വച്ചപ്പോൾ അയാളുടെ ഒരു മൊബൈല് … അവൾ പല്ല് കടിച്ചു കൊണ്ട് പിറുപിറുത്തു …. പൗർണമി അടുത്തുള്ള ചെയറിൽ പോയിരുന്നു ... " ... താൻ കിടക്കുന്നില്ലേ ? ... " അവൻ ചോദിച്ചതും പൗർണമി ഒന്നും മിണ്ടിയില്ല ….. ” .... പോയി കിടന്നു ഉറങ്ങാൻ നോക്ക് .... നാളെ രാവിലെ ഹോസ്റ്റലിലേക്ക് പോവാനുള്ളതാണ് … പിന്നെ പോവുമ്പോൾ ഡോർ ലോക്ക് ചെയ്തേക്ക് ... ഞാൻ മുകളിലേക്ക് പോകുന്നില്ല … ഇവിടെ ഉണ്ടാവും……. ” അതും പറഞ്ഞു അവൻ പിന്നെയും മൊബൈലിലേക്ക് നോക്കി ….. പൗർണ്ണമിക്ക് വല്ലാത്ത വിഷമം തോന്നി … അവൾ റൂമിലേക്ക് പോവാനായി എഴുന്നേറ്റതും കാളിങ് ബെൽ ശബ്ദിച്ചതും ഒരുമിച്ചായിരുന്നു … “ .... ഇതാരാ ഈ സമയത്ത് ? … ” അവൻ സ്വയം ചോദിച്ചു കൊണ്ട് ഡോർ തുറക്കാൻ പോയി … പൗർണ്ണമിയും ആരാണെന്ന് അറിയാൻ വേണ്ടി അവിടെ തന്നെ നിന്നു …. ഡോറ് തുറന്ന് മുൻപിൽ നിൽക്കുന്നവരെ കണ്ട് അവൻ നിശ്ചലനായി നിന്നുപോയി … ” .... അച്ഛാ … അമ്മേ … നിങ്ങൾ നാളെയെ വരു എന്ന് പറഞ്ഞിട്ട് ? … " അവൻ വിശ്വാസം വരാതെ ചോദിച്ചു. " ... ആ അതൊക്കെ പറയാം ആദ്യം അകത്തേക്ക് കയറട്ടെ .... “ അച്ഛൻ അവനെ തള്ളി മാറ്റി കൊണ്ട് അകത്തേക്ക് കയറി .... പിന്നാലെ അമ്മയും … കയ്യിലുള്ള ബാഗ് താഴെ വച്ചു കൊണ്ട് നിവർന്നു നിന്നപ്പോഴാണ് സ്തംഭിച്ചു നിൽക്കുന്ന അമ്മയെ അച്ഛൻ കാണുന്നത് ….. “ .... എന്താ ? ... എന്ത് പറ്റി ഭാമേ ? ... " അച്ഛൻ ചോദിച്ചിട്ടും മറുപടി പറയാതെ നിൽക്കുന്ന അമ്മയെ അയാൾ തോളിൽ ഒന്ന് തട്ടി …. അമ്മ കണ്ണുകൾ കൊണ്ട് അങ്ങോട്ട്‌ നോക്കാൻ പറഞ്ഞു …. അവിടെ തലയും കുനിച്ചു കൊണ്ട് നിൽക്കുന്നവളെ കണ്ടതും അച്ഛൻ നെറ്റി ചുളിച്ചു …. 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://share.aksharathalukal.in/s/48374/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ