#😱સુરત કોર્ટને ઉડાવી દેવાની ધમકી, આજે હાઇકોર્ટ તથા રાજ્યનાં વિવિધ શહેરોની લોઅર કોર્ટને બોમ્બથી ઉડાવી દેવાની ધમકી મળી છે, જેમાં સુરત, આણંદ, રાજકોટ, અમદાવાદ અને ભરૂચની લોઅર કોર્ટને RDXથી ઉડાવી દેવાની ધમકી આપવામાં આવી છે. આ ધમકી LTTE(લિબરેશન ટાઇગર ઓફ તમિળ ઇલમ) દ્વારા આપવામાં આવી છે તેમજ તમામને એક જ પેટર્નથી ધમકીઓ આપી છે. LTTEના પૂર્વ સભ્યો સાથે મળીને કાશ્મીર ISKPના મેમ્બર્સે કોર્ટને નિશાન બનાવી છે.રાજકોટ કોર્ટ પરિસરમાં તપાસ દરમિયાન SOG ટીમને એક ડ્રોન મળ્યું હતું, જે મહેસાણાના વકીલ સાથે લઈને આવ્યા હોવાનું સામે આવ્યું છે. ડ્રોન અંગે તપાસ બૉમ્બ-સ્ક્વોડ તેમજ ડોગ- સ્ક્વોડ સાથે કરવામાં આવી હતી, જોકે એમાં કોઈ સ્ફોટક વસ્તુ ઇન્સ્ટોલ ન હોવાનું સામે આવતાં પોલીસે વકીલની ડ્રોન બાબતે પૂછપરછ હાથ ધરી હતી.સુરત ડિસ્ટ્રિક્ટ કોર્ટને મોડીરાતે 2 વાગ્યે અંગ્રેજીમાં મેલ કરી RDXથી ઉડાવી દેવાની ધમકી આપવામાં આવતાં ચકચાર મચી ગઈ છે. આ ઘટનાની વિગત એવી છે કે કોર્ટના ઓફિશિયલ મેલ આઈડી પર વહેલી સવારે એક ધમકીભર્યો સંદેશો આવ્યો હતો. જ્યારે કોર્ટના કર્મચારીઓએ સવારે ફરજ પર આવીને આ મેલ તપાસ્યો, ત્યારે એમાં કોર્ટ બિલ્ડિંગને વિસ્ફોટકોથી ઉડાવી દેવાની ગંભીર ચેતવણી લખેલી હતી, જેનાથી તંત્રમાં દોડધામ મચી ગઈ હતી. અમદાવાદ ગ્રામ્ય કોર્ટ બાદ આજે એટલે કે 24 કલાકની અંદર વધુ એક કોર્ટને ધમકી મળી છે. અમદાવાદ સિટી સિવિલ એન્ડ સેશન્સ કોર્ટના રજિસ્ટ્રી વિભાગને બોમ્બથી ઉડાવવાની ધમકી મળી છે. આ ધમકીને પગલે કોર્ટ કાર્યવાહી સ્થગિત કરવામાં આવી છે તેમજ બોમ્બ-સ્ક્વોડ અને ડોગ-સ્ક્વોડ સહિતની ટીમો કોર્ટમાં તપાસ કરી છે.રાજકોટ કોર્ટને બોમ્બથી ઉડાવી દેવા ધમકી મળી છે. આ અંગે કોર્ટના સિક્યોરિટી ઇન્ચાર્જ દ્વારા પોલીસ કંટ્રોલને જાણ કરવામાં આવી છે. કંટ્રોલ દ્વારા યુનિવર્સિટી પોલીસ તેમજ બૉમ્બ- સ્ક્વોડ, ડોગ-સ્ક્વોડ અને SOGને જાણ કરવામાં આવી છે. હાલ પોલીસે કોર્ટ પરિસર ખાલી કરાવી તપાસ હાથ ધરી છે.કોર્ટ પરિસર પોલીસ છાવણીમાં ફેરવાયું મેલની ગંભીરતાને ધ્યાને રાખીને કોર્ટ સ્ટાફ દ્વારા તાત્કાલિક પ્રિન્સિપલ જજને જાણ કરવામાં આવી હતી. જજ સાહેબે આ બાબતને અત્યંત સંવેદનશીલ ગણીને સમયનો સહેજ પણ બગાડ કર્યા વિના તરત જ પોલીસ વિભાગને મેલ વિશે વાકેફ કરવા અને કડક સુરક્ષા તપાસ હાથ ધરવા માટે આદેશ આપ્યા હતા. જજ સાહેબના આદેશ બાદ કોર્ટ પરિસર પોલીસ છાવણીમાં ફેરવાઈ ગયું હતું.ડિસ્ટ્રિક્ટ કોર્ટ અને ફાસ્ટટ્રેક કોર્ટનાં બિલ્ડિંગમાં સઘન ચેકિંગ પોલીસને જાણ થતાં જ સ્થાનિક પોલીસ, ક્રાઈમ બ્રાન્ચ અને એસોજી (SOG)ની ટીમો તાત્કાલિક સુરત ડિસ્ટ્રિક્ટ કોર્ટના પરિસરે પહોંચી ગઈ હતી. બોમ્બ-સ્ક્વોડ અને ડોગ-સ્ક્વોડની મદદથી સુરત ડિસ્ટ્રિક્ટ કોર્ટ અને ફાસ્ટટ્રેક કોર્ટનાં બિલ્ડિંગમાં સઘન ચેકિંગ શરૂ કરવામાં આવ્યું હતું. પોલીસની અલગ-અલગ ટીમો દ્વારા પરિસરના ખૂણેખૂણાની તપાસ કરવામાં આવી હતી, જેથી કોઈ અઘટિત ઘટનાને ટાળી શકાય.ગઈકાલે 5 જાન્યુઆરીએ અમદાવાદ ગ્રામ્ય કોર્ટને બોમ્બથી ઉડાવવાની ધમકી મળી હતી ઇન્કમટેક્સ પાસે આવેલી અમદાવાદ ગ્રામ્ય કોર્ટને બોમ્બથી ઉડાડવાની ધમકી મળી હતી. અજાણ્યા શખસે ઇ-મેલ મારફત કોર્ટના આઈડી પર મેલ કરીને ઉડાવવાની ધમકી આપી હતી. ધમકી મળતાં કોર્ટની કામગીરી સ્થગિત કરવામાં આવી. આ ઇ-મેલ મળતાં પોલીસને જાણ કરવામાં આવી હતી. ત્યાર બાદ નવરંગપુરા પોલીસે બોમ્બ-સ્કવોડ અને ડોગ-સ્કવોડ સાથે કોર્ટમાં તપાસ કરી હતી. #🔥 બિગ અપડેટ્સ #તાજા સમાચાર #આજના સમાચાર #🗞️ ગુજરાત અપડેટ્સ