രുദ്രദൃഷ്ടി: ഭാഗം 6 രുദ്രാവതിയുടെ ശരീരത്തിൽ നിന്നുള്ള ഹാലാഹലം ഇന്ദ്രജിത്തിന്റെ ഉള്ളിലേക്ക് പ്രവേശിച്ചതോടെ അവന്റെ ശരീരം ഒരു അഗ്നിപർവ്വതം പോലെ ജ്വലിക്കാൻ തുടങ്ങി.. സാധാരണ ഗതിയിൽ ഏതൊരു ജീവിയും വെണ്ണീറാകേണ്ട ആ വിഷം, കാലഭൈരവന്റെ അനുഗ്രഹം ഉള്ളതുകൊണ്ട് ഇന്ദ്രജിത്തിന്റെ തൊണ്ടയിൽ തങ്ങിനിന്നു. അവന്റെ കഴുത്ത് നീലനിറമായി മാറി. അവൻ ഒരു 'അർദ്ധ-ഭൈരവ' രൂപത്തിലേക്ക് രൂപാന്തരപ്പെട്ടു….. വിഷം ഇന്ദ്രജിത്ത് ഏറ്റെടുത്തതോടെ രുദ്രാവതിക്ക് ബോധം തിരികെ ലഭിച്ചു. തന്റെ പ്രാണനാഥൻ തനിക്ക് വേണ്ടി മരണം വരിക്കാൻ തയ്യാറായതറിഞ്ഞ അവളുടെ ഉള്ളിൽ ഭക്തിയും പ്രണയവും അതിലേറെ ക്രോധവും ഉണർന്നു. അവളിലെ 'ഗംഗാ' അംശം ശാന്തത വെടിഞ്ഞ് സംഹാരരൂപിണിയായി…. അവളുടെ കൈകളിൽ ഒരു ദിവ്യമായ ജലചക്രം പ്രത്യക്ഷപ്പെട്ടു. "എന്റെ പ്രണയത്തെ മുറിപ്പെടുത്തിയവർക്ക് ഇനി ഈ പ്രപഞ്ചത്തിൽ സ്ഥാനമില്ല!" അവൾ ഇന്ദ്രജിത്തിന്റെ കാവൽക്കാരിയായി അവന്റെ മുന്നിൽ നിലയുറപ്പിച്ചു…. ഇന്ദ്രജിത്ത് ദുർബലനാണെന്ന് കരുതി അടുത്തേക്ക് വന്ന കാലനേമിക്ക് തെറ്റി. ഇന്ദ്രജിത്ത് തന്റെ നീലകണ്ഠത്തിൽ നിന്ന് ഒരു ഭയങ്കരമായ ഗർജ്ജനം പുറപ്പെടുവിച്ചു. ആ ശബ്ദവീചിയിൽ കാലനേമിയുടെ മായാരൂപങ്ങൾ ചിതറിപ്പോയി….. ഇന്ദ്രജിത്ത് തന്റെ ശൂലം വായുവിൽ ചുഴറ്റി. വിഷത്തിന്റെ ശക്തി കൂടിയായപ്പോൾ ആ ശൂലത്തിന് ചുറ്റും നീല മിന്നലുകൾ പടർന്നു… "കാലനേമി... നിനക്ക് മരണം നിശ്ചയിച്ചത് കാലഭൈരവനല്ല, അവന്റെ ദാസനായ ഈ ഇന്ദ്രജിത്താണ്!"... ഇന്ദ്രജിത്തിന്റെ ശൂലം കാലനേമിയുടെ നെഞ്ചുപിളർന്നു കടന്നുപോയി. ഒരൊറ്റ നിമിഷം കൊണ്ട് ആ അസുരൻ കരിഞ്ഞു ചാരമായി മാറി….. തന്റെ സേനാപതി വീണതുകണ്ട് രക്തരക്ഷസ്സ് ഭയന്നില്ല. രക്തരക്ഷസ്സ് 'മൃതസഞ്ജീവനി മന്ത്രം' ഉരുവിട്ടു തന്റെ കയ്യിലുണ്ടായിരുന്ന മന്ത്രവാൾ കൊണ്ട് സ്വന്തം കൈ മുറിച്ചു. ആ രക്തം നിലത്ത് വീണപ്പോൾ അനേകം രാക്ഷസന്മാർ ഉയിർത്തെഴുന്നേറ്റു. അവർ ദേവലോകത്തെ നക്ഷത്രങ്ങളെ ഭൂമിയിലേക്ക് വലിച്ചിടാൻ തുടങ്ങി…. "ഇന്ദ്രജിത്ത്! നീ വിഷം കുടിച്ചു കാണും, പക്ഷേ നിന്റെ ഉള്ളിലെ തീ നിന്നെ തന്നെ ദഹിപ്പിക്കും. ആ വിഷം പുറത്തുവിടാതെ നിനക്ക് എന്നെ തോൽപ്പിക്കാനാവില്ല. പുറത്തുവിട്ടാൽ ലോകം നശിക്കും. എന്തുചെയ്യും നീ?" രക്തരക്ഷസ്സ് പരിഹസിച്ചു…… ഈ സമയം ഭൈരവി ശ്മശാനത്തിലെ ഭസ്മം വായുവിൽ വിതറി ഒരു പ്രതിരോധ വലയം തീർത്തു. അവൾ തന്റെ കയ്യിൽ ഉള്ള ശംഖ് മുഴക്കി. ആ ശബ്ദത്തിൽ രക്തരക്ഷസ്സിന്റെ അസുരന്മാർക്ക് ഭ്രാന്ത് പിടിച്ചു. അവർ തമ്മിൽ തമ്മിൽ വെട്ടിമരിക്കാൻ തുടങ്ങി…. "ഇന്ദ്രജിത്ത്! നിന്റെ ഉള്ളിലെ വിഷത്തെ ഒരു ആയുധമാക്കൂ! അത് വിഴുങ്ങുകയല്ല, നിന്റെ ദൃഷ്ടിയിലൂടെ ശത്രുവിന് നേരെ തൊടുത്തുവിടൂ!" ഭൈരവി വിളിച്ചു പറഞ്ഞു… ഇന്ദ്രജിത്ത് തന്റെ ഇടതുകണ്ണ് പൂർണ്ണമായി തുറന്നു. ആ കണ്ണിൽ നിന്ന് നീലനിറത്തിലുള്ള ഒരു പ്രകാശധാര രക്തരക്ഷസ്സിന് നേരെ പാഞ്ഞുചെന്നു. ആ വിഷജ്വാല ഏറ്റ രക്തരക്ഷസ്സിന്റെ ശരീരം ഉരുകാൻ തുടങ്ങി. അവന്റെ മാന്ത്രിക കോട്ട തകർന്നു വീണു…. പക്ഷേ, അവസാന നിമിഷം രക്തരക്ഷസ്സ് ഇന്ദ്രജിത്തിന് നേരെ ഒരു ശാപം എറിഞ്ഞു: "നീ എന്നെ കൊല്ലും... പക്ഷേ രുദ്രാവതിയുടെ ദേവചൈതന്യം എന്നെന്നേക്കുമായി നഷ്ടപ്പെടും! നീ അവളെ പ്രണയിച്ചോളൂ, പക്ഷേ നിനക്ക് അവളെ സ്പർശിക്കാനാവില്ല. നീ തൊട്ടാൽ അവൾ വെണ്ണീറാകും!"... രക്തരക്ഷസ്സ് അപ്രത്യക്ഷമായെങ്കിലും ആ ശാപം വായുവിൽ മുഴങ്ങിനിന്നു…. ഇന്ദ്രജിത്തും രുദ്രാവതിയും പരസ്പരം നോക്കി. അവർക്ക് ലോകത്തെ രക്ഷിക്കാനായി, പക്ഷേ അവരുടെ പ്രണയത്തിന് മുകളിൽ ഒരു ഇരുണ്ട നിഴൽ വീണിരിക്കുന്നു…. തുടരും… ✍️സന്തോഷ്‌ ശശി…. #✍ തുടർക്കഥ #കഥ,ത്രില്ലെർ,ഹൊറർ #📔 കഥ #💞 പ്രണയകഥകൾ #📙 നോവൽ