#અમે સુરતી #📰 5 ડિસેમ્બર ના સમાચાર #સુરત #સુરત સમાચાર #💥 સુરત અપડેટ્સ સુરત જિલ્લાના માંડવી તાલુકાના ખેડપુર ગામમાંથી નકલી ઘી બનાવવાની ફેક્ટરી ઝડપાતા ચકચાર મચી ગઈ છે. માંડવી પોલીસે દરોડો પાડી અંદાજે ₹7.30 લાખનો શંકાસ્પદ જથ્થો કબ્જે કર્યો છે.
મળતી માહિતી મુજબ ખેડપુર ગામની અગ્રેશ્વર સોસાયટીમાં એક મકાનમાં નકલી ઘી બનાવવાની ગેરકાયદે પ્રવૃત્તિ ચાલી રહી હોવાની બાતમીના આધારે માંડવી પોલીસના PI સી.બી. ચૌહાણની ટીમે દરોડો પાડ્યો હતો. દરોડા દરમિયાન સ્થળ પરથી હેમરાજ નાનુસિંગ રાજપુરોહિત નામનો શખ્સ મળી આવ્યો હતો, જે મૂળ રાજસ્થાનનો હોવાનું જાણવા મળ્યું છે.
પોલીસ તપાસમાં 810.5 લીટર શંકાસ્પદ ઘી મળી આવ્યું હતું, જેની અંદાજિત કિંમત ₹6.65 લાખ થાય છે. આ ઘી 'યદુગીરી પ્યોર કાઉ ઘી' (Yadugiri Pure Cow Ghee)ના નામે પેક કરીને વેચાણ માટે તૈયાર કરવામાં આવતું હતું. સ્થળ પરથી ઘી બનાવવા માટે વપરાતા એસેન્સ, પાવડર, કલર, ખાલી ડબ્બાઓ, 1 લાખથી વધુ બ્રાન્ડિંગ સ્ટીકરો, કેપિંગ મશીન, બેચ કોડિંગ મશીન અને ઇલેક્ટ્રોનિક વજનકાંટો પણ મળી આવ્યા હતા.
પોલીસને દરોડા દરમિયાન ટોયલેટ ક્લીનર હારપીક પાવર પ્લસની 645 બોટલો, આશરે 40,000 નકલી સ્ટીકરો, પંઢરપુરી તમાકુના 1960 પાઉચ તેમજ પેકિંગ સામગ્રી પણ મળી આવી હતી. ઉપરાંત 200 લીટર એસિડ ભરેલા 4 બેરલ, ગેસનો ચૂલો અને સિલિન્ડર પણ કબજે કરવામાં આવ્યા છે.
આ સમગ્ર જથ્થા અંગે કોઈ પણ પ્રકારના લાયસન્સ કે આધાર પુરાવા આરોપી પાસે મળી આવ્યા નહોતા. પોલીસે તમામ શંકાસ્પદ વસ્તુઓ જપ્ત કરી ફૂડ એન્ડ ડ્રગ્સ વિભાગને જાણ કરી હતી. ફૂડ વિભાગે નમૂનાઓ લઈને લેબ પરીક્ષણ માટે મોકલી આપ્યા છે.
PI સી.બી. ચૌહાણના જણાવ્યા અનુસાર FSL અને લેબ રિપોર્ટ આવ્યા બાદ આરોપી સામે કડક કાયદેસરની કાર્યવાહી કરવામાં આવશે. લોકોના આરોગ્ય સાથે ચેડા કરતા આવા તત્વો સામે પોલીસની કાર્યવાહીથી સમગ્ર વિસ્તારમાં ફફડાટ વ્યાપી ગયો છે.
#AmeSurati #SuratNews #FakeGhee #FoodAdulteration #BreakingNews
fake ghee factory surat | mandvi fake ghee raid | surat food adulteration | fake cow ghee factory gujarat | mandvi police raid | food safety raid surat | fake ghee news gujarat | surat breaking news | gujarat crime news | ame surati news
Fake Ghee Factory Busted In Mandvi Surat | ₹7.30 Lakh Suspicious Stock Seized
