നീ എന്നെ പ്രണയിക്കണം... വെറുതെയൊരു തണലിനായല്ല, നട്ടുച്ചവെയിലിൽ ഉരുകുന്നൊരാൾക്ക് പെയ്തിറങ്ങുന്ന മഴയാകാൻ. ​വാക്കുകൾ കൊണ്ട് കോട്ടകെട്ടാനല്ല, എന്റെ മൗനത്തിന്റെ ഉള്ളറകളിൽ നിനക്ക് മാത്രം കേൾക്കാവുന്നൊരു രഹസ്യമായി പടരാൻ. ​ഞാൻ തളർന്നു വീഴുമ്പോൾ താങ്ങാനൊരു കൈയാകുകയല്ല വേണ്ടത്, വീഴ്ചയുടെ ആഴങ്ങളിൽ പോലും ഒറ്റയ്ക്കല്ലെന്ന തോന്ന്യലായി എന്നെ പൊതിഞ്ഞു നിൽക്കണം. ​എന്റെ മുറിവുകളെ നീ കാണണം, അതിലൂടെ ഒഴുകിയ വേദനയെ നിന്റെ വിരൽതുമ്പാൽ തലോടണം. നീ തരുന്ന ചുംബനങ്ങളിൽ എന്റെ പഴയ നോവുകളെല്ലാം പുതിയ സ്വപ്നങ്ങളായി ഉയിർത്തെഴുന്നേൽക്കണം. ​മരണത്തോളം പ്രണയിക്കണമെന്നല്ല, ജീവിച്ചിരിക്കുന്ന ഓരോ നിമിഷവും "ഞാൻ നിന്റേതാണ്" എന്ന ബോധ്യം കൊണ്ട് എന്നെ ധന്യനാക്കണം. ​അത്രമേൽ ആഴത്തിൽ... അത്രമേൽ തീവ്രമായി... നമുക്കിടയിൽ ശ്വാസം പോലും അന്യമാകും വിധം നീയെന്നെ പ്രണയിച്ചുകൊണ്ടേയിരിക്കണം... #📋 കവിതകള്‍ #💭 Best Quotes #✍️Life_Quotes #💌 പ്രണയം