#💔 'പറ്റില്ലെന്ന് തോന്നിയാൽ പിരിയുക'; ഡിവോഴ്സ് ആയി, ഇനി ഒന്നിക്കില്ലെന്ന് മലയാള നടൻ പ്രണയിച്ചെന്ന് പറഞ്ഞിട്ട് കാര്യമില്ല, പറ്റില്ലെന്ന് തോന്നിയാൽ പിരിയുക': ഭാര്യയുമായി വേർപിരിഞ്ഞെന്ന് മനു വർമ.25 വർഷത്തെ ദാമ്പത്യ ജീവിതത്തിനുശേഷമാണ് ഇരുവരും വേർപിരിയാൻ ഒരുങ്ങുന്നത്. ഭാര്യ സിന്ധുവുമായി കഴിഞ്ഞ രണ്ട് വർഷമായി അകന്നു കഴിയുകയാണെന്ന് വെളിപ്പെടുത്തി നടൻ മനു വർമ. വിവാഹമോചനകേസ് കോടതിയുടെ പരി ഗണനയിലാണെന്നും ഇനി ഒരുമിക്കാനുള്ള സാധ്യത കുറവാണെന്നും ഒരു ചാനലിന് നൽകിയ അഭിമുഖത്തിൽ താരം തുറന്നു പറഞ്ഞു. 25 വർഷത്തെ ദാമ്പത്യ ജീവിതത്തിനുശേഷമാണ് ഇരുവരും വേർപിരിയാൻ ഒരുങ്ങുന്നത്. ഞാനും ഭാര്യയും ഇപ്പോൾ സെപ്പറേറ്റഡാണ്. നിയമപരമായി വേർപിരിഞ്ഞിട്ടില്ല. ഇനി ഒരുമിക്കാനുള്ള സാധ്യത വളരെ കുറവാണ്. പ്രണയിച്ച് സ്നേഹിച്ച് ജീവിച്ചതാണെന്ന് പറഞ്ഞിട്ട് കാര്യമില്ല. ഇതിനേക്കാൾ പ്രണയിച്ചും സ്നേഹിച്ചും ജീവിച്ച എത്രയോപേർ പിരിഞ്ഞിരിക്കുന്നു. എനിക്ക് പരിചയമുള്ള ഒരുപാട് പേരുണ്ട്. എല്ലാം പാർട്ട് ഓഫ് ദ് ഗെയിം. ഇപ്പോൾ പിന്നെ ഒരു ഫാഷനാണല്ലോ. ഫാമിലി കോർട്ടിൽ പോകുന്നതിന്റെ ബുദ്ധിമുട്ട് അവിടെ ചെന്നാലെ അറിയാൻ കഴിയൂ.ആയിരക്കണക്കിന് കേസാണ് ഒരു ദിവസം വരുന്നത്. ജഡ്‌ജ് ചില സമയങ്ങളിൽ തലവേദനയെടുത്ത് ഇരിക്കുന്നത് കാണാം. സെപ്പറേറ്റഡായ ആൾക്കാർ ഒരിക്കലും തമ്മിൽ തമ്മിൽ നല്ലത് പറയില്ലല്ലോ. കോർട്ട് റൂമിൽ പരസ്പ‌രമുള്ള പഴിചാരലും ചളി വാരിയെറിയലും തന്നെയാണ് നടക്കുന്നത്. അതുകൊണ്ട് തന്നെ അങ്ങോട്ട് പോകാൻ ഒരു മടിയാണ്. മൂന്ന് മക്കളാണ് എനിക്കുള്ളത്.മൂത്തയാൾ അമേരിക്കയിലാണ്.അവിടെ ഐടി എൻജിനീയറായി ജോലി ചെയ്യുന്നു.രണ്ടാമത്തെയാൾ ബെംഗളൂരിലാണ്. മൂന്നാമത്തേത് ഒരു മകളാണ്. അവൾ സുഖമില്ലാത്ത കുഞ്ഞാണ്.''-മനു വർമ മലയാളികൾക്ക് ഏറെ സുപരിചിതനായ നടനാണ് മനു വർമ. നടന്‍ ജഗന്നാഥ വര്‍മയുടെ മകനാണ് ഇദ്ദേഹം. എൺപതുകളിൽ അഭിനയ രം​ഗത്തെത്തിയ മനു വർമ നിരവധി സിനിമകളിൽ വില്ലനായും സഹതാരമായുമെല്ലാം എത്തിയിരുന്നു.