(رافضی یوٹیوبر اللہیاری کا سیدنا عمر رضی اللہ تعالیٰ عنہ پر اعتراض کا جواب)
تحقیق و تحریر ✒️: محمد حسن رضا حنفی عفی عنہ
محترم قارئینِ کرام!
رافضی یوٹیوبر حسن اللہیاری کا ایک کلپ نظروں سے گزرا جس میں اس نے سیدنا عمر رضی اللہ تعالیٰ عنہ پر یہ اعتراض کیا کہ جب آپ رضی اللہ تعالیٰ عنہ کے گھر میں کوئی مہمان آتا تو آپ کے گھر کا ماحول یہ ہوتا کہ آپ کی کنیزیں (لونڈیاں) بے پردہ سر اور سینہ کھولے، اور اپنے پستان ہلاتی ہوئی ظاہر ہوتی تھیں (معاذ اللہ)
اور اپنی اس خباثت کو ثابت کرنے کے لیے اس نے تفسیر یحییٰ بن سلام سے ایک روایت نقل کی
وحدثني حماد ونصر بن طريف عن ثمامة بن أنس بن مالك عن أنس بن مالك قال كن جواري عمر يخدمننا كاشفات الرؤوس تضطرب ثديهن بادية خدامهن
📕(تفسیر یحییٰ بن سلام جلد 1 صفحہ 441)
۔۔۔۔۔۔۔۔۔۔۔۔۔۔۔۔۔۔۔الجواب و بالله التوفیق۔۔۔۔۔۔۔۔۔۔۔۔۔۔۔۔
روافض کا ازل سے یہی وتیرہ رہا ہے کہ وہ صحابۂ کرام رضوان اللہ علیہم اجمعین کی پاکیزہ اور محفوظ شخصیات پر بے سند موضوع اور من گھڑت روایات کا سہارا لے کر ان عظیم و مقدس ہستیوں کی شان میں گستاخانہ جسارت کرتے ہیں
محترم قارئینِ کرام۔۔۔
اولاً: کتبِ حدیث کے ذخیرہ میں تلاش کے باوجود (تضطرب ثديهن بادية خدامهن) کے الفاظ صرف تفسیر یحییٰ بن سلام میں مذکور ہیں اور اس کی سند میں ایک راوی نصر بن طریف موجود ہے
اس کے متعلق امام شمس الدین ذہبی علیہ الرحمہ فرماتے ہیں:
[٩٠٣٤ - نصر بن طريف، أبو جزء القصاب.]
عن قتادة، وحماد بن أبي سليمان
وعنه مؤمل بن إسماعيل، وعبد الغفار الحراني وأبو عمر الضرير
قال ابن المبارك كان قدريا، ولم يكن يثبت
وقال أحمد لا يكتب حديثه
وقال النسائي وغيره متروك
وقال يحيى من المعروفين بوضع الحديث
وقال الفلاس وممن أجمع عليه من أهل الكذب أنه لا يروي عنهم قوم منهم أبو جزء القصاب نصر بن طريف، وكان أميا لا يكتب
وكان قد خلط في حديثه وكان أحفظ أهل البصرة حدث بأحاديث ثم مرض فرجع عنها
9034 - نصر بن طریف ابو جزء القصّاب]
انہوں نے قتادہ اور حماد بن ابی سلیمان سے روایت کی، اور ان سے مؤمل بن اسماعیل عبدالغفار الحرانی اور ابو عمر الضریر نے روایت لی۔
ابن مبارک نے کہا:
وہ قدری (یعنی تقدیر کا منکر فرقہ سے) تھا اور (روایت میں) مضبوط و قابلِ اعتماد نہیں تھا۔
امام احمد نے فرمایا:
اس کی حدیث نہیں لکھی جاتی (یعنی قابلِ حجت نہیں)۔
امام نسائی اور دیگر نے کہا:
یہ متروک ہے۔
یحییٰ نے کہا:
یہ ان لوگوں میں سے ہے جو حدیثیں گھڑنے میں معروف ہیں۔
الفلاس نے کہا:
جن لوگوں کے جھوٹے ہونے پر اہلِ علم کا اجماع ہے اور جن سے روایت نہیں لی جاتی، ان میں ایک یہ بھی ہے: ابو جزء القصاب نصر بن طریف، اور یہ ان پڑھ تھا، لکھنا نہیں جانتا تھا۔
📘(میزان الاعتدال جلد 4 صفحہ 251)
لہٰذا یہ روایت اسنادی طور پر ہی قطعاً اس قابل نہیں کہ اس کو دلیل بنا کر سیدنا عمر رضی اللہ تعالیٰ عنہ پر اعتراض کیا جائے
ثانیاً: یہ بات بھی سمجھ لینی چاہیے کہ بالفرضِ محال اگر اس روایت کو صحیح مان بھی لیا جائے، تب بھی اللہ یاری کا اعتراض درست نہیں؛ کیونکہ خود روافض کے مذہب میں لونڈی اور آزاد عورت کے درمیان پردے کے احکام میں فرق کیا گیا ہے، اور سیدنا عمر بن خطاب رضی اللہ عنہ کا فعل (بالفرض) بھی اسی اصول کے مطابق ہوگا۔
ملاحظہ فرمائیں:
شیخ عزی اللّه العطاردي روایت نقل کرتے ہیں:
عنه أبي رحمه الله قال حدثنا علي بن سليمان الرازي قال حدثنا محمد بن الحسين عن أحمد بن محمد بن أبي نصر البزنطي عن حماد بن عثمان عن حماد اللحام قال سألت أبا عبد الله الله عن المملوكة تقنع رأسها إذا صلت قال لا قد كان أبي الله إذا رأى الخادمة تصلي مقنعة ضربها لتعرف الحرة من المملوكة
حماد کہتے ہیں: میں نے ابو عبد اللہ (امام جعفر صادق علیہ الرحمہ) سے پوچھا کہ کیا لونڈی نماز پڑھتے وقت اپنے سر کو ڈھانپے؟ انہوں نے فرمایا: نہیں۔ بے شک میرے والد (امام) جب کسی خادمہ (لونڈی) کو دیکھتے کہ وہ سر ڈھانپ کر نماز پڑھ رہی ہے تو اسے مارتے تھے، تاکہ آزاد عورت اور لونڈی میں فرق پہچانا جائے۔
( مسند الإمام الصادق العطاردي جلد 10 صفحہ 271)
شیعہ کتب کی مذکورہ روایت سے معلوم ہوا کہ حجاب کا حکم صرف آزاد عورتوں کے لیے ہے، لونڈیوں کے لیے نہیں۔۔۔۔
نیز یہ کہ خود شیعہ مذہب میں مہمانوں کے سامنے لونڈیوں کو بے پردہ پیش کرنا بھی جائز ہے، ملاحظہ فرمائیں:
شیخ طوسی نقل کرتے ہیں:
عن محمد بن عبد الله عن ابن أبي عمير عن هشام بن سالم عن محمد بن مضارب قال قال لي أبو عبد الله عليه السلام يا محمد خذ هذه الجارية تخدمك وتصيب منها فاذا خرجت فارددها الينا
محمد بن مضارب سے روایت ہے، انہوں نے کہا:
مجھے ابو عبد اللہ (امام جعفر) علیہ السلام نے فرمایا:
"اے محمد! اس لونڈی کو لے لو، یہ تمہاری خدمت کرے گی، اور تم اس سے (ازدواجی تعلق) بھی قائم کر سکتے ہو، پھر جب تم جاؤ تو اسے ہماری طرف واپس کر دینا۔
📕(الاستبصار جلد 3 صفحہ 136)
لیں جناب! جو اعتراض فاروقِ اعظم رضی اللہ تعالیٰ عنہ پر کیا گیا تھا وہ خود ان کے مذہب پر ہی لوٹ آیا۔ اب کیا اسی طرح امام جعفر صادق رضی اللہ تعالیٰ عنہ کی پاکیزہ ذات پر بھی زبان درازی کی جائے گی؟
نہ تم صدمے ہمیں دیتے نہ ہم فریاد یوں کرتے
نہ کھلتے رازِ سربستہ نہ یوں رسوائیاں ہوتیں
لہٰذا روافض سے گزارش ہے کہ پہلے اپنے گھر کا گند صاف کرو
نوٹ: اس پوسٹ میں ہمارا اسلوب زیادہ تر الزامی رہا ہے، نیز ہم اس مسئلہ پر مزید کلام بھی کر سکتے ہیں اور کثیر حوالہ جات پیش کیے جا سکتے ہیں لیکن طوالت کے خوف سے فقط اسی قدر پر اکتفا کیا گیا۔ مزید یہ کہ ہم نے روافض کے مصادر سے جو روایات نقل کی ہیں، وہ درجۂ صحت تک پہنچی ہوئی ہیں، جبکہ رافضی اللہ یاری نے جو روایت پیش کی، اس کی اسنادی حیثیت ہم واضح کر چکے ہیں۔
اللہ تعالیٰ سے دعا ہے کہ ہمیں حق بات سمجھنے اور اس پر عمل کرنے کی توفیق عطا فرمائے آمین۔ __________________________________________________________________________
دعاگو: خاکسار محمد حسن رضا حنفی رضوی #👨🏻🏫لوگوں کے لئے سیکھ🧑🤝🧑 #📝روحانی مکتوبات☪️ #👳♂️روحانی رہنما💞 #مرشد
