ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6v54GE6?d=n&ui=v64j8rk&e1=cമന്ത്രകോടി :പാർട്ട്‌ -15🌺💚 അത് പറഞ്ഞു കൊണ്ട് അവൻ തിരിഞ്ഞു നിന്നതും പല്ലവി കുറച്ച് മുന്നിലേക്ക് വന്ന് അവനരികിലായ് നിന്ന് കാൽപാദം കുത്തി ഉയർന്ന് അവന്റെ കവിളിലൊന്ന് അമർത്തി ചുംബിച്ചു കൊണ്ട് താഴ്ന്നു....... ഇന്നത്തെ സ്പെഷ്യൽ ദിവസത്തിൽ എന്റെ സ്പെഷ്യൽ ഗിഫ്റ്റ് ആയിട്ട് കരുതിയാ മതി കവിളിലറിഞ്ഞ പല്ലവിയുടെ ചുണ്ടുകളുടെ തണുപ്പിൽ ഷോക്ക് ആയി നിൽക്കുന്നവനോടായി പറഞ്ഞു കൊണ്ടവൾ ഒരു ചിരിയോടെ തന്റെ റൂമിന് നേർക്ക് ഓടി. തൊട്ടിടതു വശത്തായി ബാൽക്കണിയിലേക്ക് കയറി വന്ന നന്ദനും ഭാമയും ഒരു നിമിഷം ഈ കാഴ്ച കണ്ട് ഞെട്ടിപ്പോയിരുന്നു....... 💚💚💚💚💚 പല്ലവി റൂമിലേക്ക്‌ ഓടിയതും സഞ്ചു ഒരു നിമിഷം ഇരുവശത്തേക്കും ഒരു പകപ്പോടെ നോക്കി........ ശേഷം കവിളിൽ നിന്നും കൈ മാറ്റി ഉള്ളിലേക്കൊരു നീർഘ ശ്വാസമെടുത്ത് മുന്നിലേക്ക്‌ നീങ്ങി........ ഭാമയും നന്ദനും പരസ്പരം നോക്കാൻ നിന്നില്ല...... മുന്നിൽ കണ്ട കാഴ്ച ഇരുവരെയും അതിന് സമ്മതിച്ചില്ല. ഭാമ ബാൽക്കണിയിലേക്ക് പോകാതെ നേരെ റൂമിലേക്ക്‌ തിരിഞ്ഞു നടന്നു.... ഭാമ പോയത് കണ്ടതും നന്ദൻ സഞ്ചുവിനടുത്തേക്ക് നടന്നു...... എന്താടാ എയറ് പിടിച്ച് നിൽക്കുന്നത്? ഒന്നുല്ലാ....... ഞാൻ പോയപ്പോളുള്ള മുഖമല്ലല്ലോ നിനക്ക് നന്ദൻ വിടാൻ ഭാവമില്ലാതെ ചോദിച്ചു...... ഒന്നുമില്ലടാ...... അവൻ മുഖത്ത് പരമാവധി സ്വഭാവികത വരുത്തിക്കൊണ്ട് പറഞ്ഞു. ഹ്മ്മ്മ്....... എന്നാ വാ താഴേക്കു പോകാം....... അമ്മ തിരക്കുന്നുണ്ട്....... ഹ്മ്മ്മ്മ്....... സഞ്ചു ഒരു മൂളലോടെ നന്ദനൊപ്പം താഴേക്കിറങ്ങി....... അവരിറങ്ങി വന്നത് ദേവകിയമ്മ കണ്ടിരുന്നു....... അവർ നേരെ ഇരുവർക്കടുത്തേക്ക് നടന്നു. മോനേ കഴിച്ചിട്ട് ഇറങ്ങാട്ടോ........ ദേവകിയമ്മ സഞ്ചുവിനോടായി പറഞ്ഞു. ഇല്ലമ്മേ..... കഴിക്കാൻ നിൽക്കുന്നില്ല ഇറങ്ങുകയാണ്..... അവിടെ റിപ്പോർട്ട് ചെയ്യാൻ സമയമായി വരുന്നുണ്ട്... സഞ്ചു അമ്മയുടെ ക്ഷണം സ്നേഹത്തോടെ നിരസിച്ചു കൊണ്ട് പറഞ്ഞു. ശേഷം നന്ദനോടൊപ്പം പുറത്തേക്കിറങ്ങി..... നീ ഡ്യൂട്ടി കഴിയുന്നതിനനുസരിച്ച് നമ്മുടെ കലിങ്കിലേക്കിറങ്ങ്.... ഹ്മ്മ്മ്....... ഉമ്മറം കഴിഞ്ഞ് ജീപ്പിനരികിലേക്ക് സഞ്ചു വിനോപ്പം നടന്നുകൊണ്ട് നന്ദൻ പറഞ്ഞു....... അല്ലാ നിനക്കെന്താ ഇത്ര ഗൗരവം ഞാനങ്ങോട്ടു മാറിയ സമയം പല്ലവി കനത്തിൽ വല്ലതും തന്നോ? സഞ്ചുവിനോടവൻ ഒരു ചോദ്യത്തോടെ ചോദിച്ചു ? അവളെന്ത്‌ തരാൻ? മുഖത്തു വലിയ ഭാവമാറ്റമില്ലാതെ അവൻ ചോദിച്ചു അപ്പോ സ്റ്റെപ് കയറി വന്നപ്പോ ഞാൻ കണ്ടതോ? ഓഹ് കണ്ടോ? കണ്ടെങ്കിൽ പിന്നെന്തിനാ ചോദിക്കുന്നെ...... നീ സത്യം പറയുവോന്ന് അറിയാൻ ചോദിച്ചതല്ലേ.... സഞ്ചു ഒരു കലിപ്പോടെ അവനെ നോക്കി..... ദേ നന്ദാ..... നീ കൊഞ്ചിച്ച് വളർത്തുന്ന പല്ലവിയുടെ കൂടുതലുള്ള എല്ലിങ് ഊരിഎടുക്കുവേ ഞാൻ പറഞ്ഞില്ലെന്നു വേണ്ട. കുറച്ച് കൂടുന്നുണ്ടവൾക്ക്...... കടുത്ത മുഖത്തോടെയവൻ പറഞ്ഞു... എന്തിനാടാ ഈ ദേഷ്യവും വാശിയുമൊക്കെ......നിനക്ക് ഇഷ്ടല്ലേ അവളെ........ അച്ഛനുമമ്മയും എന്തേലും പറഞ്ഞെന്ന് വച്ച്..... ജീപ്പിലേക്ക് കയറാനാഞ്ഞവനോടായ് അവൻ പറഞ്ഞു. അവളെ എനിക്കിഷ്ടാണെന്ന് ഞാൻ നിന്നോട് പറഞ്ഞോ സഞ്ചു നിന്നെ ഞാൻ ഇന്നും ഇന്നലേയും കാണാൻ തുടങ്ങിയതല്ല....... നിന്റെ മുഖം കണ്ടാൽ എനിക്ക് മനസ്സിലാകും നിന്റെ മനസിലെന്താന്ന്...... പോടാ ഞാൻ ഇറങ്ങുവാ....... തന്നെ അവനെക്കാൾ കൂടുതൽ ആർക്കുമറിയില്ലെന്ന് അറിയാവുന്നുള്ളത് കൊണ്ട് തന്നെ അവനധികം മുഖം നൽകാതെ പെട്ടന്ന് സഞ്ചു ജീപ്പിലേക്ക് കയറി ...... അവൻ ജീപ്പ് തിരിക്കുന്നതും പോകുന്നതുമെല്ലാം മുകളിലെ ബാൽക്കണിയിൽ മറഞ്ഞു നിന്ന് പല്ലവി കാണുന്നുണ്ടായിരുന്നു... അവൻ പൊയ്ക്കഴിഞ്ഞ് അവളൊരു നിരാശയോടെ പിന്നിലേക്ക് തിരിഞ്ഞതും തൊട്ടു മുന്നിൽ ഭാമനിൽക്കുന്നുണ്ടായിരുന്നു. എന്..... എന്താ ഏട്ടത്തി..... പെട്ടന്ന് ഭാമയെ കണ്ടതും അവളൊരു പരുങ്ങളോടെ ചോദിച്ചു..... ഏയ്യ് ഒന്നൂല്ല...... പല്ലവിയെന്താ ഇവിടെ നിൽക്കുന്നെ.... ഒന്നൂല്ലേട്ടത്തി...... ഞാൻ വെറുതെ..... ഹ്മ്മ്........ അമ്മ കഴിക്കാൻ വിളിക്കുന്നുണ്ട്..... താഴേക്ക് വാ..... ആഹ്ഹ്.... ഞാനിപ്പോ വരാം ....... ഏട്ടത്തി പൊക്കോ..... ഹ്മ്മ്...... ഭമായൊരു മൂളലോടെ നടന്നു തിരികെ നടക്കുമ്പോൾ നേരത്തേ കണ്ട കാഴ്ചയായിരുന്നു ഭാമയുടെ മനസ്സിൽ.... ഭാമയുടെ ചുണ്ടിലൊരു പുഞ്ചിരി തെളിഞ്ഞു. പല്ലവിയുടെ പ്രണയം ആരാണെന്ന് അറിഞ്ഞതിലുള്ള സന്തോഷം കൂടി ആയിരുന്നു ആ ചിരി.... 🌼🌼🌼🌼 എല്ലാവരും ഒരുമിച്ചിരുന്ന് ആഹാരം കഴിച്ചു കുറച്ച് കഴിഞ്ഞതും ഭാമയും അമ്മയും ട്യൂഷൻ സെന്ററിലേക്കിറങ്ങി........ ജോലിയുടെ കുറച്ച് പേപ്പർസ് ക്ലിയർ ചെയ്യാനുണ്ടായിരുന്നുതുകൊണ്ട് നന്ദന്റെ ബുള്ളറ്റിൽ പല്ലവിയും നന്ദനുംകൂടി ഇറങ്ങി..... ട്യൂഷൻ സെന്ററിലേക്കെത്തുമ്പോൾ ഭാമയ്ക്ക് മറ്റൊന്നും ചിന്തിക്കാനുള്ള സമയമേ ഇല്ലായിരുന്നു ....... കുറച്ച് ദിവസമായ് എടുക്കാത്ത പോർഷൻസ്‌ അത്രത്തോളം കുന്നുകൂടി കിടക്കുന്നുണ്ടായിരുന്നു. അവൾ അതിലേക്ക് ശ്രദ്ധ തിരിച്ചു 💚💚💚💚💚💚💚💚 മഹി.......നീ പറഞ്ഞുവരുന്നത് ഈ ആഴ്ച തന്നെ നാട്ടിലേക്കുപോകാമെന്നാണോ? മെറിനൊരു ചോദ്യത്തോടെ അവനെ നോക്കി? അതേ പറ്റുമെങ്കിൽ ഈ ആഴ്ച്ച തന്നെ പോണം. ആദ്യം നമ്മുടെ പ്ലാൻ ഇതല്ലായിരുന്നല്ലോ...... ഇത്രപെട്ടെന്ന് മാറ്റി പറയുമ്പോ...... അവളൊരു വല്ലായ്മയോടെ നിർത്തി...... ഒന്നും പറയാനില്ല മെറിൻ.. കഴിയുന്നതും പെട്ടന്ന് പോകുന്നതാണ് നല്ലത് കാരണം നിന്റെ അവസ്ഥയിപ്പോൾ അങ്ങനെയാണ്...... തനിക്കടുത്തായ് ഇരിക്കുന്നവളുടെ വയറിനു മേലെ കൈവച്ചുകൊണ്ടവൻ പറഞ്ഞു നമുക്ക് ഒന്നുകൂടി ആലോചിച്ചിട്ട് പോരേ മഹി ഞാൻ ഈ പ്രേഗ്നെൻസിക്ക് ഒട്ടും പ്രിപ്പർ അല്ല....... ഒരവല്ലായ്മയോടെ യവൾ പറഞ്ഞു..... അതു കേട്ടതും മഹിയുടെ ഭാവം മാറി സ്റ്റോപ്പിറ്റ് മെറിൻ . അവളുടെ വയറിൽ നിന്നും കൈ എടുത്ത് കൊണ്ടവൻ പറഞ്ഞു.... ഒരച്ഛനും അമ്മയും ആകാൻ മുൻകൂട്ടി പ്രിപ്പർ ചെയ്യുന്നവർ വളരെ കുറവാണ്..... ഹസ്ബൻഡ് ആൻഡ് വൈഫ് ആയി ജീവിക്കുമ്പോൾ ഇതൊക്കെ അതിനിടയിൽ കോമണായി ഉണ്ടാകും..... അതിനൊരിക്കലും മുൻകൂട്ടി ഒരുങ്ങണ്ട...... അങ്ങനെ ഒരുങ്ങുന്നവക്കണ് പലപ്പോഴും കിട്ടാൻ പാട്..... നമ്മൾ ഇന്നും ഇന്നലെയുമല്ലല്ലോ ഇങ്ങനെ ജീവിക്കാൻ തുടങ്ങിയിട്ട് നാല് മാസങ്ങൾ കഴിയുന്നില്ലേ..... അതൊന്നും അല്ല മഹി..... നോ മെറിൻ.... ഇവിടെ നിന്നാൽ ഇതുപോലുള്ള നെഗറ്റീവ് ചിന്തകളെ നിനക്ക് ഉണ്ടാകൂ അതുകൊണ്ടുകൂടിയാ നാട്ടിലേക്കു പോകാം ന്ന് ഞാൻ പറഞ്ഞത്. എന്തായാലും അന്നത്തെ പ്രേശ്നങ്ങളെല്ലാം ഒതുങ്ങിയിട്ടുണ്ടാകും...... അമ്മയും നന്ദനും പാവമാണ് എന്തായാലും നിന്നെയും കൊണ്ട് വീട്ടിലേക്കു ചെല്ലുമ്പോൾ ഇറങ്ങിപോകാൻ ഒരിക്കലും പറയില്ല. പക്ഷേ മഹീ....... നീയിനി ഒന്നും പറയണ്ടാ മെറിൻ ഞാൻ ഫിക്സ് ചെയ്തുകഴിഞ്ഞു.... അതു പറഞ്ഞു കൊണ്ടവൻ അവൾ ക്കരികിൽ നിന്ന് എഴുന്നേറ്റ് പോയതും അവളുടെ മുഖം കനത്തു..... 💚💚💚💚💚💚💚💚 ഭാമയും അമ്മയും വൈകിട്ടോടെ വീട്ടിലേക്കെത്തിയിരുന്നു....... അവരെത്തികഴിഞ്ഞതും പിന്നാലെ തന്നെ പല്ലവിയും നന്ദനും പല്ലവിക്കായുള്ള ഷോപ്പിംഗ് ഒക്കെ ക്കഴിഞ്ഞ് എത്തിയിരുന്നു. വൈകുന്നേരമായപ്പോൾ ഇന്നലത്തേത് പോലെ തന്നെ വീണ്ടും ഇരുളടഞ്ഞ് മാനം ഒരു മഴയ്ക്കായൊരുങ്ങി തുടങ്ങി നന്ദൻ മുറിയിലേക്ക് വന്ന് കയറുമ്പോൾ...... ഭാമ കുളികഴിഞ്ഞ് തലയിൽ തോർത്ത്‌ ചുറ്റിക്കൊണ്ട് ബാത്‌റൂമിൽ നിന്ന് ഇറങ്ങി വരുകയായിരുന്നു...... ഒരു കോട്ടൺ ചുരിതാറാണ് അവളുടെ വേഷം...... അകത്തേക്ക് കയറിയ നന്ദൻ ഒരുനിമിഷമാ വാതിൽപ്പടിയിൽ നിന്നുപോയി...... ആ കരിമ്പച്ച നിറത്തിലുള്ള ആ ടോപ് അവളുടെ ശരീരത്തിലെ അഴകിനൊത്ത് അത്രമേൽ ചേർച്ചയോടെ കിടപ്പുണ്ട്...... ഷോളിടാത്തതുകൊണ്ട് തന്നെ ആ നിറഞ്ഞ മാറിടവും അളവഴവുകളും വ്യക്തമായ് കാണാമായിരുന്നു...... ഭാമയെ ഇന്നുവരെയും ഇങ്ങനെ കണ്ടിട്ടില്ല അതുകൊണ്ട് തന്നെ കണ്ണുകളെ ശാസിക്കാൻ ശ്രമിച്ചിട്ടും ആ കാഴ്ച തേടിയവർ ചെന്നു.... ഒരു നിമിഷം ഭാമയൊന്ന് തിരിഞ്ഞതും തന്നെത്തന്നെ നോക്കി നിൽക്കുന്ന നന്ദനെയാണവൾ കണ്ടത്....... ആഹ്ഹ്ഹ് നന്ദേട്ടനെപ്പോ വന്നു..... വാതിൽക്കൽ നിൽക്കുന്നവനോടായ് അവൾ ചോദിച്ചു..... ഞാൻ.... ഞാനിപ്പോ വന്നേയുള്ളു..... മതിമറന്ന് അവളെ നോക്കി നിന്നവൻ പെട്ടന്ന് അവളിൽ നിന്ന് നോട്ടം മാറ്റി പറഞ്ഞു..... ഭാമ പെട്ടന്ന് കട്ടിലിലായി എടുത്തു വച്ച ഷോളെടുത്ത് തോളിലേക്ക് ഇട്ടുകൊണ്ട് അലമാരയ്ക്ക് മുന്നിലെ കണ്ണാടിക്കരികിലേക്ക് ചെന്ന് മുന്നിലായ് അടച്ചു വച്ചിരുന്ന ചെപ്പിൽ നിന്ന് ഒരു നുള്ള് കുങ്കുമമെടുത്തണിഞ്ഞു..... നന്ദൻ വാച്ചഴിക്കുന്ന ഭാവത്തിൽ നിന്ന് അതെല്ലാം കാണുന്നുണ്ടായിരുന്നു...... നന്ദേട്ടന് ചായ എടുക്കട്ടെ ....... മുറിയിൽ നിന്നും ഇറങ്ങുകയാണെന്നപോൽ ചോദിച്ചു... ആഹ്ഹ് എടുത്ത് വയ്ക്ക് ഞാൻ താഴെക്കിപ്പോ വരാം..... മ്മ്മ്മ്മ്...... ഒരു മൂളലോടെ ഭാമ അവനടുത്തു കൂടെ താഴേക്കിറങ്ങി അവളാ മുറിയിൽ നിന്നിറങ്ങിയതും തനിക്കരികിലൂടെ പോയവർക്ക് ചന്ദനത്തിന്റെ മതിമറക്കുന്ന മണമാണെന്ന വന് തോന്നിപ്പോയി. മനസ്സ് കൈവിട്ട് പോകുന്നുവെന്ന് അറിയാതെ അറിഞ്ഞുകൊണ്ട് അവൻ ഒരു ചെറു ചിരിയാലെ കുളിക്കാനായി കയറി 🌼🌼 ഭാമ അടുക്കളയിലേക്കെത്തിയതും ദേവകിയമ്മ ഓരോ ഗ്ലാസുകളിലേക്ക് ചായ പകർത്തിയിരുന്നു....... ഭാമ അതിൽ നിന്ന് ഒരു ഗ്ലാസ്‌ ചായ എടുത്ത് ചുണ്ടോട് മുട്ടിച്ചു...... നന്ദൻ വന്നോ മോളെ..... ദേവകിയമ്മ അവളോടായി ചോദിച്ചു.... മ്മ്മ് വന്നമ്മേ...... കുളിക്കുവാ ...... ആഹ്ഹ്ഹ്....... അവൻ താഴേക്കു വരുമ്പോ ചായ കൊടുക്കാം...... കഴിക്കാനായി പ്ളേറ്റിൽ ഉണ്ണിയപ്പം നിരത്തി ക്കൊണ്ടവർ പറഞ്ഞു. ഭാമ മെല്ലെ ചായയുമെടുത്ത് ഉമ്മറത്തേക്ക് നടന്നു അപ്പോഴേക്കും നേരത്തേ കനത്ത ഇരുട്ട് പകർന്ന മഴ പെയ്തു തുടങ്ങിയിരുന്നു..... അവൾ ഉമ്മറത്തിണ്ണയിലേക്ക് കയറിയിരുന്നു കൊണ്ട് പതിയേ കുടിച്ചുതുടങ്ങി കുറച്ച് നേരം കഴിഞ്ഞതും മഴയുടെ ഭംഗികണ്ടിരിക്കെ തൊട്ടരികിലായ് ഒരുവൻ വന്നിരുന്നതറിഞ്ഞു..... ഒന്ന് തിരിഞ്ഞു നോക്കിയതും ഒരു ചായഗ്ലാസുമായി മഴനൂലുകൾ നോക്കി ഇരിക്കുകയാണവനും ഒരു സ്കിൻ കളർ ഷർട്ടും അതേക്കര മുണ്ടു മാണ് അവന്റെ വേഷം ഇപ്പോ കുളിച്ചിറങ്ങിയത് കൊണ്ടാകും മുന്നിലേക്ക്‌ വീണുകിടക്കുന്ന മുടിയിഴകളിലാകെ വെള്ളം നിറഞ്ഞിരിക്കുന്നുണ്ട് ...... ഒരു നിമിഷമൊന്നു നോക്കിയ ശേഷം ഭാമ മെല്ലെ തിരിഞ്ഞിരുന്നു ...... അവനെയിങ്ങനെ നോക്കുമ്പോൾ മനസ്സിലൊരു മഞ്ഞുകാലം വന്നതുപോലൊരു സുഖം...... അവളുടെ ചൊടികളിൽ മെല്ലെ യൊരു പുഞ്ചിരി തത്തിക്കളിച്ചു... തനിക്കരികിലായ് മൗനമായിരുന്ന് മഴ കാണുന്നവളെ അവനും ശ്രദ്ധിക്കുന്നുണ്ടായിരുന്നു...... തിരിഞ്ഞിരിക്കുകയാണവൾ പൂമുഖത്തു കത്തിച്ചു വച്ചിരുന്ന വിളക്കിലെ നെയ്ത്തിരി വെളിച്ചത്തിൽ ഭാമയുടെ മുഖം നേരിയ സ്വർണ നിറത്തിൽ തിളങ്ങുന്നതവൻ ഒരു കൗതുകത്തോടെ നോക്കികണ്ടിരുന്നു. 💚💚💚 രാത്രി അത്താഴം കഴിക്കുമ്പോ...... പല്ലവി അന്ന് പോയ വിശേഷങ്ങൾ പറഞ്ഞു തുടങ്ങി നന്ദനും അമ്മയും അതിൽ പങ്കു ചേർന്നു....... കുറച്ച് നേരം കഴിഞ്ഞതും ഭാമയും അതിലേക്കു ചേർന്നു..... ക്ലാസ്സിലെ കാര്യങ്ങളും ലീവ് എടുത്തു കഴിഞ്ഞു ചെന്നപ്പോ മറ്റ് അധ്യാപകരുടെ വിശേഷം പങ്കുവയ്ക്കലും നന്ദനെ തിരക്കലും എല്ലാം അവൾക്ക് പറയുന്നുണ്ടായിരുന്നു...... എല്ലാം കഴിഞ്ഞ് കളിചിരികളോടെ സന്തോഷത്തോടെയാണ് അവരാ മേശക്കരികിൽ നിന്ന് എഴുന്നേറ്റത്. രാത്രി കിടക്കാനായപ്പോൾ ...... നന്ദന് സ്കൂളിലെ കുറച്ച് ഉത്തരക്കടലാസുകൾ നോക്കാനുണ്ടായിരുന്നു...... പെയ്തു കൊണ്ട് നിൽക്കുന്ന കാറ്റിലും മഴയിലും കറണ്ട് പോയത് കൊണ്ട് ടേബിൾ ലൈറ്റ് ന്റെ മഞ്ഞ വെട്ടത്തിലിരുന്ന് അതെല്ലാം നോക്കുന്നത് . മഴയുടെ തണുപ്പ് കൂടി വന്നതും ഭാമ കട്ടിലിലേക്ക് കയറിക്കിടന്ന് പുതച്ചു മൂടി........ ശേഷം അവൻ ഇരിക്കുന്ന ഭാഗത്തേക്ക്‌ തിരിഞ്ഞുകിടന്നു..... പതിയെ ഉത്തരക്കടലാസുകൾ നോക്കുന്നവനിലേക്ക് മിഴികളെത്തി..... ഒരു മുണ്ട് മാത്രമണിപ്പോ വേഷം..... കുറച്ച് നേരത്തേ ചോദിച്ചിരുന്നു.... ഭാമയ്ക്ക് ബുദ്ധിമുട്ടില്ലെങ്കിൽ ഞാൻ ഷർട്ട് മാറ്റിക്കോട്ടെയെന്ന് രാത്രി ഇതിട്ടു ശീലമില്ല അതുകൊണ്ടാണെന്ന്....... എനിക്കെന്ത് ബുദ്ധിമുട്ട്..... മാറ്റിക്കോട്ടെ..... എന്ന് കരുതി ഞാൻ തലയാട്ടി..... എന്നാൽ ഷർട്ടൂരി കഴിഞ്ഞപ്പോഴോ വല്ലാത്തൊരു ചളിപ്പു പോലെ അങ്ങോട്ട് നോക്കാൻ.... ഷർട്ടില്ലാതെ ഇതുവരെ അച്ഛനെ മാത്രേ കണ്ടിട്ടുള്ളു..... ഇതാദ്യ മായാണ് ഒരു പുരുഷന് മുന്നിൽ...... നന്ദന്റെ ദൃഡമായ ശരീരവും നെഞ്ചിലെ രോമക്കാടുകളും മുഖത്തെ കട്ടിയുള്ള താടിയും മീശയും ഒക്കെ കാണുമ്പോൾ മനസ്സിലൊരു വല്ലാത്ത പിടപ്പാണ്....... കൗമാര പ്രായക്കാരെപ്പോലെ...... ഇപ്പോ തനിക്കത് നിയന്ത്രിക്കാൻ കഴിയാത്ത പോലെ പിന്നെ ഓരോ ദിവസങ്ങളിങ്ങനെ ചെല്ലുന്തോറും ഭംഗി കൂടി കൂടി വരുകയാണ് ആൾക്കും ആ സ്വഭാവത്തിനും .........പിന്നെ എങ്ങനെയാണ് എന്റെ മനസ്സ് കൈപ്പിടിയിൽ ഒതുങ്ങുക ഒരു കുഞ്ഞു പുഞ്ചിരിയോടവൾ ഓർത്തു...... കുറച്ചേറെ നേരം കഴിഞ്ഞതും അവനെ നോക്കി കിടന്നുകൊണ്ട് തന്നെ അവളുടെ കണ്ണുകൾ അടഞ്ഞു വരുന്നുണ്ടായിരുന്നു.... തുടരും 💚🌺 ലൈക് ചെയ്ത് അഭിപ്രായങ്ങൾ എഴുതണേ..... കണ്ണൂർകാരൻ ❤️❤️❤️❤️ #✍ തുടർക്കഥ #💞 പ്രണയകഥകൾ #📚 ട്വിസ്റ്റ് കഥകൾ #📙 നോവൽ #📔 കഥ