എടീ.... കോടി കണക്കിന് സ്വത്താണ് അവർക്ക്.... പേര് കേട്ട കുടുംബം.... അവിടെക്കാ നിന്നെ ചോദിക്കണേ.... ഒന്നും കൊടുക്കണ്ട.... ഇങ്ങോട്ട് വേണ്ടത് കിട്ടുകേം ചെയ്യും... " " അമ്മായി.... എനിക്ക് പേടിയാ അമ്മായി.... എന്നെ വല്ലതും ചെയ്താലോ?? " അവർ അത് കേട്ട് ദേഷ്യത്തോടെ അവളുടെ അടുത്തേക്ക് ചെന്നു... ഒരു മൂലയ്ക്ക് പതുങ്ങി കരഞ്ഞു കൊണ്ടിരുന്ന അവളുടെ മുടിക്ക് കുത്തി പിടിയ്ച്ചു... " നിന്നെ പലതും ചെയ്‌തെന്നിരിക്കും... കൊന്ന് എന്ന് വരും..... അതിനൊക്കെ വേണ്ടി തന്നെ ആണെടി... നിന്നെ അങ്ങോട്ടേക്ക് കെട്ടിയെടുക്കുന്നെ.... " അവർ അവളെ പിടിയ്ച്ചു പിറകിലേക്ക് ഉന്തി.... ആ ശക്തിയിൽ അവൾ പിറകിലെ ചുമരിൽ ഇടിച്ചു.... മുട്ട് കൈ പൊട്ടി ചതഞ്ഞു... " ദേ മനുഷ്യ.... " അവർ തിരിഞ്ഞു കൊണ്ട് സോഫയിൽ ഇരുന്നിരുന്ന ഭർത്താവിനെ നോക്കി... " രക്ഷപ്പെടാൻ ഉള്ള വഴിയാ കിട്ടിയേക്കണേ.... അവർ പ്രശ്നം വെച്ചു നോക്കി കണ്ടു പിടിച്ചതാ.... ഇവളെ ആണ് അവന് ചേരൂ ന്ന്.... ഈ വീടിന്റെ ലോൺ അടഞ്ഞു തീരും... അതും പോരാതെ വേറൊരു വീടും കിട്ടും... ഇതുപോലെ ഒരു ലോട്ടറി ഇനി കിട്ടില്ല... " അയാൾ അവളുടെ മുഖത്തേക്ക് നോക്കി... " അനു.... അനുസരിക്കുന്നതാ നിനക്ക് നല്ലത്... നിന്റെ അച്ഛനും അമ്മയും കടം കേറി തൂങ്ങി ചത്തപ്പോൾ തൊട്ട് നിന്നെ നോക്കി വളർത്തുന്നതാ ഞങ്ങൾ....അതിന്റെ ചെലവ് എങ്കിലും ഇത് കൊണ്ട് തീരട്ടെ... " " അല്ലേലും അവൾക്ക് എവിടുന്നാ അതൊക്കെ ഓർക്കാൻ നേരം... " ആ സ്ത്രീ വീണ്ടും കെറുവിച്ചു കൊണ്ട് അവളെ നോക്കി... " ഒരാഴ്ച കഴിഞ്ഞ് കല്യാണം ആണ്.... മര്യാദക്ക് പൊക്കോളണം ആ പ്രാന്തന്റെ കൂടെ... " അത്രയും പറഞ്ഞു കൊണ്ട് അവർ രണ്ട് പേരും എഴുന്നേറ്റ് പോയി... അടക്കി പിടിച്ചു കരഞ്ഞു കൊണ്ട് അവൾ മുറിയുടെ മൂലയ്ക്ക് ഒതുങ്ങി കൂടി..തന്റെ ദുർഗതിയെ പഴിച്ചു കൊണ്ട്... കതിർമണ്ഡപത്തിൽ ഇരിക്കുമ്പോൾ അവളുടെ ഉള്ളം ശൂന്യമായിരുന്നു…. ആരൊക്കെയോ ചേർന്ന് അവനെ തനിക്കരികിൽ പിടിച്ചിരുത്താൻ പാട് പെടുന്നത് അവൾ അറിയുന്നുണ്ടായിരുന്നു….എന്നിരുന്നാലും അവന്റെ മുഖത്തേക്ക് നോക്കാൻ അവൾക്ക് പേടി തോന്നി…. “ ഹായ്…തേങ്ങാകൊല…” അതും പറഞ്ഞു കൊണ്ട് മുന്നിലെ നിറപറയിൽ വെച്ചിരുന്ന തെങ്ങിന്റെ പൂക്കുല അവൻ വലിച്ചെടുക്കാൻ പോയതും ആരോ അവന്റെ കൈക്ക് പിടിച്ചു വലിച്ചു നീക്കി ഇരുത്തി… അതോടെ…എന്റച്ചാ…എന്ന് പറഞ്ഞോണ്ട് അവൻ വലിയ വായിൽ കരയാൻ തുടങ്ങി….. ബന്ധുക്കൾ മാത്രമായി കുറച്ച് പേര് മാത്രമേ കല്യാണത്തിന് ഉള്ളു.. പക്ഷെ എല്ലാവരുടെയും കണ്ണുകൾ തനിക്ക് നീളുന്നു എന്നൊരു തോന്നൽ അവൾക്ക് ഉണ്ടായി… താലത്തിൽ വെച്ചിരുന്ന രണ്ട് മോതിരങ്ങൾ അവൾ കണ്ടു… ഒന്നിൽ പദ്മ എന്നും മറ്റൊന്നിൽ ശ്രീസൂര്യ എന്നും പേരുകൾ കൊത്തി വെച്ചിരുന്നു… ശ്രീ സൂര്യ എന്നാകും അവന്റെ പേരെന്ന് അവൾ മനസ്സിലാക്കി… പൂജാരി താലി കെട്ടാൻ പറഞ്ഞപ്പോൾ ആരൊക്കെയോ അവന്റെ കയ്യിലേക്ക് താലി വേച്ചു കൊടുത്തു…. അവൻ അത് സ്വന്തം കഴുത്തിൽ കെട്ടാൻ പോകുന്നത് ആണ് അവൾ കണ്ടത്….അത് കണ്ട് പലരും ചിരിക്കുന്നുണ്ട്… എത്ര ശ്രമിച്ചിട്ടും അവൻ താലി കെട്ടാൻ കൂട്ടാക്കുന്നില്ല…. അവന്റെ അച്ഛൻ എന്ന് തോന്നിക്കുന്ന മനുഷ്യൻ അവനെ അടക്കി ഇരുത്താൻ പാട് പെടുകയാണ്…. അമ്മയും….. മറ്റു ചിലരും…. അവൻ താലി ചുരുട്ടി കൂട്ടി ഒരു ഏറു കൊടുത്തു…. അതോടെ താലി വിട്ട് അവനെ കൊണ്ട് സിന്ദൂരം തൊടുവിക്കാൻ ഉള്ള പണിയിൽ ആയി… ഒരു സ്ത്രീ അവന്റെ നേരെ ചെപ്പ് നീട്ടിയതും അവനൊന്നു അടങ്ങിയത് പോലെ തോന്നി.. ചെപ്പിലെ സിന്ദൂരത്തിലേക്ക് രണ്ട് മിനിറ്റ് ഉറ്റു നോക്കി… പിന്നെ കൈ നീട്ടി അത് വാങ്ങി… മുന്നിൽ ഇരിക്കുന്നവ പദ്മയെ നോക്കി… അപ്പോഴാണ് അവന്റെ മുഖം അവൾ ശ്രദ്ധിച്ചത്…. താടിയും മുടിയും ഒക്കെ നീണ്ടു വളർന്ന മുഖം…കണ്ടാൽ തന്നെ പേടി തോന്നും… അടുത്ത നിമിഷം അവൻ ചെപ്പിലെ സിന്ദൂരം അങ്ങനെ തന്നെ കയ്യിലേക്ക് കൊട്ടി നേരെ മുന്നിൽ വന്ന സ്വന്തം അച്ഛന്റെ മുഖത്തേക്ക് തന്നെ പൊത്തി വെച്ചു കൊടുത്തു… അദ്ദേഹം കണ്ണിൽ പോയ സിന്ദൂരം കളയാൻ പാട് പെട്ടു…മുഖം കഴുകാൻ ഓടി… ആ ഗ്യാപ്പിൽ അവൻ മുന്നിൽ ഇരുന്ന നില വിളക്ക് എടുത്ത് പൂജാരിയുടെ മണ്ടയ്ക്ക് നോക്കി എറിയാൻ ഓങ്ങിയതും അയാൾ എഴുന്നേറ്റ് ഓടി കളഞ്ഞു… പുറകെ ഏറു പേടിച്ചു കൊറേ ബന്ധുക്കളും… അതോടെ ബാക്കി ഉള്ള ധൈര്യശാലികൾ ആയ ബന്ധുക്കൾ എല്ലവരും കൂടി ആലോചന ആയി… കെട്ട് നടക്കില്ല എന്ന് ഏതാണ്ട് ഉറപ്പായി… പദ്മയുടെ മനസ്സിലും ഒരു ആശ്വാസം തോന്നി… അടുത്ത് ഇരിക്കുന്ന അവനെ നോക്കിയപ്പോൾ ഞാൻ ഒന്നും അറിഞ്ഞില്ല എന്ന മട്ടിൽ താടിയും മാന്തി എങ്ങോട്ടോ നോക്കി ഇരിപ്പുണ്ട്… ഒടുക്കം തീരുമാനം ആയി…കെട്ട് വേണ്ട…. കെട്ട് വേണ്ടെന്ന് കേട്ടപ്പോൾ ഞെട്ടിയ ബന്ധുക്കൾ സദ്യ ഉണ്ടെന്ന പ്രഖ്യാപനം കേട്ട് ആശ്വസിച്ചു…. പെണ്ണിനെ ചെക്കൻ വീട്ടിലേക്ക് വിളക്ക് കൊടുത്ത് കേറ്റുന്ന ചടങ്ങ് നടത്താം…. രജിസ്റ്റർ ഇൽ ഒപ്പിടാൻ പറ്റിയാൽ നടത്താം…. എന്ന രണ്ട് അഭിപ്രായങ്ങൾ എത്തി… ആദ്യം രജിസ്റ്റർ ഇൽ ഒപ്പിടാൻ ഉള്ള ഒരുക്കം നോക്കി… ആരൊക്കെയോ കൂടി അവനെ പിടിച്ചു വലിച്ചു കൊണ്ട് വന്നു…. രജിസ്ട്രാർ രജിസ്റ്റർ തുറന്ന് വെച്ചു കൊണ്ട് ഒപ്പിടാൻ പറഞ്ഞു…. പദ്മ ഒപ്പിടാൻ തുടങ്ങിയപ്പോഴേക്ക് അവൻ പേന പിടിച്ചു വാങ്ങി… “ അതെനിക്ക് താടി…. “ അവൻ അത് പിടിച്ചു വാങ്ങി ചന്തം നോക്കി…. “ ഒപ്പിട്…” അവന്റെ അച്ഛൻ അവനോട് ആജ്ഞാപിച്ചു… അവൻ കണ്ണ് മിഴിച്ചു അച്ഛനെ നോക്കി…. “ ഇനിക്ക് ഉപ്പ് വേണ്ട…. “ “ ഉപ്പല്ല…ഒപ്പ്.. “ രജിസ്ട്രാർ ബുക്ക് നീട്ടി കാണിച്ചു… അവൻ ബുക്ക് കൈ നീട്ടി വാങ്ങി…. പിന്നെ പദ്മയെ നോക്കി… പേന കൊണ്ട് എന്തോ അതിൽ എഴുതി…. ഒരു സെക്കന്റ്‌ കഴിഞ്ഞിട്ടും ആൾ പേന താഴെ വെക്കുന്നില്ല… “ മോനെ…. ബുക്ക് താ…” “ ഇല്ല…” അച്ഛൻ ബുക്ക് പിടിച്ചു വാങ്ങാൻ നോക്കിയപ്പോൾ അവൻ ബുക്ക് മാറ്റി പിടിയ്ച്ചു… പണി തെറിക്കും എന്ന മട്ടിൽ ആയി രജിസ്ട്രാർ… “ അനിൽ സർ…എന്റെ ബുക്ക്…” അയാൾ അവന്റെ അച്ഛനോട് പറഞ്ഞു… “ പൊന്നെ…ബുക്ക് താ…” അവൻ എന്തൊക്കെയോ കൂടി കുത്തി കുറച്ചു കൊണ്ട് ബുക്ക് കൊടുത്തു… “ ഇതെന്താ?? “. ഒപ്പ് കണ്ടവർ കണ്ടവർ ചിരിക്കണോ കരയണോ എന്ന മട്ടിൽ നിൽക്കുന്നത് കണ്ട് പദ്മയും ഒന്ന് എത്തി നോക്കി… Tunkil Tunkil Littil Tar Hawai Wonder waatt u r കാക്കേ കാക്കേ തൂറവിടെ.. കൂട്ടിനകത്തൊരു ഷഡിണ്ടോ?? പിന്നെ ഒരു തേങ്ങ.. കാക്ക…മാങ്ങ…ഇതിന്റെ പടം… “ ഇതാണോ ഒപ്പ്….? “ അച്ഛൻ അവനെ നോക്കി ചോദിച്ചതും… “ എന്നെ ടീച്ചർ ഇത്രേ പഠിപ്പിച്ചോളൂ…. “ എന്ന് പറഞ്ഞു കൊണ്ട് അവൻ കണ്ണ് തിരുമ്മി കരയാൻ തുടങ്ങി.. അതോടെ അതിനും തീരുമാനം ആയി… വിളക്ക് കൊടുത്ത് കേറ്റാം എന്നായി…. വിളക്ക് കത്തിച്ചു കൊണ്ട് അമ്മ വന്നതും അവൻ ചാടി കേറി മുന്നിൽ നിന്നുകൊണ്ട് ഒറ്റ ഊതൽ… " ആപ്പി ബെർത്ത്‌ ഡേ ടു യു... " “ ഛെ…. ഈ ചെക്കനെ…. “ പറഞ്ഞു തീരലും അമ്മയെ തള്ളി മാറ്റി കൊണ്ട് അവൻ അകത്തേക്ക് ഓടി… അവർ പദ്മയെ നോക്കി… “ മോളെ…. മോള് ചെല്ല്…. മുകളിലാ മുറി…. സരു…” അടുത്ത് നിന്നിരുന്ന പെൺകുട്ടിയെ കൂടി അവളുടെ ഒപ്പം വിട്ടു… പിറകെ അവന്റെ അച്ഛൻ കേറി വന്നു… നേരത്തെ കിട്ടിയ കുങ്കുമം ഫേഷ്യൽ കൊണ്ട് അയാളുടെ മുഖം മുഴുവൻ ചുവന്നു കിടന്നിരുന്നു… “ ഇവൻ…ഇങ്ങനെ ചെയ്തു കളയും ന്ന് കരുതിയില്ല…എല്ലാം ശരിയാകുമായിരിക്കും അല്ലെ??” അവന്റെ അമ്മ സുമ ലത അനിൽ നോടായി ചോദിച്ചു പറഞ്ഞു… “ മ്മ്…എന്നെ ശരിയാക്കും ന്നാ തോന്നുന്നത്…ബോധം ഉള്ളപ്പോഴേ അവൻ എന്നെ നിലയ്ക്ക് നിർത്തിയിട്ടില്ല…ഇനി ബോധം ഇല്ലാത്തപ്പോ എന്നെ വാക്കത്തി ക്ക് വെട്ടില്ലെന്ന് ആര് കണ്ടു…. “ “ നിങ്ങക് ആവശ്യം ഇല്ലാത്തതൊന്നും പറയണ്ട…. ആ കുട്ടി അവനെ നേരെ യാക്കും…. “ “ മ്മ്…. അവൻ അതിനെ പീസ് പീസ് ആക്കാതെ നോക്കിക്കോ…. അല്ലെങ്കിൽ തന്നെ പരീക്ഷണം ആണല്ലോ ശാസ്ത്രജഞൻ…. ഒള്ള പുഴുനേം പല്ലിനേം ഒക്കെ വെട്ടി ആസിഡിൽ ഇട്ട് ചാകുവോന്ന് നോക്കുന്ന പരീക്ഷണം…. അവളേം നിന്നേം എന്നേം ഒരുമിച്ചു വാട്ടി പുഴുങ്ങി രസായനം ഉണ്ടാക്കാതെ നോക്കിക്കോ…..മര്യാദക്ക് വല്ല ഡോക്ടറെയും കാണിക്കണ്ട നേരത്തിന്…. ചെക്കനെ കെട്ടിക്കാൻ നടക്കുന്നു…” “ നിങ്ങൾ ഒന്നും പറയണ്ട….. കുങ്കുമമഴയിൽ ഉർവശി മോളെ കല്യാണം കഴിച്ച മിനിറ്റിൽ തന്നെ ദേവേന്ദ്രൻ മോന് ഓർമ തിരികെ കിട്ടിയില്ലേ….. എന്റെ മോനും നേരെയാകും…. എന്റെ ക്ളീഷേനെറ്റ് ചാനൽ അങ്ങനെ ഒന്നും പറഞ്ഞു പറ്റിക്കില്ല…അവർ നേര് ഉള്ളോരാ…” " അതിലൊന്ന് നേരാ... ദേ... കുങ്കുമ മഴ കാണാൻ എന്നെ നോക്കിക്കോ വൈകിട്ടുള്ള റീസെപ്ഷനും വേണ്ടെന്ന് നേരത്തെ തീരുമാനിച്ചത് കൊണ്ട് വീണ്ടും ഒരു കോലം കെട്ടൽ വേണ്ട…. പദ്മ തലയിൽ നിന്ന് മുല്ല പൂ ഊരി മാറ്റുന്നതിന്റെ ഇടയിൽ അതോർത്ത് ആശ്വസിച്ചു… അല്ലെങ്കിൽ പിന്നെയും ഓരോ ഡ്രസ്സ്‌ വലിച്ചു വാരി ചുറ്റി നാട്ടുകാരുടെ മുന്നിൽ നിൽക്കേണ്ടി വന്നേനെ… ഇത്രയും ബഹളങ്ങൾ നടന്നിട്ടും തന്റെ അമ്മാവനെയും അമ്മായിയെയും കണ്ടില്ല എന്നത് അവൾ ഓർത്തു…. രണ്ട് പേരും കാറിൽ ഇങ്ങോട്ട് വരുമ്പോൾ ഉണ്ടായിരുന്നു…. വന്ന വഴി കിട്ടാനുള്ളത് കണക്ക് പറഞ്ഞു വാങ്ങി പോയി കാണും.. അല്ലെങ്കിലും ഇനി എന്റെ വിവരം അന്വേഷിക്കാൻ വരുമെന്ന് തോന്നുന്നില്ല…. “ ചേച്ചി…ഇതാ…ഇടാനുള്ള ഡ്രസ്സ്‌…” ഒരു പെൺകുട്ടി ഒരു ചുരിദാർ കൊണ്ട് വന്നു ബെഡിൽ വെച്ചു… “ മോള് ഏതാ??? എനിക്ക് ഇവിടെ ആരെയും അറിയില്ല.. അത് കൊണ്ട് ചോദിച്ചതാ…. “ “ ഞാൻ ശ്രീയേട്ടന്റെ ഇളയച്ഛന്റെ ഏറ്റവും ഇളയ മോളാ…വരുണ ” അപ്പോഴേക്ക് സരു എന്നാ പെൺകുട്ടി അകത്തേക്ക് വന്നു… “ ഇതൊ?? “ പദ്മ അവളെ നോക്കി കൊണ്ട് വരുണ യോട് ചോദിച്ചു… “ ഇതെന്റെ ചേച്ചി…സരുണ…ഒരാൾ കൂടി ഉണ്ട്…അരുണ…താഴെ പായസം കുടിക്കാ….…” സരു അവളെ നോക്കി ചിരിച്ചു…. “ ഞങ്ങൾ ഒരു മതിലിന്റെ അപ്പുറം ഉള്ള വീട്ടിലാ…. “ അതും പറഞ്ഞു കൊണ്ട് “ ഇവിടെ വേറേ ആരൊക്കെയാ ഉള്ളെ?? “പദ്മ ചോദിച്ചു… “ ഇവിടെ ശ്രീ ഏട്ടൻ…. അച്ഛൻ,അമ്മ, അച്ഛമ്മ, …. പിന്നെ…രണ്ട് ചേച്ചി മാർ.. ശ്രീനന്ദിനി, ശ്രീ ബാല…. അവരുടെ കല്യാണം കഴിഞ്ഞു…. രണ്ട് പേർക്കും രണ്ട് കുട്ടികൾ ഉണ്ട്…. “ അതും കഴിഞ്ഞ് വരുണ അവരുടെ കുട്ടികളുടെ വിവരണം തുടങ്ങി…മൊത്തത്തിൽ ഇതൊരു പെൺ വീട് ആണെന്ന് പദ്മയ്ക്ക് തോന്നി…കാരണം ആ നാല് കുട്ടികളും യഥാക്രമം ശ്രീമയി , ശ്രീലക്ഷ്മി, ശ്രീഗംഗ, ശ്രീയമുന…. സർവം ശ്രീ മയം….പിന്നെ മനസ്സിലായി ഇതിനൊക്കെ പേരിട്ടത് മിസ്റ്റർ ശ്രീ സൂര്യ ആണെന്ന്… “ ചേട്ടൻ പഞ്ചാര അളിയൻ ആയത് കൊണ്ട് ചേച്ചിമാരുടെ ഭർത്താക്കന്മാർ മക്കൾക്ക് ആ ശ്രീ കൂടി ഇട്ടു കൊടുത്തു… ഞങ്ങൾക്ക് എല്ലാവർക്കും ശ്രീ കൂട്ടി ഇടാൻ ചേട്ടന് പറ്റിയില്ല…ഞങ്ങൾ ജനിക്കുമ്പോൾ ചേട്ടന് ബോധം ഇല്ലായിരുന്നു…” പദ്മ അവളെ മിഴിച്ചു നോക്കി… “ അല്ല…അന്ന് ചേട്ടനും കുഞ്ഞല്ലേ…അതോണ്ട്…പറ്റിയില്ല…” വരുണ അവളുടെ തലയിലെ സ്ലേയ്ഡ് ഊരി കൊടുത്തു… “ ചേട്ടന് എന്താ പറ്റിയെ??? “ പദ്മ ചോദിച്ചു… “ ചേച്ചിക്ക് അറിഞ്ഞൂടെ?? “ “ ഇല്ല…എന്നോട് അതൊന്നും പറഞ്ഞിട്ടില്ല…” “ സത്യത്തിൽ എന്താ കാര്യം ന്ന് ഞങ്ങൾക്കും അറിഞ്ഞൂടാ…ചേട്ടൻ ഒരു ദിവസം ജോലി കഴിഞ്ഞു വീട്ടില് വന്ന് ഉറങ്ങാൻ കിടന്നതാ…നേരം വെളുത്തപ്പോ പ്രാന്തായി…. “ പദ്മ കിളി പോയ പോലെ ഇരുന്നു… നേരം ഇരുട്ടി വെളുത്തപ്പോ പ്രാന്തായി…അതെന്ത് വട്ട്??ബെഡിൽ നിന്ന് ഉരുണ്ട് വീണു തലയിടിച്…. അങ്ങനെ…ഏയ്‌…അങ്ങനെ ആകാൻ വഴിയില്ല… “ അതെങ്ങനെ…. കട്ടിലിൽ നിന്ന് വീഴുകയോ മറ്റോ?? “ “ ഇല്ല ഡോക്ടർക്ക് പോലും ഇത് വരെ കണ്ടു പിടിക്കാൻ പറ്റിയിട്ടില്ല…. പിന്നെ ചേട്ടന്…റീസെർച് ഒക്കെ ആയിരുന്നു…. പരീക്ഷണം നടത്തി നടത്തി…. “ പെട്ടെന്നാണ് പിറകിൽ നിന്ന് ഉച്ചത്തിൽ ഒരു കരച്ചിൽ കേട്ടത്… നോക്കിയപ്പോൾ അവന്റെ അമ്മയാണ്… പദ്മ പെട്ടെന്ന് എഴുന്നേറ്റു നിന്നു… “ അത് അവന്റെ അച്ഛൻ എപ്പോഴും പറയുന്നതാ മോളെ…. എന്റെ കുഞ്.. ഏതാണ്ടോ മരുന്നൊക്കെ കണ്ടു പിടിക്കാൻ ഉള്ള പരീക്ഷണത്തിൽ ആയിരുന്നു…കാഞ്ഞ ബുദ്ധി ആണ് അവന്…. അങ്ങനെ സ്വയം പരീക്ഷിച്ച മരുന്ന് വല്ലതും തലയ്ക്കു കേറിയതാകും എന്നാ പറഞ്ഞെ…. പക്ഷെ എനിക്കറിയാം…എന്റെ കുഞ്ഞിന് എങ്ങനെയാ ഇങ്ങനെ പറ്റിയെന്നു…” പദ്മ ആകാംഷയോടെ എല്ലാവരെയും നോക്കി…എല്ലാവരുടെയും മുഖത്ത് ഒരു ദുഃഖഭാവം ഉണ്ട്…സരു വിന്റെ ഒഴികെ….അവളുടേത് ഒരു നോർമൽ എക്സ്പ്രഷൻ ആണ്… “ എങ്ങനെയാ അമ്മേ?? “ പദ്മ ചോദിച്ചു… “ അവനെ രാത്രിയിൽ ആരോ വണ്ടി ഇടിച്ചിട്ടുണ്ട്…അങ്ങനെയാ…” പറഞ്ഞു തീരലും സരു വാ പൊത്തി ഒരൊറ്റ ചിരി…. പെട്ടെന്ന് തന്നെ അവൾ അതൊരു ചുമയാക്കി മാറ്റി… “ അമ്മേ…രാത്രി വണ്ടി ഇടിച്ച ആൾ എങ്ങനെയാ…ഇവിടെ വരെ വന്ന്.. ഉറങ്ങി…. “ “ അതെ…മോള്.. കുങ്കുമമഴ കണ്ടിട്ടില്ലേ…” “ ഇല്ല…ഞാൻ വേനൽ മഴ കണ്ടിട്ടുണ്ട്…” “ അതേത് ചാനൽ ഇൽ…?? “ അമ്മ പെട്ടെന്ന് അവളുടെ കയ്യിലെ പിടിച്ചു കൊണ്ട് സന്തോഷത്തോടെ ചോദിച്ചു… “ ചാനൽഇൽ അല്ല…നമ്മുടെ സാധാരണ വേനൽ മഴ…. പിന്നെ ഇടവപ്പാതി…” “ ആ…അതല്ല…നമ്മുടെ ക്ളീഷേ നെറ്റിലെ കുങ്കുമമഴ സീരിയൽ…” പദ്മ ചിരിക്കണോ കരയണോ എന്നറിയാതെ നിന്നു പോയി.. “ അതിലെ ദേവേന്ദ്രൻ മോന്…ഇങ്ങനെയാ പറ്റിയെ…. രാത്രി കാർ ഇടിച്ചതാ…. അപ്പൊ തന്നെ ഭ്രാന്തായി പോയി…പിന്നെ ഉർവശി മോളെ കല്യാണം കഴിച്ചപ്പോ ആണ് മാറിയെ…” “ അപ്പൊ തന്നെ മാറിയോ?? “ “ ആ…അപ്പൊ തന്നെ മാറി…കഴുത്തിൽ താലി കെട്ടിയ സെക്കൻഡിൽ മാറി…. താലിയുടെ ശക്തി അതാണ് മോളെ…” പദ്മയ്ക്ക് ഏതാണ്ടൊക്കെ പിടി കിട്ടി…ഇത് ഒരു ഭ്രാന്തന്റെ വീടല്ല…. ഭ്രാന്താലയം ആണെന്ന് തോന്നുന്നു… “ എനിക്കറിയാം…എന്റെ മോന് നിന്റെ കഴുത്തിൽ താലി കെട്ടിയിരുന്നു എങ്കിൽ…ആ നിമിഷം തന്നെ എന്റെ മോന്റെ അസുഖം മാറിയേനെ…ഹാ വിധി…മോള് വിഷമിക്കണ്ട…” അവർ പദ്മയുടെ കയ്യിൽ കൂട്ടി പിടിച്ചു… “ എന്റെ മോൻ നിന്നെ താലി കെട്ടും…ഈ അമ്മ കെട്ടിക്കും…. “ “ എന്നിട്ട്…ഓർമ വരുംമ്പോ…ചേച്ചിയെ ചേട്ടൻ ചവിട്ടി പുറത്താക്കും…. “ സരു ഒരു സീരിയൽ തത്വം പറഞ്ഞു… “ അന്ന് ഇവളുടെ കഴുത്ത് വെട്ടി ഞാൻ വാഴയ്ക്ക് തടം വെയ്ക്കും…. “ ഇതെല്ലാം കേട്ടു കൊണ്ട് വാതിൽക്കൽ നിന്നിരുന്ന അച്ഛൻ അനിൽ ബാക്കി ഡയലോഗ് എടുത്തിട്ടു… “ സരു മോളെ…നീ പദ്മയുടെ കൂടെ ഇരുന്നോ…. ബാക്കി ഒക്കെ പുറത്ത്…ഗെറ്റ് ഔട്ട്‌…” അത് കേട്ടതും ബാക്കി രണ്ടും ചാടി പുറത്തിറങ്ങി… അനിൽ അകത്തേക്ക് കേറി വന്നു… “ ഞാൻ എല്ലാം കേട്ടു…എനിക്ക് സന്തോഷം ആയി…മോൾക്ക് സീരിയൽ കാണുന്ന അസുഖം ഒന്നുമില്ലല്ലോ?? “ “ ഇല്ല…” “ പിന്നെ…വാദിലിപി വായിക്കാറുണ്ടോ?? “ “ ഇല്ല…. “ “ അതും നന്നായി…” അദ്ദേഹം നെഞ്ചത് കൈ വെച്ചു നിന്നു….. “ മോൾടെ അടുത്ത് അച്ഛൻ ഒരു കാര്യം പറയാം…. കാര്യം അവൻ എന്റെ മോൻ തന്നെയാ…പക്ഷെ.. അവന്റെ പോലെ…ഇത്ര ചെറ്റ,അലവലാതി, ഊടായിപ്പ്, വായിനോക്കി, പരമനാറി….ഈ നാട്ടിൽ കാണില്ല…” പദ്മ സരു വിനെ നോക്കി…. അവൾ വാ പൊത്തി ചിരിച്ചു കൊണ്ട് നിൽപ്പുണ്ട്… “സത്യം…. ഇങ്ങനെയൊരു പീസ് നെ ഞാൻ എങ്ങനെ ഉണ്ടാക്കി എന്ന് എനിക്ക് തന്നെ അറിയില്ല…എനിക്ക് ഉറപ്പാ……. ആയുർവേദ ഭിക്ഷക്കാരൻ അല്ലെ അവൻ…ഡോക്ടർ ശ്രീസൂര്യ അനിൽ BAMS….മിക്കവാറും അവൻ അരണയെ വാട്ടി കഷായം വെച്ചു തന്നെ താൻ കുടിച്ചു കാണും……ആദ്യം അവനെ വല്ല ധാര കോരി മൂലയ്ക്ക് ഇരുത്തണം…. കൂട്ടത്തിൽ അവന്റെ അമ്മേനേം അച്ഛമ്മനേം ഇളയമ്മനേം…പെങ്ങന്മാരേം….ഇവളെ ഒഴിച്…” ആദ്ദേഹം സരുവിനെ നോക്കി…. “ സരു ഒഴിച്….. ഒക്കെത്തിനേം നെല്ലിക്ക തളം വെച്ച് ഇരുത്തണം…. അവന്റെ ഈ പ്രാന്ത് മാറണ്ടിരിക്കുന്നതാ ഒന്നോർത്താ നല്ലത്…അവൻ സ്വബോധത്തിൽ ആണെങ്കിൽ മൂർഖൻ പാമ്പിനെ അരച്ച് കലക്കി അരിഷ്ടം ഉണ്ടാക്കുന്ന ജാതി ആണ്…” ഒറ്റ ശ്വാസത്തിൽ അത്രയും പറഞ്ഞു കൊണ്ട് അനിൽ നെഞ്ചത് കൈ വെച്ചു നിന്നു… “ മോള് പേടിക്കണ്ട…. ആ നത്തോലിനെ ഞാൻ അധികം വൈകാതെ ഒരു ഡോക്ടർ നെ കാണിക്കും…അവന്റെ അമ്മേടെ ക്ളീഷേനെറ്റ് അടിച്ചു പൊളിച്ചിട്ട് ആണെങ്കിലും…. മോള് നാളെ തന്നെ കോളേജിൽ പൊക്കോ…. അവനെ നോക്കി വെച്ചോണ്ട് ഇരുന്ന് പഠിപ്പ് മുടക്കണ്ട…. അവനുള്ള ചൊറിയമ്പുഴു ലേഹ്യം ഞാൻ ഉണ്ടാക്കുന്നുണ്ട്…” 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://app.aksharathalukal.in/series/47420/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ