*దేవుడే నీ భర్తను, భార్యని క్షమించినప్పుడు నువ్వెందుకు క్షమించలేవు?* *నేడు ఎన్నో కుటుంబాలు కూలిపోవడానికి కారణం. వారు కలిగి ఉన్న ప్రస్తుత పరిస్థితులు కాదండీ! వారి గతం తాలూకు విషయాలు. కొంతమంది వచ్చి పని కట్టుకుని మరీ గతాన్ని త్రవ్వుతుంటారు. నా భర్తకి గతంలో ఎవరితోనైనా సంబంధం ఉదేమో అని భార్య, నా భార్యకి గతంలో ఏమైనా పరిచయాలు ఉన్నాయేమో అని భర్త.... గతమును గురించి ఆలోచించి, ప్రస్తావించి, చివరికి ఒకరితో ఒకరు గొడవ పడి వారి కుటుంబంలో ఉన్న శాంతి, సమాధానమును దూరం చేసుకుంటున్నారు. ఏదైనా మా మాటా తేడా వస్తే, భర్త గతమును గురించి ప్రస్తవిస్తూ - చాల్లే, మీ గురించి నాకు తెలియదా? ఆఫీసులో మీరు వెలగబెట్టిన పనులు నాకు తెలియవు అనుకున్నారా? అని భర్త గతమును త్రవ్వే భార్యలు ఎందరో. అలాగే మాటల యుద్ధంలో భార్య గతమును బట్టి - నీ బుద్దే అంత. కాలేజీలో ఉన్నప్పుడు ఇలా చేశావు, నువ్వు పాపిష్టి దానివి అని ప్రస్తావించే భర్తలు కూడా ఎందరో ఉన్నారు. భర్త గతము మంచింది కాకపోయినా, భార్య గతము మంచిది కాకపోయినా, వారు గతంలో ఎంతటి పాపిష్టి జీ2వితం జీవించినవారైనా నేను భార్యభర్తలేగా! ఇద్దరూ కలిసి ఉండాల్సిందేగా. ఇలా కలిసి నివసించాల్సిన భార్యభర్తలు ఒకరిని పట్టుకుని మరొకరు ఛీ! ఛీ! ఇటువంటి వ్యక్తిని నేను పెళ్లి చేసుకోవడమేమిటి? అని అనడం వల్ల ప్రయోజనం ఉండదు.* *మనలో ప్రతి ఒక్కరికీ గతం ఉంది. ఆ గతమే సరైనది కాదు. మనము పాపములచేత అపరాధములచేత చచ్చినవారము. పాపములో కుళ్ళిపోయిన మనల్ని పరిశుద్ధులుగా మార్చడానికి ప్రభువైన యేసు క్రీస్తు సిలువలో రక్తమును చిందించవలసి వచ్చింది. సాధారణంగా కుళ్ళిపోయిన వాటిని మనం చెత్త బుట్టలో పారేస్తాము. అలా చెత్త బుట్టలో వేసిన వాటిని తిరిగి తీసే ప్రయత్నం ఎవరూ చేయరు. ఒకవేళ ఎవరైనా చెత్త బుట్టలో వేసిన కుళ్ళిపోయిన వాటిని త్రవ్వే ప్రయత్నం చేస్తే వారిని మతిస్థిమితం లేని వారు (పిచ్చివారు) అంటాము. పిచ్చి వారే భర్త గతాన్ని త్రవ్వే ప్రయత్నం చేస్తారు. మంచి వారు ఎప్పుడూ గతము మీద ఆధారపడరు, ప్రభువు కృప మీద ఆధారపడి మంచి భవిష్యత్తు కోసం ముందుకు సాగిపోతారు. నీ భర్త గతము గురించి, నీ భార్య గతము గురించి ఆలోచించి, గతంలో జరిగిన సంఘటనలను బట్టి వారిని హింసించడం, చిత్రవధ చేయడం మంచిది కాదు. నీ కుటుంబాన్ని శాంతి, సమాధానం, సంతోషంతో కట్టుకోవాలి అని ఆశించినట్లయితే భార్యభర్తలు తమ భాగస్వామి యొక్క గతమును త్రవ్వకూడదు. అందుకే గతం గత: అని మన పూర్వీకులు అంటూ ఉంటారు. కాబట్టి జరిగిందేదో జరిగిపోయింది. గతం గురించి ఆలోచించడం, గతాన్ని బట్టి అనుమానించడం వలన కుటుంబంలో సమాధానం ఉండదు.* *దావీదు మహారాజుగా, గొప్ప సేవకునిగా, దేవుణ్ణి బహుగా ఘన పరిచిన వ్యక్తిగా తనువు చాలించాడు. అదే దావీదు గతమును పరిశీలిస్తే, తానొక వ్యభిచారి, హంతకుడు, దుర్మార్గమైన పనులు చేసినవాడు. కానీ దేవుడు ఆ గతాన్ని సమాధి చేసి ఒక నీతిమంతుడిగా లోకానికి కనపరిచి దావీదుని హెచ్చించాడు. మోషేని దేవుడు ఎంతో ప్రేమించాడు. సాక్షాత్తు దేవుడే మేషే సమాధి కార్యక్రమాలు చేశాడు. అలాంటి మేషే, గతములో ఒక హంతకుడు, బహు కోపిష్టి. కానీ అదే మోషేని దేవుడు ఒక నాయకుడిగా మార్చాడు. బహు శక్తి కలిగిన ఇశ్రాయేలుగా మార్చింది దేవుడే. ఆ పేరే ఒక దేశానికి పెట్టబడింది. అటువంటి యాకోబు, గతములో ఒక మోసగాడు. అన్నను, తండ్రిని, మామును మోసం చేసిన వ్యక్తి దేవుణ్ణి కలుసుకుని ఇశ్రాయేలుగా పేరు సంపాదించుకున్నాడు. సాక్షాత్తు దేవుడే యాకోబును గురించి, నేను యాకోబు దేవుడను అని గర్వంగా చెప్పుకునే విధంగా జీవించాడు. వీళ్ళందరి గతము పరిశుద్ధమైనది కాదు. వీళ్లలాగే మన గతము కూడా పరిశుద్ధమైనది కాదు. నేను నీతిమంతున్ని, నాలో ఏ లోపము లేదు, పాపము లేదు అని మనలో ఏ ఒక్కరూ చెప్పలేరు. నీతిమంతుడు లేదు. ఒక్కడును లేడు. (రోమా 3:11) అని బైబిల్ సెలవిస్తుంది.* *ఈ రోజు పరిశుద్ధులుగా పిలువబడే ప్రితి ఒక్కరికీ పాపిష్టి గతం ఉంది. ఈరోజు పాపిష్టిగా జీవిస్తున్న ప్రతి ఒక్కరికీ ప్రభువైన యేసుక్రీస్తులో అద్భుతమైన భవిష్యత్తు ఉంది. క్రీస్తులో ఉన్న భవిష్యత్తుని స్వతంత్రించుకునే ప్రయత్నం చేసేవారు గతమును గురించి ఆలోచించరు.* *ప్రియ సహోదరీ, సహోదరుడా! నీ చుట్టూ ఉన్న దారులు మూసుకుపోతున్నాయా? ఒకప్పుడు నువ్వు కలిగివున్న అశీర్వాదాలు అడుగంటిపోతున్నాయా? నీ ఇంట్లో శాంతి, సమాధానం రోజు రోజుకి కరువై పోతుందా? బహుశా వీటికి కారణం, నువ్వు గతమును త్రవ్వుతున్యనావేమో. భవిష్యత్తులో దేవుడు చేయబోయే అద్భుతాలను గురించి ఆలోచించక, గతమును గురించి చితిస్తున్నావేమో. ఇకనైనా గతమును త్రవవ్వడం మాని, పాత రోత జీవితాన్ని ప్రక్కన పెట్టి ప్రభువులో ఉన్న భవిష్యత్తుని గురించి ఆలోచించు. నా భర్త గతము మంచిది కాదు. నా భార్య గతము మంచిదికాదు నేను క్షమించలేను అని అంటున్న సహోదరీ, సహోదరుడా...! దేవుడే నీ భర్తను, భార్యని క్షమించినప్పుడు నువ్వెందుకు క్షమించలేరు? ఒక్కసారి ఆలోచించండి. ఎవరైతే గతమును గురించి ఆలోచించడం మానేస్తారో వారి జీవితాలలో దేవుడు నూతన కార్యం చేస్తాడని, వారి జీవితాలను చిగురింపజేసి, ఫలభరితంగా మారుస్తాడని వాక్యం సెలవిస్తుంది.* *(మునుపటి వాటిని జ్ఞాపకము చేసికొనకుడి పూర్వకాలపు సంగతులను తలంచుకొనకుడి. (యోషయా 43:18) ఇదిగో నేనొక నూతన క్రియ చేయుచున్నాను ఇప్పుడే అది మొలుచు మీరు దాని నాలోచింపరా! నేను ఆరణ్యములో త్రోవ కలుగజేయుచున్నాను. ఏడారిలో నదులు పారజేయుచున్నాను. (యోషయా 43:19) దేవుడు మీ కుటంబాన్ని ఫలింపజేయాలని ఆశిస్తున్నట్లుయితే ఇకనైనా గతం గురించి ఆలోచించక, చింతించక దేవుడు చేయబోయే నూతన కార్యము కొరకు కనిపెట్టుకుని జీవించండి.* **************************** *ప్రతిదినం పరిశుద్ధంగా జీవించాలని ఆశపడుతున్నారా? అయితే మీ కోసమే ఈ గ్రూప్స్...!* *WhatsApp Community - 1 link:* https://chat.whatsapp.com/BKEcChdxaKrK0dJ8CqADcD *************************************** *Telegram group Link* https://t.me/+XtII92fKOXAyNWQ9 ******************************** *మీ ప్రార్దన అవసరతను నా నెంబర్ కు మెసేజ్ చేయండి.... మీ ప్రార్దన మనవిని మన అన్నీ గ్రూప్స్ లో నేనే పోస్ట్ చేయడం జరుగుతుంది. మీ సమస్యపై మన గ్రూప్స్ సభ్యులందరూ ప్రార్దన చేస్తారు. మనకు కావల్చింది వాక్యం, ప్రార్దన.* *- మీ సహోదరుడు మోషే* *- (Calvary Kiranalu )* *-(📲 9550576444)* ************************************ #Jesus #jesu #యేసు ప్రభువు #✝️తెలుగు క్రైస్తవ వాట్సాప్ స్టేటస్ ⛪️💒 #✝️Jesu✝️ #i love jesu