പ്രിയ വായനക്കാരേ സുഹൃത്തുക്കളേ. ഒരു ചെറിയ വിശേഷം പറയാനാണ്‌ വന്നത്. മറ്റൊന്നുമല്ല, ഏതാണ്ട് മൂന്നു മാസങ്ങൾക്കു മുൻപ്, പാലക്കാടുള്ള ഒരു സിനിമോട്ടോഗ്രാഫർ എന്നെ കാണാൻ വരികയും, ഞാൻ അദ്ദേഹത്തോട് നമ്മുടെ ക്രിട്ടിക്കൽ മിസ്സിങ്ങ് പേഴ്സൺസ് എന്ന സ്റ്റോറി പറയുകയുമുണ്ടായി. അതേ തുടർന്ന്, രണ്ടാഴ്ച്ചകൾക്കു ശേഷം അദ്ദേഹം, സുഹൃത്തായ ഒരു ഡയറക്ടറുമായി വീണ്ടും വരികയും ഞങ്ങൾ അതിന്റെ തുടർ പരിപാടികളിലേക്ക് കടക്കുകയും ചെയ്തു. ഗുജറാത്ത് സ്വദേശിയായ ഒരു പ്രൊഡ്യൂസറുമായി മീറ്റ് ചെയ്ത് കഥ അവതരിപ്പിക്കുകയും, അദ്ദേഹം മുൻപോട്ടു പോകാനുള്ള ഗ്രീൻ ലൈറ്റ് തരികയും ഉണ്ടായി. തമിഴിൽ ചെയ്യാനാണ്‌ അദ്ദേഹത്തിന്റെ ടീമിന്‌ താൽപ്പര്യം. പക്ഷേ, അഡ്വാൻസ് കിട്ടാതെ ഒരു വരി എഴുതുകയില്ല എന്നു ഞാൻ തീരുമാനിച്ചിരുന്നു. അത് ആദ്യ മീറ്റിങ്ങിൽ തന്നെ ഞാൻ പറയുകയും ചെയ്തതാണ്‌. കാരണം, ഇതിപ്പോൾ പല തവണയായി സിനിമാ എഴുത്ത്. എഴുത്തു മാത്രമേ ഉള്ളൂ. പടം ഒന്നും ഇറങ്ങുന്ന ലക്ഷണമില്ല. അതുകൊണ്ടായിരിക്കണം, തുടർന്ന് നല്ലൊരു ഗ്യാപ്പ് വന്നു. ഞാൻ നോവലെഴുത്ത് തുടരുകയും ചെയ്തു. പക്ഷേ, കഴിഞ്ഞ വെള്ളിയാഴ്ച്ച കുറച്ചു സംഭവങ്ങളുണ്ടായിരിക്കുകയാണ്‌. വേറൊന്നുമല്ല, ഞങ്ങൾ വീണ്ടും ഒരു വട്ടം കൂടി മീറ്റ് ചെയ്യുകയും, പടത്തിന്റെ എസ്റ്റിമേറ്റ് തയ്യാറാക്കുകയും ചെയ്തു. ചെറിയ ഒരു അഡ്വാൻസ് തുകയും ഏൽപ്പിച്ചിരിക്കുകയാണ്‌. അങ്ങനെ ഇന്നലെ മുതൽ സ്ക്രിപ്റ്റ് വർക്ക് ആരംഭിച്ചിരിക്കുന്നു.. ഈ സിനിമയുടെ ക്യാമറാമാൻ തന്നെയാണ്‌ തമിഴിലേക്ക് ട്രാൻസ്ലേറ്റ് ചെയ്യുന്നത്. ബഡ്ജറ്റ് അധികമില്ലാത്തതിനാൽ വളരെയേറെ ശ്രദ്ധിച്ചു വേണം ഓരോ വരിയും എഴുതാൻ. ആയതിനാൽ, ക്രിട്ടിക്കൽ മിസ്സിങ്ങ് പേഴ്സൺസ് എന്ന പേരിൽ ഞാൻ എഴുതിക്കൊണ്ടിരുന്ന നോവൽ, ഇനി ഇത് ഒരു തീരുമാനമാകുന്നതുവരെ, തുടരാനാകാത്ത സാഹചര്യമാണെന്ന് ഖേദപൂർവ്വം അറിയിച്ചുകൊള്ളട്ടെ. ആറു മാസമാണ്‌ എഗ്രിമെന്റ് കാലാവധി. അതിനു ശേഷവും ഒന്നും സംഭവിക്കുന്നില്ലെങ്കിൽ തിരിച്ചു വരാം എന്നു ഞാൻ ഉറപ്പു തരുന്നു. പലരോടും ഞാൻ, ബ്ലോക്ക് ആണെന്നൊക്കെ ഞാൻ പറഞ്ഞിരുന്നു. സത്യത്തിൽ ഇങ്ങനൊരു വിഷയമായതുകൊണ്ടാണ്‌ പറയാതിരുന്നത്. സിനിമയുടെ കാര്യമല്ലേ. ഒരിക്കലും നമുക്ക് മുൻകൂട്ടി പ്രവചിക്കാനാവില്ല. പിന്നെ, ഈ വക കാര്യങ്ങൾ ഒരു തീരുമാനമാകുന്നതിനു മുൻപ്, ഓൺലൈൻ ആയി പോസ്റ്റ് ചെയ്യുന്നതും ഒരു ശരിയായ നടപടിയല്ലല്ലോ. കണ്ണൂർകാരൻ 🥺🥺🥺🥺 #📔 കഥ #📙 നോവൽ #✍ തുടർക്കഥ #🧟 പ്രേതകഥകൾ! #🕵️‍♀️ കുറ്റാന്വേഷണ കഥകൾ