ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/61D1ZpG?d=n&ui=v64j8rk&e1=cശിക്ഷാർഹം - പാർട്ട് 23 ഡെയ്സി സ്തബ്ധയായിപ്പോയിരുന്നു. എന്താണ് നടന്നതെന്നു പോലും മനസ്സിലാകാതെ അവൾ ആൽബിയെ തുറിച്ചു നോക്കി നിന്നു. “പോകാം നമുക്ക് ? ” ആൽബി അവളുടെ മുഖത്തേക്കു തന്നെ തറച്ചു നോക്കിക്കൊണ്ട് ചോദിച്ചു. “വാട്ട് ദ ഹെൽ ഈസ് ഗോയിങ്ങ് ഓൺ ആൽബി ? ? ” അയാൾ അന്നു വരെ കേട്ടിട്ടില്ലാത്ത ഒരു ടോണിലായിരുന്നു അവളുടെ ചോദ്യം. “വ്യക്തമായി ഞാൻ പറഞ്ഞു തന്നില്ലേ ? ” ആൽബി പുഞ്ചിരിച്ചു. “മലയാളത്തിൽ ഒരു പ്രാവശ്യം കൂടി പറയണോ ? ” “ഓൺ വാട്ട് ഗ്രൗണ്ട്സ് ? എന്തു തെളിവാ ഉള്ളത് തന്റെ കയ്യിൽ ? ” അസാമാന്യ ഗൗരവം കൈവരിച്ചിരിക്കുന്നു അവളുടെ സ്വരമിപ്പോൾ. “സീ... നിങ്ങളുടെ കാറിന്റെ വീഡിയോ ദൃശ്യങ്ങൾ. അത് നിങ്ങളുടെ കാറാണെന്ന് തെളിയിക്കുന്ന വിവരങ്ങൾ.നമ്പർ പ്ലേറ്റും, നിങ്ങളുടെ കമ്പനിയുടെ പേരുമടക്കം വളരെ വ്യക്തമായി ഞങ്ങൾക്കതു കിട്ടിയിട്ടുണ്ട് ഡെയ്സി. പിന്നെ ആ മരിച്ച വ്യക്തി അനന്തരാമയ്യർ...ഞാൻ ഇന്നലെ നിന്നോട് ചോദിച്ചതല്ലേ ഇതൊരു പ്ലാൻഡ് മർഡറാണോ എന്ന് ? നമ്മൾ തമ്മിൽ ഇത്രയും അടുപ്പമുണ്ടായിട്ടും നീയത് മറച്ചു വെച്ചു. ശരിയല്ലേ ? ” “നമ്പർ പ്ലേറ്റ് നോക്കിയപ്പോൾ കാർ എന്റേതാണെന്നാണോ കണ്ടത് ? ” അവളുടെ കണ്ണുകൾ കുറുകി വന്നു. “നിങ്ങളെന്താ ആൽബി എന്നെപ്പറ്റി കരുതിയിരിക്കുന്നത് ? ” “എക്സാക്റ്റ്ലി! ! ” ആൽബിയുടെ മുഖത്തൊരു ചിരി വിടർന്നു. “ഞാൻ നിന്നെപ്പറ്റി കരുതിയിരുന്നത് എന്തായിരുന്നു ? യഥാർത്ഥത്തിലുള്ള നീ ആരാണ് ? എനിക്കതാണറിയേണ്ടത്.“ ”അൺകഫ് മീ ആൽബി! “ അവൾ വിലങ്ങണിയിച്ച കൈകൾ അയാൾക്കു നേരേ നീട്ടി ഒരു ആജ്ഞയുടെ സ്വരത്തിലാണത് പറഞ്ഞത്. ”ഇതൊരു സൈക്കളോജിക്കൽ ഡ്രാമയാണെന്നെനിക്കു മനസ്സിലാകും. ആൽബി ഒറ്റക്ക്, വനിതാ പോലീസില്ലാതെ ഈ വൈകിയ നേരത്ത് ഒരു സ്ത്രീയെ അറസ്റ്റ് ചെയ്യാൻ വരുമെന്നു കരുതാൻ മാത്രം വിഡ്ഢിയല്ല ഞാൻ.“ ആൽബി ഉറക്കെ ചിരിച്ചു. ”പൊതുവായുള്ള ഒരു തെറ്റിദ്ധാരണയാണ് കേട്ടോ. ഞാനൊരു സർക്കിൾ ഇൻസ്പെക്ടറാണ്. പിന്നെ ഇതൊരു മർഡർ കേസ് കൂടിയാണ്‌.കുറ്റവാളി രക്ഷപ്പെടാൻ സാധ്യതയുണ്ടെന്ന് ഞാൻ മജിസ്ട്രേറ്റിനെ അറിയിച്ച് സ്പെഷ്യൽ പെർമിഷനോടെയാണ് ഇറങ്ങിപ്പുറപ്പെട്ടത് ഡെയ്സി. സോ... വനിതാ പോലീസിനെ വിട്ടേക്കൂ. പിന്നെ, ഒരാളെ അറസ്റ്റ് ചെയ്യുമ്പൊ ഉള്ള പ്രോട്ടോക്കോൾസ്. അതൊക്കെ എനിക്ക് സ്റ്റേഷനിലെത്തിച്ചിട്ടായാലും ചെയ്യാവുന്നതേയുള്ളൂ.“ ”സോ... യൂ ആർ സീരിയസ്! എന്നെയും കൊണ്ട്പോകാൻ തന്നെയാണ് പുറപ്പാട്. അല്ലേ ? “ ”ഐ ആം ഡെഡ് സീരിയസ് ഡെയ്സി! ഇന്ന് ഞാനിത് ചെയ്തില്ലെങ്കിൽ നാളെ ഈ മർഡറിന്റേയും ഉത്തരവാദിത്തം എന്റെ തലയിലാകും.എനിക്ക് നാളെ രാവിലെ എന്റെ മേലുദ്യോഗസ്ഥരോട് സമാധാനം പറഞ്ഞേ ഒക്കൂ." ഡെയ്സി നിശബ്ദയായി. പതിയെ തല ചെരിഞ്ഞു വന്നു. മുഖത്തൊരു പുഞ്ചിരി വിടർന്നു. സഹതാപം കലർന്ന ഒരു പുഞ്ചിരി. "വരൂ. " ആൽബി അവളുടെ കൈത്തണ്ടയിൽ കടന്നു പിടിച്ചു. "ആൽബി..." ആ വിളിയിൽ അവളുടെ പുഞ്ചിരിയും കലർന്നിരുന്നു. "എന്തിനാ ആൽബീ ഈ നാടകം ? നിനക്കിനിയും എന്താണ് വേണ്ടത് ? ഒരു പെണ്ണിന് തരാവുന്നതിന്റെ പരമാവധി ഞാൻ തന്നില്ലേ നിനക്ക് ? " അവളുടെ 'നീ' എന്ന സംബോധന ഒരു ചെറു നടുക്കത്തോടെയാണ് ആൽബി കേട്ടത്. "നിന്റെയീ മിസറബിൾ ലൈഫിൽ എന്നെങ്കിലും നീ ഇതുപോലൊരു സെക്സ് ആസ്വദിച്ചിട്ടുണ്ടോ ? എന്നെപ്പോലൊരു പെണ്ണിനെ തൊടാനെങ്കിലും കിട്ടിയിട്ടുണ്ടോ നിനക്ക് ? " "സോ ? " ആൽബിയുടെ മുഖം കലുഷിതമായി. "നിന്റെ കൂടെ ഒന്നു കിടന്നാൽ പിന്നെ നീ എന്തു ചെയ്താലും അതിന് കൂട്ടുനിൽക്കണം എന്നാണോ ? " "എന്നല്ല. നിനക്ക് നിന്റെ ഇഷ്ടം പോലെ ചെയ്യാം. പക്ഷേ എന്തൊക്കെ ചെയ്താലും അതുകൊണ്ടുണ്ടാകാൻ സാധ്യതയുള്ള കോൺസിക്വൻസസ് നേരിടാൻ തയ്യാറായിരിക്കണമെന്ന് മാത്രം. " ആൽബി ശ്രദ്ധാലുവായി. ഇനി അവൾ പറയാൻ പോകുന്നതാണയാൾക്ക് കേൾക്കണ്ടത്. "അൺകഫ് മീ ആൽബി. ഇനി ഒരിക്കലും നിനക്കു ഞാനൊരു ചാൻസ് തരില്ല. " അവളുടെ സ്വരം ശാന്തമെങ്കിലും മുഖഭാവം, ആൽബി സംഭരിച്ചു വെച്ചിരിക്കുന്ന സകല ധൈര്യവും ചോർത്തിക്കളയാൻ പോന്നതായിരുന്നു. "ഹാൻഡ്കഫ്സ് ഞാൻ അഴിക്കാം ഡെയ്സി. ഒരേ ഒരു കണ്ടീഷൻ. നീ എന്നോടെല്ലാം തുറന്നു പറയണം. ആരാണു നീ ? എന്താണ് മിനിഞാന്നു രാത്രിയിലുണ്ടായത് ? അനന്തരാമയ്യർ എങ്ങനെ കൊല്ലപ്പെട്ടു ? എല്ലാമെല്ലാം തുറന്നു പറയൂ. ഈ വിലങ്ങഴിക്കുന്നതു മാത്രമല്ല. എന്തെങ്കിലും മാർഗ്ഗമുണ്ടെങ്കിൽ നമുക്ക് ഇതിനൊരു പരിഹാരവുമുണ്ടാക്കാം. സമ്മതമാണോ ? " "അൺകഫ് മീ. ബാക്കി ഞാൻ എന്നിട്ട് പറയാം. " വല്ലാത്ത നിശ്ചയദാർഢ്യമായിരുന്നു അവളുടെ സ്വരത്തിന്. താൻ ഉദ്ദേശിച്ചത്ര എളുപ്പത്തിൽ കീഴടങ്ങുന്ന ഒരുവളല്ല ഇതെന്ന് ആൽബി തിരിച്ചറിഞ്ഞ നിമിഷമായിരുന്നു അത്. ഇത്രയൊക്കെ കേട്ടിട്ടും അവൾക്ക് യാതൊരു കുലുക്കവുമില്ല. അയാൾ പോക്കറ്റിൽ നിന്ന് വിലങ്ങു തുറക്കാനുള്ള കീ പുറത്തെടുത്തു. "ഐ റിയലി ലൈക്ക്ഡ് യൂ ആൽബി. " അവൻ അവളെ സ്വതന്ത്രയാക്കുന്ന സമയത്ത് ഡെയ്സി പിറുപിറുത്തു. "നിനക്കറിയില്ല ഡെയ്സിയെ. എന്നെ കയ്യാമം വെച്ച ഒരു പോലീസ് ഓഫീസർ ഇനി അതിന്റെ കോൺസിക്വൻസസ് അനുഭവിച്ചേ മതിയാകൂ. " ആൽബി വിലങ്ങ് പോക്കറ്റിലിട്ടുകൊണ്ട് നിവർന്നു. "കേട്ടോളൂ…”ഒരു ദീർഘനിശ്വാസത്തോടെ അവൾ തുടർന്നു. കൊന്നതാ ഞാനവനെ. ആ നന്ദികെട്ട നായയെ! എന്നെക്കൊണ്ടാകും വിധം ഞാനത് ഒഴിവാക്കാൻ ശ്രമിച്ചതാണ്. പക്ഷേ അവൻ സമ്മതിച്ചില്ല. ചാവാൻ തന്നെയായിരുന്നു അവന്റെ വിധി. " "ഡെയ്സി! " ആൽബിയുടെ സ്വരം വിറച്ചു. "അതിനെക്കാൾ വലിയ നന്ദികേടാണ് നീ എന്നോട് കാട്ടിയത് ആൽബി! യൂ ഫക്ക്ഡ് മീ മാൻ! എല്ലാ അർത്ഥത്തിലും! " "എനിക്കൊന്നേ അറിയേണ്ടൂ ഡെയ്സി...ഇതിനായിരുന്നോ നീ ഞാനുമായി അടുത്തത് ? ഈ കൊലപാതകത്തിനുള്ള പ്ലാനിംഗിന്റെ ഭാഗമായിരുന്നോ അതും ? " "നോ" അവളിൽ നിന്നും ഒരു ദീർഘനിശ്വാസമുയർന്നു. "ഞാൻ പറഞ്ഞല്ലോ. എനിക്കൊത്തിരി ഇഷ്ടമായിരുന്നു ആൽബിയെ. ഐ റിയലി വാണ്ടഡ് യൂ. സത്യം പറഞ്ഞാൽ നിന്റെ വൈഫിനെ എങ്ങനെയെങ്കിലും ഒഴിവാക്കി നിന്നെ സ്വന്തമാക്കണമെന്നുവരെ ഞാൻ ആഗ്രഹിച്ചിരുന്നു" അവൾ തിരിഞ്ഞ് വീടിനകത്തേക്ക് നടന്നു. ആൽബിക്ക് പിന്തുടരുകയേ മാർഗ്ഗമുണ്ടായിരുന്നുള്ളൂ നേരേ അവൾ ബാറിനെ ലക്ഷ്യമാക്കിയാണ് നടന്നത്. അവനെ ഒന്ന് ശ്രദ്ധിക്കുക പോലും ചെയ്യാതെ അപ്പുറത്തേക്ക് കടന്ന ഡെയ്സി ഏറ്റവും മുകളിലെ ഷെൽഫിൽ നിന്നും ഒരു ബോട്ടിൽ എടുത്ത് അതിന്റെ കോർക്ക് കടിച്ചു തുറന്ന് നേരേ ചൂണ്ടോട് ചേർത്ത് ഒന്ന് സിപ്പ് ചെയ്തു. "ആൽബി... ഞാനെല്ലാം ഭംഗിയായി പ്ലാൻ ചെയ്തതാണ്. നിനക്കൊരിക്കലും ഒരു ബുദ്ധിമുട്ടും വരാത്ത വിധം. ഒരൽപ്പമൊന്ന് ശ്രദ്ധിച്ചാൽ ഇനിയും നമുക്കിത് ഭംഗിയായി ഊരിയെടുക്കാനാകും. ആ സീ സീ ടീ വി വീഡിയോസ് ആൽബിയുടെ കസ്റ്റഡിയിലല്ലേ ? " അയാൾ മറുപടിയൊന്നും പറഞ്ഞില്ല. "എന്നാലും അതെങ്ങനെ കിട്ടി നിങ്ങൾക്ക് ? കള്ളം പറഞ്ഞതാണോ ആൽബി ? ഒരു ക്യാമറ പോലുമില്ലാത്ത ഏരിയ നോക്കിയാണ് ഞാൻ... " "മെഴ്സിഡസ് ബെൻസ് കാറാണ് നിന്നെ ചതിച്ചത്. ആരുടെയും ശ്രദ്ധയിൽ പെടാതെ അങ്ങനെ ഒരു കാറിന് അതിലേ കടന്നു പോകാനാകുമോ ? " "ഉം..." അവൾ ആലോചനയോടെ ഒരു പ്രാവശ്യം കൂടി ആ കുപ്പി വായിലേക്ക് കമിഴ്ത്തി. പക്ഷേ ഇപ്രാവശ്യം കുറച്ചധികം അകത്തായി. വെള്ളം ചേർക്കാത്ത വിസ്കി വളരെ ബുദ്ധിമുട്ടിയാണ് അവൾ കുടിച്ചിറക്കിയത്. അതോടെ സാഹസം അവസാനിപ്പിച്ച് അവൾ രണ്ട് ഗ്ലാസ്സുകളെടുത്ത് അതിലേക്ക് മദ്യം പകർന്ന് കൗണ്ടറിനടിയിലെ ഫ്രിഡ്ജിൽ നിന്ന് വലിയ രണ്ട് ഐസ് കഷണങ്ങൾ പെറുക്കിയിട്ടു. "ആൽബി കഴിക്ക്..." ഒരു ഗ്ലാസ്സ് ആ കൗണ്ടറിലൂടെ അവനു നേരേ ഒഴുകി വന്നു. "എനിക്കു വേണ്ട! " താഴെ വീഴും മുൻപ് ആൽബി ആ ഗ്ലാസ്സ് തടുത്തു നിർത്തി. "കഴിക്കെഡോ ആൽബി. ബാക്കി എനിക്ക് പറയാനുള്ളതൊക്കെ കേൾക്കണമെങ്കിൽ താൻ ഒരൽപ്പം കഴിച്ചേ ഒക്കൂ. " ഡെയ്സി ഗ്ലാസ്സ് ചുണ്ടോടു ചേർത്തു. നിശബ്ദത. കുറേ നേരത്തേക്ക് ആ അസ്വസ്ഥത നിറഞ്ഞ നിശ്ബ്ദത അവിടെ തങ്ങി നിന്നു. ഒടുവിൽ ആൽബി സംസാരിച്ചു തുടങ്ങി. ഗ്ലാസ്സ് കാലിയാക്കിയിരുന്നു അയാൾ. "ഞാൻ ഒരു വെറും മനുഷ്യനായിപ്പോയി ഡെയ്സി. അതാണെനിക്ക് പറ്റിയത്. ഒരു പോലീസുകാരനെപ്പോലെ ചിന്തിക്കേണ്ടിടത്തെല്ലാം ഞാൻ ഒരു ദുർബ്ബലനായ വെറും മനുഷ്യനായി മാറിപ്പോയി. നിന്നെപ്പോലൊരു പെണ്ണ് എന്തിനും തയ്യാറായി ഇറങ്ങിപ്പുറപ്പെടുമ്പോൾ നീ പണ്ട് പറഞ്ഞതു പോലെ എന്റെ തലക്കുള്ളിലെ ബ്രെയിൻ പണിമുടക്കിക്കളഞ്ഞു. പകരം ..." "നിനക്കെന്തറിയാം ആൽബി ? നിന്റെ ഈ ബലഹീനതകൾ നന്നായി അറിയാവുന്നകൊണ്ടല്ലേ നിന്നെത്തന്നെ ഞങ്ങൾ തേടിപ്പിടിച്ചത് ? " ആൽബി ഞെട്ടി മുഖമുയർത്തി. "ഒരുമിച്ച് നിന്നിരുന്നെങ്കിൽ നമുക്ക് നേടാനാകാത്തതായി ഒന്നുമില്ലായിരുന്നു ആൽബി. സെക്സ് ഒക്കെ വെറും ബോണസ് മാത്രം. അതിനെക്കാളൊക്കെ ഉപരി നിനക്ക് ഈ കാണുന്നതിന്റെയെല്ലാം ഒരു പങ്കു കിട്ടിയേനെ. " അവൾ ചുറ്റും ചൂണ്ടിക്കാണിച്ചു. "പക്ഷേ നമുക്ക് രണ്ടു കൂട്ടർക്കും കണക്കുകൂട്ടലുകൾ പിഴച്ചു. ആരും പ്രതീക്ഷിക്കാത്ത ഒരു പുതിയ കഥാപാത്രം പ്രത്യക്ഷപ്പെട്ടു. എല്ലാം തകിടം മറിക്കാൻ പോന്ന ഒരുത്തൻ. അതൊന്നും പോരാതെ ആർത്തി പിടിച്ച് ഒരു അനന്തരാമയ്യരും. ഇനിയിപ്പൊ ഓരോ പ്രശ്നങ്ങളായി നമുക്ക് ഒഴിവാക്കി ക്ലീനാക്കി കൊണ്ടുവരണം. അധികം സമയമെടുക്കാനും പറ്റില്ല.” “അപ്പൊ ഞാൻ കരുതിയിരുന്നതു തന്നെ. ഇതിനു വേണ്ടി മാത്രമാണ് നീ എന്റെ കൂടെ കിടന്നത്. മനസ്സിലായി. " ആൽബിയുടെ കണ്ണുകൾ അവളെ അടിമുടി ഒന്നുഴിഞ്ഞു. "പക്ഷേ ലാഭം എനിക്കുതന്നെയായിരുന്നു. അത് നീ മറക്കണ്ട! " "ലാഭം..." ഡെയ്സി ഉറക്കെയൊന്നു ചിരിച്ചു. "ആണുങ്ങൾക്കിതൊക്കെയാണ് ലാഭം. ആൽബി. അതുകൊണ്ടു തന്നെ നിന്നെയൊക്കെ പറ്റിക്കാനും എളുപ്പമാണ്. ഒന്ന് തുറന്നു കാണിച്ചാൽ... ഒന്ന് കെട്ടിപ്പിടിച്ച് ശരീരമനക്കിയാൽ... നിനക്കൊക്കെ അതൊരു വലിയ ലാഭമായി. പക്ഷേ ചെറിയ ആ ലാഭം കൊണ്ട് നിനക്കുണ്ടായ നഷ്ടമെന്താണെന്ന് നീ ചിന്തിച്ചിട്ടുണ്ടോ ആൽബി ? " "അത്രേ ഉണ്ടായിരുന്നല്ലേ ഡെയ്സി ? ഒന്ന് കെട്ടിപ്പിടിച്ച് ശരീരമനക്കി. അത്രേ ഉണ്ടായുള്ളല്ലേ ? " അവന്റെ മുഖത്ത് അവജ്ഞ നിഴലിച്ചു. "എന്തായാലും നീ പറഞ്ഞ് തീർക്ക്. എന്തിനായിരുന്നു ഇതൊക്കെ ? ആരാ നിന്റെയൊക്കെ പിന്നിൽ ? " "അതറിയാനല്ലായിരുന്നോ ആ അറസ്റ്റ് നാടകം ? " ഡെയ്സി വീണ്ടും പൊട്ടിച്ചിരിച്ചു. പക്ഷേ ആ ചിരി നിലച്ചപ്പോൾ അവളുടെ കണ്ണുകളിൽ മിന്നിമറഞ്ഞ ഭയം അയാൾക്ക് ശ്രദ്ധിക്കാതിരിക്കാനായില്ല. "ആൽബിക്ക് എന്തൊക്കെ സംശയങ്ങളുണ്ട് ? ചോദിച്ചോളൂ. ഞാൻ നോക്കട്ടെ. എന്തൊക്കെ അറിഞ്ഞു താൻ ? " "ഡെയ്സിക്ക് എന്റെ ഹെൽപ്പ് വേണോ ? എങ്കിൽ ഇനി ഈ ആറ്റിറ്റിയൂഡ് ഉപേക്ഷിച്ച് മര്യാദക്ക് എന്തൊക്കെയാണിവിടെ നടക്കുന്നതെന്ന് വ്യക്തമായി പറഞ്ഞു തരൂ. " ആൽബി ഗൗരവം വീണ്ടെടുത്തു. "ഇവിടെ നടന്നത് ഒരു മണ്ടത്തരമായിരുന്നു ആൽബി. പെട്ടെന്നു തോന്നിയ ദേഷ്യം. മദ്യലഹരിയിൽ തോന്നിയ ഒരവിവേകം. ഒന്നുമല്ലാതിരുന്ന ... വെറുമൊരു പുഴുവിനെപ്പോലെ എന്റെ കാല്ക്കീഴിൽ പറ്റിച്ചേർന്നു കിടന്നിരുന്ന ഒരുത്തൻ പെട്ടെന്ന് ആളാകാൻ നോക്കിയപ്പോൾ എനിക്ക് സഹിച്ചില്ല. എന്നെ നശിപ്പിച്ചു കളയാമെന്ന് അവനൊരു തോന്നൽ ഉണ്ടായതു തന്നെ അവന്റെ അവസാനത്തിനായിരുന്നു.“ ”അനന്തരാമയ്യരുടെ കാര്യമാണോ ഈ പറയുന്നത് ? “ ”യെസ്! എന്റെ അക്കൗണ്ടന്റായിരുന്നു അവൻ. കഴിഞ്ഞ 5 കൊല്ലമായി.“ ”അതിനർത്ഥം, നിന്റെ ബിസിനസ്സിൽ സാമ്പർത്തിക ക്രമക്കേടുകളുണ്ടായിരുന്നു. മിസ്റ്റർ അയ്യർ അത് വെളിയിൽ വിടുമെന്നു തോന്നിയപ്പോൾ നീ അയാളെ-“ ഡെയ്സി ഒന്നും മിണ്ടാതെ തല കുമ്പിട്ടിരുന്നു. “പറയൂ ഡെയ്സി! ” ആൽബി ചോദ്യമാവർത്തിച്ചു. അപ്പോൾ അവളുടെ ഗൗണിന്റെ പോക്കറ്റിൽ കിടന്ന് ഫോൺ വൈബ്രേറ്റ് ചെയ്യുന്ന ശബ്ദം കേട്ടു. “ഒരു മിനിറ്റ് ആൽബി.” അവൾ ആ ഫോൺ ചെവിയോട് ചേർത്തു. പതിയെ അവളുടെ മുഖഭാവം മാറി വരുന്നത് അയാൾ ശ്രദ്ധിച്ചു. മുഖത്തെ രക്തമയം പതിയെ നഷ്ടമായിക്കൊണ്ടിരിക്കുകയാണവളുടെ. ഒടുക്കം ഒരക്ഷരം പോലും പറയാതെ അവളാ ഫോൺ കട്ട് ചെയ്ത് കൗണ്ടറിനു മുകളിലേക്കിട്ടു. “ നാളെ ഞാൻ ഡി വൈ എസ് പി ഓഫീസിലെത്തി എല്ലാം റിപ്പോർട്ട് ചെയ്യണമെന്നാണ് ഓർഡർ. അങ്ങനെ ഉണ്ടായാൽ, തീർച്ചയായും ഡെയ്സി സെബാസ്റ്റ്യൻ എന്നൊരു പേരുയർന്നു വരും. കാരണം ആ കാർ നിങ്ങളുടെയാണ്.“ ആൽബി ആ ഗ്ലാസ്സിൽ ശേഷിച്ചിരുന്ന അവസാന തുള്ളിയും വായിലേക്കു കമിഴ്ത്തി. ”കാർ എന്റെയല്ല ആൽബി. ഒന്നും എന്റെയല്ല.“ അവൾ മുഖമുയർത്തി വിഷാദം നിറഞ്ഞൊരു ചിരി ചിരിച്ചു. മദ്യം അതിന്റെ ജോലി തുടങ്ങിയിരിക്കുന്നു.”പോലീസ് അറസ്റ്റ് ഒന്നുമല്ല ആൽബി ഇപ്പൊ എന്റെ വിഷയം. ഒരു പക്ഷേ എന്നെ ആൽബി അറസ്റ്റ് ചെയ്യുന്നതായിരിക്കും എന്റെ ജീവനു സുരക്ഷിതം.“ ”വാട്ട്! “ ആ പറഞ്ഞത് അയാളുടെ ശ്രദ്ധയാകർഷിച്ചു. ”സത്യമാണ് ആൽബി. ഞാൻ പറഞ്ഞല്ലോ. അനന്തന്റെ കേസിൽ എനിക്കൊരു മണ്ടത്തരം പറ്റിയതാണ്. കുറച്ചു കൂടി ശ്രദ്ധിക്കണമായിരുന്നു ഞാൻ.പക്ഷേ നീയുണ്ടല്ലോ എന്നു ഞാൻ ആശ്വസിച്ചു.“ ആൽബി അൽപ്പം കൂടി അവളോട് ചേർന്നിരുന്നു. “ഞാനിവിടെത്തന്നെയുണ്ട് ഡെയ്സി. എങ്ങും പോയിട്ടില്ല. ഇനിയും വൈകിയിട്ടില്ല. നമുക്ക് എന്തു ചെയ്യാനാകുമെന്നു നോക്കാം. അതിനു മുൻപ് ഒന്നു ചോദിച്ചോട്ടെ. ഒരു ഫൈനൽ ക്ലാരിഫിക്കേഷനു വേണ്ടിയാണ്. അനന്തരാമയ്യരുടേത് ഒരു ആക്സിഡന്റ് ആയിരുന്നില്ല. കരുതിക്കൂട്ടി ഡെയ്സി പ്ലാൻ ചെയ്ത് നടപ്പിലാക്കിയ ഒരു കൊലപാതകം തന്നെയായിരുന്നു. അതിൽ മാറ്റമൊന്നുമില്ലല്ലോ ? ” “ഇല്ല. ഞാൻ ചെയ്തതാണത്.” ആൽബിയിൽ നിന്നും ഒരു ദീഘനിശ്വാസമുയർന്നു. മുഖം കുനിച്ച് താഴേക്കു നോക്കിയിരുന്ന അയാളുടെ ചുണ്ടിന്റെ കോണിൽ ഒരു പുഞ്ചിരി വിടർന്നിരുന്നു. “ആൽബി...” ഡെയ്സി അയാളുടെ മുടിയിഴകൾക്കിടയിലൂടെ വിരലോടിച്ചു. “നമ്മുടെ സെക്ഷ്വൽ ഇന്റർകോഴ്സ് ഞാൻ വീഡിയോയിൽ പകർത്തി അതു വെച്ച് തന്നെ ഞാൻ ബ്ലാക്ക്മെയിൽ ചെയ്യുമെന്നു ഭയന്നു അല്ലേ ? അതുകൊണ്ടല്ലേ ഇപ്പൊ ഈ സമയത്ത് ഓടി വന്ന് ഈ ഇന്റിമിഡേറ്റ് ചെയ്യാനുള്ള ശ്രമം ? ” ആൽബി ഞെട്ടി മുഖമുയർത്തി. “താനിവിടെ വന്നതും, നമ്മൾ ഒരുമിച്ച് ദാ ആ സോഫയിലിരുന്ന് സംസാരിക്കുന്നതുമെല്ലാം വീഡിയോയിലുണ്ട് ആൽബി. പക്ഷേ ഒരിക്കലും നമ്മുടെ സ്വകാര്യ നിമിഷങ്ങൾ ഞാൻ പകർത്തിയിരുന്നില്ല. ഒരിക്കലും ഞാനത് ചെയ്യില്ല ആൽബി. കാരണം, തന്നെ എനിക്കത്രയും ഇഷ്ടമായിരുന്നു. അതു മാത്രമല്ല, അങ്ങനെ ഒരു വീഡിയോ പുറത്തായാൽ ആൽബി മാത്രമാണോ ഞാനും അതോടെ അവസാനിക്കില്ലേ ? എനിക്കുമില്ലേ അഭിമാനം ? സോ, അതോർത്ത് ആൽബി പേടിക്കണ്ട. എന്നെ ഈ കേസിൽ നിന്ന് രക്ഷിക്കുന്നതോർത്തും പേടിക്കണ്ട. ഇനി ആൽബി ഒന്നുമോർത്ത് വിഷമിക്കേണ്ടി വരില്ല. അങ്ങനെയൊക്കെയാണ് കാര്യങ്ങൾ.” അവളുടെ വാക്കുകൾ കുഴഞ്ഞു പോകുന്നുണ്ടായിരുന്നു. ആ അല്പ്പ നേരത്തെ സംസാരത്തിനിടക്ക് ചുരുങ്ങിയത് 4 ഡ്രിങ്ക്സ് എങ്കിലും അവൾ കഴിച്ചിരുന്നു. ആൽബി ഷർട്ടിന്റെ ബട്ടനുകളിലൊന്ന് വിടുവിച്ച് ഉള്ളിലേക്കൊന്നു പാളി നോക്കി. ശരീരത്തോട് ചേർത്ത് ടേപ്പു ചെയ്തു വെച്ചിരുന്ന മൊബൈൽ ഫോണിൽ ഈ സംഭാഷണങ്ങളെല്ലാം റെക്കോർഡാകുന്നുണ്ട്. ഡെയ്സി കുറ്റസമ്മതം നടത്തിക്കഴിഞ്ഞു. പക്ഷേ അവൾ മദ്യലഹരിയിലായിരുന്നു എന്ന് വ്യക്തമാണ്. അതുകൊണ്ടു തന്നെ ഒരു പക്ഷേ കോടതിയിൽ ഇതൊരു തെളിവായി പരിഗണിക്കപ്പെടില്ല. ഇതുവരെ അവളെ കൃത്യമായി ഫ്രെയിം ചെയ്യാനായി ഒന്നും തന്നെ തനിക്കു കിട്ടിയിട്ടില്ല. പക്ഷേ അതിനേക്കാളുപരി ഡെയ്സി ഇപ്പോൾ വല്ലാതെ ഭയന്നിരിക്കുന്നു. അവളുടെ പെരുമാറ്റത്തിലെല്ലാം ആ ഭീതി ദൃശ്യമാണ്. ഇനിയെന്തു വേണമെന്ന ചിന്തയിലായിരുന്നു ആൽബി. ഒടുവിൽ... “എനിക്കൊന്നു ബാത്ത് റൂമിൽ പോകണം ഡെയ്സി.” അയാൾ എഴുന്നേറ്റു. വന്നിട്ട് ബാക്കി കാര്യങ്ങൾ നമുക്ക് തീരുമാനിക്കാം. ആക്സിഡന്റ് ആയിത്തന്നെ പ്രൊസീഡ് ചെയ്യാനാകുമോ എന്നു നോക്കാം. ആരെയെങ്കിലും ആ ഡ്രൈവിങ്ങ് സീറ്റിൽ ഒന്നിരുത്താൻ പറ്റുകയാണെങ്കിൽ നമുക്ക് ആ വഴിയിൽ ഇത് ഡീൽ ചെയ്യാം. ഒരു സ്ത്രീ ആയിരിക്കണമെന്നേയുള്ളൂ. ഡെയ്സി ആലോചിക്കൂ.“ ”ദേ ആർ ഗോയിങ്ങ് റ്റു കിൽ മീ ആൽബി! “ ബാറിനു പുറകിലെ ഭിത്തിയിലുറപ്പിച്ചിരുന്ന കൂറ്റൻ ടീവിയിലേക്കു നോക്കിക്കൊണ്ടാണ് അവൾ പിറുപിറുത്തത്. ”എന്താ പറഞ്ഞത് ഡെയ്സി ? “ ആൽബി അത് ശരിക്കു കേട്ടില്ല. ”ബാത്ത് റൂം അവിടെയാണ്.“ അവൾ വിരൽ ചൂണ്ടി. ”അതിനുള്ളിൽ തന്നെ ഇരുന്നോളൂ. ഇവിടെ എന്തൊക്കെ ബഹളങ്ങൾ കേട്ടാലും വെളിയിലേക്കിറങ്ങരുത്.“ ”വാട്ട് ആർ യു ടോക്കിങ്ങ് എബൗട്ട് ? “ ഒന്നും മനസ്സിലാകാതെ ആൽബി അവളെ തുറിച്ചു നോക്കി. ”ഗോ ആൽബി. പ്ലീസ്.“ അവൾ വീണ്ടും ടോയ്ലറ്റിനു നേരേ കൈ ചൂണ്ടി. പെട്ടെന്ന് അവൾക്കിതെന്തു പറ്റിയെന്നു ചിന്തിച്ചുകൊണ്ടാണ് ആൽബി ബാത്ത് റൂമിനു നേരേ ചുവടു വെച്ചത്. അവൾക്കു പുറകിൽ ഒരു ടീവിയിൽ സെക്യൂരിറ്റി ക്യാമറ ദൃശ്യങ്ങൾ കാണാമായിരുന്നു. പക്ഷേ ആൽബിക്ക് ഒന്നും വ്യക്തമായില്ല. അയാൾ ബാത്ത് റൂമിൽ കടന്നു വാതിലടച്ചു. ഒരു രണ്ടു മിനിറ്റ് കഴിഞ്ഞു കാണും. മെയിൻ ഡോർ തുറക്കുന്ന ശബ്ദം കേട്ടു. ഒപ്പം ആരൊക്കെയോ ഉറക്കെ ബഹളം വെച്ചുകൊണ്ട് അകത്തേക്ക് കയറിവരുന്നതും അയാൾക്ക് കേൾക്കാനായി. തുടരും കണ്ണൂർകാരൻ ❤️❤️❤️ #✍ തുടർക്കഥ #📙 നോവൽ #💞 പ്രണയകഥകൾ #📚 ട്വിസ്റ്റ് കഥകൾ #📔 കഥ