ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6Bl8O4d?d=n&ui=v64j8rk&e1=cPart 9 അവൾ അച്ഛന്റെ നമ്പർ ഡയൽ ചെയ്തു കോൾ ബട്ടണിൽ ടച്ച്‌ ചെയ്തതും, കോൾ വിളിക്കാനുള്ള ബാലൻസ് ഇല്ല എന്നുള്ള ശബ്ദം. അവൾക്ക് വല്ലാത്ത നിരാശ തോന്നി. വെറുതെയല്ല അയാൾ ധൈര്യമായിട്ട് ഫോൺ ഇവിടെ വച്ചിട്ട് പോയത്. ഇനിയെങ്ങനെ രക്ഷപ്പെടും. അവൾ ചുറ്റിലും നോക്കി മുറിയുടെ കോർണറിൽ ഒരു മെറ്റൽ പോട്ട് ഇരിപ്പുണ്ട്, അവളത് കയ്യിൽ എടുത്തു. അത്യാവശ്യം ഭാരമുണ്ട് വണ്ണം കുറഞ്ഞ പ്രത്യേകതരം ഡിസൈനിൽ പെയിന്റ് ഒക്കെ ചെയ്ത ഒരു പോട്ടാണ്. ഇത് എടുത്ത.ടി കൊടുത്താൽ ഉറപ്പായും അയാൾ നിലത്തു വീഴും, ആ തക്കം നോക്കി രക്ഷപ്പെടണം ഇനി അ..ടി കൊണ്ടയാൾ നിലത്ത് വീണില്ലെങ്കിൽ തന്നെയയാൾ ഉ.പദ്ര.വിക്കില്ലേ?? ഉ.പദ്ര.വിക്കട്ടെ ...കൊ. ല്ല.ട്ടെ എന്നാലും വേണ്ടില്ല രക്ഷപ്പെടാൻ താൻ ഉറപ്പായും ശ്രമിച്ചുനോക്കും. അവൾ മനസ്സിൽ ഉറപ്പിച്ചു. 🍀🍀🍀🍀🍀 സ്കൂൾ ബസ് ഇറങ്ങി വീട്ടിലേക്കുള്ള വഴിയിലേക്ക് തിരിഞ്ഞു കയറുകയായിരുന്നു നന്ദന പെട്ടെന്നാണ് പിന്നിൽ നിന്നും അവളെ രണ്ടുപേർ ചേർന്ന് ബലമായി പിടിച്ചതും, ആ നിമിഷത്തിൽ അവിടെ വന്ന് നിന്ന വണ്ടിയിലേക്ക് അവളെ തള്ളി കയറ്റി ഡോറടക്കുകയും ചെയ്തത് അവൾക്കൊന്നു കരയാൻ പോലും ആകുന്നതിനു മുൻപ് വാഹനം ശരവേഗത്തിൽ മുന്നോട്ടു കുതിച്ചു അവൾക്ക് ആകെ പേടി തോന്നി. ആ ഒമ്പതാം ക്ലാസുകാർക്കും എന്താണ് ചെയ്യേണ്ടത് എന്ന് അറിയില്ലായിരുന്നു. കരയാൻ പോലും ആകുന്നില്ല. ആരോ വായ മൂടി പിടിച്ചിരിക്കുകയാണ്. 🍀🍀🍀🍀🍀 നന്ദനയുടെ അമ്മ ഗേറ്റിനരുകിൽ കാത്തു നിൽക്കുകയാണ്. നന്ദന ഇതുവരെയും എത്തിയിട്ടില്ല. ഇപ്പോൾ ഉള്ളിൽ ആകെ ഒരുതരം ഭയമാണ്. മകനെ നഷ്ടപ്പെട്ടു, ഇനി മകൾ മാത്രമേ തങ്ങൾക്കുള്ളൂ.. അല്പനേരം കൂടി അവരവിടെ കാത്തു നിന്നു പിന്നെ രണ്ടും കൽപ്പിച്ച് നന്ദന ബസ് ഇറങ്ങാറുള്ള സ്ഥലത്തേക്ക് നടന്നു. ഇതെവിടെ പോവാ..ഈ സമയത്ത്?? അപ്പുറത്തുനിന്നും ഒരു ചോദ്യം കേട്ട് അമ്മ അങ്ങോട്ട് നോക്കി. നന്ദനയുടെ കൂട്ടുകാരി എലിസബത്താണ് മോളെ നന്ദന എവിടെ? അവൾ വന്നില്ലേ ?? ഇല്ലാ.. അമ്മ പേടിയോടെ പറഞ്ഞു. ഞങ്ങൾ ഒരുമിച്ച് ആണല്ലോ ബസ്സിറങ്ങിയത് അയ്യോ...എന്നിട്ട് എന്റെ മോളെവിടെ? അമ്മ കരയാൻ തുടങ്ങി. മറ്റുള്ളവരൊക്കെ വിവരമറിഞ്ഞ് ചുറ്റിലും കൂടി എത്രയും പെട്ടെന്ന് പോലീസ് സ്റ്റേഷനിൽ വിവരമറിയിക്കുന്നതാണ് നല്ലത്. ഇപ്പോൾ ഈ നാട്ടിലെ രണ്ടാമത്തെ മി.സ്സിം.ഗ് കേസാണ്, പെൺകുട്ടികളെ കാണാതാവുന്നതിന് മുൻപിൽ എന്തോ വലിയ ചതിയുണ്ട്.ആരോ പറഞ്ഞു നാട്ടുകാരും പെൺകുട്ടികളെ കണ്ടെത്തണമെന്ന ആവശ്യവുമായി പോലീസ് സ്റ്റേഷനിൽ എത്തി. നന്ദനയുടെ അച്ഛനെയും അമ്മയെയും എങ്ങനെ ആശ്വസിപ്പിക്കണമെന്ന് അറിയാതെ അവർ വിഷമിച്ചു. നന്ദനയുടെ അച്ഛനും അമ്മയും ആകെ തകർന്നു പോയിരുന്നു. അവർ കരയാൻ പോലും മറന്നു. ഇനിയും എന്തിനാണ് നമ്മൾ ഇങ്ങനെ ജീവിച്ചിരിക്കുന്നത്. നമ്മുടെ മോൻ പോയി. മോളെ കാണുന്നില്ല. അയ്യോ...എനിക്കു മരിച്ചാൽ മതി... നന്ദനയുടെ അമ്മയുടെ കരച്ചിൽ കണ്ടുനിൽക്കുന്നവർക്ക് പോലും സഹിക്കാനായില്ല. 💚💚💚💚💚 നിതാര ഡാനി എത്താനായി കാത്തിരിക്കുകയാണ്. അവൾ ആ മെറ്റൽ പോട്ട് കയ്യിലെടുത്ത് പിടിച്ചു. ടെൻഷൻ കാരണം അവളുടെ കൈകൾ നന്നായി വിറക്കുകയും, ശരീരം വിയർപ്പിൽ കുതിരുകയും ചെയ്തു ഇന്നേവരെ ഒരു ഉറുമ്പിനെ പോലും താൻ നോവിച്ചിട്ടില്ല. അതിനുള്ള മനക്കരുത്തൊന്നും തനിക്കില്ല. പക്ഷേ ഇവിടെ നിന്ന് രക്ഷപ്പെടണമെങ്കിൽ എന്തെങ്കിലും ചെയ്തേ പറ്റൂ അല്ലെങ്കിലും സ്വയരക്ഷക്കായി ഏതറ്റം വരെയും പോകുന്നവരാണല്ലോ മനുഷ്യർ. അവനവന്റെ ജീവനേക്കാൾ വലുതല്ലല്ലോ മറ്റൊന്നും അവൾ കാതോർത്തിരുന്നു ദൂരെ നിന്നും വാഹനത്തിന്റെ ശബ്ദം അവൾ വ്യക്തമായി കേട്ടു ഉള്ളംകൈ വിയർത്തിരിക്കുന്നത് കൊണ്ട് തന്റെ പിടുത്തത്തിന് മുറുക്കമില്ലെന്ന് അവൾക്ക് തോന്നി അവൾ പോട്ട് താഴെ വെച്ചിട്ട്,കൈകൾ തുടച്ചു. മുറ്റത്തേക്ക് വണ്ടി ഇരമ്പിയാർത്ത് വന്നു നിന്നു വാഹനത്തിന്റെ ഡോർ തുറക്കുന്ന ശബ്ദം.. അവൾ ചെവി കൂർപ്പിച്ചു. കാലടികളുടെ ശബ്ദം അടുത്തടുത്ത് വരുന്നുണ്ട് അവളുടെ വായിലെ വെള്ളം വറ്റി, വായ വരണ്ടു. ഉടലാകെ ഒരു വിറയൽ വ്യാപിച്ചു തലയിൽ അ.ടി.ച്ചാൽ, ഒരുപക്ഷേ തല പൊ.ട്ടി.യാ.ലോ, അല്ലെങ്കിൽ അയാൾ മര.ണപ്പെട്ടാലോ അങ്ങനെ ഒരായിരം ചോദ്യങ്ങൾ അവളുടെ മനസ്സിലൂടെ പാഞ്ഞു ഈശ്വരാ...ഇതൊന്നും തന്നെ കൊണ്ട് ചെയ്യാൻ വയ്യല്ലോ അവൾ മനസ്സിനെ നിയന്ത്രിച്ചു നിർത്താനും, ധൈര്യം സംഭരിക്കാനും ശ്രമിച്ചു അയാൾ ഡോറിന്റെ ഹാൻഡിൽ തിരിക്കുന്ന ശബ്ദം. വാതിൽ തുറന്നയാളകത്തേക്ക് വന്നതും അവൾ അയാളെ അ.ടി.ക്കാൻ ആഞ്ഞു. പെട്ടെന്നായതുകൊണ്ട് അയാൾ അത് പ്രതീക്ഷിച്ചിരുന്നില്ല എങ്കിലും ഏതാക്ര.മ.ണ.വും നേരിട്ട് ശീലമുള്ളതുകൊണ്ടാവാം, അയാൾ അവളുടെ അ.ടി തടഞ്ഞു. തടയാൻ ശ്രമിച്ചത് ഇടം കൈകൊണ്ട്‌ ആയതുകൊണ്ട് അ.ടികിട്ടിയത് അയാളുടെ ഇടം കയ്യിലാണ്. അ.ടി.യേറ്റ് അയാളുടെ കൈക്ക് പൊട്ടലുണ്ടായിട്ടുണ്ടെന്ന് അവൾക്ക് മനസ്സിലായി. ചിന്തിച്ചു നിൽക്കാൻ നേരമില്ല. അവൾ വീണ്ടും പോട്ട് എടുത്തുയർത്തി. ഇത്തവണ വലം കൈകൊണ്ട് ആ പോട്ട് അയാൾ പിടിച്ചു വാങ്ങി നിലത്തേക്കിട്ടു. പിന്നെ അവളുടെ മുടിയിൽ പിടുത്തമിട്ടു അവൾക്ക് തന്റെ തല പറഞ്ഞു പോകുന്നതുപോലെ തോന്നി അവൾ മുടിയിലുള്ള അയാളുടെ പിടുത്തം വിടുവിക്കാൻ നോക്കി. അയാൾ മുടിയിലെ പിടുത്തം വിട്ടിട്ട് നിലത്തു കിടന്ന മെറ്റൽ പോട്ട് എടുത്തു. തന്റെ അവസാനമാണെന്ന് അവൾക്ക് മനസ്സിലായി. അവൾ കണ്ണുകൾ അടച്ചു നിന്നു പോടീ... പോയി രക്ഷപ്പെട്... അയാൾ അലറി. അവൾ കണ്ണ് തുറന്നു.വിശ്വാസം വരാത്തതുപോലെ അയാളെ നോക്കി. പോകാൻ... ഇന്നാ... വാഹനത്തിന്റെ കീ അയാൾ അവൾക്ക് നേരെ നീട്ടി. എന്നെ അടിച്ചിട്ടിട്ട് നീ രക്ഷപ്പെട്ടു എന്ന് ഞാൻ പറഞ്ഞോളാം ഇപ്പോൾ നീ ഇവിടെ നിന്നും പോയില്ലെങ്കിൽ ഒരിക്കലും നിന്നെ ഇവിടെ നിന്നും രക്ഷിക്കാൻ കഴിഞ്ഞു എന്ന് വരില്ല. പോടീ ....അയാൾ അലറി. അവൾ വണ്ടിയുടെ താക്കോലുമായി പുറത്തേക്ക് കുതിച്ചു. വാഹനത്തിൽ കയറും മുമ്പ് അവൾ ഒന്ന് തിരിഞ്ഞുനോക്കി അയാൾ വേദന സഹിക്കാനാവാതെ നിലത്തേക്ക് കുഴഞ്ഞിരിക്കുകയാണ്. അയാളുടെ ഉള്ളിൽ എവിടെയോ നന്മയുടെ ഒരംശം ഉള്ളതുകൊണ്ട് മാത്രമാണ് തന്നെ രക്ഷപ്പെടാൻ അനുവദിച്ചത്. അവൾ വണ്ടിയിൽ കയറി അതിവേഗത്തിലാണ് അവൾ വണ്ടി ഓടിച്ചത് അരമണിക്കൂർ കൊണ്ട് അവൾ മെയിൻ റോഡിലേക്ക് എത്തി. വാഹനങ്ങളുടെ തിരക്കിലേക്ക് അവളും അലിഞ്ഞു ചേർന്നു. 💚💚💚💚 ഡാനിയുടെ കൈയുടെ വേദന സഹിക്കാനാവുന്നില്ല ആയിരുന്നു. കുട്ടിക്കാലത്ത് ഒരിക്കൽ തന്റെ കൈ ഒടിഞ്ഞിട്ടുണ്ട് അന്ന് പ്ലാസ്റ്റർ ഒക്കെ ഇട്ട്, കൈ കെട്ടി തൂക്കി നടക്കുമ്പോൾ എന്തൊരു സന്തോഷമായിരുന്നു തോന്നിയിരുന്നത്. സ്കൂളിൽ പോകണ്ട. കൂടാതെ വീട്ടുകാരുടെ സ്നേഹവും പരിചരണവും കൂടുതൽ കിട്ടും. അന്ന് തനിക്ക്‌ എല്ലാവരും ഉണ്ടായിരുന്നു. അച്ഛനും അമ്മയും ഏട്ടനും. ഇന്നാരാണ് തനിക്കുള്ളത്?? ആരുമില്ല.. തന്നെ മാത്രം ഈ ലോകത്തിൽ തനിച്ചാക്കിയിട്ട് അവരൊക്കെ പോയി. കടമായിരുന്നു എല്ലാത്തിനും കാരണം. ഒരു ദിവസം സ്കൂൾ വിട്ടു വന്നപ്പോൾ പതിവിലും സ്നേഹത്തോടെയാണ് അച്ഛനും അമ്മയും തന്നോട് പെരുമാറിയത്. അമ്മ പായസം ഒക്കെ ഉണ്ടാക്കിയിരുന്നു എന്തൊക്കെയോ വിഭവങ്ങൾ കൂട്ടി അമ്മ ചെറിയ സദ്യയും ഒരുക്കിയിരുന്നു. ഞങ്ങൾ എല്ലാവരും ചേർന്ന് ഒരുമിച്ചിരുന്നാണ് കഴിച്ചത് പക്ഷേ ഭക്ഷണത്തിന് അരുചി തോന്നിയതുകൊണ്ട് താൻ അധികം കഴിച്ചില്ല. കഴിക്കുമ്പോൾ അച്ഛന്റെയും അമ്മയുടെയും ചേട്ടന്റെയും കണ്ണുകൾ നനഞ്ഞിരുന്നു. അതെന്തിനായിരുന്നു എന്ന് തനിക്ക് മനസ്സിലായില്ല. ഭക്ഷണം കഴിച്ചു കഴിഞ്ഞ ഉടൻ താൻ ശർദ്ദിക്കാൻ തുടങ്ങി ശർദ്ദിച്ചു കുഴഞ്ഞ് അവശനായിട്ടും അവർ തന്നെ ശ്രദ്ധിക്കാത്തത് എന്താണെന്ന് നോക്കിയപ്പോഴാണ് അവർക്ക് അനക്കമില്ലെന്ന് മനസ്സിലായത്. തന്റെ കരച്ചിൽ കേട്ട് അയൽക്കാർ ഓടി വന്നു. പിന്നെ അവർ ഞങ്ങളെ ആശുപത്രിയിൽ എത്തിച്ചു. പക്ഷെ,തന്നെ മാത്രം ഈ വലിയ ലോകത്തിൽ ഒറ്റയ്ക്ക് ആക്കിയിട്ട് അവർ മൂന്നാളും പോയി കഴിഞ്ഞിരുന്നു ഒരു പതിനാല് വയസ്സുകാരൻ ചെറുക്കന് അതൊന്നും താങ്ങാൻ പറ്റില്ലായിരുന്നു. ഒറ്റയ്ക്കായി പോയ ആ വീട്ടിൽ കരഞ്ഞു കരഞ്ഞുറങ്ങിയ എത്രയെത്ര രാത്രികൾ. ബന്ധുക്കൾ ആരും തിരിഞ്ഞു നോക്കിയില്ല. അയൽവക്കത്തുള്ളവർ ഒരു മടിയും കൂടാതെ വിശപ്പ് മാറ്റാനുള്ള ഭക്ഷണം തന്നു. പഞ്ചായത്ത് മെമ്പർ അയൽവക്കക്കാരും ഒക്കെ കൂടിച്ചേർന്നാണ് തന്നെ പത്താം ക്ലാസിൽ അയച്ചത് പത്താം ക്ലാസ് പാസ്സായി കഴിഞ്ഞപ്പോൾ പല ജോലിക്കും പോയി. അങ്ങനെ കിട്ടിയ കാശു കൊണ്ടാണ് പ്ലസ് വണ്ണിന് ചേർന്നത്. ഒറ്റക്കെ ഉള്ളൂവെന്നും, മുന്നോട്ടു ജീവിച്ചാൽ മതിയാകൂ എന്നും അപ്പോഴേക്കും താൻ മനസ്സിനെ പറഞ്ഞു പഠിപ്പിച്ചിരുന്നു. പക്ഷേ ഹൃദയം അപ്പോഴേക്കും ഒരു മരുഭൂമിയായി മാറിയിരുന്നു. എല്ലാത്തിനോടും ദേഷ്യമായിരുന്നു. ആരും സ്നേഹിക്കാൻ ഇല്ലാത്ത ഒരു മനുഷ്യന്റെ മനസ്സ് മനസ്സിലാക്കാൻ വേറെ ആർക്കും കഴിയില്ല. കിട്ടിയ എന്ത് പണിയും ചെയ്തു. ഒടുവിൽ എങ്ങനെയോ ഇവരുടെ സംഘത്തിൽ വന്നു പെട്ടുപോയി. ഇന്നിപ്പോൾ അവർ വരുമ്പോൾ തന്നെ ഉപദ്രവിച്ചേക്കാം, തന്റെ ശ്രദ്ധ കുറവുകൊണ്ടാണ് നിതാര ഇവിടെ നിന്ന് രക്ഷപ്പെട്ടത് എന്ന് പറഞ്ഞവർ തന്നെ അവസാനിപ്പിച്ചു കളഞ്ഞേക്കാം. എങ്കിലും സാരമില്ല ആ പെൺകുട്ടിയെ രക്ഷിക്കാൻ കഴിഞ്ഞല്ലോ കൈയുടെ വേദന സഹിക്കാനാവുന്നില്ല അയാളുടെ കണ്ണുകൾ നിറഞ്ഞു. അയാൾ നിലത്തേക്ക് മലർന്നു കിടന്നു കടുത്ത വേദനയുടെ ആഴങ്ങളിൽ അയാളുടെ കണ്ണുകൾ പതിയെ പതിയെ അടഞ്ഞുപോയി. 💚💚💚💚 നന്ദന ഗുണ്ടകളുടെ നടുവിൽ ഭയന്ന് വിറച്ചിരിക്കുകയാണ്. നന്ദനയെയും കൊണ്ട് ആ വാഹനം വീട്ടുമുറ്റത്തേക്ക് വന്നു. ഒരാൾ നന്ദനയെ എടുത്ത് തോളിലേക്കിട്ടു. അവരത്തേക്ക് വന്നപ്പോഴാണ് ഡാനി നിലത്ത് കിടക്കുന്നത് കണ്ടത്. അവന്റെ ഒടിഞ്ഞ കൈയും, കിടപ്പും കണ്ടപ്പോൾ അവർ ജാഗരൂകരായി അവർ അവനെ കുലുക്കി വിളിച്ചു.. അവൻ പതിയെ ഞരങ്ങി. എടാ അവൾ എവിടെ?? എന്നെ അ.ടി.ച്ചിട്ടിട്ട് അവൾ വണ്ടിയും എടുത്തു പോയി. നിന്നെപ്പോലെ ഒരുത്തനെ അടിച്ചു വീഴ്ത്തിയിട്ട് ആ പീറപ്പെണ്ണ് രക്ഷപെട്ടെന്നോ?? തീരെ പ്രതീക്ഷിക്കാതെയാണ് ആ. ക്രമിച്ചത്, കയ്യൊടിഞ്ഞപ്പോൾ ആകെ ഒരു മരവിപ്പ് തോന്നി. അന്നേരമാണ് തലക്കിട്ട് അ.ടി കിട്ടിയത്. അവളെ നോക്കാൻ നിന്നെ ഏൽപ്പിച്ചത് ഏത് സമയത്താണോ,എന്തോ. ഒരാൾ ദേഷ്യം നിയന്ത്രിക്കാൻ ആവാതെ അടുത്ത് കിടന്ന് കസേര അ.ടിച്ചു തകർത്തു. ഇവൻ ഇത്രയും ഉത്തരവാദിത്വമില്ലായ്മ കാണിക്കും എന്നാരെങ്കിലും ഓർത്തോ. ഇനി ഇതിന്റെയെല്ലാം അനുഭവിക്കേണ്ടി വരുന്നത് നമ്മൾ എല്ലാവരും ചേർന്നായിരിക്കും എത്രയും പെട്ടെന്ന് നമുക്ക് എവിടെ നിന്ന് രക്ഷപ്പെടണം. ഇല്ലെങ്കിൽ പോലീസ് വരും ഉറപ്പാണ്. മറ്റൊരാൾ പറഞ്ഞു. വേഗം വണ്ടിയിൽ കയറ്. ഒരുവൻ പറഞ്ഞു. അവർ നന്ദനയെ തിരികെ വണ്ടിയിൽ കയറ്റി. അവർ ഡാനിയേയും എടുത്ത് വണ്ടിയിൽ കയറ്റി ഇരുട്ടിനെ മുറിച്ചുകൊണ്ടവരുടെ വണ്ടി ചീറിപ്പാഞ്ഞു. 🍀🍀🍀🍀 നിതാര നേരെ പോലീസ് സ്റ്റേഷനിലേക്കാണ് ചെന്നത്. അവിടെയെത്തി വിവരങ്ങൾ പറഞ്ഞപ്പോഴേക്കും അവൾ ആകെ തളർന്നു കൂടാതെ നന്ദനയെ കുറിച്ച് അവർ തന്നോട് ചോദിച്ചിരുന്നു. നന്ദന അപകടത്തിൽ ആണെന്നും അവൾ പറഞ്ഞു ആ കുട്ടിയെയും കാണുന്നില്ല..അവർ പറഞ്ഞു. ഈശ്വരാ...അവൾ നെഞ്ചിൽ കൈവെച്ചു പോലീസ് അവളോട് വിശദ വിവരങ്ങൾ എല്ലാം ചോദിച്ച് മനസ്സിലാക്കി. അപ്പോഴേക്കും സ്റ്റേഷനിൽ നിന്നും വിളിച്ച പ്രകാരം നിതാരുടെ അച്ഛനും അവിടെ എത്തി. നിതാര ഇനി ആ സ്ഥലം അറിയുമോ?? ഉവ്വ് സർ, ഞാൻ മെയിൻ വഴിയിൽ എത്തിയപ്പോൾ ഒരു കടയിൽ കയറി സ്ഥലം ഒക്കെ ചോദിച്ച് മനസ്സിലാക്കിയിട്ടാണ് പോന്നത്.അല്ലാതെ എനിക്ക് ഇങ്ങോട്ട് പോരാനുള്ള വഴി എനിക്ക് അറിയില്ലായിരുന്നല്ലോ. ഇപ്പോൾ അങ്ങോട്ട് പോകാനുള്ള വഴി നിതാരയ്ക്ക് അറിയാമോ?? അറിയാം സാർ. എത്ര സമയം കൊണ്ടാണ് ഇവിടെ എത്തിയത്. ഏകദേശം നാല് നാലര മണിക്കൂർ സമയമെടുത്തു. എങ്കിൽ എത്രയും വേഗം നമുക്ക് പുറപ്പെടണം ചിലപ്പോൾ ആ വീട്ടിലേക്ക് തന്നെയായിരിക്കും നന്ദനയെയും കൊണ്ട് ചെന്നിരിക്കുന്നത് പോലീസുകാർ നിതാരയെയും വണ്ടിയിൽ കയറ്റി. ഞാനും വരാം. വിശ്വനാഥനും വാഹനത്തിൽ കയറി. നിതാര രക്ഷപ്പെട്ട വിവരം അവർ അറിഞ്ഞു കഴിഞ്ഞാൽ ഉറപ്പായും അവിടെനിന്ന് പോകാൻ ചാൻസുണ്ട്. അതിനുമുമ്പ് നമുക്ക് അവിടെ എത്തണം. വാഹനം അതിവേഗം മുന്നോട്ടു കുതിച്ചു ഈശ്വരാ... നന്ദനയെ രക്ഷിക്കാൻ കഴിയണെ...നിതാര മൗനമായി പ്രാർത്ഥിച്ചു കൊണ്ടിരുന്നു. 💚💚💚💚തുടരും 💚 കണ്ണൂർക്കാരൻ ❤️❤️❤️❤️ #📔 കഥ #📚 ട്വിസ്റ്റ് കഥകൾ #💞 പ്രണയകഥകൾ #✍ തുടർക്കഥ #📙 നോവൽ