🌺 होळी 🌺 #Holi2026 🌱 फाल्गुन पौर्णिमेच्या दिवशी येणारा होळी हा सण देशभरात उत्साहात साजरा केला जातो. दुष्ट प्रवृत्ती आणि अमंगल विचार यांचा नाश करून सत् प्रवृत्तीचा मार्ग दाखवणारा उत्सव म्हणजे होळी. वृक्षरूपी समिधा अग्नीत अर्पण करून त्याद्वारे वातावरणाची शुद्धी करणे, हा उदात्त भाव होळी साजरी करण्यामागे आहे. 🌷उत्तर भारतात याला होरी, दोलायात्रा, तर गोवा आणि महाराष्ट्र या राज्यांत शिमगा, होळी, हुताशनी महोत्सव अन् होलिकादहन आणि दक्षिणेतील केरळ मध्ये कामदहन (कुमानी पुन्नमी / काम पौर्णिमा) अशा संज्ञा आहेत. बंगालमध्ये दौलायात्रा, असम मध्ये दौल उत्सव, बिहार मध्ये फगुवा म्हणून होळीचा सण साजरा करतात. 🌷होळीची पूजा अशी करावी… देवळासमोर किंवा सोयीच्या ठिकाणी पौर्णिमेच्या सायंकाळी होळी प्रज्वलित करायची असते. बहुधा ग्रामदेवतेसमोर होळी उभी केली जाते. 🌸१. पूजनाचे स्थान शेणाने सारवून, तेथे रांगोळी काढणे. 🌸२. मधोमध एरंड, माड, पोफळी अथवा ऊस उभा करावा. 🌸३. त्याच्या भोवती गोवर्‍या आणि सुकी लाकडे रचावी. 🌸४. कर्त्याने शुचिर्भूत होऊन आणि देशकालाचा उच्चार करून ‘सकुटुम्बस्य मम ढुण्ढाराक्षसीप्रीत्यर्थं तत्पीडापरिहारार्थं होलिकापूजनमहं करिष्ये ।’ असा संकल्प करावा. नंतर पूजा करून नैवेद्य दाखवावा. 🌸५. त्यानंतर ‘होलिकायै नमः ।’ असे म्हणून होळी पेटवावी. 🌸६. होळीला प्रदक्षिणा घालावी आणि पालथ्या हाताने बोंब मारावी. 🌸७. होळी पूर्ण जळल्यानंतर ती दूध अन् तूप शिंपडून शांत करावी. 🌸८. श्री होलिका देवतेला पुरणपोळीचा नैवेद्य, तसेच नारळ अर्पण करावा. 🌸९. जमलेल्या लोकांना त्याचा प्रसाद द्यावा. नारळ, पपनस यांसारखी फळे वाटावीत. 🌸१०. संपूर्ण रात्र नृत्यगायनात व्यतीत करावी. ११. सकाळी प्रातर्विधी आटोपून पितरांना तर्पण करावे. त्यानंतर सर्व दुष्ट शक्तींच्या शांतीसाठी होलिकेच्या विभूतीला वंदन करावे. संदर्भ: #🌻आध्यात्म 🙏 #🎭Whatsapp status #🌹देवी देवता🙏 #👌प्रेरणादायी स्टेट्स