काल एका मैत्रिणीचा मेसेज आला. “नवरा मला कधीच ‘Happy Valentine Day’ म्हणत नाही. बायको म्हणून नाही, तर जणू घरकाम करणारी, मूल वाढवणारी बिनपगाराची बाई म्हणूनच माझ्याकडे पाहिलं जातं.” मेसेज वाचून क्षणभर काहीच सुचलं नाही. कारण ती एकटी नाही. हा आवाज अनेक बायकांचा आहे, फक्त शब्दात येत नाही इतकंच. आपण व्हॅलेंटाईन डे, खास दिवस, सेलिब्रेशन यावर हसतो, चिडतो, टीका करतो. पण मुद्दा दिवसाचा नाही, तर भावना व्यक्त करण्याचा आहे. “तू महत्त्वाची आहेस” हे ऐकायला कोणाला नको असतं? बायको झाली की प्रेम, कौतुक, जपणं आपोआप संपतं का? घर चालवणं, मूल वाढवणं, सगळ्यांची काळजी घेणं… हे सगळं करताना तिचा थकवा कुणाला दिसत नाही. पगार नाही म्हणून तिचं योगदान मोजलं जात नाही. पण ती एक दिवस थांबली, तर सगळं घर कोलमडून पडेल, हे मात्र सगळ्यांना माहीत असतं. नवऱ्याने फक्त एक मेसेज पाठवणं, दोन प्रेमाचे शब्द बोलणं, कधीतरी “तू खूप करतेस” असं सांगणं… यात काही मोठेपणा लागत नाही. पण त्या दोन शब्दांनी तिचा दिवस बदलू शकतो, तिचं मन भरून येऊ शकतं. बायको म्हणजे जबाबदारी नाही, तीही एक माणूस आहे. तिला ही कौतुक हवं असतं, प्रेम हवं असतं, आपुलकी हवी असते. व्हॅलेंटाईन डे एक दिवस असतो, पण नात्याला रोज जपावं लागतं. कदाचित आज नाही, पण कधीतरी हे समजून घ्यायला हवं. कारण प्रेम व्यक्त न केल्याने नाती तुटतात, आणि व #🆕ताजे अपडेट्स #Adult 18+ #💏हॅप्पी किस डे👄