దేవుని వాక్యము (Part-1) “దేవుని వాక్యము సజీవమై, బలము గలదై రెండంచుల గల ఎటువంటి ఖడ్గము కంటెను వాడిగా ఉండి, ప్రాణాత్మాలను, కీళ్ళను, మూలుగును విభజించినంతమట్టుకు దూరుచూ, హృదయము యొక్క తలంపులను, ఆలోచనలను శోధించుచున్నది” (హెబ్రీ 4:12) “ఆది యందు వాక్యముండెను..ఇప్పుడును ఉండెను (ఉన్నది) ఎల్లప్పుడును ఉంటూనే ఉండును. ఏలయనగా మరింత క్షుణ్ణంగా తెలుసుకుందాము. “ఆది యందు వాక్య ముండెను. ఆ వాక్యము దేవుని యొద్ద ఉండెను (యెహోవా వాక్కు) ఆ వాక్యమే దేవుడై యుండెను. ఆ వాక్యము శరీరధారియై, కృపా సత్యసంపూర్ణుడుగా మన మధ్య నివసించెను” (యోహాను 1:1,2,14) ఆయన ఎవరో కాదు శ్రీమంతుడగు యేసుక్రీస్తే. తండ్రి వలన కలిగిన అద్వితీయ కుమారుని మహిమ వలె మనము ఆయనను కనుగొంటిమి. సమస్తము ఆ యన మూలముగా కలిగెను. కలిగియున్న దేదియు ఆయన లేకుండా కలుగలేదు. ఆయనే ఆధారభూతుడు. 1. దేవుని వాక్యము - సజీవమైనది : దేవుని వాక్యమునకు మరణము లేదు. మరణాన్ని జయించే శక్తి గలది. భూమ్యాకాశములు గతించినా గాని నా మాటలు (వాక్యము) గతింపవు అని దేవుడైన యెహోవా సెలవిచ్చుచున్నాడు. “ఆయనలో జీవముండెను ఆ జీవము మనుష్యులకు వెలుగైయుండెను” (యోహాను 1:4). 2. దేవుని వాక్యము - వెలుగైయున్నది: వాక్యము ఎక్కడ వ్యాపిస్తుందో అక్కడ నుండి చీకటి పారద్రోలబడుతుంది. వెలుగులో ప్రయాణించగలము గాని చీకటిలో ప్రయాణించలేము. “నీ వాక్యము నా పాద ములకు దీపమును, నా త్రోవలకు వెలుగై యున్నది” (కీర్తనలు 119:105). చీకటిలో సంచరించునపుడు ఎదురయ్యే కష్టాలకు, నష్టాలకు, శ్రమలకు, ,ఇబ్బందులలో వాక్యము దారిచూపును. ఆరిపోయిన జీవితములకు వెలుగునిచ్చును. “నిజమైన వెలుగు ఉండెను, అది లోకములోనికి వచ్చుచూ ప్రతి మనుష్యుని వెలుగించుచున్నది” (యోహాను 1:9). 3. దేవుని వాక్యము- సత్యమే: "ఎవడును ఎప్పుడైనను దేవుని చూడలేదు; తండ్రి రొమ్ముననున్న అద్వితీయ కుమారుడే (యేసుక్రీస్తే) ఆయనను బయలు పరచెను" (యోహాను సువార్త 1:18) ఆయన వాక్యము ముమ్మా టికి యధార్ధమైనది. నిత్యమైనది. దేవుడిచ్చిన ఆజ్ఞలన్నియు సత్యమైనవి. ఆయన ఆజ్ఞలన్ని యు నిత్యములుగా స్థిరపరచబడినవి. “నీ వాక్యసారాంశము సత్యము. నీవు నియమించిన న్యాయవిధులన్నియు నిత్యము నిలుచును” (కీర్తనలు 119:160) 4. దేవుని వాక్యము - ఎంతో మధురములు: "జుంటెతేనెధారలకన్నా తీయనైనది దేవుని వాక్యము. దేవుని వాక్యములను ధ్యానించుట ఆత్మకు ఎంతో ఆనందదాయకము " నీ వాక్యములు నా జిహ్వకు ఎంతో మధురములు అవి నా నోటికి తేనె కంటే తీపిగానున్నవి” (కీర్తనలు 119:103) 5. దేవుని వాక్యము - ఉత్సాహసునాదము: వాక్యము మనిషిలో ఉత్సాహము, ఆసక్తి పుట్టిస్తుంది. కృంగిన వారిని పైకి లేవదీస్తుంది. పాప, శాపముల నుండి రక్షిస్తుంది. "నీతిమంతుల గుడారములలోరక్షణనుగూర్చిన ఉత్సాహ సునాదము వినబడును యెహోవా దక్షిణహస్తము సాహస కార్యములను చేయును. (కీర్తనలు 118:15). 6. దేవుని వాక్యము - శుద్ధిపరచును: మలినమైన మనసు కలిగిన మనిషిని పూర్తి శుద్ధిగా మార్చే అధికారం, శక్తి వాక్యమునకు ఉంది. దానిని నమ్మాలి. విశ్వసించాలి. యువతీ, యువకులు చెడిపోకుండా తమ ప్రవర్తన కాచుకోవాలంటే ఒకటే మార్గము. అదే వాక్యము “యవ్వనస్థులు దేని చేత తమ నడత శుద్ధిపరచుకొందురు, నీ వాక్యమును బట్టి దానిని జాగ్రత్తగా చూచుకొనుట చేతనే గదా?” (కీర్తనలు 119:9) 7. దేవుని వాక్యము - బంగారు, అపరంజి కంటెను ఎంతో విలువైనవి: వాక్యముతో సరిపోల్చదగినది ఏదీ లేదు. సమస్త జగత్తు దేవుని మహిమ గల వాక్కు (శబ్ద వాక్యము) చేతనే నిర్మించబడినది. అందుచేతనే “బంగారుకంటెను , అపరంజికంటెను నీ ఆజ్ఞలు నాకు ప్రియముగా నున్నవి” (కీర్తనలు 119:127) (Part-2 on Saturday ) #📀యేసయ్య కీర్తనలు🎙 #❤️నా యేసయ్య ప్రేమ ❤️