#🙋‍♀️ എൻ്റെ സ്റ്റാറ്റസുകൾ #💑 സ്നേഹം #വാടാമലരുകൾ #🙏 ഭക്തി Status ശ്രീ മാത്രേ നമഃ 🙏* *മൂകാംബിക ക്ഷേത്രം - ചരിത്രം ഭാഗം 22* *ക്ഷേത്രനടയിൽ നിന്ന് കഷ്ടിച്ച് ഒരു കിലോമീറ്റർ ദൂരം മാത്രമേ ഉള്ളുവെങ്കിലും എഴുന്നള്ളിച്ച് അവിടേയ്ക്കെത്താൻ ഏകദേശം ഒരു മണിക്കൂർ എടുക്കും. തിരിച്ചും അത്രത്തന്നെ സമയം വേണം. പിറ്റേ ദിവസം വൈകിട്ടാണ് ആറാട്ട്. അന്ന് വിശേഷാൽ പൂജകൾക്ക് ശേഷം ദേവിവിഗ്രഹം പ്രദക്ഷിണമായി എഴുന്നള്ളിച്ച് സൗപർണിക തീരത്തേക്ക് കൊണ്ടുപോവുകയും ഓലകമണ്ഡപത്തിൽ വെക്കുകയും ചെയ്യുന്നു. ഏഴ് മണിയോടെ ഓപ്ലി മഹോത്സവം തുടങ്ങുന്നു. ഉത്തരേന്ത്യൻ ഉത്സവമായ ഹോളിയുമായി സാമ്യമുള്ള ഒരു ചടങ്ങാണിത്. ശാന്തിക്കാരും ഭക്തരും പരസ്പരം നിറങ്ങൾ വാരിയെറിഞ്ഞും പീച്ചാങ്കുഴൽ വഴി വെള്ളം തെറിപ്പിച്ച് ആഘോഷിക്കുന്ന ഈ ചടങ്ങ് കഴിഞ്ഞാണ് ദേവിയുടെ ആറാട്ട്. ഇതിന് മുമ്പായി ദേവി വിഗ്രഹത്തിൽ അഭിഷേകവും പൂഷ്പാർച്ചനയും നടത്തും. തുടർന്ന് ക്ഷേത്രത്തിലെ പ്രധാന അർച്ചകൻ ദേവി വിഗ്രഹവുമായി സൗപർണികയിൽ മൂന്ന് പ്രാവശ്യം മുങ്ങുന്നു. ദേവി സന്നിധ്യം കൊണ്ട് പവിത്രമായ നദിയിൽ ഭക്തരും മുങ്ങി കുളിക്കുന്നു. പിന്നീടാണ് തൈപോൽസവം എന്ന് പറയുന്ന ചടങ്ങ്. ദേവിവിഗ്രഹം തോണിയിൽ ഇരുത്തി മൂന്ന് പ്രാവശ്യം പ്രദക്ഷിണം വെയ്ക്കുന്ന ചടങ്ങാണിത്.* *ഈ ചടങ്ങുകൾക്കെല്ലാം ശേഷം ദേവിയുടെ പള്ളിവേട്ട. ആറാട്ടിനു ശേഷം പള്ളിവേട്ട നടക്കുന്നത് കേരളീയ ആചാരത്തിന് വിരുദ്ധമാണെന്നത് ശ്രദ്ധേയമാണ്. നദീത്തീരത്ത് പ്രത്യേകം തയ്യാറാക്കി വെച്ച ഒരു സ്ഥലത്ത് അമ്പെയ്യുന്നതാണ് ഈ ചടങ്ങ്, തുടർന്ന് ഓലകമണ്ഡപത്തിൽ വിശ്രമിക്കുന്ന ദേവിയെ പിറ്റേ ദിവസം രാവിലെയാണ് ക്ഷേത്രത്തിലേക്ക് തിരിച്ച് എഴുന്നള്ളിക്കുന്നത്. തുടർന്ന് കൊടിയിറങ്ങുന്നതോടെ ഉത്സവത്തിന് സമാപ്തിയാകും. കൊല്ലൂർ മൂകാംബിക ക്ഷേത്രത്തിൽ ഈ ഒൻപത് ദിവസം വളരെ പ്രധാനമാണെങ്കിലും ഏറ്റവും പ്രധാനം ഒൻപതാം ദിവസമായ മഹാ നവമി ദിവസം നടത്തുന്ന പുഷ്പരഥോത്സവവും വിജയദശമി നാളിലെ വിദ്യാരംഭവും ആണ്. ഈ ദിവസങ്ങളിൽ ധാരാളം കലാ പരിപാടികളും ക്ഷേത്രത്തിൽ അരങ്ങേറും. കലകളുടെ അമ്മയായ മൂകാംബികയ്ക്ക് മുന്നിൽ നടത്തുന്ന അരങ്ങേറ്റം പുണ്യകരമായി കണക്കാക്കപ്പെടുന്നു നവരാത്രി ഉത്സവത്തിന് കൊടിയേറ്റം ഇല്ല. ആദ്യ ദിവസം രാവിലേ നടക്കുന്ന കലശസ്ഥാപനത്തോടെയാണ് നവരാത്രി ആഘോഷങ്ങൾ തുടങ്ങുന്നത്. സുവാസിനി പൂജ, ചണ്ഡികാ ഹോമം തുടങ്ങിയവയും ഉണ്ടാവാറുണ്ട്. അതിന് കേരളത്തിൽ നിന്നടക്കം ആയിരക്കണക്കിന് ഭക്തർ ക്ഷേത്രത്തിലേക്ക് എത്തുന്നു. തുടർന്നുള്ള ഒൻപത് ദിവസങ്ങളിലും ദേവിക്ക് വിശേഷാൽ പൂജകളും വഴിപാടും നടക്കുന്നു. മഹാനവമി നാളിൽ ക്ഷേത്രത്തിൽ മഹാചണ്ഡികാ ഹോമവും സുവാസിനി പൂജയും വൈകിട്ട് രഥോത്സവവും നടക്കുന്നു. എല്ലാ ഭക്തരും തൊഴുതിറങ്ങിയ ശേഷം രാത്രി വൈകി മാത്രമേ അന്ന് നടക്കുകയുള്ളു. വിജയദശമി നാളിൽ രാവിലെ നൂറ് കണക്കിന് കുരുന്നുകൾ മൂകാംബിക സന്നിധിയിൽ ആദ്യക്ഷരം കുറിക്കുന്നു. കേരളത്തിലെ എല്ലാ ജില്ലകളിൽ നിന്നും മൂകാംബിക സന്നിധിയിലേക്ക് ഭക്തർ വരാറുണ്ട് അന്ന് വൈകിട്ട് നടക്കുന്ന വിജയയാത്രയോടെ നവരാത്രി ചടങ്ങുകൾ അവസാനിക്കുന്നു. ജ്യേഷ്ഠമാസം അതായത് ഇടവമാസത്തിലെ വെളുത്തപക്ഷത്തിലെ അഷ്ടമി ദിവസമാണ് മൂകാംബിക ജന്മാഷ്ടമിയായി ആചരിച്ചുവരുന്നത്. മൂകാസുരവധത്തിന് ശേഷം ദേവി ആദ്യമായി സ്വയംഭൂലിംഗത്തിൽ കുടിക്കൊണ്ട ദിവസമാണ് ഇത് എന്ന് വിശ്വസിക്കപ്പെടുന്നു. അന്നേ ദിവസം ദേവിക്ക് ശതരുദ്രാഭിഷേകവും പഞ്ചാമൃതാഭിഷേകവും രാത്രി പുഷ്പരഥോത്സവവും നടത്തപ്പെടുന്നു. നിരവധി ഭക്തരാണ് ഈ ദിവസം ക്ഷേത്രത്തിലെത്തുന്നത്. ജന്മാഷ്ടമി കഴിഞ്ഞാൽ മഹാനവമി വരെ രഥോത്സവങ്ങൾ ഉണ്ടാവാറില്ല.* *തുടരും.....* *എഴുതി സമർപ്പിക്കുന്നത് ജെ പി കെ നായർ (കണ്ണൻ സ്വാമി)*