*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన* *అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷మార్చి 14🌷🌷* *"వారు ఆయన తట్టు చూడగా వారికి వెలుగు కలిగెను. వారి ముఖములెన్నడును లజ్జింపక పోవును" (కీర్తన 34:5)* 1947వ సంవత్సరములో యుద్ధభూమి నుండి తిరిగి తమ గృహములకు వెళ్ళుటకు 1,530 మంది సైనికులను తీసికొని ఒక ఓడ సౌతాంఫ్టన్ కు వచ్చెను. ఆ ఓడ వచ్చినప్పుడు చాలామంది బంధువులు, స్నేహితులు తమ ప్రియులను కలిసికొనుటకు ఓడరేవుకు వచ్చిరి. యుద్ధము ఆరంభ మైనప్పటి నుండి తన ప్రియుని నుండి వేరు చేయబడిన ఒక యవ్వనస్థురాలు కూడా ఆ రేవుకు వచ్చెను. యుద్ధమున్నను, లేకున్నను ఎవరును వారి హృదయములు మార్చలేక పోయిరి. వారు ఒకరికొకరు నమ్మకముగా నుండిరి. ఆ అమ్మాయి అక్కడ పైకి, క్రిందికి వెళ్లుచు, అటు ఇటు చూచుచు ఆశతో వెదకుచుండెను. అందరు ఒకే విధముగా కనబడిరి. ఎందుచేతననగా అందరు ఒకే విధమైన వస్త్రములు ధరించిరి. అంత పెద్ద సమూహములో ఆమె తన యవ్వన భర్తను గుర్తించ గలదా? ఆమె అటు ఇటు తిరుగుటను చూచి సైనికులు అపహసించసాగిరి. వారేమి అనుచున్నప్పటికిని ఆమె లక్ష్య పెట్టలేదు. తన యవ్వన భర్త ఆమెకు ఉత్తరము వ్రాసెను గనుక అతడు తప్పకుండా ఆ ఓడలో ఎక్కడో ఒక చోట నుండునని ఆమె ఎరుగును. అకస్మాత్తుగా తన పేరు పిలువబడుట వినెను. "ఓ అతడే నా యవ్వన భర్త అతడక్కడ ఉన్నాడు. అతడక్కడ ఉన్నాడు" అని సంతోషముగా అనెను. దాదాపు ఒక వేయి మంది ఆమె దృష్టిని ఆకర్షించ ప్రయత్నించిరి గాని అది వ్యర్ధమైపోయినది. అదే విధముగా ఒకసారి మనము మన ప్రభువును అనుభవ పూర్వకముగా ఎరిగిన యెడల ఏ స్త్రీ గాని, ఏ పురుషుడు గాని ఆయన నుండి మన కన్నులు త్రిప్పివేయజాలరు. *మన కన్నులు కూడా ఎల్లప్పుడూ ప్రభువునందే లగ్నమై యుండవలెననునది మా ఆశ. ఒకవేళ ఆయన నామము కొరకై అత్యధికమైన హింస, దూషణ, హేళన చేయబడుట అనునవి కలుగ వచ్చును. మన తలిదండ్రులు, స్నేహితులు, బంధువులు,ఇరుగుపొరుగు వారి ద్వారా ద్వేషించబడవచ్చును. ఇవన్నియు మనకు వెనువెంటనే జరుగవచ్చును లేక కొంత ఆలస్యము కావచ్చును. చాలామంది విశ్వాసులు స్త్రీలు, పురుషులు, డబ్బు, స్థానమును బట్టి త్రోవ తప్పిపోవుచున్నారు. వారు తమ ప్రభువును తృణీకరించుచున్నారు. కానీ మన ప్రభువు మనలను ప్రేమించుచున్నాడు.* ఆయన మనతో " భూదిగంతముల నివాసులారా నా వైపు చూడుడి.. . నా వైపు చూడుడి" అని చెప్పుచున్నాడు (యెషయా 45:22) ఎంతటి ప్రేమగల ఆహ్వానము! ప్రభువు మనందరితో " నీ కష్టము, నీ పరీక్ష, నీ శోధన ఏదైనను నా వైపు చూడుము" అని చెప్పుచున్నాడు. విజయమునకు రహస్యమిదియే. నీ భయములు, నీ కష్టములు, నీ హింసలు ఏమైనప్పటికిని ప్రభువు తన వైపు చూచుటకు నిన్ను పిలుచుచున్నాడు. మొట్ట మొదటిగా దావీదు పశ్చాత్త్తాపముతో కూడిన కన్నీటితో, దుఃఖముతో ప్రభువు యొద్దకు వచ్చెను. అప్పుడు అతని ముఖములో సంతోషము కనబడినది. కీర్తనకారుడు " వారు ఆయన తట్టు చూడగా వారికి వెలుగు కలిగెనని" చెప్పుచున్నాడు. వెంటనే వారి ముఖములు ప్రకాశించెను. మనము ఈ మాటలు అధికారంతో చెప్పవచ్చును. నిన్ను ప్రేమించి నీ కొరకు మరణించిన వానివైపు నీవు చూచిన యెడల " నీ కష్టములు, నీ పరీక్షలు, నీ బాధలన్నియు మాయమగును." గాయపరచబడిన తన చేతులను, కాళ్ళను చూపి ఆయన ఈ మాటలు చెప్పుచున్నాడు, "నా వైపు తిరిగి నీ కొరకు ఏమి చేసితినో చూడుము. నిన్ను క్షమించుటకు, నిన్ను మార్చుటకు నీ భయములన్నిటిని, బాధలన్నిటిని, శోధల నన్నిటిని తొలగించుటకు నేనెంత శ్రమ పడితినో చూడుము" *నేడే ఆయన వైపు చూడుము. అప్పుడు నీవు కూడా ప్రకాశమానముగా కాగలవు.* Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝