ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aj6azrb?d=n&ui=v64j8rk&e1=c28ശില്പ ഭർത്താവിനൊപ്പം ഡൽഹിയിലാണ്, അവളുടെ അച്ഛനും അമ്മയും അവരോടൊപ്പം അവിടെയാണ്, അതുകൊണ്ടുതന്നെ അവരുടെ വീട് വെറുതെ കിടക്കുകയാണ് ശിൽപ്പയോടു സമ്മതം മേടിച്ച് ഡാനി അവരുടെ ഔട്ട്‌ ഹൗസിൽ താമസം തുടങ്ങി. അവിടെയാകുമ്പോൾ നിതാരയെ കുറച്ചുകൂടി ശ്രദ്ധിക്കാൻ കഴിയും. എല്ലാം അതിന്റെ അവസാനത്തിലേക്ക് എത്തുകയാണ്. എല്ലാം കലങ്ങി തെളിയാനുള്ള സമയമായിരിക്കുന്നു. പെട്ടെന്ന് അയാളുടെ ഫോൺ ശബ്ദിച്ചു. അയാൾ ഫോൺ എടുത്തു നോക്കി പരിചയം ഇല്ലാത്ത നമ്പർ ആണ് അയാൾ അറ്റൻഡ് ചെയ്തു. ഹലോ ഡാനി ഞാൻ യമുനയാണ്. എന്താ ചേച്ചീ... ഞാൻ അമ്പാടിയെ എന്റെ വീട്ടിൽ കൊണ്ട് ചെന്നാക്കി. അവിടെ ഇളയമ്മയും എന്റെ അനിയനും അവനെ നന്നായി നോക്കുമെന്നെനിക്കറിയാം. ഞാൻ അയാളുടെ അടുത്തേക്ക് പോവുകയാണ് ഡാനി, അയാളുടെ അവസാനം എന്റെ കൈ കൊണ്ടായിരിക്കണം. ചേച്ചീ.... ഡാനി ഞെട്ടലോടെ വിളിച്ചു. ഞാൻ മരിച്ചു പോയാൽ എന്റെ മകനെ ഇടയ്ക്കൊക്കെ ഒന്ന് പോയി അന്വേഷിക്കണെ ഡാനി അവനെ തിരക്കി ചെല്ലാൻ ആരെങ്കിലുമൊക്കെ ഉണ്ടെന്ന് അവൻ വിചാരിച്ചോട്ടെ... അരുത് ചേച്ചി ഇപ്പോൾ അങ്ങോട്ട് ഒറ്റയ്ക്ക് പോകുന്നതപകടമാണ്, ഞാൻ പറയുന്നതുപോലെ ചേച്ചി കേൾക്കണം, ചേച്ചി അങ്ങോട്ട് പോകരുത്, പോയാൽ ചേച്ചിയുടെ ജീവൻ തന്നെ അപകടത്തിലാകും. അല്പം കൂടി കാത്തിരുന്നാൽ നമ്മൾക്ക് പൂർണ്ണമായി അയാളുടെ പതനം കാണാൻ സാധിക്കും. ഇല്ല ഡാനി, ഇനിയും വൈകാൻ പാടില്ല. ചേച്ചി പ്ലീസ്... അല്പം കൂടി കാത്തിരിക്കണം. ഞാനല്ലേ പറയുന്നത് ദയവായി പറയുന്നതൊന്ന് അനുസരിക്കൂ.. പ്ലീസ്... ശരി. ചേച്ചി ഒരു കാര്യം ചെയ്യൂ... മറ്റാരുടെയും കണ്ണിൽപ്പെടാതെ ഇവിടെ ശിൽപ്പയുടെ വീട്ടിലേക്ക് വരൂ.. ഞാൻ ഇവിടെയുണ്ട്. വരാം... യമുന ഡാനി പറഞ്ഞതുപോലെ ശില്പയുടെ വീടിന്റെ ഔട്ട് ഹൗസിനരികിലേക്ക് ചെന്നു . ആരെങ്കിലും തന്നെ ശ്രദ്ധിക്കുമോ എന്ന് അവൾക്ക് ഭയം ഉണ്ടായിരുന്നു. എങ്കിലും യമുന അതിവേഗം ശില്പയുടെ വീട്ടിലേക്ക് ചെന്നു യമുനയെ അകത്തേക്ക് കയറ്റിയിട്ട് ഡാനി വേഗം വാതിൽ ചേർത്ത് അടച്ചു ചേച്ചിയെ ആരെങ്കിലും കണ്ടായിരുന്നോ?? അവൻ ചോദിച്ചു ഇല്ല.. ഞാൻ മാസ്ക് വച്ചിട്ടുണ്ടായിരുന്നു. പിന്നെ സാരിത്തുമ്പ് തലയിലൂടെ ഇട്ട് ഇങ്ങ് പോന്നു. എടുത്തുചാടി എന്തെങ്കിലും ചെയ്തിട്ട് കാര്യമില്ല ചേച്ചി . ബുദ്ധിപരമായി എന്തെങ്കിലും ചെയ്തിട്ടെ അതുകൊണ്ട് കാര്യമുള്ളൂ... ഇനിയും ഇങ്ങനെ വൈകിക്കുന്നതിൽ ഒരു കാര്യവുമില്ല, എത്രയും പെട്ടെന്ന് കാര്യങ്ങൾക്ക് തീർപ്പ് കൽപ്പിക്കണം, അല്ലെങ്കിൽ ആർക്കും ഇവിടെ സമാധാനത്തോടെ ജീവിക്കാൻ കഴിയില്ല ഡാനി. ശത്രുവിനെ കീഴടക്കാൻ ബുദ്ധി കൂടി പ്രയോഗിക്കണം ചേച്ചി, എല്ലാത്തിനും ഒടുവിൽ നമ്മൾ ജീവിച്ചിരിക്കണം ചേച്ചി അകത്തേക്ക് ചെല്ലു.. എനിക്ക് ഒന്ന് രണ്ട് കാര്യങ്ങൾ ചെയ്ത് തീർക്കാനുണ്ട്. ഞാൻ മടങ്ങിവരും വരെ വാതിൽ തുറക്കരുത് അയാൾ അവിടെ നിന്നിറങ്ങി. ഫോണെടുത്ത് നിതാരയെ വിളിച്ചു എന്താ ഡാനി..?? ഇന്ന് വൈകുന്നേരം തനിക്ക് അമ്പലത്തിൽ വരാൻ പറ്റുമോ എനിക്ക് കുറച്ചു കാര്യങ്ങൾ പറയാനുണ്ട് അയാൾ പറഞ്ഞു. ശരി ഡാനി, ഞാൻ വരാം. അവൾ സമ്മതിച്ചു നിതാരയോട് കാര്യങ്ങൾ തുറന്നു പറയാനുള്ള സമയമായി. വൈകുന്നേരം നിതാര കുളിച്ച്‌ സെറ്റ് സാരിയുടുത്ത്, മുടി കുളിപിന്നൽ ഇട്ടു. ചുവന്ന പൊട്ടുതൊട്ടു. കണ്ണാടിയിൽ നോക്കിയപ്പോൾ ഒരു നാടൻ പെൺകുട്ടിയെ പോലെ സുന്ദരിയാണ് താനെന്നവൾക്ക് തോന്നി. ഡാനി തന്നെ കാണാൻ വരുമെന്ന് പറഞ്ഞപ്പോൾ മുതൽ ഉള്ളിന്റെയുള്ളിൽ ഒരുതരം തണുപ്പരിച്ചിറങ്ങുന്നത് പോലെ.. എന്താണെന്നറിയില്ല, തന്നെ സ്നേഹിക്കാൻ ഈ ലോകത്തിൽ ഇപ്പോൾ ഡാനി മാത്രമേയുള്ളൂ.. തനിക്ക് അയാളോട്പ്രണയമാണോ?? അപ്പോൾ തന്റെ നന്ദു.. അവനെ താൻ മറന്നോ?? ഇല്ല..തനിക്ക് ഒരിക്കലും അവനെ മറക്കാനാവില്ല. തന്റെ ഹൃദയമാകെ അവൻ ഇങ്ങനെ നിറഞ്ഞു നിൽക്കുകയാണ്. ഈ ജന്മം മുഴുവൻ അങ്ങനെ തന്നെയായിരിക്കുകയും ചെയ്യും. പക്ഷേ ഞാനൊരു സാധാരണ പെണ്‍കുട്ടിയാണ്. സ്നേഹം കൊതിക്കുന്ന ഒരു സാധാരണ പെണ്‍കുട്ടി. അച്ഛനും അമ്മയും തന്റെ കുട്ടിക്കാലത്ത് തന്നെ അകന്നത് കൊണ്ട് അവരിൽ നിന്നും മതിയായ സ്നേഹമൊന്നും തനിക്ക് കിട്ടിയിരുന്നില്ല. തനിക്ക് സ്നേഹം കിട്ടിയത് നന്ദുവിൽ നിന്നും മാത്രമായിരുന്നു, അതുകൊണ്ടാണ് അയാൾ തന്റെ പ്രാണനായത്... പക്ഷെ, താൻ അ.പ.ക.ടത്തിൽപ്പെട്ട ദിവസം മുതൽതനിക്ക്‌ കാവലായി ഡാനി ഉണ്ട്, തന്റെ ഏതു സങ്കടങ്ങൾക്കും അയാളുടെ കയ്യിൽ പരിഹാരമുണ്ട് അയാളും തന്നെ പോലെ ഈ ഭൂമിയിൽ തനിച്ചായി പോയവനാണ്.. സ്നേഹിക്കാൻ ആരുമില്ലാത്ത, കാത്തിരിക്കാൻ ആരുമില്ലാത്ത,ഒരു പാവം മനുഷ്യൻ... നന്ദൂ... ഞാൻ അയാളെ അല്പം സ്നേഹിച്ചു തുടങ്ങി, നീ ഏതെങ്കിലും ലോകത്തിലിരുന്ന് എന്നെ അറിയുന്നുണ്ടോ നന്ദു?? അറിയുന്നുണ്ടെങ്കിൽ പറ... ഞാൻ എന്താ ചെയ്യേണ്ടത്?? ആരോരുമില്ലാത്ത ആ പാവത്തിനെ ഞാൻ കൂടെ കൂട്ടട്ടെ നന്ദു ?? ആരുമില്ല എനിക്ക് പറഞ്ഞു തരാൻ നീ ആയിരുന്നില്ലേ...എന്റെ എല്ലാം. അവളുടെ കണ്ണുകൾ നിറഞ്ഞു. വൈകുന്നേരം അവൾ അമ്പലത്തിലേക്ക് ചെന്നു. അയാൾ അമ്പലത്തിൽ തൊഴുതു കൊണ്ട് നിൽപ്പുണ്ടായിരുന്നു ആഹാ... നിങ്ങൾ ക്രി.സ്.ത്യാ.നികൾക്ക് ഞങ്ങളുടെ അമ്പലത്തിൽ എന്താ കാര്യം?? നിതാര കുറുമ്പോടെ ചോദിച്ചു. അത് ഞാനും ഭഗവാനും തമ്മിലുള്ള ഒരു അഡ്ജസ്റ്റ്മെന്റാണ്.ഡാനി പറഞ്ഞു ഇതാരെ കാണിക്കാനാ ഈ സാരിയൊക്കെ ഉടുത്ത് ഒരുങ്ങിക്കെട്ടി വന്നിരിക്കുന്നത് ഇന്നൊരു കോന്തൻ എന്നെ കാണാൻ വരുന്നുണ്ടെന്ന് പറഞ്ഞായിരുന്നു. ഇയാൾക്ക് അല്ലേലും കോന്തന്മാരെയെ കിട്ടൂ ഡാനി പറഞ്ഞു. അവൾ ചിരിച്ചു. നിതാരാ ഞാൻ മറ്റൊരു കാര്യം പറയാനാണ് വരാൻ പറഞ്ഞത്. അയാളുടെ ശബ്ദം ഗൗരവത്തിലായി എന്താ... ഇവിടെ വെച്ച് പറയാൻ പറ്റില്ല.വേഗം തൊഴുതിട്ട് ആൽമരത്തിന്റെ അരികിലേക്ക് വരൂ.. അവൾ വേഗം തൊഴുതിറങ്ങി. അയാൾ അല്പം നേരം കൂടി ശ്രീകോവിലിനു മുന്നിൽ തൊഴുതു നിന്നു. ഭഗവാനെ... ഇതൊരു യുദ്ധമാണ്. നന്മയും തിന്മയും തമ്മിലുള്ള യുദ്ധം. നിതാരയോട് ഇന്നെല്ലാം തുറന്നു പറയാൻ പോവുകയാണ്. നിതാരയുടെ മനസ്സിന് ബലം കൊടുക്കണം.അവൾ എന്റെ ജീവനാണ് അവളെ കാത്തോളണം.പകരം മറ്റൊരു ജീവൻ വേണമെങ്കിൽ എന്റെ ജീവനെ എടുക്കാവൂ.. അയാൾ പുറത്തേക്കിറങ്ങി ആൽമരത്തിനടുത്തേക്ക് ചെന്നു അവൾ ആൽത്തറയിൽ കയറിയിരിക്കുകയാണ് അവളെ കണ്ടാൽ ദേവതയെ പോലെ തോന്നും. അയാളുടെ ഉള്ളം ആർദ്രമായി. അവൾ അയാളെ തന്നെ നോക്കിയിരിക്കുകയാണ്, അയാൾ പെട്ടെന്ന് മിഴികൾ മാറ്റി അവളെ നോക്കുമ്പോഴെല്ലാം ഉള്ളം പിടയ്ക്കുന്നു. അയാൾ അവളുടെ തൊട്ടു മുൻപിൽ എത്തി. അവളുടെ കണ്ണുകൾ അയാളുടെ മുഖത്താണ്. അവളുടെ കരിമിഴിയിലേക്ക് നോക്കി നിന്നപ്പോൾ അയാൾ പരിസരം മറന്നു.. മഷിയെഴുതിയ ആ കണ്ണുകളിലെ ഭാവം എന്താണ് അയാൾക്ക് നോട്ടം മാറ്റാൻ തോന്നിയില്ല. ഡാനി അവൾ പതിയെ വിളിച്ചു. പെട്ടെന്ന് അയാൾ നോട്ടം മാറ്റി എനിക്ക് തന്നോട് ഒരു കാര്യം പറയാനുണ്ടായിരുന്നു ഡാനിക്ക് പറയാനുള്ളത് ഞാൻ കേൾക്കാം, പക്ഷേ അതിനു മുൻപ് എനിക്ക് മറ്റൊരു കാര്യം പറയാനുണ്ട്. എന്താ?? അയാൾ ചോദിച്ചു. ഡാനിക്ക് ഞാൻ ആരാണ്?? എന്റെ നല്ലൊരു സുഹൃത്ത് ശരിക്കും എന്നെ സുഹൃത്തായിട്ട് തന്നെയാണോ കാണുന്നത്?? അതെന്താ അങ്ങനെയല്ലെന്ന് നിതാരയ്ക്ക് തോന്നിയോ?? എന്നെ ത.ട്ടി. ക്കൊ.ണ്ടുപോയി പാർപ്പിച്ച ആ വീട്ടിൽ നിന്നും എന്നെ രക്ഷിക്കാൻ ഡാനി വേണ്ടിവന്നു . അന്ന് മുതൽ ഇന്നോളം ഉണ്ടായ എന്റെ എല്ലാ പ്രശ്നങ്ങൾക്കും ഒപ്പം നിൽക്കാൻ ഡാനി കൂടെ ഉണ്ടായിരുന്നു. ഞാനും ഡാനിയേ പോലെ തന്നെയാണ് എനിക്കും ആരുമില്ല. നിതാരക്ക് അച്ഛനും അമ്മയും ഇല്ലേ?? പക്ഷേ അവരാരും എന്നെ ഞാൻ ആഗ്രഹിക്കുന്നത് പോലെ സ്നേഹിച്ചിട്ടില്ല. ഞാനെന്നും ഏകയായിരുന്നു. അച്ഛൻ എപ്പോഴും ബിസിനസ്സിന്റെ പിറകെ, അമ്മ വിദേശത്ത്. വളരെയേറെ ഒറ്റപ്പെട്ടതുപോലെയായിരുന്നു എന്റെ ജീവിതം ആദ്യമായി സ്നേഹം നിറയെ തന്നത് നന്ദുവായിരുന്നു അവൻ എന്നെ ഒരുപാട് സ്നേഹ ിച്ചു കരുതലോടെ കൊണ്ടുനടന്നു. പക്ഷേ ദൈവത്തിന് ഞങ്ങളുടെ സ്നേഹം ഇഷ്ടമില്ലായിരുന്നു. അതുകൊണ്ട് അവനെ എന്നേക്കുമായി എന്നിൽ നിന്നും തട്ടിയെടുത്തു. ഞാൻ പറയാതെ തന്നെ ഡാനിക്കറിയാമല്ലോ സ്നേഹത്തിനായി കൊതിക്കുന്നവരുടെ മനസ്സ്. ഡാനിയും അങ്ങനെയൊരാൾ ആണല്ലോ?? നിതാര എന്താണ് ഉദ്ദേശിക്കുന്നത്?? അത് ഡാനിക്ക് ഇനിയും മനസ്സിലായില്ലെങ്കിൽ എനിക്കൊന്നും പറയാനില്ല. അവൾ പോകാനായി തിരിഞ്ഞതും അയാൾ അവളുടെ കൈകളിൽ പിടിച്ചു നിർത്തി. നിതാര, ഞാൻ വേരറ്റു നിൽക്കുന്ന മരമാണ് ചെറിയൊരു കാറ്റിൽ പോലും നിലം പതിച്ചേക്കാം. അങ്ങനെയുള്ള ഞാൻ എങ്ങനെയാണ്..... അയാൾ ബാക്കി പറയുവാനാകാതെ നിന്നു. ഇല്ല വേരറ്റു പോയിട്ടൊന്നുമില്ല. ഒരുപാട് പേരുടെ ജീവൻ രക്ഷിച്ച ആളല്ലേ, എന്റെ ജീവൻ, നന്ദനയുടെ, യമുന ചേച്ചിയുടെയും അമ്പാടിയുടെയും, ശില്പയുടെ, അങ്ങനെ എത്രയെത്ര ആളുകളുടെ ജീവിതം കരുതലോടെ നടന്നവനാണ് നിങ്ങൾ. അങ്ങനെയുള്ള ആൾ നിലം പതിക്കില്ലെന്ന് എനിക്ക് ഉറപ്പാണ്. നിതാരാ...എന്നെപ്പോലെ ഒരു ഗുണ്ടയെ അല്ല നീ മോഹിക്കേണ്ടത്, നിന്നെ ഒരുപാട് സൗഭാഗ്യങ്ങൾ കാത്തിരിപ്പുണ്ട്. നീ ഒത്തിരി കാലം ഈ ഭൂമിയിൽ സന്തോഷത്തോടെ ജീവിക്കണം, എനിക്കത് കാണാനാണ് ആഗ്രഹം അയാൾ പറഞ്ഞു. ഞാൻ സന്തോഷത്തോടെ ഇരിക്കണമെങ്കിൽ ഡാനി കൂടെ ഉണ്ടാവണം. ഇല്ല നിതാരാ, ഞാൻ കൊള്ളില്ല. അവൾ പെട്ടെന്ന് അയാളെ കെട്ടിപ്പിടിച്ചു. അയാളുടെ ഹൃദയം പെരുമ്പറ കൊട്ടുന്നത് അവൾ തിരിച്ചറിഞ്ഞു. ഈ ഹൃദയം മൊഴിയുന്നത് നിതാര എന്നാണ് അവൾ മെല്ലെ പറഞ്ഞു. നിതാരാ ആളുകൾ വരും, മാറി നിൽക്ക് അയാൾ പറഞ്ഞു. നിതാരാ അയാളിൽ നിന്നും അകന്നു മാറി. അയാളെ വിറയ്ക്കുന്നുണ്ട്. ഇത്രയും ഭയമോ?? എന്തിനാണ് ഇങ്ങനെ ഭയക്കുന്നത്?? എനിക്ക് സ്നേഹത്തിനെ ഭയമാണ്. ഞാൻ സ്നേഹിച്ചവരെയെല്ലാം അടർത്തിമാറ്റിയിട്ടേയുള്ളു കാലം.. അയാളുടെ കവിളുകൾ വിറക്കുന്നു നിതാരാ അയാളുടെ കൈകളിൽ പിടിച്ച്‌, ആ വിരലുകളിൽ അമർത്തി ചുംബിച്ചു. എനിക്ക് സ്നേഹിക്കാൻ ഈ മനുഷ്യനെ മതി, ഞാൻ ചത്തുപോകും മുമ്പ് താനെങ്കിലും എന്നെയൊന്ന് സ്നേഹിക്കടോ, അവൾ ചിരിയോടെ പറഞ്ഞു. അതൊക്കെ പോട്ടെ, എന്താ ഡാനി എന്നോട് സംസാരിക്കാൻ ഉണ്ടെന്ന് പറഞ്ഞത്?? നമ്മൾ, കാണാമറയത്തിരുന്ന ആ ശത്രുവിനെ കണ്ടെത്തി. ആരാണത്?? പറയാം. നമ്മൾ എത്ര അന്വേഷിച്ചാലും ആളെ കണ്ടെത്താൻ കഴിയുമായിരുന്നില്ല. അയാളെ കണ്ടെത്താൻ സഹായിച്ചത് യമുന ചേച്ചിയാണ്. യമുന ചേച്ചിയോ?? അതെ, ചേച്ചിയുടെ ജീവിതം തകർത്തതിന് പിന്നിലും അയാളാണ്. അയാളോടൊപ്പം സുഖമായി ജീവിക്കാം എന്ന് കരുതി അയാളെ പൂർണമായും വിശ്വസിച്ച ഒരു പാവമാണ് യമുന ചേച്ചി. പക്ഷേ അയാൾ മുന്നേ വിവാഹിതനായിരുന്നു എന്ന കാര്യം യമുന ചേച്ചിക്ക് അറിയില്ലായിരുന്നു. യമുന ചേച്ചിയുടെ സൗന്ദര്യം അയാൾ അയാളുടെ ബിസിനസ് പാർട്ണേഴ്സിന് പങ്കുവച്ചു അയാൾ തന്നെ ചതിക്കുകയായിരുന്നു എന്ന് മനസ്സിലായപ്പോൾ യമുന ചേച്ചി തകർന്നുപോയി അയാളുടെ കൂട്ടാളികളായ വമ്പൻമാർക്ക് കാഴ്ച വയ്ക്കാനുള്ള ഒരാൾ മാത്രമായിരുന്നു ചേച്ചി. അവരെ വെച്ച് അയാൾ തന്റെ ബിസിനസുകൾ വളർത്തി, കോടികൾ സമ്പാദിച്ചു നീണ്ട പതിനഞ്ചു വർഷങ്ങൾ യമുന ചേച്ചിയെ ഒരു പരിഗണനയും കൂടാതെ വമ്പൻമാർക്ക് കാഴ്ച വച്ചു. പക്ഷേ എങ്ങനെയോ ചതി പറ്റി അയാൾ സമ്പാദിച്ചത് ഒക്കെ അയാൾക്ക് നഷ്ടപ്പെട്ടു. അയാൾ വീണ്ടും ഒന്നിൽ നിന്നും തുടങ്ങി, അങ്ങനെയാണ് എളുപ്പത്തിൽ പണക്കാരനാകാനുള്ള തന്ത്രം അയാൾ കണ്ടെത്തിയത്. അയാൾ പെ.ൺ.കു. ട്ടികളെ ക.ട.ത്തി.ക്കൊണ്ടു പോകുവാൻ ആളുകളെ നിയോഗിച്ചു. അവരെ സെ.ക്.സ് വ.ർ.ക്കിന്‌ ഉപയോഗിച്ച് അവരുടെ സൗന്ദര്യം മങ്ങി കഴിഞ്ഞാൽ ഒരു ദയയും ഇല്ലാതെ അവരുടെ ആ.ന്ത.രിka അ.വ ya വങ്ങൾ എടുക്കും. ശേഷം ജ. ഡം ചാരമാക്കും, ഒരു തെളിവ് പോലും അവശേഷിപ്പിക്കില്ല. എല്ലാം കേട്ട് നിതാര നടുങ്ങി തരിച്ചു നിൽക്കുകയാണ്. തീർന്നില്ല... അപ്പോഴേക്കും യമുന ചേച്ചി നാല്പതുകളിലെത്തി. ഇതിനിടയിൽ പ്രതീക്ഷിക്കാതെ അയാളിൽ നിന്നും ചേച്ചി പ്രഗ്നന്റ് ആയി, അയാളുടെ കുഞ്ഞിന് ചേച്ചി ജന്മം നൽകി അയാളുടെ കുഞ്ഞിന് ജന്മം നൽകിയത് കൊണ്ടായിരിക്കാം, അയാൾ ചേച്ചിയെ ഈ നാട്ടിലേക്ക് കൊണ്ടുവന്നു. സ്വന്തം നാട്ടിൽ അയാൾക്ക് കാണാവുന്ന ദൂരത്തിൽ, അയാൾ അവളെയും കുഞ്ഞിനെയും താമസിപ്പിച്ചു. കഷ്ടകാലം കഴിഞ്ഞുവെന്ന് യമുന ചേച്ചി വിചാരിച്ചു. പക്ഷേ നൽപ്പതുകളിലും നറസൗന്ദര്യമുള്ള യമുന ചേച്ചിയെ തേടി അയാളുടെ ബിസിനസ് പങ്കാളികളായ പല വമ്പന്മാരും വന്നു. പെ. ൺ.കു.ട്ടി.കളെ പിടിച്ചുകൊണ്ടുപോകുന്നത് അയാളുടെ സുഹൃത്തുക്കൾക്ക് വേണ്ടി മാത്രമാണെന്നാണ് ചേച്ചി മനസ്സിലാക്കിയിരുന്നത്. എന്നാൽ അങ്ങനെയല്ല എന്നറിഞ്ഞത് ഒരുപാട് വൈകിയാണ്. അയാളുടെ കുഞ്ഞിനെ സ്ത്രീ എന്ന നിലയിൽ ആയിരിക്കണം, യമുന ചേച്ചി അയാളെ ചോദ്യം ചെയ്തു. അതോടെ അയാൾ ചേച്ചിയെ കൊ.ല.പ്പെ.ടു.ത്താൻ ആളെ ഏർപ്പാടാക്കി പണത്തിനോട് അത്രയേറെയുള്ള അയാളെ നീ അറിയും നിതാര. നിതാര അപ്പോൾ ആലോചിച്ചത് താൻ പഠനം പൂർത്തിയാക്കി വിദേശത്ത് നിന്നും വന്ന ആദ്യത്തെ ദിവസമാണ് അന്ന് അച്ഛന്റെ തന്നോട് പറഞ്ഞിരുന്നു, അയൽവക്കത്ത് ഒരു പി.ഴ ച്ച സ്ത്രീ താമസിക്കുന്നുണ്ടെന്ന്, അങ്ങോട്ടൊന്നും പോയേക്കരുതെന്ന്. അവരോട് താൻ സംസാരിക്കാതിരിക്കാൻ വേണ്ടി അച്ഛൻ തന്നെ മനപൂർവ്വം അകറ്റിയതായിരുന്നോ?? അങ്ങോട്ട് പോകരുതെന്ന് പറഞ്ഞതിന് പിന്നിൽ കൃത്യമായ കാരണങ്ങൾ ഉണ്ടായിരുന്നില്ലേ?? നിതാര....ഈ വൈകിയ വേളയിലെങ്കിലും നീ അറിയണം അതാരാണെന്ന്. നിതാര ഞെട്ടലോടെ മുഖമുയർത്തി ഡാനിയെ നോക്കി. ഡാനി... അത് എന്റെ അച്ഛനാണോ?? നിതാരയുടെ കണ്ണുകൾ നിറഞ്ഞൊഴുകി. പറ ഡാനി... എന്റെ അച്ഛനാണോ?? 💚💚💚💚 തുടരും. കണ്ണൂർകാരൻ 🥰🥰🥰🥰 #📚 ട്വിസ്റ്റ് കഥകൾ #📔 കഥ #📙 നോവൽ #💞 പ്രണയകഥകൾ #✍ തുടർക്കഥ