വൈHappy Birthday dear ഉണ്ണിയേട്ട......... ആമി ഓടിപ്പോയി ഉണ്ണിയെ കെട്ടിപ്പിടിച്ചു പറഞ്ഞു. ഉണ്ണിയൊന്നു ഞെട്ടി എങ്കിലും അവൻ്റെ ചുണ്ടിൽ ഒരു പുഞ്ചിരി വിരിഞ്ഞു. അവളുടെ ഭാഗത്തുനിന്നും ഇങ്ങനെയൊരു നീക്കം ആദ്യമായിട്ട് ആയിരുന്നു. അമ്മുവും അപ്പുവും ആശംസകൾ പറഞ്ഞ ശേഷം കേക്ക് കൊണ്ട് ആമി ഉണ്ണിയുടെ മുന്നിലേക്ക് വന്നു. എല്ലാവരും ചേർന്ന് ഉണ്ണിയോട് കേക്ക് മുറിക്കാൻ ആവശ്യപ്പെട്ടു. സന്തോഷത്തോടെ അതിലൊരു കഷ്ണം കേക്ക് മുറിച്ച് എടുത്തു ആദ്യം ആർക്ക് കൊടുക്കും എന്നൊരു കൺഫ്യൂഷനോടെ നിൽക്കുന്ന ഉണ്ണിയേക്കണ്ട് എല്ലാർക്കും ചിരിവന്നു. അമ്മു വേഗം തന്നെ ഉണ്ണിയുടെ കൈ പിടിച്ചു ആമിക്ക് കൊടുക്കാൻ ആവശ്യപ്പെട്ടു. ഉണ്ണി ആദ്യം ആമിക്ക് തന്നെ കൊടുത്തു, ആമിയും അതിൽ നിന്നും ഒരു ചെറിയ കഷ്ണം കേക്ക് ഉണ്ണിയുടെ വായിൽ വച്ച് കൊടുത്തു. പിന്നെ ഉണ്ണി അമ്മുവിനും അപ്പുവിന് കേക്ക് കൊടുത്തു. അപ്പു വേഗം തന്നെ എല്ലാവരോടും ഇനി ഉറങ്ങിക്കൂടെ എന്ന് ചോദിച്ചു. അമ്മുവും ആമിയും വേഗം അവിടെയൊക്കെ വൃത്തിയാക്കി, കിടക്കാൻ പോയി. അപ്പുവും ഉണ്ണിയും എന്തോ സംസാരിക്കുന്നത് കണ്ടുകൊണ്ടാണ് ആമി റൂമിലേക്ക് പോയത്. ആമി ഫ്രഷ് ആയി റൂമിലേക്ക് വന്നപ്പോഴത്തേക്ക് ഉണ്ണി കിടന്നിരുന്നു. ആമി വേഗം പതിവ് നിലത്ത് കിടക്കാൻ പായ വിരിക്കുന്നത് കണ്ടപ്പോൾ ഉണ്ണിക്ക് ശരിക്കും ദേഷ്യവും സങ്കടവും വന്നു. കിടക്കാൻ പോയ അവളെ കോരിയെടുത്ത് കട്ടിലിൽ കിടത്തി. പെട്ടെന്നുണ്ടായ ഉണ്ണിയുടെ പ്രവൃത്തിയിൽ ആമി ഒന്ന് പിടിച്ചെങ്കിലും അവനെ എതിർക്കാൻ നോക്കി പരാജയം സമ്മതിച്ചു. "എന്തിനാ ആമി എന്നോടിങ്ങനെ "ഉണ്ണിയുടെ ശബ്ദം ആർദ്രമായിരുന്നു. എങ്ങനെ ഒട്ടും മാറ്റമില്ലാതെ ആമിയുടെ ഉത്തരവും വന്നു. നിനക്കെന്നെ ഇഷ്ടമാണെന്ന് എനിക്കറിയാം. ആണോ .......... വീണ്ടും അവനെ ചൊടിപിടിക്കാൻ എന്നപോലെ അവളുടെ മറുപടി ദേ പെണ്ണെ എനിക്ക് ദേഷ്യം വരുന്നുണ്ട് കേട്ടോ. അതിനിപ്പോ എനിക്കെന്താ വീണ്ടും വന്നു മറുപടി. നമ്മുടെ കല്യാണം കഴിഞ്ഞിട്ട് രണ്ടാഴ്ച ആയിട്ടുള്ളൂ, നിന്നെ ഞാൻ ഇതുവരെ ഒരു രീതിയിലും ശല്യപ്പെടുത്തിയിട്ടില്ല. ഒരു നോക്കുകൊണ്ടുപോലും ബുദ്ധിമുട്ടിച്ചിട്ടില്ല. പിന്നെ നീയെന്താ ഇങ്ങനെ. എങ്ങനെ വീണ്ടും ആമിയുടെ ഭാഗത്തുനിന്നുണ്ടായ പ്രതികരണം ഉണ്ണിയെ വല്ലാതെ വേദനിപ്പിച്ചു. അവസാനം അവളുടെ മനസ്സിൽ എന്താണെന്നറിയാൻ ഒരു ശ്രമം കൂടി ഉണ്ണി നടത്തി. Do you love me ആമി .............. അല്ല ചോദിച്ചു തീരുന്നതിന് മുൻപ് ഉത്തരവും എത്തി. ശരി, നീയെന്നാ പോയി കിടന്നുറങ്ങാൻ നോക്ക്, സമയം ഒരുപാടായില്ലേ. അല്ല ഞാനായിട്ട് വന്നു കിടന്നതല്ലല്ലോ, കൊണ്ടുവന്നു കിടത്തിയ ആള് തന്നെ എന്നെ കൊണ്ട് കിടത്തിയാൽ കൊള്ളാം. ഇല്ലെങ്കിൽ, ഇപ്രാവശ്യം അവൻ്റെ സ്വരത്തിൽ കുസൃതി നിറഞ്ഞു. വിട്ടുകൊടുക്കാൻ തീരെ താല്പര്യമില്ലാതെ ആമിയുടെ ഉത്തരവും വന്നു. ഞാനിവിടെ കിടക്കും, അല്ല പിന്നെ സത്യമായിട്ടും Yes but ഉണ്ണിയേട്ടൻ താഴെ കിടക്കും. നമ്മുക്ക് കാണാം. അല്ല നീയെന്തിനാ രാത്രി വീട്ടിൽ നിന്നും ഇറങ്ങി പോയത്. ഞാൻ പുറകെ വന്നില്ലായിരുന്നെങ്കിലോ. ഞാൻ എൻ്റെ വീട്ടിൽ എത്തിയേനെ. എന്നിട്ട് സുഖമായിട്ട് എൻ്റെ റൂമിൽ, എൻ്റെ കട്ടിലിൽ കിടന്നുറങ്ങിയേനെ. നിനക്ക് ഞാൻ ഒരു സമ്മാനം തരുന്നുണ്ട് എന്ന് പറഞ്ഞു ഉണ്ണി ആമിയുടെ ചെവിയ്ക്ക് പിടിച്ചു. വിട് ഉണ്ണിയേട്ടാ എനിയ്ക്ക് നല്ല വേദനയെടുക്കുന്നു. എന്നാ ഞാൻ ചോദിക്കുന്ന ചോദ്യത്തിന് ഉത്തരം പറ. എന്താ എന്നതുപോലെ ആമി ഉണ്ണിയുടെ മുഖത്ത് നോക്കി... നിനക്കെന്നെ ഇഷ്ടമല്ലേ. ഉണ്ണി ചോദിച്ചു തീർന്നതെ ആമിയുടെ ചുണ്ടുകൾ ഉണ്ണിയുടെ കവിളിൽ പതിഞ്ഞു. അല്ല എന്തായിപ്പൊ ഉണ്ടായേ എന്നൊരു ഭാവത്തോടെ ഉണ്ണി ആമിയെ നോക്കുമ്പോൾ ഞാനെന്നും ചെയ്തില്ലേ എന്ന രീതിയിൽ ആമി ഇരിക്കുന്നുണ്ട്. കുറച്ച് നിമിഷങ്ങൾക്ക് ശേഷം അടുത്ത ചോദ്യവും എത്തി. നീ എന്തിനാ ഈ രാത്രി ഇവിടെ നിന്നും ഇറങ്ങിപ്പോയത്.. ആ ഒരു ചോദ്യം വീണ്ടും ആവർത്തിച്ചതും ഇത്തവണ ആമിയുടെ കണ്ണ് നിറഞ്ഞു..... തുടരും...... #💌 പ്രണയം #💞 പ്രണയകഥകൾ #📔 കഥ #💑 സ്നേഹം