*ഫിത്ർ സകാത്ത് : മസ്അലകൾ* ♦️റമളാനിലെ വ്രതങ്ങളുടെ പരിപൂർണതയാണ് സകാത്തുൽ ഫിത്ർ. ♦️പെരുന്നാള്‍ ദിനത്തിലെ തന്റെയും താൻ ചെലവ് കൊടുക്കൽ നിർബന്ധമായവരുടെയും ഭക്ഷണം, വസ്ത്രം, പാർപ്പിടം എന്നിവയും കടവും കഴിച്ച് സ്വന്തമായി വല്ലതും മിച്ചമുള്ളവർക്കെല്ലാം ഇത് നിർബന്ധമാണ്. ♦️റമളാനിന്റെ അവസാനപകലിലെ സൂര്യാസ്തമനം കൊണ്ട് പ്രസ്തുത സകാത്ത് നിർബന്ധമാവും. ♦️ഈ സൂര്യാസ്തമനത്തിന് ശേഷം ജനിച്ച കുട്ടിക്കും ഇസ്ലാം സ്വീകരിച്ച വ്യക്തിക്കും സകാത്തുൽ ഫിത്ർ നിർബന്ധമില്ല. ♦️സൂര്യാസ്തമന ശേഷം മരണപ്പെട്ട വ്യക്തിയെ തൊട്ടും ത്വലാഖ് ചൊല്ലപ്പെട്ട ഭാര്യയെ തൊട്ടും സകാത്ത് ബാധ്യത ഒഴിവാവുകയുമില്ല. ♦️മുൻപാണോ ശേഷമാണോ ജനിച്ചത് എന്ന് സംശയിച്ചാൽ സകാത്ത് നിർബന്ധമില്ല. ♦️എന്നാൽ മരണവിഷയത്തിൽ ഇങ്ങനെ സംശയിച്ചാൽ സകാത്ത് നിർബന്ധമാണ്. ♦️ഭർത്താവിന് സാമ്പത്തിക ശേഷി ഇല്ലെങ്കിൽ ഭാര്യക്ക് സ്വന്തം മുതലിൽ നിന്ന് സകാത്ത് നിർബന്ധമില്ല, സുന്നത്തുണ്ട്. ♦️ഇത് എന്റെ ഫിത്ർ സകാത്താണ്/ എന്റെ ശരീരത്തിന്റെ സകാത്ത് ആണ് പോലോത്ത നിയ്യത്ത് കൊടുക്കുന്ന സമയത്തോ മാറ്റിവെക്കുന്ന സമയത്തോ ചെയ്യൽ നിർബന്ധമാണ്. ♦️നാട്ടിലെ മുഖ്യാഹാരമാണ് നൽകേണ്ടത്. ♦️പകരം വില നൽകിയാൽ ശാഫിഈ മദ്ഹബിൽ സാധുവല്ല. ♦️ന്യൂനതയുള്ള ധാന്യം കൊണ്ട് ഫിത്ർ സകാത്ത് വീടുന്നതല്ല. ♦️അതായത് പുഴുക്കുത്തുള്ളതും നനഞ്ഞതും സകാത്തിന് പര്യാപ്തമല്ല. ♦️നമുക്ക് ലഭിച്ച ധാന്യം തന്നെ കൊടുക്കുന്നത് കൊണ്ട് വിരോധമില്ല. ♦️നാല് മുദ്ദ് അഥവാ ഒരു സാഅ് ആണ് ഫിത്ർ സകാത്തിന്റെ ഒരു വ്യക്തിയുടെ അളവ്. ♦️മുദ്ദ് എന്നത് അളവ് ആണ്, അതിനാൽ തൂക്കം കൃത്യം പറയൽ അസാധ്യമാണ്. എങ്കിലും ഏറ്റവും സൂക്ഷ്മതയായി ഒരാൾക്ക് മൂന്ന് kg കണക്കാക്കാവുന്നതാണ്. ♦️മുദ്ദ് പാത്രം ഉപയോഗിക്കലാണ് ഏറ്റവും അഭികാമ്യം. ♦️റമളാൻ ഒന്ന് മുതൽ സകാത്ത് കൊടുക്കൽ അനുവദനീയമാണ്. ♦️അപ്പോൾ മുന്തിച്ചു നൽകുന്നു എന്ന നിയ്യത്ത് ചെയ്യണം. ♦️എങ്കിലും ഏറ്റവും ഉത്തമമായ സമയം സൂര്യാസ്തമനം മുതൽ പെരുന്നാൾ നിസ്കാരം തുടങ്ങുന്നത് വരെയാണ്. ♦️നിസ്കാരത്തെ തൊട്ട് പിന്തിക്കൽ കറാഹത്ത് ആണ്. ♦️കുടുംബക്കാരെയോ അയൽവാസിയെയോ പ്രതീക്ഷിക്കുന്നത് പോലെയുള്ള കാരണങ്ങൾ കൊണ്ടാണ് പിന്തിയെതെങ്കിൽ ഇവിടെ കറാഹത്ത് വരുന്നില്ല. ♦️പെരുന്നാൾ ദിവസം സൂര്യാസ്തമയത്തെ തൊട്ട് പിന്തിക്കൽ ഹറാമാണ്. ♦️സകാത്ത് ബാധ്യതപ്പെട്ടവൻ ഉള്ള നാട്ടിലാണ് സകാത്ത് നൽകേണ്ടത്. പ്രവാസിയുടേത് നാട്ടിൽ കൊടുത്താൽ സാധുവല്ല. ♦️ ഇതര നാടുകളിൽ ഫിത്ർ സകാത്ത് കൊടുത്താൽ വീടുമെന്ന് ശാഫിഈ മദ്ഹബിൽ രണ്ടാം അഭിപ്രായം ഉണ്ട്. ♦️ഇതനുസരിച്ച് പ്രവാസികൾ നാട്ടിലുള്ളവരോട് കൊടുക്കാനും നിയ്യത്ത് വെക്കാനും വക്കാലത്ത് ആക്കാവുന്നതാണ്. ♦️അനർഹർക്കും (അവകാശി അല്ലാത്തവർ) അഹ്‌ലുബൈത്തിനും കാഫിരീങ്ങൾക്കും ഫിത്ർ സകാത്ത് വീടില്ല. ♦️ജോലി സാധ്യമായ വലിയ കുട്ടികളുടെ സകാത്ത് പിതാവിന് ബാധ്യതയില്ല.അവർ തന്നെ കൊടുക്കണം. ♦️പിതാവ് കൊടുക്കണമെങ്കിൽ അവരുടെ സമ്മതം നിർബന്ധമാണ്. #🤲🏻 ഫിത്ർ സക്കാത്തും പെരുന്നാൾ നമസ്കാരവും☪️ #🕋 ഇസ്ലാമിക് സ്റ്റാറ്റസ് 🟢 #🕌പുണ്യ റമളാൻ സ്റ്റാറ്റസുകൾ ☪️ #🕋 ഇസ്ലാമിക് സ്റ്റാറ്റസ് #🕌 ഇസ്ലാമിക് ഭക്തി