*ചിരിച്ച്* *ചിരിച്ച്* *വയറൊക്കെ* *ഉളുങ്ങിട്ടോ* ...! മലയാള സിനിമാപ്രേക്ഷകർ ഏറെ ആകാംക്ഷയോടെ കാത്തിരുന്ന മിഥുൻ മാനുവൽ തോമസ് ചിത്രം 'ആട് 3 - വൺ ലാസ്റ്റ് റൈഡ്'ഭാഗം 1 ഇന്ന് ലോകമെമ്പാടുമുള്ള തിയേറ്ററുകളിൽ എത്തി. മിഥുൻ മാനുവൽ തോമസ് തിരക്കഥ രചിച്ച് സംവിധാനം ചെയ്ത ഈ ചിത്രം ഫ്രൈഡേ ഫിലിം ഹൗസ്, കാവ്യാ ഫിലിം കമ്പനി എന്നീ ബാനറുകളിൽ വിജയ് ബാബു, വേണു കുന്നപ്പള്ളി എന്നിവർ ചേർന്നാണ് നിർമിച്ചത്. ആട് 2 ൽ നിന്നും വ്യത്യസ്തമായി പൊട്ടിച്ചിരികൾക്കൊപ്പം ഫാന്റസി ഘടകങ്ങളും മൂന്നാം ഭാഗത്തിൽ ഉൾപ്പെടുത്തിയിട്ടുണ്ട്. തെന്നിന്ത്യൻ നടി വേദികയുടെ നൃത്ത ചുവടുകളുമായി ഇറങ്ങിയ "സുൽത്താൻ" ഗാനം ഇതിനോടകം തന്നെ പ്രേക്ഷക ശ്രദ്ധ നേടിക്കഴിഞ്ഞു. മലയാള സിനിമകളുടെ വരുമാനത്തിന്റെ നല്ലൊരു പങ്ക് ഗള്‍ഫ് രാജ്യങ്ങളില്‍ നിന്നാണ്. അതുകൊണ്ട് തന്നെ ഗള്‍ഫിലെ സാഹചര്യങ്ങള്‍ കൂടി കണക്കിലെടുത്തായിരുന്നു ചിത്രങ്ങള്‍ റിലീസ് ചെയ്തിരുന്നത്. ഗൾഫ് സംഘര്‍ഷം മൂലം GCC റിലീസ് നടക്കില്ലെന്നും ചിത്രത്തിന്റെ റിലീസ് നീളും എന്നുള്ള കിംവദന്തികൾ പറന്നിരുന്നു. എന്നാൽ കിംവദന്തികളെ കാറ്റിൽ പറത്തി ജി സി സി രാജ്യങ്ങൾ ആയ ദുബായ്, സൗദി, ഖത്തർ, ഒമാൻ, ബഹ്‌റൈൻ, കുവൈറ്റ്‌ എന്നീ രാജ്യങ്ങളിലും ഇന്ന് ചിത്രം പ്രദർശനത്തിനെത്തി. ചിത്രത്തിന് മികച്ച പ്രതികരണമാണ് ലഭിക്കുന്നത്. തമാശകളിലൂടെ തുടങ്ങി വിന്‍റേജ് ട്രാക്കിലേക്ക് കഥ മാറ്റുന്ന ഈ ചിത്രത്തില്‍ പ്രേക്ഷകര്‍ക്ക് വലിയ സര്‍പ്രൈസുകളും സംവിധായകന്‍ ഒരുക്കിയിട്ടുണ്ട്. മുഴുനീള കോമഡി തന്നെയാണ് ചിത്രത്തിൽ ചിരിച്ച് ചിരിച്ച് വയറൊക്കെ ഉളുങ്ങി എന്നാണ് ചിത്രം കണ്ടിറങ്ങിയ കോറിയോ ഗ്രാഫർ റോഷ്ണി വിജയകൃഷ്ണൻ പ്രതികരിച്ചത്. മലയാള സിനിമയുടെ ചരിത്രത്തിലെ തന്നെ ഏറ്റവും വലിയ ചിത്രങ്ങളിലൊന്നായാണ് ആട് 3 പ്രേക്ഷകരുടെ മുന്നിലെത്തുന്നത്. ഫ്രൈഡേ ഫിലിം ഹൌസ്, കാവ്യാ ഫിലിം കമ്പനി എന്നിവർ നിർമ്മിക്കുന്ന ഏറ്റവും വലിയ ചിത്രമായിരിക്കും "ആട് 3 പാർട്ട് 1 ; വൺ ലാസ്റ്റ് റൈഡ്". ബോക്സ് ഓഫീസിൽ വൻ കുതിപ്പാണ് നടത്തിയിരിക്കുന്നത്. # aadu 3 #🍿 സിനിമാ വിശേഷം