#💭 എന്റെ ചിന്തകള്‍ #📝 ഞാൻ എഴുതിയ വരികൾ #🖋 എൻ്റെ കവിതകൾ🧾 #😎 Motivation Status “പരീക്ഷണം പേടിക്കേണ്ട ഒന്നല്ല, നമ്മളെ നമ്മൾ അറിയിക്കുന്ന ഒരു കണ്ണാടിയാണ്. വിജയം വരാത്ത ദിവസം പോലും, നമ്മൾ വളർന്ന ദിനം തന്നെയാണ്… ദൂരത്തെവിടെയോ അലതല്ലുന്നൊരു നീലസാഗരത്തിൻ്റെ തിരകളെ പോലെ നമ്മിലേക്ക് അടുക്കുകയും അകലുകയും ചെയ്യുന്ന ഒരു മഹാസാഗരമാണ് അത്… അതിന്റെ പരിണിതഫലമായി ചിലപ്പോൾ ആകാശത്തെ പോലെ തെളിഞ്ഞ മാനമാവാനും, കാർമേഘം പോലെ ഇരുളിപ്പിടിക്കാനുമാവും… അവിടെ ഓരോ തിരയും ഒരു പാഠമാണ്, തകർന്നുവീഴുമ്പോഴും നമ്മെ കരുത്തരാക്കുന്നൊരു ഓർമ്മ. ഇരുള്‍ മൂടിയ സമയങ്ങളിലും, അകത്തൊളിച്ചിരിക്കുന്ന വെളിച്ചം കണ്ടെത്താൻ പഠിപ്പിക്കുന്നൊരു യാത്ര… അതെ, അത് ഒരു യാത്രയാണ് — പാഠങ്ങൾ നിറഞ്ഞ ഒരുകെട്ട് പുസ്തകം പോലെ… ഓരോ പേജും തുറക്കുമ്പോൾ പുതിയൊരു അനുഭവം എഴുതപ്പെടുന്നു, ചില പേജുകൾ ചിരികളാൽ നിറഞ്ഞതാകുമ്പോൾ ചിലത് കണ്ണീരിന്റെ മഷിയിൽ മങ്ങിയതാകുന്നു… എന്നാലും അവസാനത്തിൽ, അത് നമ്മളെ തന്നെ എഴുതിയൊരു കഥയായി മാറുന്നു… ആ കഥയിലെ രാജകുമാരൻ നമ്മൾ തന്നെയായി മാറുന്നു…”