കരിമ്പനകുന്ന്..... ഈ കഥ റിയാലിറ്റിയുമായി. യാതൊരു ബന്ധവും ഉള്ളതല്ല.. ചില സ്ഥലങ്ങൾ മാത്രം ആണ് യഥാർത്ഥത്തിൽ ഉള്ളത്.. ഇതിലെ കഥാപാത്രങ്ങൾ എല്ലാം തന്നെ സാങ്കൽപ്പികം മാത്രം ആണ്... പ്രേത.ഭൂത.യക്ഷി സങ്കൽപ്പങ്ങൾ. തികച്ചും ഭാവന സൃഷ്ടികൾമാത്രം ആണ്.. നെഗറ്റീവ് എനർജി എന്നത് സത്യം തന്നെ ആണ്.. പക്ഷെ അവക്ക് ഒന്നും ജീവിച്ചിരിക്കുന്ന മനുഷ്യരെ സ്പർശിക്കാൻ പോലും സാധ്യമല്ല.. ലോകത്ത്. ഏറ്റവും കൂടുതൽ ആളുകൾ കേൾക്കാൻ ഇഷ്ട്ടമുള്ള കഥകൾ. പ്രേതകഥകൾതന്നെ ആണ്.. മനുഷ്യൻ ഉള്ള കാലം തൊട്ടു പ്രേതകഥകളും ഉണ്ടായിട്ടുണ്ട്... ഇതിന് ശാസ്ത്രപരമായി തെളിവ് ഒന്നും തന്നെ ഇല്ല... പക്ഷെ.. പ്രേതം എന്ന ഒരു സങ്കല്പം ഇപ്പോഴും മനുഷ്യന് ഒരു ചോദ്യചിഹ്നം തന്നെ ആണ്... എന്റെ ഈപുതിയ കഥ ഒരു പ്രേതകഥ തന്നെ ആണ്.. എന്റെ മനസ്സിൽ തോന്നുന്ന ചെറിയ ചില കാര്യങ്ങൾ കൂട്ടി ചേർത്ത് കൊണ്ട് നിങ്ങൾക്ക് മുന്നിൽ ഞാൻ എഴുതുക ആണ്.... കരിമ്പനകുന്ന്...... Part..1... കട്ടപ്പനസിറ്റി കഴിഞ്ഞു.കറുത്ത.ഥാർ. ജീപ്പ് ചെറിയ കയറ്റം കയറി കൊണ്ടിരുന്നു.. ഡ്രൈവിങ്ങ് സീറ്റിൽ ഇരുന്ന ജോയിമോൻ തന്റെ അടുത്ത് ഇരിക്കുന്ന. സേവ്യറെ ഇടക്ക് നോക്കി കൊണ്ടിരുന്നു... കോതമംഗലം സിറ്റിയിലെ വലിയ ഗോൾഡ് വ്യാപാരി ആണ് സേവ്യർ കോട്ടക്കാരൻ... കോട്ടക്കാരൻ ഫാമിലി എന്നാൽ കേരളത്തിൽ അങ്ങോളമിങ്ങോളം. ഒരുപാട് വ്യാപാര സ്ഥാപനങ്ങൾ ഉള്ളവർ ആണ്.. ജോയിമോൻ അവരുടെ ഡ്രൈവർ ആണ്..അഞ്ചു വർഷം ആയി ജോയ് അവിടെ ജോലി നോക്കുന്നു... സേവ്യർ മുന്നിലെ ഗ്ലാസ്‌ വഴി റോഡിലേക്ക് നോക്കി തന്നെ ഇരിക്കുക ആയിരുന്നു.. ദേ.. അച്ചായാ. ഇനി എത്ര ദൂരം ഉണ്ട്.. മോൾ ഉറക്കം എഴുനേൽക്കാൻ തുടങ്ങും മുൻപ് നമുക്ക് അവിടെ എത്തണം.. ഇപ്പോൾ തന്നെ രണ്ട് മണിക്കൂർ കഴിഞ്ഞു.. സിസിലി പുറകിലെ സീറ്റിൽ തന്റെ മടിയിൽ കിടക്കുന്ന ജെസിയെ നോക്കി കൊണ്ട് പറഞ്ഞു.. സേവ്യർ ഒന്ന് ഇളകി ഇരുന്നു കൊണ്ട് പറഞ്ഞു.. ഇനി കൂടി പോയാൽ അഞ്ചു കിലോമീറ്റർ മാത്രം.. നീ മോളെ ശ്രദ്ധിക്കു.. സിസിലി ഒന്ന് നെടുവീർപ്പ് ഇട്ടു കൊണ്ട് ജെസിയുടെ മുടിയിൽ തലോടി കൊണ്ടിരുന്നു. ബാംഗ്ലൂരിൽ MBA ലാസ്റ്റ് ഇയർ ആണ് ജെസി.. സേവ്യർ തന്റെ ഫോൺ എടുത്തു. ആരെയെകോൾ ചെയ്തു.. ഹലോ.. ഞങ്ങൾ കട്ടപ്പന കഴിഞ്ഞു ഇപ്പോൾ രണ്ടു കിലോമീറ്റർ ആയി.. ഓ.. ആവട്ടെ.. സേവ്യർ ഫോൺ കട്ട് ചെയ്തു കൊണ്ട് ജോയിമോനെ നോക്കി കൊണ്ട് പറഞ്ഞു.. ജോയ്.. അടുത്തലെഫ്റ്റ്.. അവിടെ ഒരു കപ്പേള. ഉണ്ട്. അത് വഴി മൂന്നു കിലോമീറ്റർ ഉള്ളിലേക്ക് പോയാൽ മതി..അവിടെ നമ്മളെ നോക്കി അവർ ഉണ്ടാകും.. ജോയ് മോൻ അത് കേട്ടു ഒന്ന് തലയാട്ടി കൊണ്ട്.. ജീപ്പ് മുന്നോട്ട് പായിച്ചു.. കുറച്ചു കഴിഞ്ഞു വഴിയരികിൽ ഒരു കപ്പേള. ജോയ്മോൻ കണ്ടു.. അതിന്റെ അടുത്ത് ചെറിയ ഒരു കോൺക്രീറ്റ് റോഡ് പോയിട്ടുണ്ട്.. ഇടത്തെ ഇൻഡികേറ്റർ. ഇട്ടു കൊണ്ട് ജോയ് കാർ വളച്ചു ആ കോൺക്രീറ്റ് റോഡിലേക്ക് കയറ്റി.. പെട്ടന്ന് ആയിരുന്നു. ജീപ്പിന് കുറുകെ ഒരു വൃദ്ധവന്നു നിന്നത്.. ജോയ് പെട്ടന്ന് ബ്രേക്ക്‌ ചവിട്ടിയത് കൊണ്ട് അവരെ ഇടിച്ചില്ല.. സേവ്യർ മുന്നോട്ട് ആഞ്ഞു പോയി.. ജോയ് മുന്നിൽ നിന്ന വൃദ്ധയെ സൂക്ഷിച്ചു നോക്കി.. അവന്റെ വായിൽ ചീത്ത ആണ് ആദ്യം വന്നത്.. പക്ഷെ പുറകിൽ സ്ത്രീകൾ ഉള്ളത് കൊണ്ട് അവൻ സംയമനം പാലിച്ചു.. മുന്നിൽ നിന്ന പ്രായമായ ആ സ്ത്രീ. നോക്കിയത് പിറകിലെ സീറ്റിൽ ഇരിക്കുന്ന സിസിലിയെ ആയിരുന്നു.. അവർ ജീപ്പിന്റെ അടുത്തേക്ക് വന്നു കൊണ്ട് ചില്ല് വഴി സിസിലിയുടെ മടിയിൽ കിടക്കുന്ന ജെസിയെ നോക്കി കൊണ്ട് ഒന്ന് ചിരിച്ചു.. പിന്നെ കൈ കൊട്ടി കൊണ്ട് എന്തോ ഉറക്കെ പറഞ്ഞു. ഡോറിൽ ഇടിക്കാൻ തുടങ്ങി.. ജോയ് മോൻ വേഗം തന്നെ ജീപ്പിൽ നിന്ന് ഇറങ്ങി.. അവനെ കണ്ടതും ആ സ്ത്രീ പെട്ടന്ന് അവിടെ നിന്ന് ഓടി.. ജോയ് മോൻ അവർ പോകുന്നത് നോക്കി നിന്ന ശേഷം. വീണ്ടും ജീപ്പിലേക്ക് കയറി ഇരുന്നു. സേവ്യർ ജോയിയോട് ചോദിച്ചു.. എന്താ ജോയ് അവർക്ക് സുഖമില്ല എന്ന് തോന്നുന്നല്ലോ..അല്ലേ.. ജോയ്മോൻ ജീപ്പ് സ്റ്റാർട്ട്‌ ചെയ്തു കൊണ്ട് പറഞ്ഞു.. അവർ ഒരു മനോനില തെറ്റിയ സ്ത്രീ ആണ്.. പാവം..ഇവിടെ അടുത്ത് ഉള്ളത് ആകും.. സേവ്യർ ചുറ്റുംഒന്ന് നോക്കിയിട്ട് പറഞ്ഞു.. ഇപ്പോൾ സമയം ആറുമണികഴിഞ്ഞു.. ഇരുട്ട് ആയി തുടങ്ങി.. വേഗം പോകാം നമുക്ക്.. ജോയ്മോൻ ജീപ്പ് മുന്നോട്ട് എടുത്തു.. ചെറിയ റോഡിൽ കൂടി ജീപ്പ് മുന്നോട്ട് പോയി കൊണ്ടിരുന്നു.. രണ്ടു സൈഡും കാട് ആയിരുന്നു.. ഇടക്ക് ചില വീടുകൾ കാണപ്പെട്ടു.. പക്ഷെ അതിൽ താമസക്കാർ ഉള്ളതായി തോന്നിയില്ല.. മുന്നോട്ടു പോകുന്തോറും. കയറ്റം ആയി തുടങ്ങി.. ജോയ് മോൻ സേവ്യറോട് പറഞ്ഞു വഴി മോശം ആണ് സാർ.. ജീപ്പ് എടുത്തത് നന്നായി അല്ലേ.. ജീപ്പ് മുന്നോട്ട് പോയി കൊണ്ടിരുന്നു.. ഇരുട്ട് കൂടി തുടങ്ങി.. കുറച്ചു കഴിഞ്ഞു വഴി നിരപ്പ് ആയി തുടങ്ങി.. കുറച്ചു ദൂരെ ആയി ഒരു പള്ളിയുടെ കുരിശ് അവർ കണ്ടു.. വലിയ ഒരു സ്ട്രീറ്റ് ലൈറ്റ് അവിടെ ഉണ്ടായിരുന്നു.. അതിന്റെ വെട്ടത്തിൽ പള്ളി കാണാമായിരുന്നു.. ചെറിയ ഒരു പള്ളി.. അതിന്റെ മുറ്റത്തു ഒരു പഴയ മാരുതി 800.കിടക്കുന്നത് ജോയ്മോൻ ശ്രദ്ധിച്ചു.. ജീപ്പ് ഇരച്ചു കൊണ്ട് പള്ളിയുടെ മുറ്റത്തു നിന്നു... ജോയ്മോൻ സേവ്യറെ നോക്കി കൊണ്ട് ചോദിച്ചു.. സാർ.. ഇവിടെ ആരെയും കാണുന്നില്ലല്ലോ.അയാൾ ജീപ്പിന്റെ ചില്ലുകൾ താഴ്ത്തി.. തണുത്ത കാറ്റ് ജീപ്പിന്റെ ഉള്ളിലേക്ക് ഇരച്ചു കയറി... സേവ്യർ ഫോൺ കൈയിൽ എടുക്കാൻ തുടങ്ങുമ്പോൾ ആയിരുന്നു. പള്ളിയുടെ ഉള്ളിൽ നിന്ന് രണ്ടു പേർ പുറത്തേക്ക് വന്നത്.ഫോൺ അവിടെ തന്നെ വെച്ചിട്ട് ഡോർ തുറന്നു സേവ്യർ പുറത്തു ഇറങ്ങി... എഴുപത്. വയസ്സ് പ്രായം തോന്നുന്ന. നരച്ച താടി നെഞ്ചോളം വളർത്തിയ ആൾ മുന്നോട്ട് വന്നു സേവ്യറിന്റെ കൈയിൽ പിടിച്ചു... ആ കയ്യിൽ നിന്ന് ഒരുതണുപ്പ് തന്റെ ദേഹത്തേക്ക് കയറുന്നത് സേവ്യർ അറിഞ്ഞു... നെഞ്ചിൽ എന്തോ ഒരു ഫീൽ.. ഫാദറിന്റെ കയ്യിൽ മുറുക്കെ പിടിച്ചു കൊണ്ട് സേവ്യർ പറഞ്ഞു... എന്റെ കുഞ്ഞിനെ രക്ഷിക്കണം.... ഫാദർ മെല്ലെ ഒന്ന് പുഞ്ചിരിച്ചുകൊണ്ട് പറഞ്ഞു.. ഭയപ്പെടേണ്ട....ഇനി ഞാൻ നോക്കിക്കൊള്ളാം എല്ലാം... സേവ്യർ എന്തോ പറയാൻ തുടങ്ങി.. അപ്പോൾ ഫാദർ പറഞ്ഞു.. വേണ്ട.. ആന്റണി എന്നോട് എല്ലാം പറഞ്ഞു കഴിഞ്ഞു.. ജോയ്മോൻ മുന്നോട്ട് വന്നു കൊണ്ട് പറഞ്ഞു.. ജെസി എണീറ്റിട്ടില്ല.. ഫാദർ അത് കേട്ടപ്പോൾ പറഞ്ഞു.. മോൾ ഉടനെ എഴുന്നേൽക്കും.. അമ്മ കൂടെ ഉണ്ട് എന്ന് അല്ലേ പറഞ്ഞത്.. പുറത്തേക്ക് ഇറങ്ങാൻ പറയു.. സേവ്യർ വേഗം തന്നെ. പുറകിലെ ഡോർ തുറന്നു.. സിസിലി നീ ഇങ്ങു ഇറങ്ങി വാ.. മോൾ അവിടെ കിടന്നോട്ടെ.. സിസിലി ജെസിയുടെ തല തന്റെ മടിയിൽ നിന്ന് സീറ്റിലേക്ക് വെച്ചു കൊണ്ട്.. പുറത്തു ഇറങ്ങി.. ഫാദർ സിസിലിയെ നോക്കി കൊണ്ട് പറഞ്ഞു.. ഭയപ്പെടേണ്ട.. മോൾക്ക് ഒന്നും സംഭവിക്കില്ല... ഇങ്ങു പോരുക എന്റെ അടുത്തേക്ക്.. സിസിലി കണ്ണുനീർ സാരിതുമ്പു കൊണ്ട് തുടച്ച ശേഷം. സേവ്യറിന്റെ അടുത്തേക്ക് ചേർന്ന് നിന്നു... ജോയ് മോൻ ജീപ്പിന്റെ അടുത്തേക്ക് നീങ്ങി നിന്നു.. ഫാദർ ജീപ്പിന്റെ അടുത്തേക്ക് ചെന്നു.. ഫാദറിന്റെ കൂടെ ഉള്ള ആളെ ജോയിമോൻ ശ്രദ്ധിച്ചു... പെട്ടന്ന് സേവ്യറിന്റെ മൊബൈൽ ജീപ്പിന്റെ ഉള്ളിൽ ഇരുന്നു റിങ് ചെയ്തു... ജോയ്മോൻ. ജീപ്പിലേക്ക് നോക്കി...കുറച്ചു ബെൽ അടിച്ചു അത് നിന്നു... വീണ്ടും ഫോൺ റിങ് ചെയ്യാൻ തുടങ്ങി.. ജോയ് വേഗം തന്നെ ഡോർ തുറന്നു. ഫോൺ എടുത്തു.. ഫോണിലെ ഡിസ്പ്ലേയിൽ. തെളിഞ്ഞ പേര് കണ്ടപ്പോൾ ജോയ് ഒന്ന് ഞെട്ടി... ഫാദർ ആൽബർട്ട്.... ജോയ് മോൻ സേവ്യറിന്റെ അടുത്തേക്ക് ചെന്നു.. പിന്നെ ഫോൺ അയാൾക്ക് നേരെ നീട്ടി കൊണ്ട് പറഞ്ഞു.. സാർ ഇത് നോക്ക്.. സേവ്യർ ഫോൺ വാങ്ങി.. അടുത്ത നിമിഷം വീണ്ടും ഫോൺ റിങ് ചെയ്തു... സേവ്യറിന്റെ മുഖം ഒന്ന് വിളറി.. അയാൾ ഫോൺ ചെവിയിലേക്ക് വെച്ചു... അങ്ങേ തലക്കൽ നിന്ന് ഒരു മുഴക്കമുള്ള ശബ്ദം അയാൾ കേട്ടു... നിങ്ങൾ എന്തിന് ആണ് അവിടേക്ക് പോയത്... ഞാൻ പറഞ്ഞസ്ഥലം അത് അല്ല.. അത്. കരിമ്പനകുന്ന് ആണ്.. അതിന്റെ ഓപ്പോസിറ്റ് ആണ് ഞങ്ങൾ... സേവ്യർ ഫോൺ പിടിച്ചു നിന്ന് വിയർക്കാൻ തുടങ്ങി.... അയാൾ ജോയ്മോനെ നോക്കി... അതെ സമയം മയങ്ങി കിടന്ന ജെസി മെല്ലെ കണ്ണുകൾ തുറന്നു.. ജീപ്പിന്റെ ഡോറിൽ പിടിച്ചു നിന്ന ഫാദർ ഒന്ന് ചിരിച്ചു... കരിമ്പനകുന്നിൽ മെല്ലെ കോട ഇറങ്ങി തുടങ്ങി... സേവ്യർ വലത്തേ സ്ഥലത്തേക്ക് നോക്കി... അവിടെ ഒരു പള്ളി അയാൾ പ്രകാശത്തിൽ കുളിച്ചു നിൽക്കുന്നത് കണ്ടു.. അപ്പോൾ ഇത് ആരാണ്... ഈ ഫാദർ... ആരായിരിക്കും...??? തുടരും.. Ok alle Kannorkaran ❤️❤️❤️❤️ #💞 പ്രണയകഥകൾ #📚 ട്വിസ്റ്റ് കഥകൾ #✍ തുടർക്കഥ #📙 നോവൽ #📔 കഥ