ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aKPQnjM?d=n&ui=v64j8rk&e1=cമന്ത്രകോടി :പാർട്ട്‌ -37💚🌺 പിന്നെ മഹിയേട്ടൻ..... ഏട്ടൻ അറിഞ്ഞുകൊണ്ടാണോ.... അവളിതൊക്കെ...... നന്ദൻ ചോദിച്ചു?. മെറിന്റെ ഈ കളികളൊന്നും പുള്ളിക്കറിയില്ല എന്നാണ് എന്റൊരു നിഗമനം. ഹ്മ്മ്...... മെറിനെ എന്തായാലും ഉടനെ അറെസ്റ്റ്‌ ചെയ്യും കൂടെ അവളുടെ കൂട്ടാളികളെയും കഴിഞ്ഞ ദിവസം നിന്റെ സ്കൂളിൽ ബോധം കെട്ട് വീണ കുട്ടി അടക്കം പല കേസുകളും റിപ്പോർട്ട് ചെയ്തിട്ടുണ്ട് .... വിശദമായ ചോദ്യം ചെയ്യലിന് ശേഷം മറ്റ് കാര്യങ്ങളിലേക്കും. ഹ്മ്മ്..... നന്ദനൊന്ന് മൂളി ശേഷം കുറച്ച് നേരം കൂടി സംസാരിച്ച് ഇരുവരും പിരിഞ്ഞു. 🌼🌼 സഞ്ചുവിനെ കണ്ടതിന് ശേഷം നന്ദൻ നേരെ പോയത് ട്യൂഷൻ സെന്ററിലേക്കാണ്........ അവിടെ വച്ച് അമ്മയേയും ഭാമയേയും നന്ദൻ കണ്ടിരുന്നു...... എല്ലാ ക്ലാസ്സിലും അവൻ കയറി കുട്ടികളെ നിരീക്ഷിച്ചെങ്കിലും പ്രത്യക്ഷത്തിൽ ഒരു മാറ്റവും കുട്ടികളിൽ കാണാൻ കഴിഞ്ഞില്ല. അതിന് ശേഷം അവൻ നേരെ ചെന്നത് അമ്മയിരിക്കുന്ന പ്രിൻസിപ്പാളിന്റെ റൂമിലാണ്. നന്ദന്റെ ക്ലാസുകൾ ഒക്കെ വൈകിട്ടാണ് ഉണ്ടാകാറ് അവനെ ഈ നേരത്ത് അവിടെ കണ്ടതും ദേവകിയമ്മ കാര്യം തിരക്കി.... ഭാമ കൂടി വന്നിട്ട് പറയാമെന്ന് പറഞ്ഞുകൊണ്ട് അവൻ അമ്മക്ക് മുന്നിലുള്ള ചെയറിലേക്കിരുന്നു. കുറച്ച് നേരം കഴിഞ്ഞതും ഭാമയുമെത്തി...... നന്ദന് തങ്ങളോട് എന്തോ പറയുവാനുണ്ടെന്ന് ഇരുവർക്കും മനസ്സിലായി....... എന്നാൽ സഞ്ചു പറഞ്ഞ കാര്യങ്ങൾ എങ്ങനെ അവതരിപ്പിക്കുമെന്ന ആശങ്കയി ലായിരുന്നു അവൻ. ഭാമയോട് പിന്നും പറയാം പക്ഷേ അമ്മയോട്........... അമ്മയോട് എങ്ങനെയാണ് പറയേണ്ടത്...... അവൻ ചിന്താകുഴപ്പത്തിലായി..... എന്താ നന്ദാ എന്തുപറ്റി..... അമ്മ അവന്റെ മുഖത്തേക്ക് നോക്കി...... നന്ദേട്ടാ...... സഞ്ജുവേട്ടനെ കാണാൻ പോയതല്ലേ...... എന്താ പറഞ്ഞേ...... ഭാമ ചോദിച്ചു.... അവളോട്‌ രാവിലെ പറഞ്ഞിട്ട് തന്നെയാണ് പോയത് സഞ്ജുവിനെ കാണാൻ പോവുകയാണെന്ന്..... നന്ദൻ മുഖമുയർത്തി അവളെ നോക്കി ശേഷം അമ്മയേയും. അവനെ കാണാൻ തന്നെയാണ് ഞാൻ പോയത്. സംസാരിക്കുകയും ചെയ്തു. പക്ഷെ...... അവന്റെയാ പക്ഷേ.... യിൽ ഇരുവരും പരസ്പരം നോക്കി...... ശേഷം അവനേയും..... എന്താ നന്ദേട്ടാ.... സഞ്ജുവേട്ടൻ എന്താ പറഞ്ഞേ..... ഭാമേ..... അമ്മേ..... ഞാൻ പറയുന്നത് ശ്രദ്ധിച്ച് കേൾക്കണം..... എനിക്കിത് എങ്ങനെ നിങ്ങളോട് തുടങ്ങണം എന്നുപോലും അറിയില്ല. പറയുമ്പോൾ നിങ്ങൾക്ക് വിശ്വസിക്കാൻ കഴിഞ്ഞെന്നും വരില്ല..... അവൻ പറയുന്നത് കേട്ടതും ഇരുവരും മുഖത്തോട് മുഖം നോക്കി ശേഷം സഞ്ജുവിനെ കണ്ടതും അവൻ ഏൽപ്പിച്ച ഫയലും അതിൽ അവൻ കണ്ട മെറിന്റെ ഫോട്ടോയും അവൻ പറഞ്ഞയാ കഥയും ഒരു മാറ്റവും കൂടാതെ ഇരുവരോടുമായി പറഞ്ഞു...... എല്ലാം കേട്ട് കഴിഞ്ഞതും ഭാമയും അമ്മയും ഒരു ഞെട്ടലോടെ അവനെ നോക്കി..... അവർക്ക് വിശ്വസിക്കാനായില്ല...... ഇത്ര നാൾ തങ്ങളുടെ കൂടെ ജീവിച്ചവൾ..... ഇന്ന് രാവിലെ കൂടി കണ്ടവൾ...... ഇത്രയും വലിയൊരു തെറ്റ് ചെയ്തുകൊണ്ട് തങ്ങളുടെ കൂടെ കഴിയുന്നതെന്ന് ചിന്തിച്ചതും അവർക്ക് രണ്ടു പേർക്കും തല പെരുത്തു. മോനേ.... നന്ദാ..... അവൾ...... അമ്മ ഭയത്തോടെ അവനെ വിളിച്ചു. ചതിക്കുകയായിരുന്നമ്മേ..... നമ്മളേയും കുടുംബത്തേയും..... മഹിയേട്ടന് ഇതൊക്കെ അറിയുമോ എന്നറിയില്ല.... അക്കാര്യത്തിൽ സഞ്ചുവിനും ഡൗട് ആണ്.... അമ്മ ഒരുനിമിഷം കണ്ണിൽ നിന്നാ വട്ട കണ്ണടയൂരി നെറ്റിയിൽ കൈഊന്നി...... ഭാമയും അനക്കമറ്റ് നിൽക്കുകയാണ്..... ഒട്ടും പ്രധീക്ഷിക്കാത്ത ഒരു വാർത്തയായിരുന്നല്ലോ..... ഇതുവരെ തങ്ങളോട് അടുത്തിട്ടില്ലെങ്കിലും മൂത്ത മകന്റെ ഭാര്യയാണ് അവന്റെ കുഞ്ഞിനെ ഉദരത്തിൽ ചുമക്കുന്നവളാണ് എന്നൊരു പരിഗണന ദേവകിയമ്മ അവൾക്ക് നൽകിയിരുന്നു.... അതുപോലെ തന്നെ ഭാമയും അവൾക്കൊരു പരിഗണന നൽകിയിരുന്നു..... പക്ഷെ.... ഇപ്പോ ഈ നിമിഷം..... അവളെക്കുറിച്ച് ഭയവും ആകുലതയും ചതിച്ചല്ലോ എന്ന ദേഷ്യവും ഇരുവരുടെ ഉള്ളിലും സ്ഥാനം പിടിച്ചു. 🌼🌼🌼🌼🌼🌼 അന്ന് രാത്രി വീട്ടിൽ ചെല്ലുമ്പോൾ മെറിൻ വയറും താങ്ങി ഹാളിലിരുന്ന് ഏതോ ഫോൺ കോളിലാണ്.... കയറി വന്നതും ഭാമയും അമ്മയും അത് കണ്ടിരുന്നു..... ഇംഗ്ലീഷും ഹിന്ദിയും കൂടികലർത്തി ഏതോ ഒരു ഭാഷയിലാണ് അവളുടെ സംസാരം. അമ്മയും ഭാമയും വരുന്നത് കണ്ടതും അവരെ നോക്കി വേണം വേണ്ടാതെ ഒന്ന് ചിരിച്ച് അവൾ ഫോണും കൊണ്ട് മുകളിലേക്കുള്ള സ്റ്റെപ്പുകൾ കയറി... അമ്മയും ഭാമയും ഇന്നവളുടെ ചിരിക്ക് മറു ചിരി ചിരിച്ചില്ല. കല്ലിച്ച മുഖഭാവത്തോട് കൂടി തന്നെ ഇരുവരും അടുക്കള ഭാഗത്തേക്ക്‌ നടന്നു. ഭാമേ...... മ്മ്മ്..... എന്താമ്മേ..... ഇതുപോലെ വലിയ വലിയ കുറ്റങ്ങൾ ചെയ്യുന്ന ഇവളെ പ്പോലെ ഒരുത്തിയെ വിശ്വസിച്ചാണ് നമ്മൾ വീട് ഏൽപ്പിച്ചിട്ട് പോയതെന്നോർത്ത് ഇപ്പോൾ പേടി തോന്നുവാ എനിക്ക്. ഇത്രയും നാൾ എത്ര നന്നായാണ് അവൾ നമ്മളെ പറ്റിച്ചത്. മഹി.... അവനും അറിഞ്ഞുകൊണ്ടാണോ ഇതൊക്കെ എന്ന് മാത്രം അറിഞ്ഞാൽ മതിയിനി..... ആ നിമിഷം അവരുടെ ശബ്ദമൊന്നുവിറച്ചു... ഭാമ അമ്മയുടെ സങ്കടം അറിഞ്ഞെന്നപോൽ അവരെ തന്നോട് ചേർത്ത് പിടിച്ചു. 🌼🌼🌼🌼🌼🌼🌼🌼 പിറ്റേന്ന് രാവിലെ തന്നെ നന്ദന്റെ ഫോണിലേക്ക് സഞ്ജുവിന്റെ മെസ്സേജ് വന്നു..... മഹി രാവിലെ തന്നെ ജോലിക്ക് പോയിരുന്നു. പല്ലവി രണ്ട് ദിവസമായി അച്ഛന്റെ അരികിലേക്കും പോയിരുന്നു. അതിനാൽ അവിടെ ഭാമയും ദേവകിയമ്മയും നന്ദനും മാത്രമേ ഉണ്ടായിരുന്നുള്ളൂ. ഇന്ന് വർക്കിംഗ്‌ ഡേ ആയിട്ടും അവരാരും ജോലിക്ക് പോകാത്തത് മെറിനും ശ്രദ്ധിച്ചിരുന്നു. അവൾക്ക് ഉച്ചക്കൊന്ന് പുറത്ത് പോകണ മായിരുന്നു. ഇവരൊക്കെ വീട്ടിൽ ഉള്ള സ്ഥിതിക്ക് അത്‌ മാറ്റി വയ്ക്കണോ എന്ന് പോലും അവൾ ആലോചിച്ചു. ആ ചിന്തയിൽ അങ്ങനെ മുകളിലെ ബാൽക്കണിയിൽ ഇരിക്കുമ്പോഴായിരുന്നു മുറ്റത്തൊരു പോലീസ് ജീപ്പ് വന്ന് നിൽക്കുന്നത് കണ്ടത്. സഞ്ചു ഇടക്കൊക്കെ വന്ന് പോകുന്നതിനാൽ അവൾക്കത് കണ്ട് പ്രതേകിച്ച് മാറ്റമൊന്നും തോന്നിയില്ല. എന്നാൽ അവന്റെ ജീപ്പിന് പുറകേ തന്നെ മറ്റൊന്നു കൂടി വന്നു നിന്നതും അവളുടെ നെറ്റിയൊന്ന് ചുരുങ്ങി...... അവൾ വയറ് താങ്ങിയൊന്ന് എഴുന്നേറ്റു. ശേഷം കാര്യമെന്താണെന്നറിയാൻ പതിയെ കോണിപ്പടികളിറങ്ങി താഴേക്ക് ചെന്നു...... ഹാളിലേക്ക് ചെല്ലുമ്പോൾ അവിടെ അമ്മയും നന്ദനും ഭാമയും എല്ലാവരും നിൽപ്പുണ്ട്..... ആരുടെ മുഖഭാവങ്ങളും മനസ്സിലാകുന്നില്ല. അവരെല്ലാം ഉമ്മറത്തേക്കിറങ്ങിയതും മെറിനും അവർക്കൊപ്പം ഉമ്മറത്തേക്കിറങ്ങി....... ആ നിമിഷമാണ് പടി കയറി വരുന്ന സഞ്ചുവിനെ കാണുന്നത്..... ഫുൾ യൂണിഫോമിലാണ്.... കൂടാതെ രണ്ട് വനിതാ പോലീസ് ഉൾപ്പെടെ മൂന്നു പേർ അവന്റെ പിന്നിലുമുണ്ട്..... സഞ്ജുവിന്റെ മുഖത്ത് തീർത്തും ഗൗരവം മാത്രം. അവൻ ആദ്യം നന്ദന് മുന്നിലേക്ക് വന്നു നിന്നു കുറച്ച് നിമിഷങ്ങൾക്കുള്ളിൽ അവിടെ നിന്ന് അമ്മയേയും ഭാമയേയും കടന്ന് കടന്ന് മെറിന് മുന്നിലേക്ക് വന്ന് നിന്നു..... അത്‌ കണ്ടതും മെറിൻ ഞെട്ടി..... മുഖം വിളറിവെളുത്തു..... ഭയം കൊണ്ടവളുടെ ഹൃദയമിടിപ്പ് കൂടി..... മെറിൻ """You're under arrest"""" തുടരും. 💚🌺 കണ്ണൂർകാരൻ 🌹🌹🌹🌹🌹🌹 #📔 കഥ #📙 നോവൽ #✍ തുടർക്കഥ #💞 പ്രണയകഥകൾ #📚 ട്വിസ്റ്റ് കഥകൾ