ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/63gjaBG?d=n&ui=v64j8rk&e1=cമന്ത്രകോടി :പാർട്ട്‌ -5🌺💚 ഭാമ അകത്തേക്ക് വരൂ ....... താൻ വിളിക്കാതെ അവൾ അകത്തേക്ക് കയറില്ലെന്ന് തോന്നിയതും അവൻ വാതിൽക്കലേക്ക് നോക്കി വിളിച്ചു . അത് കേട്ടതും പെട്ടന്നവൾ അകത്തേക്ക് കയറി വന്നു ..... ശേഷം കൈയിലിരുന്ന പാൽ ഗ്ലാസ്‌ അവൾ മേശമേൽ വച്ച് നന്ദന് നേരെ തിരിഞ്ഞു. ഭാമ ഇരിക്ക് ...... ഞാനിപ്പോ വരാം . അവൾ അത് കേട്ട് ഒന്ന് മൂളിയതും അവൻ അവളെ കടന്ന് ബാത്റൂമിലേക്കു പോയി . ഭാമയ്ക്ക് എന്ത് ചെയ്യണമെന്ന് അറിയില്ലായിരുന്നു ... അവൾ മെല്ലെ കട്ടിലിന്റെ ഒരു അരികിലേക്ക് ഇരുന്നു . 🌼🌼🌼🌼🌼 കുറച്ച് നിമിഷങ്ങൾ കഴിഞ്ഞിട്ടും നന്ദനെ കാണുന്നുണ്ടായിരുന്നില്ല . ബാത്റൂമിലേയ്ക്ക് ഒന്ന് ചെവിയോർത്തപ്പോൾ മനസ്സിലായി നന്ദൻ കുളിക്കുകയാണെന്ന് . കുറച്ച് നേരം ഇരുന്നു നോക്കി ....... രാവിലെ മുതലുള്ള നിൽപ്പും നടപ്പുമൊക്ക കൊണ്ടാകാണം ക്ഷീണം കൊണ്ട് കണ്ണടഞ്ഞു പോകുന്നുണ്ട് . കുറച്ച് മുന്നേ മേല് കഴുകി വസ്ത്രം മാറിയത് കൊണ്ട് പാതി ക്ഷീണം മാറിയിരുന്നു ....... പക്ഷേ ഇപ്പോ നന്നായി ഉറക്കം വരുന്നുണ്ട് . നിമിഷങ്ങൾ കഴിഞ്ഞിട്ടും അവനെ കാണാത്തതുകൊണ്ട് നന്ദൻ വരുമ്പോൾ എഴുന്നേൽക്കാമെന്ന് കരുതി അവൾ കട്ടിലിന്റെ അരികു ചേർന്ന് കിടന്നു . കണ്ണുകൾ ഒന്ന് ചിമ്മി അടച്ചതേ ഓർമ്മയുള്ളു നിമിഷങ്ങൾക്കകം അവൾ നിദ്രയിലേക്ക് വീണുപോയി . നന്ദൻ കുളിച്ചിറങ്ങുമ്പോ കട്ടിലിന്റെ അരികു ചേർന്ന് കിടക്കുന്ന ഭാമയെയാണ് കാണുന്നത് . അവൾ ഉറങ്ങിയെന്നത് അവളുടെ പതിഞ്ഞ ശ്വാസതാളം കണ്ടപ്പോൾ തന്നെ മനസ്സിലായി . അവൻ പതിയെ അലമാരക്ക് മുന്നിലേക്ക്‌ നടന്നു മേല് മൂടിയിരുന്ന ടൗവൽ മാറ്റി ഒരു ബനിയനെടുത്തിട്ടു . രാത്രി ഷർട്ടിട്ടുറങ്ങി ശീലമില്ല . പക്ഷേ ഭാമയുള്ളപ്പോൾ അത് ശെരിയല്ലന്നവന് തോന്നി . ഇന്നേ ദിവസത്തെ ക്ഷീണം കൊണ്ടാകാം അവൾ പെട്ടന്നുറങ്ങിപ്പോയത് ........ ഒന്ന് സംസാരിക്കണമെന്ന് വിചാരിച്ചിരുന്നു .... ഇനിയിപ്പോ നാളെയാകട്ടെ...... മനസ്സിൽ ചിന്തിച്ചു കൊണ്ട് അവൻ തിരിഞ്ഞു ജനാലക്കരികിലേക്ക് നടന്നു . പുറത്ത് നിന്നും നല്ലതണുത്ത കാറ്റ് വീശുന്നുണ്ട് . ജനാലക്കമ്പിയിൽ കൈ ചേർത്തവൻ പുറത്തേക്ക് നോക്കി വീശിയടിക്കുന്ന കാറ്റിന്റെ ശക്തികൊണ്ടാകണം തൊടിയിലെ മാവിന്റെ ചില്ലകൾ ആടിയുലയുന്നുണ്ട് . അതിലെ മാമ്പൂവിന്റെ മണമാകെ തണുത്ത കാറ്റിൽ ജാലകവും കടന്ന് ഉള്ളിലേക്ക് കയറി വരുന്നുണ്ട് ....... അവനൊരു ദീർഘ നിശ്വാസത്തോടെ ആ മണം ഉള്ളിലേക്കാവാഹിച്ചു . കുറച്ച് നേരം കൂടി പുറത്തേക്ക് നോക്കി നിന്നിട്ടവൻ ജനൽ പാളികൾ ചേർത്തടച്ചു . ശേഷം മുറിയുടെ വാതിലും കുറ്റി ചേർത്ത് കട്ടിലിനരികിലേക്ക് വന്നു . ഭാമ കട്ടിലിനറ്റം ചേർന്നാണ് നീങ്ങിക്കിടക്കുന്നത് തനിക്ക് നിവർന്നു കിടക്കാൻ ഇപ്പുറം ധാരാളമാണ് . അവൻ അലമാരയിൽ നിന്നൊരു പുതപ്പെടുത്ത് വന്ന ശേഷം കട്ടിലിലേക്ക് ഇരുന്നു . അവളെ ഒന്ന് നോക്കികൊണ്ട് തന്നെ ഒരരിറിലേക്ക് മലർന്ന് കിടന്നു . ഭാമ ഒരുവശം ചരിഞ്ഞാണ് കിടക്കുന്നത് ..... നിമിഷങ്ങൾ കൊണ്ട് തന്നെ അവൾ നിദ്രയിൽ ആഴ്ന്നു പോയിട്ടുണ്ട് . കുറച്ച് നേരം അങ്ങനെ കിടന്നതിനു ശേഷം അവൻ അവൾക്ക് നേരെ ചരിഞ്ഞു കിടന്നു . ശാന്തമായ്‌ ഉറങ്ങുന്ന ആ മുഖത്തേക്ക് ഒന്നവൻ നോക്കി ..... ട്യൂഷൻ സെന്ററിൽ വച്ച് ഭാമയെ എപ്പോഴും കാണാറുണ്ട് ..... കാണുമ്പോഴൊക്കെ പരസ്പരം ഒന്ന് പുഞ്ചിരിക്കാറുമുണ്ട് . അമ്മ ഇടക്കിടയ്ക്ക് പറയും നമ്മുടെ ട്യൂഷൻ സെന്ററിലെ ഭാമ നല്ലകുട്ടിയാണെന്ന് . അത് കേട്ടിരിക്കുമെങ്കിലും അഭിപ്രായമൊന്നും പറയാറില്ല . അമ്മയ്ക്ക് ഇഷ്ടം തോന്നുന്നവരെക്കുറിച്ച് അമ്മ നല്ലതുപറയാറുണ്ട് . പക്ഷേ ഭാമയെ ഏട്ടന് കല്യാണമാലോചിച്ചപ്പോഴാണ് അവളെ അത്രകാര്യമാണമ്മയ്ക്ക് എന്ന് മനസ്സിലായത് . പിന്നീട് കാണുമ്പോഴൊക്ക അവളോട്‌ എന്തെങ്കിലും സംസാരിക്കാറുമുണ്ട് . തന്റെ വയസ്സിന് ഇളയതാണെങ്കിലും ഏട്ടനെ വിവാഹം കഴിക്കുമ്പോൾ സ്ഥാനം കൊണ്ട് തനിക്കവൾ ഏട്ടത്തിയാണ് ...... ആ ബഹുമാനവും ഉണ്ടായിരുന്നു പിന്നീട് മിണ്ടുമ്പോൾ...... അപ്പോഴൊന്നും സ്വപ്നത്തിൽ പോലും വിചാരിച്ചിരുന്നില്ല ഇങ്ങനെയൊരു പ്രശ്നം നേരിടേണ്ടി വരുമെന്ന് ..... ഏട്ടന് വേണ്ടി പറഞ്ഞുവച്ചവൾ തന്റെ ഭാര്യയാകുമെന്ന്....... അവനൊരു ദീർഘ നിശ്വാസത്തോടെ ഓർത്തു . വിവാഹം മുടങ്ങുമെന്ന അവസ്ഥ വന്നപ്പോൾ ഭാമയെ വിവാഹം കഴിക്കാൻ നീ തയ്യാറാണോ എന്ന അമ്മയുടെ ചോദ്യത്തിൽ ആദ്യം പകച്ചു പോയിരുന്നു ...... ആവുന്നതും എതിർത്തു . പക്ഷേ അമ്മ ഒരേ തീരുമാനത്തിൽ തന്നെ നിന്നു . ഏട്ടൻ ചെയ്ത പ്രവർത്തിയിൽ നിലതെറ്റി നിൽക്കുന്ന അമ്മയോട് ഇനിയൊന്നും പറയാൻ വയ്യെന്നപോൽ ആണ് അന്ന് സമ്മതിച്ചത് . പകരം ഭാമയ്ക്ക് സമ്മതമെങ്കിൽ മാത്രമേ ഇത് നടക്കൂ എന്നും താൻ അമ്മയോട് പറഞ്ഞിരുന്നു . പക്ഷേ അപ്പോഴും ഒരുറപ്പുണ്ടായിരുന്നു ...... ഭാമ സമ്മതിക്കില്ലെന്ന് ...... അന്ന് രാത്രി അവളുടെ വീട്ടിലെത്തി സംസാരിക്കുന്നതു വരെയേ ആ വിശ്വാസം ഉണ്ടായിരുന്നുള്ളൂ ...... പിന്നീട് ആരോടും ഒന്നും പറയാൻ തോന്നിയില്ല ......... ഒരു കല്യാണത്തെക്കുറിച്ച് ചിന്തിക്കാതെ മനസ്സുകൊണ്ട് ഒരുങ്ങാതെ താലികെട്ടേണ്ടി വന്നതിന്റെയെല്ലാ നീരസവും തന്റെ ഉള്ളിലുണ്ട് . കഴിഞ്ഞ രണ്ട് ദിവസങ്ങളിൽ ഭാമയോട് ദേഷ്യമില്ലെങ്കിൽ പ്പോലും എന്തോ ഒരകൽച്ച മനസ്സിൽ തോന്നിയിരുന്നു ...... തന്റെ ഏട്ടൻ കാണിച്ച പ്രവർത്തിയിൽ നാണം കെടേണ്ടവളായിരുന്നു അവളും അമ്മയും താനുമെല്ലാം ....... സാഹചര്യങ്ങളെല്ലാം അറിഞ്ഞു വച്ചിട്ടും അവളോട്‌ ദേഷ്യത്തോടെ പെരുമാറുന്നത് ഒരിക്കലും ശെരിയല്ലന്നുമറിയാം ....... എങ്കിലും തന്റെ മനസ്സിൽ തോന്നിയ അകൽച്ച മാറാനും അംഗീകരിക്കാനും സമയമെടുത്തേക്കും. അവനൊരു നിശ്വാസത്താലെ മനസ്സിലോർത്തു ...... ശേഷം ഭാമയെ ഇമചിമ്മാതെ ഒന്നുകൂടി നോക്കി..... പതിഞ്ഞ ശ്വാസതാളത്തോടെ നിഷ്കളങ്കമായ മുഖത്തോടെ ഉറങ്ങുകയാണവൾ. അങ്ങനെ നോക്കി കിടക്കുമ്പോൾ അവൾക്കിന്നുവരെ കാണാത്ത ഒരു ഭംഗിയുണ്ടെന്ന് അവന് തോന്നി . എന്നാൽ ഈ നോട്ടം ശെരിയല്ലെന്ന തോന്നലിൽ പെട്ടന്നവൻ മുഖം തിരിച്ചു ..... ശേഷം കൈനീട്ടി ലൈറ്റ് ഓഫ്‌ ചെയ്തു .ടേബിൾ ലൈറ്റിന്റെ മഞ്ഞ വെളിച്ചം മാത്രം ആ റൂമിൽ നിറഞ്ഞു ...... ശേഷം ഉറക്കം വരുന്നില്ലെങ്കിലും പതിയെ കണ്ണുകളടച്ചു . ✨️✨️✨️✨️✨️✨️✨️✨️✨️✨️✨️✨️✨️ മുബൈ നഗരത്തിന്റെ വർണ്ണകാഴ്ചകളിൽ രാത്രിയെ പകലാക്കുന്ന തിക്കും തിരക്കും നിറഞ്ഞ നഗരത്തിൽ ........ തലയുയർത്തി നിൽക്കുന്ന എണ്ണിയാലൊടുങ്ങാത്ത ഫ്ലാറ്റ് സമുച്ഛയങ്ങൾ .... അതിലൊന്നിൽ ...... എല്ലാം മറന്ന് പരസ്പരം പുണർന്ന്....... കിടക്കയിൽ ഞെരിഞ്ഞമരുകയാണ് രണ്ട് നഗ്ന ശരീരങ്ങൾ ..... മഹി ........ വികാരങ്ങളുടെ വൻഉയർച്ചയിൽ അവനെ ചേർത്തു പിടിച്ചുകൊണ്ട് അവൾ വിളിച്ചു ...... മഹിയാ വിളി കേട്ടിരുന്നില്ല . അവനാകെ തളർന്നിരുന്നു ....... അവന്റെ ശരീരത്താകമാനം വിയർപ്പു തുള്ളികൾ ചാലിട്ടൊഴുകി യിറങ്ങിയിരുന്നു ....... കിതച്ചുകൊണ്ടാവൻ അവളുടെ മാറിലേക്ക് തലചേർത്തു ..... ഓഹ് ഷിറ്റ് ...... എന്തിനാ മഹി നിർത്തിയെ ...... ഞാൻ വല്ലാത്തൊരു ഫീലിൽ വരുവായിരുന്നു അവന്റെ ആ പ്രവർത്തിയിൽ അവളൊരു ഈർഷ്യയോടെ പറഞ്ഞു ..... മതി മെറിൻ ....... ഞാൻ ആകെ റ്റയേഡാണ് എത്രാമത്തെ പ്രാവശ്യമാണിത് . അവൻ കിതപ്പോടെ പറഞ്ഞു ...... അതുകേട്ടതും മെറിന്റെ മുഖത്തൊരു പുച്ഛഭാവം നിറഞ്ഞു . പക്ഷെ അവളതു പുറത്ത് കാണിക്കാതെ മനസ്സിലെ ദേഷ്യം അടക്കിപിടിച്ച് അവനെ തന്റെ ശരീരത്തിലേക്ക് ചേർത്ത് പിടിച്ചു ...... കുറച്ച് നേരം കഴിഞ്ഞതും അവനാകെ ശാന്തമായി ....... അവളുടെ മാറിൽ നിന്നും അടർന്ന് മാറിക്കിടന്നു ...... മനസ്സ് മുഴുവൻ മറ്റൊരു ലോകത്താണ് ...... തന്നിൽ നിന്നകന്ന് മാറിയവന്റെ മുഖം കണ്ടതും അവൾക്ക് മനസ്സിലായി ...... എന്താ മഹി ആലോചിക്കുന്നത് ?? പുതപ്പ് ദേഹത്തേക്ക് വലിച്ചിട്ട് ഏസിയുടെ തണുപ്പ് തടഞ്ഞു കൊണ്ടവൾ ചോദിച്ചു ? നാട്ടിൽ ഇന്ന് എന്തൊക്കെ പ്രശ്നങ്ങൾ ഉണ്ടായെന്ന് അറിയില്ല മെറിൻ ....... എല്ലാ വിവാഹങ്ങളും മുടങ്ങിക്കാണും . അമ്മയും നന്ദനും ............ അവൻ ഒരോർമ്മയിൽ പറഞ്ഞു നിർത്തി ..... ഓഹ് ...... ഒന്ന് നിർത്ത് മഹി..... എത്രാമത്തെ തവണയാ ഈ കാര്യം പറയുന്നത് ...... ഞാനടുത്തുള്ളപ്പോഴും ഒരമ്മയും നന്ദനും ...... ഇത്ര സങ്കടമാണെങ്കിൽ നിനക്ക് അവിടെ തന്നെ നിന്നാൽ പോരായിരുന്നോ ? എന്തിനാ ഇങ്ങോട്ട് വന്നത് ദേഷ്യം കലർന്നൊരു ചോദ്യത്തോടെയവൾ ചോദിച്ചു ..... അങ്ങനെയല്ല മെറിൻ ...... എങ്ങനെയായാലും......... കേൾക്കുന്നതിന് ഒരു ലിമിറ്റില്ലേ ...... നമ്മളിങ്ങോട്ട് വന്നത് മാക്സിമം എൻജോയ് ചെയ്യാനാണ് ...... അതിനിടയിലേക്ക് മറ്റുള്ളവരെ ക്കുറിച്ച് ചിന്തിച് ഈ മൂഡ് നശിപ്പിക്കരുത് നീ . അവളൊരു താക്കീതോടെ പറഞ്ഞു നിർത്തി ...... ✨️✨️✨️✨️✨️✨️✨️✨️✨️✨️✨️✨️ ഓരോന്ന് ചിന്തിച്ചു കിടന്ന് ഒരുപാട് വൈകിയാണ് നന്ദൻ ഉറങ്ങിയത് ...... നേരം പുലരാറായതും വൃശ്ചിക മാസത്തിന്റെ സൂചികുത്തും തണുപ്പ് മുറിക്കുള്ളിലേക്ക് കയറി വന്നു ....... നന്ദൻ ഇന്നലെ കിടന്നിടത്തു തന്നെയാണ് കിടക്കുന്നതെങ്കിലും ...... ഇന്നുവരെ അറിയാത്തൊരു സുഖമുള്ളൊരു ചൂടിൽ ഭാമ നന്ദനരികിലേക്ക് നീങ്ങി നീങ്ങി വന്നു ...... ഉറക്കത്തിലെപ്പോഴോ അവളുടെ വലതുകരം അവന്റെ വയറിലൂടെ ചുറ്റപ്പെടുകയും ചെയ്തു .......... തുടരും... 💚🌺 ലൈക് ചെയ്ത് അഭിപ്രായങ്ങൾ എഴുതണേ ....... കണ്ണൂർകാരൻ ❤️❤️❤️❤️ #📔 കഥ #💞 പ്രണയകഥകൾ #📙 നോവൽ #✍ തുടർക്കഥ #📚 ട്വിസ്റ്റ് കഥകൾ