مجھے کبھی اندازہ ہی نہیں ہوا کہ تم مجھ سے جان چھڑانے لگے ہو۔ میں تو ہر دن یہی سمجھتا رہا کہ شاید تم تھک گئے ہو ۔۔۔۔شاید زِندگی تم پر بھاری ہے۔۔۔شاید تمہیں تھوڑا سکون چاہیے ۔ میں نے اپنی ہر خواہش ہر ضد ہر شکوہ خاموشی سے نگل لیا صرف اس اُمید پر کہ تمہیں مزید بوجھ نہ لگوں ۔ مجھے کیا پتا تھا کہ تمہاری خاموشی تھکن نہیں۔۔۔۔۔بلکہ فیصلہ تھا وہ فیصلہ جس میں میری کوئی جگہ نہیں تھی۔ میں تمہارے بدلتے لہجوں کو بھی محبّت سمجھتا رہا۔۔۔۔تمہارے دیر سے جواب دینے کو مصروفیت کہتا رہا تمہاری بے رخی کو قسمت کا امتحان مان لیا۔ اور تم۔۔۔۔۔ تم ہر دن یہی سوچتے رہے کہ یہ لڑکا خود ہی ہار مان لے تو اچھا ہے۔ تم جانتے ہو سب سے زیادہ تکلیف کب ہوئی؟ جب مجھے احساس ہوا کہ تم جانتے تھے۔۔۔میں ٹوٹ رہا ہوں پھر بھی تم نے مجھے سنبھالنے کی بجائے اور زور کا دھکا دیا۔ تم جان چھڑوانا چاہتے تھے۔۔۔اور میں تمہیں اپنا سب کچھ سمجھ بیٹھا تھا۔ تم پیچھے ہٹ گئے تھے۔۔۔۔اور میں ہر قدم تمہاری طرف بڑھتا گیا۔۔۔ میں نے خود کو اتنا سستا کر دیا کہ تمہیں چھوڑنا آسان لگا۔ میں نے تمہاری بے رخی کو بھی اپنا نصیب کا لکھا سمجھ کہ قبول کیا۔ کاش تم ایک بار کہہ دیتے کہ اب دِل نہیں چاہتا۔۔۔۔میں خود ہی ہٹ جاتا کم از کم یوں روز روز مرنے کی اذیت تو نا ہوتی۔ آج سمجھ اتا ہے کہ جسے جانا ہو وہ بہانے نہیں ڈھونڈھتا وہ بس دِل سے اتر جاتا ہے۔ اور جو پیچھے رہ جاتا ہے وہ ہر لمحہ خود سے پوچھتا ہے آخر میری کمی کیا تھی؟ میں نے تمہیں کھونا نہیں چاہا تھا بس تمہیں کھونا میرے اختیار میں نہیں تھا۔ اور یہ احساس۔۔۔۔۔۔ یہی سب سے بڑا درد ہے ❤️‍🩹 #میرا عشق تو ہے #💝 शायराना इश्क़ #❤️Love You ज़िंदगी ❤️ #💓 मोहब्बत दिल से