#🏅પદ્મ પુરસ્કાર 2026ની જાહેરાત, કેન્દ્ર સરકારે પ્રજાસત્તાક દિવસની પૂર્વસંધ્યાએ રવિવારે 2026 માટે 131 પદ્મ પુરસ્કારોની જાહેરાત કરી છે. જેમાં 5 પદ્મ વિભૂષણ, 13 પદ્મ ભૂષણ અને 113 પદ્મશ્રીનો સમાવેશ થાય છે. દિવંગત એક્ટર ધર્મેન્દ્રને પદ્મ વિભૂષણ, ઝારખંડના પૂર્વ સીએમ દિવંગત નેતા શિબુ સોરેન અને બોલિવૂડ સિંગર અલકા યાજ્ઞિકને પદ્મ ભૂષણ આપવામાં આવશે. ક્રિકેટર રોહિત શર્મા, પેરા એથ્લેટ પ્રવીણ કુમાર, મહિલા ક્રિકેટ ટીમની કેપ્ટન હરમનપ્રીત કૌર અને હોકી પ્લેયર સવિતા પૂનિયાને પદ્મશ્રીથી સન્માનિત કરવામાં આવશે. પદ્મ પુરસ્કાર વિજેતાઓમાં 19 મહિલાઓ છે. આમાં 6 વિદેશી/NRI/PIO/OCI કેટેગરીના લોકો પણ સામેલ છે. 16 હસ્તીઓ એવી છે જેમને મરણોપરાંત આ પુરસ્કાર આપવામાં આવી રહ્યા છે.દિવંગત એક્ટર ધર્મેન્દ્ર, સુપ્રીમ કોર્ટના પૂર્વ જજ કેટી થોમસ, કમ્યુનિસ્ટ નેતા વીએસ અચ્યુતાનંદન સહિત 5 હસ્તીઓને પદ્મ વિભૂષણ એવોર્ડની જાહેરાત કરવામાં આવીમશહૂર સિંગર અલકા યાજ્ઞિક, ઝારખંડના પૂર્વ મુખ્યમંત્રી શિબુ સોરેન, ઉત્તરાખંડના પૂર્વ મુખ્યમંત્રી ભગત સિંહ કોશ્યારી સહિત 13 હસ્તીઓને પદ્મ ભૂષણ સન્માન આપવામાં આવશે.ક્રિકેટર રોહિત શર્મા, પેરા એથ્લેટ પ્રવીણ કુમાર, મહિલા ક્રિકેટ ટીમની કેપ્ટન હરમનપ્રીત કૌર, હોકી પ્લેયર સવિતા પૂનિયા સહિત 113 હસ્તીઓને પદ્મશ્રી માટે પસંદ કરવામાં આવ્યા છે.રાજસ્થાનના ડીગ જિલ્લાના રહેવાસી ગફરુદ્દીન મેવાતી જોગી ભપંગ વાદક અને ‘પાંડુન કા કડા’ના ગાયક છે. તેઓ પાંડુન કા કડાના એકમાત્ર લોકગાયક છે. ગફરુદ્દીનને વર્ષ 2024માં સંગીત નાટક અકાદમી ફેલોશિપ સન્માન મળી ચૂક્યું છે. તેમણે દેશ-વિદેશમાં અનેક સ્થળોએ ભપંગ વાદન અને પાંડુન કા કડાની પ્રસ્તુતિઓ આપી છે. તેમને પાંડુન કા કડાના 2500થી વધુ દુહા મોઢે યાદ છે.અંકે ગૌડા કર્ણાટકના મૈસૂર પાસે આવેલા હરાલાહલ્લી ગામના રહેવાસી છે. 20 વર્ષની ઉંમરે બસ કંડક્ટરની નોકરી કરતી વખતે તેમણે પુસ્તકો એકઠા કરવાનું શરૂ કર્યું. તેમણે પોતાની કમાણીનો મોટો ભાગ પુસ્તકો પર ખર્ચ કર્યો, એટલું જ નહીં ઘર પણ વેચી દીધું. આજે તેમની ‘પુસ્તક માને’ લાઇબ્રેરીમાં 20 લાખથી વધુ દુર્લભ પુસ્તકો છે. ગૌડાને સાહિત્ય અને શિક્ષણના ક્ષેત્રમાં પદ્મ શ્રી 2026 થી સન્માનિત કરવામાં આવશે.88 વર્ષના પંજાબના પૂર્વ ડીઆઈજી ઇન્દ્રજીત સિંહ સિદ્ધુ 1964 બેચના IPS અધિકારી હતા, જેઓ 1996માં નિવૃત્ત થયા હતા. તેઓ ચંદીગઢના સેક્ટર 49 (IAS-IPS ઓફિસર્સ કોઓપરેટિવ સોસાયટી)માં રહે છે. તેઓ છેલ્લા 10થી વધુ વર્ષોથી સેનિટેશન કાર્ટ ઉધાર લઈને દરરોજ સવારે 6 વાગ્યે રસ્તાઓની સફાઈ કરે છે.સામાજિક કાર્યકર બુધરી તાતી છત્તીસગઢના દંતેવાડા જિલ્લાના હિરાનાર ગામના રહેવાસી છે. 15 વર્ષની ઉંમરથી જ તેમણે સમાજ સેવાનું કામ શરૂ કરી દીધું હતું. બસ્તરમાં મહિલાઓને જાગૃત કરવાથી લઈને શિક્ષિત કરવાનું કામ કર્યું. સાથે જ વૃદ્ધાશ્રમ, અનાથાશ્રમ ચલાવે છે. તાતીએ પોતાનું જીવન સમાજ સેવા માટે સમર્પિત કર્યું છે. આ કારણે તેમણે લગ્ન કર્યા નથી. તાતીએ મહિલાઓને આત્મનિર્ભર બનાવવા માટે બસ્તર સંભાગના અલગ-અલગ લગભગ 545 ગામોની પદયાત્રા પણ કરી છે. સમાજ સેવા માટે કામ કરવા બદલ તેમને ડોક્ટરની પણ ઉપાધિ મળી છે. અત્યાર સુધીમાં તેમને 22 પુરસ્કારોથી સન્માનિત કરવામાં આવ્યા છે. જેમાં 3 થી વધુ રાષ્ટ્રીય સ્તરના એવોર્ડ છે.દેશના સર્વોચ્ચ નાગરિક સન્માનોમાં સામેલ પદ્મ પુરસ્કાર ત્રણ કેટેગરી- પદ્મ શ્રી, પદ્મ ભૂષણ અને પદ્મ વિભૂષણમાં પ્રદાન કરવામાં આવે છે. આ પુરસ્કારો કલા, સમાજ સેવા, વિજ્ઞાન, એન્જિનિયરિંગ, વ્યવસાય, ઉદ્યોગ, ચિકિત્સા, સાહિત્ય, શિક્ષણ, રમતગમત અને સિવિલ સેવા જેવા વિવિધ ક્ષેત્રોમાં ઉત્કૃષ્ટતા માટે આપવામાં આવે છે. #આજના સમાચાર #તાજા સમાચાર #🔥 બિગ અપડેટ્સ