శీర్షిక : పెత్తానాల మల్లి తేనెలూరే పెదవులతో ఊరు వాడ తిరిగింది పలక మారిన పరువాల పెత్తనాల మల్లి. అడ్డొచ్చిన అందగాడు కన్ను కొట్టి కొల్లగొట్టాడు కనుచూపు వెనకాల దాగి ఉన్న మల్లె తీగ మనసును. జాబిల్లి తిరిగినట్టు తన చుట్టూ తిరుగుతూ వన్నెలన్ని అర్పించి వెన్నెలంతా కురిపించింది, ఒడిలోకి రమ్మంది కురులు పాన్పు వేసి. దాచుకున్న అందాలను ఎదురొచ్చిన వెలుగు రేఖ కన్ను ముందుకు తెచ్చి బట్టబయలు చేసి వయసు కాగడాకు వలపు నిప్పు పెట్టింది. గుట్టుచప్పుడు కాకుండా గుండెలోకి దూరింది గుబులు సెగలు రేపింది అందమైన గులాబీ. నిలువ లేని మల్లె తీగ పందిరెక్కి పూసింది, వెన్నెల్లా మత్తుజల్లి అమావాస్యలా కౌగిలిచ్చింది. హద్దు లేని ఆకాశం చేరో సగం అయింది, భూలోకంలో ఒకటై రాత్రి పగలు వచ్చింది. కాంత చేరిపోయాక ఏకాంతం చెదిరింది, పెత్తనాల మల్లి విత్తనాలు చల్లాక ఇల్లంతా పువ్వులే మనసంతా కేరింతలే. ____________ మల్లిన గణపతి #✍️కవితలు