ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aqQAQ36?d=n&ui=v64j8rk&e1=cമന്ത്രകോടി :പാർട്ട്‌ 19💚🌺 അമ്മ ഒരിക്കലും ഇത്രയും പ്രതികരിക്കുമെന്ന് കരുതിയില്ല..... അഥവാ പ്രതികരിച്ചാലും തങ്ങളെ സ്വീകരിക്കുമെന്ന് വിചാരിച്ചിരുന്നു....... താൻ അത്രയേറെ നിർബന്ധിച്ചാണ് മെറിനെ കൊണ്ടുവന്നത്..... കുറച്ച് പ്രശ്നങ്ങൾ ഉണ്ടാകുമെന്നു നേരത്തേ അവളോട്‌ പറഞ്ഞിരുന്നു പക്ഷേ ഇത്രയും താൻ പ്രദീക്ഷിച്ചില്ല......... വല്ലാത്തൊരു വിഷമത്തോടെ മഹി തിരിഞ്ഞ് പുറത്തേക്ക് നോക്കി...... ആ നിമിഷമാണ് നന്ദന്റെ ശബ്ദമവിടെ കേട്ടത്... പല്ലവി......ഭാമേ......... ഏട്ടത്തിയെ കൂടി അകത്തേക്ക് കൂട്ടിക്കോ..... 💚💚 അത് കേട്ടതും മഹി അവൻ നിൽക്കുന്ന ഭാഗത്തേക്ക്‌ തിരിഞ്ഞു. നന്ദൻ പറഞ്ഞത് കേട്ടതും അവനടുത്തായ് നിന്ന പല്ലവിയും ഭാമയും പരസ്പരം നോക്കി ശേഷം മെറിനെ നോക്കി..... അവൾ മഹിയുടെ മുഖത്തേക്ക് നോക്കുകയാണ് അവന്റെ തീരുമാനം എന്താണെന്ന് അറിയാൻ ........ പല്ലവിയും ഭാമയും അവൾക്കരികിലേക്ക് ചെന്നതും... അവരുടെ കൂടെ അകത്തേക്ക് പൊയ്ക്കോ എന്ന രീതിയിൽ മഹി കണ്ണുകൊണ്ട് ആംഗ്യം കാട്ടി...... ഭാമ അവളെ നോക്കി ഒന്ന് ചിരിച്ചു..... അത് കണ്ടതും മെറിൻ മുഖത്ത് ഒട്ടിച്ചുവച്ചൊരു ചിരിയോടെ അവർക്കൊപ്പം അകത്തേക്ക് കയറി.... അവരുള്ളിലേക്ക് പോയതും മുണ്ടിന്റെ അറ്റമൊന്ന് ഉയർത്തിപിടിച്ച് നന്ദനും അവർക്ക് പിന്നാലെ തിരിഞ്ഞു. നന്ദാ..... പെട്ടന്നാണ് പോകാൻ തുടങ്ങിയവനെ മഹി പിന്നിൽ നിന്നും വിളിച്ചത്...... എടാ...... ഞാൻ........ മഹി പറയാൻ തുടങ്ങിയതും നന്ദൻ കൈ ഉയർത്തി തടഞ്ഞു. വിശദീകരണങ്ങളൊന്നും വേണ്ട മഹിയേട്ടാ....... കേൾക്കാൻ എനിക്ക് താല്പര്യവുമില്ല........ കാരണം നിങ്ങൾ ചെയ്ത തെറ്റിന് ഉരുകി തീർന്നത് മുഴുവൻ അമ്മയാണ്...... അത് നേരിൽ കണ്ടത് ഞാനും.......... എടാ പറ്റിപ്പോയി...... തെറ്റാണ് എനിക്കറിയാം പക്ഷേ അന്ന് വേറെ വഴിയില്ലാതായിപ്പോയി....... എന്റെ അവസ്ഥ നീയെങ്കിലും ഒന്ന് മനസ്സിലാക്കെടാ..... മഹിയേട്ടാ....... നിങ്ങളിവിടുന്നു പോയതുമുതൽ നിങ്ങളെവിടെയാണെന്നും ആരുടെ കൂടെ യാണെന്നും എല്ലാം ഞാൻ അറിയുന്നുണ്ടായിരുന്നു അമ്മയെ വിഷമിപ്പിക്കണ്ടെന്നു കരുതി ഞാനതിവിടെ പറഞ്ഞില്ലന്നേയുള്ളൂ...... അതുകൊണ്ട് എന്നോട് നിങ്ങളുടെ കൂടുതൽ അവസ്ഥയൊന്നും പറഞ്ഞു വിയർക്കണ്ട....... തന്റെ ഭാഗം പറയാൻ തുടങ്ങിയതും അതിനെ തടഞ്ഞുകൊണ്ട് നന്ദൻ പറഞ്ഞു. അതുകേട്ടതും മഹിയുടെ മുഖം കുനിഞ്ഞുപോയി. 🌼 നന്ദൻ മഹിയോട് സംസാരിച്ച ശേഷം അകത്തേക്ക് വന്ന് നേരെ ചെന്നത് അമ്മയുടെ മുറിയിലേക്കാണ്....... അവിടേക്ക് ചെല്ലുമ്പോൾ ഹെഡ്ബോഡിൽ ചാരി ഇരിക്കുകയാണ് അമ്മ ........ കണ്ണുകൾ നിറഞ്ഞിരിപ്പുണ്ട്....... അവൻ മെല്ലെ അമ്മയ്‌ക്കരികിലേക്ക് ചെന്നു...... അമ്മേ......... അവർ അവന്റെ മുഖത്തേക്ക് നോക്കി....... നിറഞ്ഞിരുന്നയാ കണ്ണുകൾ പെട്ടന്ന്താഴെക്കോഴുകി....... എന്തിനാമ്മേ ഇങ്ങനെ കരയുന്നെ...... ഇരു കവിളുകളും മാറി മാറി തുടച്ചുകൊണ്ട് അമ്മയ്‌ക്കരികിൽ ഇരുന്നു കൊണ്ട് അവൻ ചോദിച്ചു........ പോട്ടെ..... കരയാതിരിക്ക്....... ഇത്രേം ദിവസം മഹിയേട്ടനെ ഓർമിച്ചുള്ള സങ്കടമായിരുന്നില്ലേ...... ഇപ്പോഴത് മാറിയില്ലേ......... അമ്മയുടെ മുഖത്ത് നോക്കികൊണ്ടവൻ ചോദിച്ചു. എനിക്കറിയാം ഏട്ടനോട് ദേഷ്യപ്പെട്ടെങ്കിലും അവനെ കണ്ടതിലുള്ള സമാധാനം ഈ മനസ്സിലുണ്ടെന്ന്. എന്തായാലും ഏട്ടൻ ചെയ്തതെല്ലാം മറക്കാം....... അതൊക്കെ ഓർമിച്ചിരുന്നാലും വലിയ പ്രയോജനങ്ങളൊന്നുമില്ല..... അമ്മയെ ചേർത്തുപിടിച്ചു കൊണ്ടവൻ പറഞ്ഞതും അവർ ഒന്ന് ദീർഘമായ് നിശ്വസിച്ചു.... നീ അവരെ അകത്തേക്ക് വിളിച്ചോ?? അമ്മ അവന്റെ മുഖത്തേക്ക് നോക്കി ഹ്മ്മ്മ്..... വിളിച്ചു....... ആ കുട്ടിയേ അകത്തേക്ക് കൂട്ടിക്കോളാൻ ഭാമയോടും പല്ലവിയോടും പറഞ്ഞു... ഹ്മ്മ്മ്........ എന്തൊക്കെ അയാലും.... മഹിയേട്ടന്റെ കുഞ്ഞിനെ വഹിക്കുന്നവളല്ലേ ആ കുട്ടി...... ഈ അവസ്ഥയിൽ ഇറങ്ങി പോകാൻ പറഞ്ഞാൽ അതിൽ പരം മഹാപാപം മറ്റൊന്നും കാണില്ല..... എനിക്ക് അവനോടുള്ള ദേഷ്യം മാറീല നന്ദാ അതാ ഒന്നും മിണ്ടാതെ ഞാൻ അകത്തേക്ക് കയറി വന്നത്.... എനിക്കറിയാമ്മേ..... അതല്ലേ ഞാൻ വിളിച്ചത്..... ഹ്മ്മ്...... അവരൊന്നു മൂളി..... എന്തായാലും അതെല്ലാം കഴിഞ്ഞില്ലേ..... അമ്മ ഈ കരച്ചിലൊക്കെ മാറ്റി എഴുന്നേറ്റ് മുഖം കഴുക്..... എഴുന്നേൽക്ക്...... അമ്മയെ കട്ടിലിൽ നിന്നും എഴുന്നേൽപ്പിച്ചുകൊണ്ടവൻ പറഞ്ഞു.... ഹ്മ്മ്മ്മ്...... അവർ എഴുന്നേറ്റു. ശേഷം ബാത്രൂമിലേക്ക് നടന്നു...... അത് കണ്ടതും നന്ദൻ അമ്മയുടെ മുറിയിൽ നിന്നുംഇറങ്ങി...... 💖💖💖💖💖💖💖💖💖💖💖💖💖💖 പല്ലവിയും ഭാമയും ചേർന്ന് മെറിന് മഹിയുടെ മുറി തുറന്നുകൊടുത്തു. അങ്ങോട്ട് മിണ്ടാൻ ശ്രമിച്ചിട്ടും മെറിൻ വലിയ അടുപ്പം കാണിക്കുന്നില്ലെന്നു കണ്ടതും പല്ലവിയും ഭാമയും ആവശ്യകാര്യങ്ങൾ മാത്രമേ പിന്നെ സംസാരിച്ചുള്ളൂ....... അവളെ റൂമിലാക്കിയ ശേഷം പെട്ടന്ന് തന്നെ അവർ ഇറങ്ങുകയും ചെയ്തു. അവർ പോയത് കണ്ടതും മെറിൻ ഒന്ന് ദീർഘമായി നിശ്വസിച്ചുകൊണ്ട് ആ മുറി ആകാമാനമൊന്നു നോക്കി ......... മഹി ഉപയോഗിക്കുന്നില്ലെങ്കിലും മുറി ഇടക്കിടക്ക് വൃത്തിയാക്കുന്നുണ്ട് അതുകൊണ്ട് തന്നെ മുറി നീറ്റായി കിടപ്പുണ്ട്... കൈയിലിരുന്ന ഫോൺ ബെഡിലേക്ക് വച്ച് അവൾ അതിലേക്ക് കയറി ഇരുന്നു..... പരമാവധി ഫ്ലാറ്റിൽ നിൽക്കാൻ ശ്രമിച്ചിട്ടും സമ്മതിക്കാതെ പിടിച്ച പിടിയാലേ കൊണ്ടുവന്നതാണ് മഹി...... അതിൽ അത്രത്തോളം ദേഷ്യവുമുണ്ട് അവൾക്ക്..... വന്നപ്പോൾ ഇവിടെ ഉണ്ടായ സംഭവങ്ങളോ അതോർക്കുമ്പോൾ അതിനേക്കാൾ ദേഷ്യം തോന്നുന്നു. അവൾ ആലോചനയോടെ ഇരുന്നപ്പോഴാണ് അപ്പോഴാണ് മഹി ലഗേജുകളും കൊണ്ട് അകത്തേക്ക് കയറി വന്നത്...... മുറിക്കുള്ളിലേക്ക് എല്ലാം കയറ്റി വച്ചതിനു ശേഷം അവൻ കതക് ലോക് ചെയ്തു. ശേഷം അവൾക്കടുത്തേക്ക് വന്നു..... പേടിച്ചോ മെറിൻ...... മെറിനെ നോക്കി അവൻ ചോദിച്ചു? പേടിക്കാനോ ? ഞാനോ...... ഞാനെന്തിന് പേടിക്കണം? പേടിച്ചത് മുഴുവൻ മഹിയല്ലേ...... അവളൊരു പരിഹാസത്തോടെ ചോദിച്ചു. അമ്മയും നന്ദനും പാവമാണ് സാധുക്കളാണ് ഒരിക്കലും നമ്മളെ തള്ളിപ്പറയില്ല. എന്തൊക്കെ യായിരുന്നു ....... പറയുന്നതെല്ലാം രൂപക്കൂട്ടിൽ വയ്ക്കാൻ പാകത്തിലായിരുന്നല്ലോ...... എന്നിട്ടെന്തായി...... അമ്മയുടെ തനി സ്വഭാവം കണ്ടല്ലോ? അവൾ ദേഷ്യത്തോടും പുച്ഛത്തോടും പറഞ്ഞുനിർത്തി..... ഞാൻ നേരത്തേ പറഞ്ഞില്ലേ വരുമ്പോൾ കുറച്ച് പ്രശ്നങ്ങൾ ഉണ്ടാകുമെന്ന് ഇത് അത്രേ ഉള്ളൂ...... അമ്മേം നന്ദനും...... രണ്ടുപേരും പാവം തന്നെയാണ്....... പിന്നെ പെട്ടന്ന് ക്ഷമിക്കാൻ ഞാൻ ചെയ്തത് അത്ര നല്ല പ്രവർത്തിയൊന്നുംഅല്ലല്ലോ.... അതുകൊണ്ട് അവരെ കുറ്റം പറയാൻ പറ്റില്ല.... അത് കേട്ടതും അവൾക്ക് ദേഷ്യം വരുന്നുണ്ടായിരുന്നു...... തിരിച്ചവനോട് പറയണമെന്ന് ഉണ്ടായിരുന്നെങ്കിലും അവൾ മുഖം തിരിച്ചിരുന്നു. എന്തായാലും വീട്ടിൽ നിന്ന് ഇറങ്ങേണ്ടി വന്നില്ലല്ലോ..... കുറച്ച് കഴിയുമ്പോൾ അമ്മയുടെ ദേഷ്യമൊക്കെ മാറിക്കോളും. നീ എഴുന്നേറ്റ് ഫ്രഷ് ആകാൻ നോക്ക്. അവളെ നോക്കി പറഞ്ഞുകൊണ്ട് അവൻ ലാഗേജുകൾ ഓരോന്നായി അടുക്കി വയ്ക്കാൻ തുടങ്ങി. 💖💖💖💖💖💖💖💖💖💖💖💖 ഹലോ..... സഞ്ചു...... ടാ.... കേൾക്കുന്നുണ്ടോ..... ഹാ.... പറയെടാ ..... നീ ബിസിയാണോ? നന്ദൻ ചോദിച്ചു .. ഇല്ലടാ പറ എന്താ.. എടാ ഇന്നിവിടെ ഒരു സംഭവമുണ്ടായി...... എന്ത് സംഭവം? മാഹിയേട്ടൻ വന്നു..... ഓഹ് വന്നോ ? ഹ്മ്മ്...... വന്നു.... കൂടെ മറ്റേ ആ കുട്ടിയും ഉണ്ട് ഓഹ് അതിനേം കൊണ്ട് വന്നോ? ഹ്മ്മ്മ്മ്..... അമ്മ ആകെ പ്രശ്നമുണ്ടാക്കി........ അമ്മയെ ഇത്ര ദേഷ്യത്തിൽ ആദ്യായിട്ടാ ഞാൻ കാണുന്നേ....... നന്ദൻ നടന്ന കാര്യങ്ങളോരോന്നായി അവനോട് പറഞ്ഞ്. ഹ്മ്മ്മ്.... അമ്മ അത്രയെങ്കിലും പ്രതികരിച്ചല്ലോ.... അതേതായാലും നന്നായി...... അല്ലടാ അമ്മ അവരെ വീട്ടിൽ കയറ്റിയോ? സഞ്ചു ചോദിച്ചു..... അമ്മയൊന്നും പറഞ്ഞില്ല..... പക്ഷേ ഇറക്കിവിടാൻ അമ്മയ്ക്ക് മനസ്സ് വരില്ല. കൂടാതെ ആ പെൺകൊച്ച് പ്രെഗ്നന്റ് ആണ്...... ഓഹ്.....അവന്നപ്പോ എല്ലാം ഒപ്പിച്ചു കൊണ്ടാണ് വരവ്....... ഇറക്കി വിടില്ലെന്നുള്ള ധൈര്യവും അതുതന്നെ യാണ്..... ഹ്മ്മ്മ്..... നന്ദനൊന്നു മൂളി...... ഫ്രീ ആകുമ്പോ ഞാനങ്ങോട്ട് ഇറങ്ങാം.... ഇപ്പോ കുറച്ച് പണിയുണ്ട്.... ഹ്മ്മ്മ് ശെരിയെടാ..... നന്ദേട്ടാ..... അവൻ ഫോൺ വച്ചതും ഭാമ പിന്നിൽ നിന്നും വിളിച്ചു...... കഴിക്കാൻ എടുത്തിട്ടുണ്ട് താഴേക്കു പോകാം... ഹ്മ്മ്മ്മ്....... വരുന്നു...... അവരോടു പറഞ്ഞോ? അവൾക്കടുത്തേക്കു വന്നുകൊണ്ടവൻ ചോദിച്ചു. പല്ലവിയെ വിട്ടിട്ടുണ്ട് അവരെ വിളിക്കാൻ ഹ്മ്മ്മ്....... ഇരുവരും പതിയെ നടന്നു താഴെക്കത്തുമ്പോൾ ഡെയിനിങ് ടേബിളിൽ പല്ലവി ഇരിക്കുന്നുണ്ട്..... അമ്മ ഓരോന്നായി എടുത്ത് വയ്ക്കുന്നുണ്ട്..... കരച്ചിലോക്കെ മാറിയെങ്കിലും അമ്മയുടെ മുഖത്തൊരു കടുപ്പമുണ്ട്...... എല്ലാവരും കസേര നീക്കി അതിലേക്ക് കയറി ഇരുന്നപ്പോഴേക്കും മഹിയും മെറിനും വരുന്നുണ്ടായിരുന്നു...... ഭാമ നന്ദന് വേണ്ടി ഓരോന്ന് വിളമ്പി കൊടുക്കുന്നുണ്ട്...... അത് കണ്ടുകൊണ്ട് തന്നെയാണ് മഹി നന്ദന് എതിർ വശമുള്ള കസേരയിലേക്ക് ഇരുന്നത്. മെറിൻ ഇരുന്നതും മഹി ചപ്പാത്തിയും വെജിറ്റബിൾ കറിയും അവൾക്കായി വിളമ്പി......... തനിക്ക് മുന്നിലേക്ക് എടുത്തു വച്ച ആഹാരം കണ്ടതും അവൾ പെട്ടന്ന്‌ ചാടി എഴുന്നേറ്റു...... മേശക്ക് ചുറ്റുമിരുന്നവരെല്ലാം ഒരു ഞെട്ടലോടെ അവളെനോക്കി തുടരും. 🌺💚 സ്മൂത്ത്‌ ആയി പോകുന്ന കുടുംബം മെറിൻ ബോംബിട്ട് തകർക്കുമെന്ന് തോന്നുന്നു 😌 ലൈക് ചെയ്ത് അഭിപ്രായങ്ങൾ എഴുതണേ.... 😁 കണ്ണൂർകാരൻ ❤️❤️❤️❤️ #📚 ട്വിസ്റ്റ് കഥകൾ #💞 പ്രണയകഥകൾ #📙 നോവൽ #✍ തുടർക്കഥ #📔 കഥ