കടമ്പാട്ടിലെ കരിവീരൻ ഭാഗം 3 🐘🐘🐘🐘🐘🐘🐘🐘🐘🐘🐘🐘🐘 സന്തോഷകരമായ ആ കല്യാണത്തിന് പിന്നാലെ അപ്രതീക്ഷിതമായ ചില സംഭവവികാസങ്ങൾ കടമ്പാട്ട് തറവാടിനെ പിടിച്ചുലയ്ക്കുന്നു. ആദിത്യന്റെയും മീനാക്ഷിയുടെയും വിവാഹം കഴിഞ്ഞതോടെ തറവാട്ടിൽ സമാധാനം തിരിച്ചുവന്നു എന്ന് എല്ലാവരും കരുതി…. ശേഖരൻ നായർ ആദിത്യനെ തന്റെ മകനെപ്പോലെ സ്നേഹിച്ചു തുടങ്ങി. എന്നാൽ ജയിലിൽ കിടക്കുന്ന രാഘവന്റെ ഉള്ളിലെ പക ഒരു അഗ്നിപർവ്വതം പോലെ നീറിപ്പുകയുകയായിരുന്നു… രാഘവന്റെ സഹോദരൻ ഭാസ്കരൻ വിദേശത്തുനിന്നും തിരിച്ചെത്തി. രാഘവനെക്കാൾ ബുദ്ധിയും ക്രൂരതയുമുള്ള ഒരാളായിരുന്നു ഭാസ്കരൻ… തന്റെ കുടുംബത്തിന് ഉണ്ടായ അപമാനത്തിന് പകരമായി കടമ്പാട്ട് തറവാടിന്റെ ഐശ്വര്യം നശിപ്പിക്കുമെന്ന് അവൻ ശപഥം ചെയ്തു…. പെട്ടെന്നൊരു ദിവസം മുതൽ വിശ്വനാഥൻ വീണ്ടും അസ്വസ്ഥനായിത്തുടങ്ങി. ആദിത്യൻ എത്ര ശ്രമിച്ചിട്ടും ആനയുടെ ദേഷ്യം കുറയുന്നില്ല. ആഹാരം കഴിക്കാനോ വെള്ളം കുടിക്കാനോ അവൻ കൂട്ടാക്കിയില്ല. വിശ്വനാഥന്റെ ശരീരത്തിൽ അവിടവിടെയായി ചെറിയ തടിപ്പുകൾ കണ്ടുതുടങ്ങി…. ആദിത്യൻ പരിഭ്രാന്തനായി. അവൻ വിശ്വനാഥന്റെ കണ്ണുകളിലേക്ക് നോക്കി. ആ കണ്ണുകളിൽ ഭയവും വേദനയും നിഴലിച്ചിരുന്നു. "മോനേ... നിനക്ക് എന്തുപറ്റി?" ആദിത്യൻ അവന്റെ തുമ്പിക്കൈയിൽ തലോടി ചോദിച്ചു. വിശ്വനാഥൻ ഒരു ദീനസ്വരം പുറപ്പെടുവിച്ചു. ആനയുടെ വായുടെ ഉള്ളിൽ ആദിത്യൻ പരിശോധിച്ചപ്പോൾ ഞെട്ടിപ്പോയി. ആനയുടെ മോണയിൽ ചെറിയ മുറിവുകൾ കരിഞ്ഞു തുടങ്ങിയിരിക്കുന്നു. ആരോ ആനയ്ക്ക് നൽകുന്ന ആഹാരത്തിൽ പതുക്കെ പ്രവർത്തിക്കുന്ന മാരകമായ ഒരു മരുന്ന് കലർത്തുന്നുണ്ടെന്ന് ആദിത്യന് മനസ്സിലായി… തറവാട്ടിനുള്ളിൽ തന്നെ ശത്രുക്കളുണ്ടെന്ന് ആദിത്യൻ തിരിച്ചറിഞ്ഞു. ഇതിനിടയിൽ മീനാക്ഷിക്ക് നേരെയും ചില വധശ്രമങ്ങൾ നടന്നു. മീനാക്ഷി തലനാരിഴയ്ക്കാണ് രക്ഷപ്പെട്ടത് തറവാട്ടിലെ കിണറ്റിൽ വിഷം കലർത്താനുള്ള ശ്രമം ഭാസ്കരൻ തറവാട്ടിലെ ഒരു പുതിയ ജോലിക്കാരനെ സ്വാധീനിച്ചാണ് ചെയ്തത്… അത് മീനാക്ഷി കണ്ടതോടെ ആണ് അവൾക്ക് നേരെ വധശ്രമം ഉണ്ടായത്… ആദിത്യനെ തകർക്കാൻ അവന് ഏറ്റവും പ്രിയപ്പെട്ട വിശ്വനാഥനെ നശിപ്പിക്കുക എന്നതായിരുന്നു ഭാസ്കരന്റെ തന്ത്രം. വിശ്വനാഥന്റെ ആരോഗ്യം ക്ഷയിച്ചു തുടങ്ങി. ഒരു രാത്രിയിൽ, ആന വല്ലാതെ തളർന്നു വീണു. തറവാട് മുഴുവൻ ആശങ്കയിലായി. മൃഗഡോക്ടർമാർ കൈമലർത്തി… "ഇത് സാധാരണ അസുഖമല്ല, ആനയുടെ ഉള്ളിൽ ചെന്ന വിഷം അവനെ അകമേ നശിപ്പിക്കുകയാണ്," ഡോക്ടർ പറഞ്ഞു. ആദിത്യൻ തകർന്നുപോയി… അവൻ വിശ്വനാഥന്റെ കാല്ക്കൽ ഇരുന്ന് കരഞ്ഞു. അർദ്ധരാത്രിയിൽ ആനപ്പുരയിലേക്ക് ഒരു രൂപം വരുന്നത് ആദിത്യൻ കണ്ടു. അത് ഭാസ്കരനായിരുന്നു. കയ്യിൽ ഒരു കുപ്പി മരുന്നുമായി അവൻ ആനയുടെ അടുത്തേക്ക് നീങ്ങി. അവസാനത്തെ ഡോസ് വിഷം നൽകി വിശ്വനാഥനെ എന്നെന്നേക്കുമായി ഇല്ലാതാക്കാനായിരുന്നു അവന്റെ വരവ്… ആദിത്യൻ ഭാസ്കരനെ നേരിട്ടു. ആനപ്പുരയിൽ വെച്ച് അവർ തമ്മിൽ കഠിനമായ പോരാട്ടം നടന്നു. ഭാസ്കരൻ ഒരു കത്തിയെടുത്ത് ആദിത്യനെ ആക്രമിച്ചു… ആദിത്യന്റെ കയ്യിൽ മുറിവേറ്റു. രക്തം നിലത്ത് വീണത് കണ്ടതും തളർന്നു കിടന്ന വിശ്വനാഥൻ ഒരു നിമിഷം കണ്ണുതുറന്നു. തന്റെ യജമാനൻ അപകടത്തിലാണെന്ന് തിരിച്ചറിഞ്ഞ വിശ്വനാഥൻ തന്റെ അവസാനത്തെ ശക്തിയും സംഭരിച്ച് എഴുന്നേറ്റു. ഒരു വന്യമായ അലർച്ചയോടെ അവൻ ഭാസ്കരനെ ലക്ഷ്യം വെച്ചു…. ചങ്ങലകൾ വകവെക്കാതെ അവൻ തന്റെ തുമ്പിക്കൈ വീശി. ഭാസ്കരൻ ഭയന്നോടാൻ ശ്രമിച്ചെങ്കിലും വിശ്വനാഥന്റെ മുന്നിൽ നിന്ന് അവന് രക്ഷപ്പെടാനായില്ല… വിശ്വനാഥൻ ഭാസ്കരനെ കൊല്ലാൻ തുനിഞ്ഞില്ല, പകരം അവനെ തുമ്പിക്കൈ കൊണ്ട് ചുറ്റിപ്പിടിച്ച് ദൂരേക്ക് വലിച്ചെറിഞ്ഞു. ആ ആഘാതത്തിൽ ഭാസ്കരൻ ബോധരഹിതനായി വീണു….. അതിരാവിലെ തന്നെ ആദിത്യൻ കാട്ടിൽ പോയി ചില അപൂർവ്വമായ പച്ചമരുന്നുകൾ ശേഖരിച്ചു കൊണ്ടുവന്നു. അവന്റെ പൂർവ്വികർ പറഞ്ഞു തന്നിട്ടുള്ള വിദ്യകൾ ഉപയോഗിച്ച് അവൻ വിശ്വനാഥന് ചികിത്സ നൽകി. മീനാക്ഷി രാപ്പകൽ ആദിത്യന് കൂട്ടായി നിന്നു….. ദിവസങ്ങൾക്ക് ശേഷം, വിശ്വനാഥൻ പതുക്കെ കണ്ണുതുറന്നു. അവൻ ആദിത്യന്റെ കയ്യിൽ സ്നേഹത്തോടെ തുമ്പിക്കൈ വെച്ചു. ആ കണ്ണുകളിൽ ഇപ്പോൾ പകയല്ല, മറിച്ച് തന്റെ ജീവൻ രക്ഷിച്ചവനോടുള്ള അളവറ്റ നന്ദിയായിരുന്നു….. ഭാസ്കരനും രാഘവനും നിയമത്തിന് മുന്നിൽ അകപ്പെട്ടു. കടമ്പാട്ട് തറവാട് അതിന്റെ പഴയ പ്രതാപത്തിലേക്ക് തിരിച്ചുവന്നു. ഇപ്പോൾ തറവാട്ടു മുറ്റത്ത് വിശ്വനാഥൻ നിൽക്കുന്നത് വെറുമൊരു ആനയായല്ല, മറിച്ച് ആ കുടുംബത്തിന്റെ കാവൽ ദൈവമായാണ്. ആദിത്യനും മീനാക്ഷിയും വിശ്വനാഥനും തമ്മിലുള്ള ആ സ്നേഹബന്ധം ആ നാടിന് ഒരു അത്ഭുതമായി മാറി…. തുടരും…. ✍️സന്തോഷ്‌ ശശി #📙 നോവൽ #💞 പ്രണയകഥകൾ #📔 കഥ #കഥ,ത്രില്ലെർ,ഹൊറർ #✍ തുടർക്കഥ