ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aqRdRkM?d=n&ui=v64j8rk&e1=c💞ദേവനന്ദിനി.... Part 33💞 ദിവസങ്ങൾ മുന്നോട്ട് പോയിക്കൊണ്ടിരുന്നു. രുദ്രൻ തന്റെ ജോലിയും പഠിത്തവും കൂടി ഒരു വിധത്തിൽ മുന്നോട്ട് പോയിക്കൊണ്ടിരുന്നു. ജിജോ നാട്ടിൽ പോയത് കൊണ്ടും ഗൗരിയ്ക്ക് നിനച്ചിരിക്കാതെ സ്റ്റഡി ലീവ് വന്നതിനാൽ കോളേജിൽ പോയി അവളെ കാണാൻ കഴിയാത്തതും അവനിൽ വല്ലാത്തൊരു ഏകാന്തതയും അതിലേറെ ചില സമയങ്ങളിൽ വിരസതയും സൃഷ്ടിച്ചു… എല്ലാ ദിവസവും ഗൗരിയുടെ ഫോൺ വിളികൾ മാത്രമായിരുന്നു അവനു ആശ്വാസം പകരുന്നത്. ഒരു ദിവസം സംസാരിച്ചുകൊണ്ടിരിക്കുമ്പോൾ തമ്മിൽ കാണാൻ പറ്റാത്തതിന്റെ സങ്കടങ്ങൾ ആയിരുന്നു അവർക്ക് പങ്കു വയ്ക്കുവാനുണ്ടായിരുന്നത്… "നന്ദു….ചില സമയത്ത് ഒരു വിരസതയനുഭവപ്പെടുന്നു. ഈ വെക്കേഷൻ ടൈം എത്രയും പെട്ടെന്ന് ഒന്ന് തീർന്ന് കിട്ടിയാൽ മതിയെന്നായി…." "സാരമില്ല ദേവേട്ടാ… ഒരു മാസത്തെ കാര്യമല്ലേ ഉള്ളൂ. ഇപ്പോൾ തന്നെ രണ്ട് മൂന്നു ദിവസം കഴിഞ്ഞില്ലേ. ദേവേട്ടൻ ഇപ്പോൾ പഠനത്തിനായി എങ്ങനേലും സമയം കണ്ടെത്തു. എല്ലാം ശരിയാവും…." "പഠിക്കാനാണ് നന്ദു സമയം കിട്ടാത്തത്… ചില ദിവസം നല്ല തിരക്കുണ്ടാവുമ്പോൾ ഒന്നിനും സമയം കിട്ടില്ല. പിന്നെ വീട്ടിൽ രാത്രി പോയിക്കഴിയുമ്പോൾ ഒന്നോ രണ്ടോ മണിക്കൂർ ഉള്ളതെ ഉള്ളൂ. കോളേജ് ടൈമിൽ അങ്ങനെയായിരുന്നു…." "ദേവേട്ടാ…ജിജോച്ചേട്ടൻ നാട്ടിലില്ലേ….പുള്ളിയുടെ കൂടെ കമ്പയിൻ സ്റ്റഡി നടത്തിക്കൂടെ…." "ജിജോ എല്ലാ വെക്കേഷനും നാട്ടിൽ പോകും. എക്സാം അടുക്കാനാവുമ്പോഴേ വരാറുള്ളൂ. ഇപ്പോൾ അവനും നാട്ടിലില്ല. സാധാരണ നമ്മുടെ എക്സാം ടൈമുകൾ ഒരുമിച്ചു വരാത്തതാ. ഇത്തവണ അങ്ങനെ വന്നത് കൊണ്ട് ഇടയ്ക്ക് നിന്നെ വന്നൊന്നു കാണാനും പറ്റുന്നില്ല"….രുദ്രന്റെ വാക്കുകളിൽ വിഷാദം കലർന്നു. "എന്റെ ദേവേട്ടൻ വിഷമിക്കാതെ…. ഞാനെപ്പോഴും ദേവേട്ടന്റെ കൂടെയില്ലേ. വരുന്ന കൊല്ലം കൂടി എങ്ങനെയെങ്കിലും ഒന്നു പിടിച്ചു നിന്നാൽ പിന്നെ വല്ല ജോബിനും ശ്രമിയ്ക്കാമല്ലോ… ദേവേട്ടൻ ധൈര്യമായിരിക്ക്. എന്റെ പ്രാർത്ഥന എപ്പോഴും ദേവേട്ടന്റെ കൂടെയുണ്ട്…" "പ്രാർത്ഥന മാത്രമേയുള്ളോ "…. 😜 "പിന്നെന്താ എന്റെ കള്ളക്കലിപ്പന് വേണ്ടത്… എന്താണെന്ന് അറിയില്ലേ "….😜 "പോടാ…..ഭരണീ….എപ്പോഴും അതിന്റെ വിചാരമേ ഉള്ളൂ…" "തരുന്നില്ലെങ്കിൽ വേണ്ടാ "…. രുദ്രൻ ഒന്നു പരിഭവിച്ചു…. "എന്റെ കലിപ്പൻ പിണങ്ങിയോ…എന്റെ ദേവേട്ടനല്ലാതെ ഞാനാർക്ക് കൊടുക്കാനാ…." "ഉമ്മ്മ…..പോരെ" "ഇപ്പോൾ എനർജി ബൂസ്റ്റ്‌ ചെയ്യാനിത് മതി…." "പക്ഷെ കോളേജ് തുറന്നാൽ എന്റെ നന്ദുമോള് ഇതിനൊക്കെ പകരമായി വാരി വിതറേണ്ടി വരും "….. രുദ്രൻ ചിരിച്ചു കൊണ്ട് പറഞ്ഞു… "പോടാ….ഭരണി…പോയിരുന്നു പഠിക്കാൻ നോക്ക്….വയ്ക്കട്ടെ…. ലവ് യു ദേവേട്ടാ…." "ലവ് യു നന്ദു…." ഗൗരിയുമായി സംസാരിച്ചു കഴിഞ്ഞപ്പോൾ രുദ്രനൊരുന്മേഷം അനുഭവപ്പെട്ടു…. തുടർന്ന് രുദ്രനവന്റെ പണികളിലേക്ക് തിരിഞ്ഞു…. 🌸🌸🌸🌸🌸🌸🌸🌸🌸🌸🌸🌸🌸🌸🌸 മൂന്നാലു ദിവസങ്ങൾക്ക് ശേഷം…. രുദ്രൻ ഹോട്ടലിൽ തന്റെ ജോലികളുമായി മുന്നോട്ട് പോകുന്നു. രുദ്രൻ അകത്ത് നിൽക്കുമ്പോൾ കൌണ്ടറിൽ നിന്നും രുദ്രനെ തിരക്കി ഒരാൾ പുറത്തു നിൽപ്പുണ്ടെന്നു പറഞ്ഞത് കേട്ട രുദ്രൻ പുറത്തേക്കിറങ്ങി… തന്നെ കാത്ത് നിൽക്കുന്ന ആളെ കണ്ടപ്പോൾ രുദ്രൻ ഒന്നന്തംവിട്ടു….. ജിജോ…. എക്സാമിനോട് അടുത്തേ ഇങ്ങോട്ട് വരൂ എന്ന് പറഞ്ഞവൻ ഇത്ര നേരത്തെ തിരിച്ചു വന്നിരിക്കുന്നു… രുദ്രൻ മനസ്സിൽ ചിന്തിച്ചു… "അളിയാ…..വെക്കേഷൻ കഴിഞ്ഞു എക്സാം അടുക്കുമ്പോഴേ നീ വരൂ എന്ന് പറഞ്ഞിട്ട്….ഇത്ര നേരത്തെ "…. രുദ്രന്റെ വാക്കുകളിൽ അത്ഭുതം നിറഞ്ഞു…. "അങ്ങനെയാണ് സാധാരണ….പക്ഷെ നിന്റെ പെണ്ണെന്നെ വിളിച്ചു നിന്നെപ്പറ്റി സങ്കടം പറഞ്ഞു എന്നെ വീട്ടിലിരുത്തണ്ടേ"….. ജിജോ ചിരിച്ചു കൊണ്ട് പറഞ്ഞു…. "എന്ത്… നന്ദു നിന്നെ വിളിച്ചെന്നോ….." "അതെടാ നിന്റെ നന്ദു തന്നെ….രണ്ട് മൂന്നു ദിവസമായി വിളിച്ചു നിന്റെ കാര്യം പറഞ്ഞു സങ്കടപ്പെട്ടു എനിക്ക് ഇരിക്കപ്പൊറുതി തരണ്ടേ….." "എന്നാലും നന്ദു നിന്നെ വിളിച്ചെന്നു കേട്ടിട്ട്…." രുദ്രന്റെ വാക്കുകളിൽ നിന്നും അത്ഭുതം വിട്ടൊഴിഞ്ഞിരുന്നില്ല… "നിന്റെയൊക്കെ പ്രേമം കാരണം എനിക്കൊരവധിക്കാലം എന്റെ വീട്ടിൽ നിൽക്കാൻ പോലും കഴിയാൻ പറ്റാതെയായി"… ജിജോ ഒരു പുച്ഛത്തോടെ പറഞ്ഞു… രുദ്രന്റെ മനസ്സിൽ തന്റെ പെണ്ണിനോടുള്ള പ്രണയം മനസ്സിൽ നിറഞ്ഞു തുളുമ്പിയപ്പോൾ അവന്റെ മിഴികളിലും അത് പ്രകടമായി…. അവനപ്പോൾ തന്നെ ഗൗരിയെ വിളിക്കണമെന്ന് ആഗ്രഹമുദിച്ചു. അവൻ തന്റെ ഫോൺ കയ്യിലെടുത്തു…. "നിന്റെ ജന്തുവിനെ വിളിക്കാനാണേൽ അതാ നിക്കുന്നു "…ജിജോ റോഡിന്റെ അപ്പുറത്തേക്ക് കുറച്ചു ദൂരേക്ക് കൈ ചൂണ്ടിക്കൊണ്ട് പറഞ്ഞു…. ജിജോ കൈ ചൂണ്ടിയിടത്തേക്ക് രുദ്രൻ നോട്ടമയച്ചപ്പോൾ കണ്ടു റോഡിന്റെ അപ്പുറത്ത് കുറച്ചു ദൂരെയായി തന്റെ സ്കൂട്ടിയും ചാരി തന്നെയും നോക്കി പുഞ്ചിരിച്ചോണ്ട് നിൽക്കുന്ന ഗൗരിയെ… ഗൗരിയുടെ അടുത്തേക്ക് ചെന്ന് അവളെ പുണരാൻ രുദ്രന്റെ മനസ്സ് വെമ്പി… "അപ്പോ കുട്ടാ…നീ ഹോട്ടലിൽ പോയി പറ….ഇനി മുതൽ വൈകീട്ട് വരാമെന്നു…എന്നിട്ട് വേഗം എന്റെ വണ്ടിയിൽ കയറ്….." ജിജോ രുദ്രനോടാവശ്യപ്പെട്ടു… ഉള്ളിൽ പോയി കാര്യങ്ങൾ എല്ലാം പറഞ്ഞേൽപ്പിച്ചു രുദ്രൻ ജിജോയുടെ കൂടെ പുറപ്പെട്ടു. ഗൗരിയുടെ വണ്ടിയുടെ അടുത്തെത്തിയപ്പോൾ ജിജോയോട് വണ്ടി നിർത്താൻ രുദ്രനാവശ്യപ്പെട്ടെങ്കിലും ജിജോ നിർത്താതെ വണ്ടി മുന്നോട്ടെടുത്തു… "ഡാ…വീട്ടിൽ അങ്കിളും ആന്റിയുമില്ല. അവർ മൂന്നാലു ദിവസം കഴിഞ്ഞേ വരൂ. ആന്റിയുടെ കുടുംബത്തിൽ ഒരു ഫങ്ക്ഷന് പോയേക്കുവാ…നിന്റെ നന്ദു നമ്മളെ ഫോളോ ചെയ്തു വന്നു കൊള്ളും "…. ജിജോ വണ്ടി മുന്നോട്ട് വിടുന്നതിനിടയിൽ രുദ്രനോട് പറഞ്ഞു…. "അളിയാ….അളിയനാണ് യഥാർത്ഥ സുഹൃത്ത്. എന്റെ മനസ്സറിഞ്ഞു എല്ലാം ചെയ്തിരിക്കുന്നു "…..സന്തോഷമടക്കാൻ കഴിയാതെ രുദ്രൻ ജിജോയെ ആഞ്ഞു കെട്ടിപ്പിടിച്ചു…. "ഡാ ഡാ…..ഇരുന്നു ഓവറാക്കാതെ…." നിമിഷങ്ങൾക്കകം അവർ ജിജോയുടെ വീട്ടിലെത്തി. പിന്നാലെ ഗൗരിയും എത്തിച്ചേർന്നു. പരസ്പരം കണ്ണുകളിലേക്ക് നോട്ടമെറിഞ്ഞു കൊണ്ടകത്തേക്ക് നടന്നു…. ജിജോ അവരെയും കൊണ്ട് അവന്റെ മുറിയിലേക്ക് കൊണ്ട് പോയി… ജിജോയുടെ കൂടെ മിക്കപ്പോഴും വരാറുള്ളത് കൊണ്ട് രുദ്രന് ജിജോയുടെ വീടും അവനുപയോഗിക്കുന്ന മുറിയുമൊക്കെ പരിചിതമാണ്…. "നിങ്ങളിവിടെ നില്ല്…ഞാൻ കുടിക്കാനെന്തെങ്കിലും എടുത്തിട്ട് വരാം…." ജിജോയതും പറഞ്ഞു പുറത്തേക്ക് പോയി…. രുദ്രനും ഗൗരിയും പരസ്പരം കണ്ണുകളിലേക്ക് നോക്കി നിന്നു. അവരുടെ മിഴികൾക് പലതും പറയാനുണ്ടായിരുന്നു… പ്രണയത്തിൻ രത്നഗർഭകല്ലോലിനികൾ അവരുടെ മിഴികളിൽ നിറഞ്ഞു തുളുമ്പി…. നന്ദു…. ഗൗരിയുടെ ഇരുകവിളിലും കൈത്തലം ചേർത്തു രുദ്രൻ വിളിച്ചു… "ദേവേട്ടാ…എന്റെ കലിപ്പനിപ്പോൾ ഹാപ്പിയായില്ലേ…." അവളുടെ വിടർന്ന സരോരുഹനയനങ്ങളിലേയ്ക്ക് മിഴികളയച്ചു കൊണ്ട് രുദ്രൻ തലയാട്ടി… പിന്നെയവർക്ക് പിടിച്ചു നിൽക്കാൻ കഴിഞ്ഞില്ല… ഇരുവരും ചുംബനങ്ങൾ പകരുവാനായി പരസ്പരം മത്സരിച്ചു… ഗൗരിയുടെ പനിമതിവദനത്തിൽ ഒഴുകി നടന്ന രുദ്രന്റെയധരങ്ങൾ അതിന്റെ ഇണയെകണ്ടെത്തിയത് പോലെയവളുടെ അധരങ്ങളിൽ പ്രണയത്തിൻ കാവ്യരചനകൾ നടത്തിത്തുടങ്ങി…. നിമിഷങ്ങളോളം നീണ്ട ചുംബനഹർഷാതിരേകങ്ങളുടെ ഒടുവിൽ രുദ്രൻ ഗൗരിയെ ഇറുകിപ്പുണർന്നു. അവന്റെ നെഞ്ചിലേക്ക് ഇഴുകിച്ചേർന്നു നിന്നു…. എല്ലാം മറന്നു പരസ്പരം പുണർന്നു നിന്ന അവരെ ജിജോയുടെ വിളിയാണ് ഉണർത്തിയത്…. ജിജോയുടെ ശബ്ദം കേട്ട രണ്ട് പേരും ഒരു ചമ്മലോടെ അകന്നു മാറി. അപ്പോഴും രുദ്രൻ ഗൗരിയുടെ കയ്യിൽ നിന്നും പിടിവിട്ടില്ല…. "എന്തോന്നാടെ ഇത്…. ഇങ്ങനെ പ്രണയിക്കാനാണെങ്കിൽ വല്ല പാർക്കിലും പോടെ "….ജിജോയവരെ കളിയാക്കിച്ചിരിച്ചു കൊണ്ട് പറഞ്ഞു… "അളിയൻ ഇത്ര പെട്ടെന്ന് വന്നോ"… രുദ്രനൊരു ചമ്മലോടെ പറഞ്ഞു…. "അതേടാ…ഇപ്പോൾ ഞാൻ വന്നതായി കുറ്റം…അല്പനേരം കൂടി കഴിഞ്ഞിരുന്നെങ്കിൽ എന്റെ റൂം ശിവനും പാർവതിയും കൂടി കൈലാസമാക്കിയേനെല്ലോ "….ജിജോ പൊട്ടിച്ചിരിച്ചു കൊണ്ട് കളിയാക്കി…. "ഏതായാലും വന്നു കാപ്പി കുടി….രണ്ടിനും നല്ല ക്ഷീണം കാണുമല്ലോ….."😜 🌸🌸🌸🌸🌸🌸🌸🌸🌸🌸🌸🌸🌸🌸🌸 "ദേ…രണ്ട് പേരോടും കൂടിയ….നിങ്ങൾ തമ്മിൽ പ്രേമിക്കുകയോ എന്ത് വേണേലും ആയിക്കോ. പക്ഷെ വീട്ടിൽ സ്വൈര്യമായിട്ട് കിടക്കുന്ന എന്നെ ശല്യപ്പെടുത്തുന്നത് എന്തിനാ….." ഹാളിൽ ഇരുന്നു കാപ്പി കുടിച്ചു കൊണ്ടിരിക്കുമ്പോൾ രുദ്രനോടും ഗൗരിയോടുമായി ജിജോ ചോദിച്ചു…… "ജിജോചേട്ടാ….ചേട്ടനല്ലേ പറഞ്ഞത് ദേവട്ടനിനി പഠിത്തത്തിൽ ഒട്ടും പിന്നോട്ട് പോകാൻ പാടില്ലെന്ന്…." "അതെ ഞാൻ പറഞ്ഞു…അത് സത്യമല്ലേ….." "ഞങ്ങളെ ഒരുമിപ്പിക്കേണ്ട ഉത്തരവാദിത്തം സുഹൃത്ത് എന്ന നിലയിൽ ജിജോചേട്ടനില്ലേ….." "എന്ത്…ഇനി ഞാൻ നിങ്ങളുടെ കല്യാണം നടത്തിത്തരണോ….." "അതിന് കൂടെ നിക്കണം. അതിലേക്കുള്ള യാത്രയിൽ ദേവേട്ടനെ തനിച്ചാക്കുന്നത് ശരിയാണോ "….. ഗൗരിയുടെ മുഖത്തൊരു ചിരി പടർന്നു…. "ഞാൻ പറഞ്ഞു വരുന്നതെന്താണെന്നാൽ ഇനി സ്റ്റഡി ലീവിന് ജിജോചേട്ടൻ നാട്ടിൽ പോയാൽ രണ്ട് മൂന്ന് ദിവസം കൊണ്ട് തിരിച്ചു വന്നോണം. ദേവേട്ടനെ ഒറ്റക്കാക്കരുത്"…..ഗൗരിയൊന്നു പറഞ്ഞു നിർത്തി….. ജിജോ ഗൗരി പറഞ്ഞത് കേട്ടന്തംവിട്ടു നിന്നു… "നിങ്ങടെ പ്രണയത്തിന് വേണ്ടി ഞാൻ വീടുപേക്ഷിക്കണമെന്ന്…കൊള്ളാം… മോനെ രുദ്രാ നിനക്കും ഈ അഭിപ്രായമാണോ "… ജിജോ രുദ്രന്റെ നേരെ നോക്കിക്കൊണ്ട് ചോദിച്ചു…. "അളിയാ…അളിയൻ ഇവിടുണ്ടാകുമ്പോൾ ഞാനൊറ്റക്കാവില്ല…എന്ന് വച്ചു അളിയൻ വീട്ടീ പോകരുതെന്ന് ഞാൻ പറയില്ല"… രുദ്രൻ മറുപടി നൽകി… "ജിജോ ചേട്ടൻ ഇനിയിത് പോലെ പോയാൽ ഇപ്പോൾ വിളിചിട്ടില്ലേ ഉള്ളൂ…ഞാൻ ചേട്ടന്റെ വീട്ടിൽ വന്നു പൊക്കും. അല്ലെ ദേവേട്ടാ" ….ഗൗരിയൊരു ചിരിയോടെ രുദ്രനെയും ജിജോയെയും നോക്കി പറഞ്ഞു…. "കാമുകന്റെ കാര്യത്തിൽ എന്താ ശുഷ്‌കാന്തി"… ജിജോയുടെ മുഖത്തൊരു പുച്ഛം ഭാവം വിടർന്നു… "ജിജോ ചേട്ടാ…ദേവേട്ടന് പിന്നെ ബന്ധുക്കളായി നമ്മൾ ഒക്കെയല്ലേ ഉള്ളൂ…." രുദ്രന്റെ കയ്യിൽ പിടിച്ചു കൊണ്ട് ഗൗരി പറഞ്ഞു…. "ഹ്മ്…നടക്കട്ടെ….നടക്കട്ടെ"…. ജിജോയൊന്നു മൂളി…. പരസ്പരം കളിയാക്കലുകളും കളിചിരികളുമായി കുറച്ചു സമയമവർ ചെലവിട്ടു… ( തുടരും ) കണ്ണൂർകാരൻ ❤️❤️❤️ #📔 കഥ #📙 നോവൽ #✍ തുടർക്കഥ #💞 പ്രണയകഥകൾ #📚 ട്വിസ്റ്റ് കഥകൾ