ഉടമ്പടി കല്ല്യാണം...💕𝟬𝟱 ✍️Jamsheena "ഹലോ അജയാ... നീ എവിടാ... വേഗം ഇങ്ങ് വന്നേ നീ..."അപ്പുറെ ഫോൺ എടുത്തതും അമ്മായി എടുത്ത് ചാടി പറഞ്ഞു... "എന്താ കാര്യം... ഞാൻ കുറച്ചു തിരക്കിലാണ്..."ഗൗരവമേറിയ മറുപടി. "എന്ത് തിരക്കാണെങ്കിലും നീ വന്നേ പറ്റൂ... എടാ ആ പെണ്ണില്ലേ...."അവർ പതിഞ്ഞ ശബ്ദത്തിൽ പറഞ്ഞു കൊണ്ട് ചുറ്റുമൊന്ന് നോക്കി കണ്ണും കാതും കൂർപ്പിച്ചു... ആരെങ്കിലും ശ്രദ്ധിക്കുന്നുണ്ടോ എന്നപോലെ.. "ഏത് പെണ്ണ്..." "ഓഹ് നിനക്കിനി അറിയുകയും ഇല്ല... നീ അടിക്കടി എന്റെ പെണ്ണ് എന്റെ പെണ്ണ് എന്ന് പറയുന്നവൾ ഇല്ലേ  വൈഗ..."അവരുടെ വാക്കുകളിൽ അരിശം നിറഞ്ഞു... "വൈഗക്ക് എന്താ..." "എടാ അവൾ എന്റെ കയ്യിൽ കുറച്ചു കാശ് കൊണ്ട് വന്നു തന്നു... തനുവിന്റെ ചികിത്സക്ക് എന്നാ പറഞ്ഞത്..." "കാശോ... എത്ര കാണും..."കയ്യിലിരുന്ന മദ്യം ഒറ്റയടിക്ക് വായിലേക്ക് ഒഴിച്ച് കൊണ്ട് അവൻ ചോദിച്ചു... "അ... അ... അത് പിന്നെ കുറച്ചു കാശ്... അത്ര തന്നെ... എന്നോട് വേഗം അവളെ ചികിൽസിക്കുന്ന ഡോക്ടറെ പോയി കാണാൻ പറഞ്ഞു."അവർ അവനോട് പറയാനൊന്ന് മടിച്ചു. "ദേ... തള്ളെ...മര്യാദക്ക് സത്യം പറഞ്ഞോ... എത്രയുണ്ട്...?" "എടാ... സത്യം എനിക്കറിയില്ല... ഞാൻ എണ്ണി നോക്കിയില്ല... നീ വന്നിട്ട് ആകാമെന്ന് കരുതി... നീ അവിടെ തന്നെ നിൽക്കാതെ വേഗം വാ..."അവർ അത്രയും പറഞ്ഞു കൊണ്ട് വേഗം ഫോൺ കട്ട്‌ ചെയ്തു. പിന്നെ വേഗത്തിൽ വൈഗ തന്നതിൽ നിന്നും കുറച്ച് നോട്ട് കെട്ടുകൾ എടുത്ത് അലമാരക്കുള്ളിലെ സാരിക്കിടിയിലേക്ക് തിരുകി.... പിന്നെ അജയൻ വരുന്നതും കാത്ത് ഉമ്മറത്തേക്ക് നടന്നു... ************************** മുറിയിൽ കയറിയ ബാഗ് മുറിയിലെ തന്നെ ബെഡിലേക്ക് വലിച്ചെറിഞ്ഞു കട്ടിലിനോട് ചാരി വെറും നിലത്തേക്ക് ചാരി ഇരുന്നു... ഇനിയെന്തെന്നറിയില്ല.... ഇനിയങ്ങോട്ട് തന്റെ ജീവിതം എങ്ങനെ ആണെന്നും അറിയില്ല... പക്ഷെ ഒന്നറിയാം തന്റെ ജീവിതം പണയപ്പെടുത്തിയിട്ടായാലും തന്റെ കുഞ്ഞനിയത്തിയുടെ ആഗ്രഹം സഫലമാക്കി കൊടുക്കണം.... പക്ഷെ...  അതിന് തിരഞ്ഞെടുത്ത വഴി അറിയുമ്പോൾ ആരേക്കാളും കൂടുതൽ തന്നെ വെറുക്കുന്നത് ചിലപ്പോൾ അവളായിരിക്കും.... ചിന്തകൾ മനസ്സിനെ വേട്ടയാടിയതും  കാലുകൾ കുത്തി വെച്ച് മുട്ടുകാലിലേക്ക് മുഖം പൂഴ്ത്തി വൈഗ.... കണ്ണുകളടച്ചു അങ്ങനെ എത്ര നേരം കിടന്നെന്നറിയില്ല വാതിൽ തുറയുന്ന ശബ്ദം കേട്ടതും തലയുയർത്തി നോക്കി.... മുന്നിൽ വല്ലാത്തൊരു ഭാവത്തോടെ തന്നെ നോക്കി നിൽക്കുന്ന അജയനെ കണ്ടതും അവളുടെ മുഖമിരുണ്ടു.... അവനോടുള്ള ദേഷ്യത്താൽ കണ്ണുകളും മുഖവും ഒരുപോലെ ചുവന്നു... കത്തുന്ന കണ്ണുകളോടെയും അതിനേക്കാൾ ഏറെ വെറുപ്പോടെയും അവനെ നോക്കിയതും അവൻ വല്ലാത്തൊരു ചിരിയോടെ അവളെയൊന്ന് അടിമുടി ഉഴിഞ്ഞു നോക്കി.... അവന്റെ നോട്ടത്തിൽ അങ്ങേയറ്റം വെറുപ്പ് തോന്നിയ വൈഗ മുഖം തിരിച്ചു... "എന്താടി... ആകെയൊരു ക്ഷീണം..."അർത്ഥം വെച്ചത് പോലെയുള്ള അവന്റെ ചോദ്യത്തിൽ അവളിലേക്ക് ദേഷ്യം ഇരച്ചു കയറി... "എന്താടി നിന്റെ നാവിറങ്ങി പോയോ... അല്ലെങ്കിൽ ഒന്നിന് പത്തായി നിന്റെ നാവ് ഉയരുന്നതാണല്ലോ.... ഏതവന്റെ കൂടെ കിടന്ന് കൊടുത്തിട്ടാണെടി ഇത്രയും പൈസ കൊണ്ട് വന്നത്..."അവൻ പാഞ്ഞെന്ന പോലെ അവൾക്കരികിലേക്ക് വന്നു. എന്നാൽ അവൾ ഇരുന്നിടത് നിന്നും അനങ്ങിയില്ല... "പറയെടി... നിന്റെ അമ്മയുടെ തൊഴിൽ നീയും തുടങ്ങിയെന്ന് കേട്ടല്ലോ...ആരുടെ കൂടെ കിടന്ന് കൊടുത്തിട്ടാണെടി പൈസ കൊണ്ട് വന്നത്..."അവൻ പറയുകയായിരുന്നില്ല ആക്രോഷിക്കുകയായിരുന്നു അതോടൊപ്പം അവൻ പാഞ്ഞെന്ന പോലെ ചെന്നുകൊണ്ട് അവളുടെ മുടി കുത്തിൽ പിടിച്ചു എഴുന്നേൽപ്പിച്ചു കഴിഞ്ഞിരുന്നു... ************************** Part 06 പറയെടി... നിന്റെ അമ്മയുടെ തൊഴിൽ നീയും തുടങ്ങിയെന്ന് കേട്ടല്ലോ...ആരുടെ കൂടെ കിടന്ന് കൊടുത്തിട്ടാണെടി പൈസ കൊണ്ട് വന്നത്..."അവൻ പറയുകയായിരുന്നില്ല ആക്രോഷിക്കുകയായിരുന്നു അതോടൊപ്പം അവൻ പാഞ്ഞെന്ന പോലെ ചെന്നുകൊണ്ട് അവളുടെ മുടി കുത്തിൽ പിടിച്ചു എഴുന്നേൽപ്പിച്ചു കഴിഞ്ഞിരുന്നു... "വിട്.. വിടാൻ..."വേദന കൊണ്ട് പുളഞ്ഞ വൈഗ അവന്റെ കയ്യിൽ പിടിച്ചു കൊണ്ട് കൈ വിടുവിക്കാൻ ശ്രമിച്ചു... "എന്നാൽ പറയെടി..... ഏത് മറ്റവൻ തന്നതാണ് ഇത്രയും പൈസ..."അവളുടെ മുഖത്തിന് നേരെ മുഖം അടുപ്പിച്ചു കൊണ്ട് പല്ലിറുമ്മി അവൻ ചോദിച്ചതും അവൾ വേദന കൊണ്ട് നിറഞ്ഞു തുടങ്ങിയ കണ്ണുകൾ കൊണ്ട് അവനെയൊന്ന് കടുപ്പിച്ചു നോക്കി... "ആരായാലും നിങ്ങൾക്കെന്താ... എന്റെ കാര്യങ്ങളിൽ ഇടപെടാൻ നിങ്ങളാരാ..."അവനിൽ നിന്നും രക്ഷക്കായി അവൾ അവനെ തറപ്പിച്ചു നോക്കി കൊണ്ട് പറഞ്ഞു... "ഡി... ഞാൻ ആരാണെന്ന് നിനക്കറിയണം അല്ലേ... ഈ അജയൻ ആരാണെന്ന് നിനക്കറിയണം... അറിയിക്കാം..."ദേഷ്യത്തോടെ അവളുടെ മുടി കുത്തിൽ അമർത്തി പിടിച്ചു കൊണ്ട് അവളെ തന്നിലേക്ക് അടുപ്പിച്ചു അജയൻ... അവനിൽ വമിക്കുന്ന മദ്യത്തിന്റെയും സിഗരറ്റിന്റെയും ഗന്ധം അവളെ അലോസരപ്പെടുത്തി... "ഞാനൊന്നരിക്കൽ നിന്നെ തൊട്ടപ്പോൾ നീ വല്യ പതിവൃത... ഇന്ന് പക്ഷെ നീയെന്റെ കയ്യിൽ കിടന്ന് ഞെരുങ്ങും"അമർന്ന ശബ്ദത്തോടെ അവൻ പറഞ്ഞു കൊണ്ട് അവളുടെ അധരങ്ങളിലേക്ക് തന്റെ അധരങ്ങളെ അടുപ്പിക്കാൻ ഒരുങ്ങിയതും അവൾ വെറുപ്പോടെ മുഖം തിരിച്ചു...എന്നാൽ അവന്റെ കൈ അവളുടെ കവിളിൽ കുത്തി പിടിച്ചു കൊണ്ട് അവന് നേരെ തിരിച്ചതും കിട്ടിയ ധൈര്യത്തിൽ അവനെ പിടിച്ചു പിന്നിലേക്ക് തള്ളിയിരുന്നു വൈഗ... "ആഹ്..."ശക്തിയിൽ ചുമരിൽ പോയി ഇടിച്ച അജയൻ വേദന കൊണ്ട് കൊണ്ട് നിലവിളിച്ചു... "ഞാൻ ആരുടെ മുന്നിൽ തുണി അഴിച്ചാലും നിന്നേ പോലെയുള്ള വൃത്തികെട്ടവന്റെ മുന്നിൽ അഴിക്കില്ലെടാ... പട്ടി..." "നീയൊക്കെ പതുങ്ങി നീയും നിന്റെ അമ്മയും പറയുന്നതിനനുസരിച്ചു നിൽക്കുന്ന വൈഗയെ മാത്രമേ കണ്ടിട്ടുള്ളൂ... അതിനപ്പുറം ഒരു വൈഗയുണ്ട്...എന്നും ഞാൻ നിങ്ങളുടെ കാൽച്ചുവട്ടിൽ കഴിയുമെന്ന് കരുതിയോ..."ഇതെല്ലാം വൈഗ അലമുറയിട്ട പോലെ പറയുമ്പോഴും വൈഗ തള്ളിയ ശക്തിയിൽ തല ചുമരിൽ ഇടിച്ച വേദനയിൽ അജയൻ പുളയുകയായിരുന്നു... "എന്നാൽ നിന്റെ പൊട്ട ചെവി തുറന്ന് കേട്ടോ... ഇന്നേക്ക് നാലാം നാൾ വൈഗയുടെ വിവാഹമാണ്...വരൻ കൈലാസത്തിൽ സിദ്ധാർഥൻ...."വൈഗയുടെ വെളിപ്പെടുത്തലിൽ അജയനും വൈഗയുടെ സംസാരം കേട്ടുകൊണ്ട് അങ്ങോട്ട വന്ന അമ്മായിയും തരിച്ചു നിന്നു... ************************** നമ്മുടെ വൈഗ ആരാണെന്നും എന്താണെന്നും എല്ലാം നിങ്ങൾക്കും അറിയേണ്ടേ... എന്നാൽ കാത്തിരുന്നോ... അടുത്ത പാർട്ടിൽ നമ്മുടെ വൈഗ ലക്ഷ്മിയെ വിശദമായി പരിചയപ്പെടുത്തുന്നതാണ്.... ************************** #തുടർകഥ #നോവൽ #തുടർകഥ #💞 പ്രണയകഥകൾ #📙 നോവൽ #💔 നീയില്ലാതെ