*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి* *పరిచర్య నుండి సేకరించిన* *అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷ఫిబ్రవరి 12🌷🌷* *"... విశ్వసించు మన యందు ఆయన చూపుచున్న తన శక్తి యొక్క అపరిమితమైన మహాత్మ్యమెట్టిదో మీరు తెలిసికొనవలెనని.. ఆయన ఆ బలాతిశయము చేత క్రీస్తును మృతులలో నుండి లేపెను" (ఎఫెసీ. 1:18-20)* మనము తన శక్తితో సంపూర్ణముగా నింపబడవలెనని దేవుడు కోరుచున్నాడు. ఆ శక్తి ద్వారానే మన కష్టములు, శ్రమలు, శోధనలను జయించగలము మరియు అదే శక్తి ద్వారా అమర్త్య దేహములను పొందుదుము (రోమా 8:11) ఇదే పునరుర్ధాన శక్తి. యేసు క్రీస్తు ప్రభువును మరణము నుండి లేపుటలో దేవుడు ఆ శక్తిని బయలుపరచెను. ఈ భూమి మీద మన శోధనలు, భారములను జయించుటకు అదే శక్తితో అనుదినము ఉజ్జీవింపబడుదుము. అదే శక్తి ద్వారా పరలోకములో మనకు అమర్త్య దేహములు అనుగ్రహించ బడును మరియు ముఖ్యముగా దేవుని సంపూర్ణతలో మన భాగమును అనుభవించుదుము. కేవలము పునరుర్ధాన శక్తి ద్వారా మాత్రమే అంతరంగ పురుషునియందు బలపరచబడి, ప్రభువైన యేసు క్రీస్తులో లోతుగా వేరు పారియుండగలము (ఎఫెసీ. 3: 16,17). మనము పర్వతములపై ఎత్తైనట్టి చెట్లను చూచుదుము. అచ్చట ఎంత పెద్ద తుఫాను వచ్చినను వాటి వ్రేళ్ళు చాల లోతుకు వెళ్లి, ఎంతో దూరమునకు వ్యాపించి యుండును గనక చెట్లు క్రింద పడిపోవు. అందుచేతనే ఏ తుఫాను కూడా వాటిని పెల్లగించలేదు, గాని అవి ఇంకా ఇంకా ఎత్తుగా పెరిగి వాటి వ్రేళ్లు లోతుగా వెళ్ళును. అదే రీతిగా పునరుర్ధాన శక్తి ద్వారా ప్రభువైన యేసు క్రీస్తులో అంతరంగ పురుషుని యందు లోతుగా వేరుపారుదుము. అచ్చట ఏ శ్రమ, హింస లేక కష్టము ఉన్నను అది మనలను కదిలించదు. మన శ్రమలలో మనము ఆనందించుదుము మరియు అదే సమయములో ఆత్మీయముగా బలవంతులమగుదుము మనము ఆత్మీయముగా ఎదుగు కొలది దేవుని సంపూర్ణతతో నింపబడుదుమని యెరుగుదుము. కావున ఇంకా ఇంకా అధికముగా దేవుని ప్రేమ మనలను నింపుటను క్రియాపూర్వకముగా కనుగొందుము. ఫలితముగా మనము ప్రేమగా, సున్నితముగా, సహనముగా మరియు మృదువుగా నగుదుము. మన శత్రువులను ప్రేమించగలుగుదుము. మనలను ప్రేమించని వారిని ప్రేమించి, ద్వేషించి, శపించు వారి నిమిత్తము ప్రార్ధించగల్గుదుము. మనము యేసు క్రీస్తునందు లోతుగా నాటబడితిమను దానికి ఇది నిజమైన రుజువు. మన నిరీక్షణ ఏమనగా, ఒక దినమున ఆయన సంపూర్ణతచే నింపబడుదు మనునదియే. ఆ రహస్యమును ఇంకా ఇంకా అధికముగా ఎరుగుటకు ప్రభువు మనకు సహాయము చేయును గాక. Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝