ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aKA7g7d?d=n&ui=v64j8rk&e1=cPart 3 ഒരു ചെറുപ്പക്കാരനാണ്. നിതാര കരുതി, കൂടെയുള്ള യമുന എന്ന സ്ത്രീയെ തിരക്കിയാണ് അയാൾ വന്നതെന്ന്. നിതാര മുന്നോട്ടു നടന്നു. നിതാര നിൽക്ക്, ഞാൻ തന്നെ കാണാനാണ് വന്നത്. അയാൾ അവളുടെ പിന്നാലെ എത്തി. എന്താ...?? അവൾ ചോദിച്ചു ഞാൻ വിഷ്ണു, നന്ദലാലിന്റെ സുഹൃത്താണ്. അവനെപ്പോഴും നിതാരയുടെ കാര്യം പറയാറുണ്ടായിരുന്നു. അവൾ അയാളുടെ മുഖത്തേക്ക് നോക്കി. നന്ദു എന്നോട് പറഞ്ഞിട്ടുണ്ട് നിതാര അപ. ക.ട. ത്തിൽ ആണെന്ന്. നിങ്ങൾ എന്തൊക്കെയാണ് ഈ പറയുന്നത് ?? അവൾ ഒന്നും മനസ്സിലാവാതെ അയാളെ നോക്കി. എനിക്ക് ആരുമായും ശത്രുതയില്ല പിന്നെ എന്നെയാര് അ.പ.ക.ടത്തിൽ പെടുത്താനാണ് ??അവൾ ചോദിച്ചു. കൂടുതൽ ഒന്നും ഇപ്പോൾ പറയാൻ പറ്റില്ല. നിതാര സൂക്ഷിക്കണം,വളരെയധികം സൂക്ഷിക്കണം... അവൾ അത് ഗൗനിക്കാതെ മുന്നോട്ട് നടന്നു. ഇയാൾ ആരാണെന്ന് പോലും തനിക്കറിയില്ല. അല്ലെങ്കിൽ തന്നെ ഇങ്ങനെയൊരു സുഹൃത്തുള്ള കാര്യം നന്ദു ഒരിക്കലും തന്നോട് പറഞ്ഞിട്ടില്ല. ഇത് നന്ദുവിന്റെ സുഹൃത്ത് ഒന്നുമായിരിക്കില്ല. അവൾ തിരിഞ്ഞു നോക്കാതെ മുന്നോട്ട് നടന്നു യമുന നിതാരയുടെ ഒപ്പം എത്തി. കുട്ടി... അത് ആരാ ?? യമുന ചോദിച്ചു. എനിക്കറിയില്ല. കൂടുതലൊന്നും സംസാരിക്കാൻ ഇഷ്ടമില്ലാത്ത വിധത്തിൽ നിതാര നടന്നു. യമുനക്ക് മനസ്സിലായി തന്നോട് സംസാരിക്കാനും, തനിക്കൊപ്പം നടക്കാനും അവൾക്കിഷ്ടമല്ല എന്ന്. അല്ലെങ്കിലും ഏത് സ്ത്രീകൾക്കാണ് തന്നോട് ഇഷ്ടം തോന്നുക. അവരുടെ കണ്ണുകളിൽ ഏറ്റവും മോശപ്പെട്ട ഒരു സ്ത്രീയാണല്ലോ താൻ. സാരമില്ല തന്റെ വിധി ഇങ്ങനെയാണ്. തനിക്കു തന്റെ മകൻ ഉണ്ട് അത് മതി. അവൾ അമ്പാടിയെ കൂടുതൽ ചേർത്ത് പിടിച്ചു 💐💐💐💐💐💐 രാവിലെ റൂമിൽ ഇരിക്കുകയായിരുന്ന നിതാരയുടെ അരികിലേക്ക് അച്ഛൻ വന്നു. മോളെ വരൂ..ബ്രേക്ക്ഫാസ്റ്റ് കഴിക്കാം. എനിക്ക് വേണ്ട. ഇനിയും ഇങ്ങനെ വിഷമിച്ചിരിക്കരുത് അച്ഛന് അത് താങ്ങാനാവില്ല. വാ മോളെ അയാൾ വീണ്ടുമവളെ നിർബന്ധിച്ചു. അവൾ അയാൾക്കൊപ്പം ഭക്ഷണം കഴിക്കാനായി പോയി മൗനമായിരുന്നവൾ ഭക്ഷണം കഴിച്ചെഴുന്നേറ്റു. ഈ മടുപ്പിക്കുന്ന ഏകാന്തതയിൽ നിന്നും ഒരു മോചനം കിട്ടിയേ പറ്റൂ. അവൾ പുറത്തേക്കിറങ്ങി. കുറച്ചു മുന്നിലേക്ക് നടന്നപ്പോൾ യമുനയുടെ വീട്ടുമുറ്റത്ത് നിന്ന് പൂക്കൾ പറിച്ച് കളിക്കുന്നഅമ്പാടിയെ കണ്ടു. ചേച്ചി എവിടെ പോവാ...??അവൻ അവളെ കണ്ടു വിളിച്ചു ചോദിച്ചു. എവിടേക്കും ഇല്ല അമ്പാടി. മുട്ടായി വേണോ, അവൻ വായിൽ കിടന്ന മിഠായി എടുത്തു കാണിച്ചു. വേണ്ട, അവൾ ചിരിയോടെ പറഞ്ഞു. മോനേ അമ്മ പറഞ്ഞിട്ടില്ലേ പൂക്കൾ പറിക്കരുതെന്ന്, പൂക്കൾ കാണാനുള്ളതല്ലേ. യമുന വന്നു കുട്ടിയെ എടുത്തു. അപ്പോഴാണ് യമുന നിതാരയെ കണ്ടത്. എങ്ങോട്ട് പോകുന്നു അവൾ ചോദിച്ചു. വെറുതെ ടൗണിലേക്ക് ഇറങ്ങിയതാ.. നിതാര പറഞ്ഞു. വരുമ്പോൾ മുട്ടായി വാങ്ങി വരണേ അമ്പാടി പറഞ്ഞു. ചേച്ചി വരുമ്പോൾ കൊണ്ടുവരാം കേട്ടോ അവൾ പറഞ്ഞു. അത് കേട്ടപ്പോൾ അവന്റെ മുഖം തെളിഞ്ഞു. അവൾ കുറേ മുന്നോട്ടു നടന്നപ്പോഴാണ് അയാൾ വീണ്ടും വന്നത്. നന്ദുവിന്റെ സുഹൃത്താണെന്ന് പറഞ്ഞ് വന്ന വിഷ്ണു എന്ന ആൾ. അവൾ അയാളെ കാണാത്ത ഭാവത്തിൽ മുന്നോട്ടു നടന്നു. നിതാര എനിക്ക് പറയാനുള്ളത് ഒന്ന് കേട്ടിട്ട് പോ. അയാൾ പറഞ്ഞു. എന്താ പറയാനുള്ളത്?? അവൾ ഗൗരവത്തോടെ ചോദിച്ചു. നിതാരാ... താൻ ഇവിടെ നിൽക്കുന്ന ഓരോ നിമിഷവും അപ.ക.ടം പിടിച്ചതാണ് എത്രയും വേഗം അമ്മയുടെ അടുത്തേക്ക് തിരികെ പോകണം. ഇങ്ങനെയൊരു കാര്യം പറഞ്ഞുകൊണ്ട് മേലിൽ എന്നെ കാണാൻ വരരുത്.അവൾ അയാളോട് ദേഷ്യപ്പെട്ടു. നിതാര നീ സൂക്ഷിക്കണം, നന്ദു എന്നോട് പറയാറുണ്ടായിരുന്നു, നീ അ.പ.കടത്തിൽ ആണെന്ന്. പക്ഷേ അവന് നിന്നെ കാണാൻ പറ്റിയില്ലല്ലോ. നിന്നോട് നന്ദു എന്തെങ്കിലും പറഞ്ഞിട്ടുണ്ടാകും എന്നുള്ള ഭയമാണ് അവർക്ക്. ആർക്ക്??? നിങ്ങൾ എന്തൊക്കെയാ പറയുന്നത്. നോക്ക് നന്ദുവിന് എന്നോട് പ്രത്യേകിച്ച് ഒന്നും പറയാനില്ലായിരുന്നു. എന്നോട് എന്തെങ്കിലും പറയാനുണ്ടെങ്കിൽ നന്ദു പറയുമായിരുന്നു. എന്നും ഞങ്ങൾ ഫോണിൽ സംസാരിക്കാറുള്ളതല്ലേ അങ്ങനെയുള്ള നന്ദുവിന് എന്നോട് എന്ത് പറയാനാണ്?? നിന്നോട് ഫോണിൽ പറയാനാവാത്ത കാര്യങ്ങളാണ് നന്ദുവിന് പറയാനുണ്ടായിരുന്നത്. എന്റെ നന്ദുവിനെ എനിക്കറിയാവുന്നതുപോലെ മറ്റാർക്കും അറിയില്ലല്ലോ. നിതാര ഒന്ന് വിശ്വാസിക്ക് അവന്റെ മരണം വെള്ളത്തിൽ മുങ്ങിയ സ്വാഭാവിക മ.രണം ആയിരിക്കില്ല എനിക്ക് ഉറപ്പാണ്. എല്ലാവരോടും സ്നേഹത്തോടെ മാത്രം പെരുമാറുന്ന നന്ദുവിന് എവിടെയാണ് ശത്രുക്കൾ ?? പിന്നെ അതൊരു സ്വാഭാവിക മ. രണമാണെന്ന് പോസ്റ്റ്.മോ.ർട്ടം റിപ്പോർട്ടുണ്ടല്ലോ. പിന്നെ എന്തിനാണ് ഇങ്ങനെ നുണ പറഞ്ഞു കൊണ്ടുവരുന്നത്. ഇനിമേലിൽ എന്റെ അടുത്തേക്ക് വരരുത്. അയാളുടെ മറുപടിക്ക് കാത്തു നിൽക്കാതെ അവൾ മുന്നോട്ടു തന്നെ നടന്നു. ടൗണിൽ പോയി കുറച്ച് സാധനങ്ങളൊക്കെ വാങ്ങി തിരികെ പോരും മുമ്പ് അമ്പാടിക്ക് കുറച്ച് ചോക്ലേറ്റ് വാങ്ങി. അവൾ തിരികെ വരുമ്പോൾ വീടിന്റെ ഉമ്മറത്ത് അമ്പാടിയിരുപ്പുണ്ട്. അവളെ കണ്ടതും അവൻ ഓടി വന്നു. നിതാര ചോക്ലേറ്റ് കൊടുത്തപ്പോൾ അവൻ തുള്ളിച്ചാടി. എന്തിനാ നിതാരാ ഇതൊക്കെ വാങ്ങിയത് യമുന ചോദിച്ചു. ആ സ്ത്രീയോട് നിതാരക്ക് വലിയ മതിപ്പൊന്നും ഉണ്ടായിരുന്നില്ല.അവൾക്ക് ആ സ്ത്രീയോട് മിണ്ടുന്നതുമിഷ്ട്ടമില്ലായിരുന്നു. എങ്കിലും ഒരു പരിഭവവുമില്ലാതെ യമുന അവളോട്‌ സംസാരിക്കാറുണ്ട്. അവൾ വീട്ടിലെത്തി. ഇനിയും ഇങ്ങനെ ഓരോന്നും ചിന്തിച് ഇരുന്നാൽ തനിക്ക്‌ ഭ്രാ. ന്തായിപ്പോകും. അവൾ മൊബൈൽഫോൺ എടുത്തു. സോഷ്യൽ മീഡിയയിൽ ഒക്കെ ഒന്ന് കയറി നോക്കണം. കുറെ ദിവസങ്ങളായി എല്ലാം ഒന്നു നോക്കിയിട്ട്. അവൾ ഫോണെടുത്ത് നോക്കിയപ്പോൾ കണ്ട വീഡിയോ കണ്ട് നടുങ്ങിപ്പോയി. നന്ദുവിന്റെ സുഹൃത്താണെന്ന് പറഞ്ഞ് തന്നെ കാണാൻ വന്ന ആളെ ഏതോ വാഹനം ഇടിച്ചിട്ടിട്ട് നിർത്താതെ പോയിരിക്കുന്നു. അയാൾ തെറിച്ച് വീണിടത്ത് ര. ക്തം ഒഴുകി പടർത്തിരിക്കുന്നു. ഒരുപാട് ആളുകൾ ആ വീഡിയോ ഷെയർ ചെയ്തിട്ടുണ്ട് പലരും ആദരാഞ്ജലി പോസ്റ്റുകൾ ഇടുന്നത് കണ്ടപ്പോൾ അവൾ പേടിച്ചുപോയി. അവളുടെ ഉള്ളിൽ ഒരുതരം ഭയം നിറഞ്ഞു. ഇനി അയാൾ തന്നോട് പറഞ്ഞതൊക്കെ സത്യമായിരിക്കുമോ?? അവൾ പലതും ചിന്തിച്ചു കൊണ്ടിരുന്നു നന്ദുവിന് വെള്ളം ഭയങ്കര പേടിയാണ് സ്വിമ്മിങ് പൂളിൽ പോലും നീന്തില്ല. അങ്ങനെയുള്ള ഒരാൾ പുഴയുടെ അടുത്തേക്ക് പോകുമോ?? താൻ അവിടെ കാത്തിരിക്കുമ്പോൾ തന്നെ കാണാനായി ഓടി വരികയല്ലേ ചെയ്യൂ. പുഴയിലേക്ക് ഇറങ്ങുമോ ?? ശരിയാണല്ലോ താൻ എന്തുകൊണ്ടാണ് അങ്ങനെ ഒന്നും നേരത്തെ ചിന്തിക്കാത്തത് ?? താൻ വളരെയേറെ സൂക്ഷിക്കണം എന്നല്ലേ അയാൾ പറഞ്ഞത്. അതിനർത്ഥം തന്നെയും ആരോ കൊ. ല ചെയ്യുമെന്നല്ലേ?? പക്ഷേ ആര്? അവൾക്ക് ഭയം തോന്നി. 💚💚💚💚 തുടരും. (ബാക്കി പതിനൊന്നു മണിക്ക് ഇടും ട്ടോ ) കണ്ണൂർകാരൻ ❤️❤️❤️❤️ #📔 കഥ #📚 ട്വിസ്റ്റ് കഥകൾ #📙 നോവൽ #✍ തുടർക്കഥ #💞 പ്രണയകഥകൾ