ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6WeBzrG?d=n&ui=v64j8rk&e1=c'എന്‍റെ ടീമിലെ ആരെയെങ്കിലും ഇങ്ങോട്ട് വരുത്തിയാല്ലോ ?? അല്ലെങ്കില്‍ വേണ്ട , ഒരു പെണ്ണിന്‍റെ പുറകെ നടന്ന് ചുരുളഴിക്കാന്‍ എനിക്കെന്താ വട്ടാണോ എന്ന് അവര്‍ കരുതും. എന്തായാലും അശ്വിനിയെ വെറുതേ വിടാന്‍ ഞാൻ ഉദ്ദേശിക്കുന്നില്ല...' അന്നു രാത്രി കുറച്ച് വൈകിയായിരുന്നു കരണ്‍ തിരിച്ച് റൂമിലെത്തിയത്. മുറി തുറന്ന് അവൻ അകത്തേക്ക് കയറിയതും അവന്റെ തലയ്ക്ക് പിന്നില്‍ ഒരു ഗണ്‍ വന്ന് നിന്നതും ഒരുമിച്ചായിരുന്നു. "Dont Move....!!" കരണ്‍ അനങ്ങാതെ നിന്നു. "Hands Up..." ആജ്ഞ പ്രകാരം അവൻ ഇരു കൈകളും ഉയർത്തി. "Move...." കരണിന്‍റെ തോളില്‍ പിടിച്ച് അയാള്‍ മുന്നോട്ട് തള്ളി . അപ്പോഴേക്കും ഏതാനും വ്യക്തികള്‍ അകത്തേക്ക് കയറി കതകടച്ചു . ഗണ്‍ പോയിന്‍റില്‍ കരണിനെ അവര്‍ തിരിച്ചു നിര്‍ത്തി. "എന്താ...? എന്താ നിങ്ങള്‍ക്ക് വേണ്ടത് ??" എല്ലാവരെയും നോക്കി കരൺ ചോദിച്ചു. ഇങ്ങനെയൊരു അറ്റാക്ക് അവൻ പ്രതീക്ഷിച്ചത് തന്നെയായിരുന്നു. ഒരു കൈയ്യടിയോടെ അവരുടെ കൂട്ടത്തില്‍ നിന്നും ഒരാള്‍ മുന്നോട്ട് വന്നു . ജഫാ ആയിരുന്നു അത്. ഗൺ പോയിന്റിൽ നിൽക്കുന്ന കരണിനെ നോക്കി അയാൾ മുരണ്ടു : "ഞങ്ങള്‍ക്ക് വേണ്ടത് ചെറിയൊരു കാര്യമാണ് കൃഷ്ണാ . അത് പറഞ്ഞാല്‍ നിന്നെ വെറുതേ വിടാം..." കൃഷ്ണാ എന്ന് ജഫാ പേര് മൊഴിഞ്ഞതും എവിടെ നിന്നാണ് കൊട്ടേഷന്‍ എത്തിയതെന്ന് അല്‍പ്പം പുഞ്ചിരിയോടെ കരണ്‍ മനസ്സിലാക്കുകയായിരുന്നു . Yes its from S I Chandra Chudan..! കരണിന്‍റെ ബുദ്ധിപരമായ നീക്കങ്ങളില്‍ ഒന്നു മാത്രമായിരുന്നു അത് . പണി എവിടെ നിന്നും വരാം എന്ന് നേരത്തേ കണക്കുകള്‍ കൂട്ടിയതു കൊണ്ടാണ് അവൻ ഓരോ സ്ഥലത്തും തന്‍റെ ഐഡന്‍റിറ്റി മാറ്റി പിടിച്ചത്. "എന്തു കാര്യമാണ് നിങ്ങള്‍ക്കറിയേണ്ടത്...??" അവൻ ചോദിച്ചു. "നീയൊരു പെണ്‍കുട്ടിയുടെ പുറകേയാണ് എന്ന് ഞങ്ങള്‍ക്കറിയാം . എവിടെയാണ് അവള്‍ ഉള്ളതെന്ന് പറഞ്ഞാല്‍ നിന്നെ വെറുതേ വിടാം...." ജഫ പറഞ്ഞു. "ഏത് പെണ്‍കുട്ടിയുടെ കാര്യമാണ് നിങ്ങള്‍ ഉദ്ദേശിക്കുന്നത്...??" "അധികം ഉരുണ്ടു കളിക്കണ്ട കൃഷ്ണാ . കഴിഞ്ഞ ദിവസം താന്‍ മാര്‍ജിന്‍ ഫ്രീയില്‍ നിന്നും രക്ഷിച്ച ആ പെണ്ണിനെ കുറിച്ചു തന്നെയാ ഞാന്‍ ചോദിക്കുന്നത്. "അവള്‍ എവിടെയാണെന്ന് സത്യമായും എനിക്കറിയില്ല... താന്‍ തന്നെയല്ലേ ഇപ്പോള്‍ എന്നോട് പറഞ്ഞത് ഞാന്‍ അവളുടെ പുറകേയാണെന്ന്.. പിന്നെയെങ്ങനെ ഞാന്‍ അവള്‍ എവിടെയാണെന്നറിയും...?? എനിക്കറിയായിരുന്നെങ്കില്‍ ഞാന്‍ അവളുടെ മുന്നില്‍ ആയിരിക്കില്ലേ...?? അപ്പോള്‍ ഞാന്‍ അവളുടെ പുറകേയാണെന്ന് താന്‍ പറയുന്നതില്‍ വല്ല പ്രസക്തിയുമുണ്ടോ...?? ഇനി അഥവാ അവള്‍ എവിടെയാണെന്ന് എനിക്കാറിയാമെങ്കില്‍ ഞാനും അവളും ഒപ്പമായിരിക്കില്ലേ...?? ഒരാള്‍ പിന്നിലും ഒരാള്‍ മുന്നിലും ആയിരിക്കില്ലല്ലോ.. ഇനി അവളെ എനിക്കറിയില്ലേല്‍ നിങ്ങള്‍ നേരത്തെ പറഞ്ഞതുപോലെ ഞാന്‍ അവളുടെ പുറകേ ആയിരിക്കും.. അപ്പോഴും നിങ്ങളുടെ ചോദ്യം ശരിയാവുന്നില്ലല്ലോ.. അല്ലേ ???" കരൺ വേഗത്തിൽ പറഞ്ഞു. കരണിന്‍റെ വർത്തമാനം കേട്ട് ജഫായുടെ കൂടെ ഉണ്ടായിരുന്നവരുടെയെല്ലാം കണ്ണുകൾ തള്ളി. ജഫാ ആവട്ടെ ഒന്നും മനസിലാവാതെ നിന്നു. അയാളുടെ വായിലെ സിഗരറ്റ് താനേ താഴേക്ക് വീണു . "എന്തോന്ന്...??!! ഇവനിതെന്തൊക്കെയാ ഈ പറയുന്നേ...??!! ഒന്നും മനസ്സിലാവുന്നില്ലല്ലോ...!!!" ഗണ്‍ ചൂണ്ടിപ്പിടിച്ചവന്‍ തല മാന്തി തള്ളിയ കണ്ണോടെ ജഫായുടെ മുഖത്തേക്ക് നോക്കിയതും മിന്നല്‍ വേഗതയിലായിരുന്നു കരണിന്‍റെ കറങ്ങിയടി.. അടി കൊണ്ട് അയാള്‍ തറയില്‍ വീണു. പിന്നാലെ വന്നവന്മാരെ തന്‍റെ മുഷ്ടി ചുരുട്ടി സെക്കന്‍റുകള്‍ക്കുള്ളില്‍ കരണ്‍ പെരുമാറി. ഒട്ടും പ്രതീക്ഷിക്കാതെയുള്ള കരണിന്റെ ആക്രമണം. ജഫാ കരണിന് നേരെ പാഞ്ഞടുത്തു. മല്ലനായ ജഫായും കരണും നേര്‍ക്കു നേര്‍. തന്റെ നേരേ കൈ വീശിയ ജഫായുടെ കഴുത്തിന് താങ്ങി വടക്കന്‍ സ്റ്റൈലില്‍ തൂക്കിയെടുത്ത് തൊട്ടടുത്ത മേശയിലേക്കിട്ടു കരൺ. അടുത്തവന്റെ നെഞ്ചു നോക്കി ആഞ്ഞു തൊഴിച്ച് വായുവിൽ പിരിഞ്ഞു കറങ്ങി കാലുകൊണ്ട് ഒരുത്തനെ അവൻ ചവിട്ടി വീഴ്ത്തി. മേശപ്പുറത്തുള്ള കൂജ കൈയിയിലെടുത്ത് മറ്റൊരാളുടെ തലയിൽ കരൺ ആഞ്ഞടിച്ചു. കരണിന്റെ ചടുലതയും അഭ്യാസവും വേഗതയും കണ്ട് അവരെല്ലാം ഒരുപോലെ നടുങ്ങി. തങ്ങൾ നേരിടാൻ വന്നവൻ നിസ്സാരക്കാരനല്ലാ എന്ന് ഒരു നിമിഷം ജഫ തിരിച്ചറിയുകയായിരുന്നു. ഠേ....!!! പെട്ടെന്നായിരുന്നു വെടിയുതിര്‍ന്നത് . ഗണ്‍ തിരിച്ചു കിട്ടിയ ആള്‍ കരണിനെ എയിം ചെയ്തതും അയാള്‍ നില്‍ക്കുന്ന കാര്‍പെറ്റ് സര്‍വ്വ ശക്തിയുമെടുത്ത് കരണ്‍ പിന്നോക്കം വലിച്ചു . നടുവും തല്ലി അയാള്‍ വീണ്ടും താഴെ വീണ് കരഞ്ഞു. ഠേ !! ഠേ !! ഠേ !! അടുത്ത വെടിയുതിര്‍ന്നു . ഭാഗ്യം ഒന്നുകൊണ്ടു മാത്രം ബുള്ളറ്റ് കരണില്‍ തറച്ചില്ല . ഇനി എങ്ങനേലും മുറിക്ക് വെളിയില്‍ ഇറങ്ങണം.. സമയം കളയാതെ അടുത്തു കണ്ട ഹുക്ക് റോപ്പ് കയ്യില്‍ കരുതി മുറിയിലെ ചില്ല് ജനല്‍ തകര്‍ത്ത് സാഹസികതയോടെ അവൻ താഴേക്ക് എടുത്തു ചാടി. ശ്വാസമടക്കി കൂട്ടത്തിലൊരുത്തന്‍ ആ കാഴ്ച കാണുകയായിരുന്നു . ചാടുന്ന മുറക്ക് ഹുക്ക് റോപ്പ് കരണ്‍ തൊട്ടപ്പുറത്തെ കെട്ടിടത്തില്‍ എറിഞ്ഞു. ആാാാ.......!!!! വലിയൊരു നിലവിളിയോടെ അവൻ താഴേക്ക് വീഴുമ്പോള്‍ ഹുക്ക് റോപ്പ് അപ്പുറത്തെ കെട്ടിടത്തിലേക്ക് കൊളുത്തിയതും ഒരുമിച്ചായിരുന്നു . റോപ്പിന്‍റെ ബലത്തില്‍ തൂങ്ങിയാടി ആ കെട്ടിടത്തിലെ ഒരു ഫ്ലാറ്റിലെ ബാല്‍ക്കണിയില്‍ ചെന്നിടിച്ച് അവൻ നിന്നു. ഏന്തി വലിഞ്ഞ് കരണ്‍ ആ ബാല്‍ക്കണിയിലേക്ക് കയറുമ്പോള്‍ ഈ രംഗങ്ങളൊക്കെ കണ്ട് വായും പൊളിച്ച് ഇരിക്കുകയാണ് ഫ്ലാറ്റിലെ രണ്ട് ചെറുപ്പക്കാര്‍ : "Dude..., How did You do that....???!!!" അമ്പരപ്പോടെ ഒരുത്തന്‍ ചോദിച്ചു . തന്‍റെ നടുവില്‍ കൈ വെച്ച് വല്ല വിധത്തിലും അവശതയോടെ കരണ്‍ എഴുന്നേറ്റ് നിന്നു : "ഇങ്ങനെയൊരു സിറ്റുവേഷന്‍ ഉണ്ടായാൽ തനിയേ ഇതൊക്കെ നിങ്ങള്‍ ചെയ്തോളും മക്കളേ. അതിന് പ്രത്യേകം ട്രെയിനിംഗിന്‍റെ ആവശ്യം ഒന്നുമില്ല..." "𝗛𝗘𝗬 𝗦𝗧𝗢𝗣.... " ജഫാ അപ്പുറത്ത് നിന്നും കരണിന് നേരെ തോക്കു ചൂണ്ടി അലറിയതും അവൻ മിന്നല്‍ വേഗതയില്‍ താഴേക്കിറങ്ങി. "ഏയ് പോയി പിടിയെടാ അവനെ... സാധാരണക്കാരൻ അല്ലവന്‍... ഭയങ്കര സൂത്രശാലിയാണ്..." ജഫായുടെ ആജ്ഞ കിട്ടിയതും മുഴുവൻ സംഘവും ആ കെട്ടിടം ഇറങ്ങി. പുറത്തെത്തിയ കരണിന്‍റെ ശ്രദ്ധയില്‍ ആ ഡ്യൂക്ക് ബൈക്ക് പെട്ടു. പിന്നെ ഒന്നും നോക്കിയില്ല , ബൈക്കിന്‍റെ വയര്‍ വലിച്ച് ത്രോട്ട് ചെയ്ത് വണ്ടി സ്റ്റാര്‍ട്ടാക്കി കരണ്‍ കുതിച്ചു പാഞ്ഞു. "𝗚𝗢 𝗚𝗢 𝗚𝗢.....!!!" പിന്നാലെ കാറില്‍ കയറി ജഫായും കൂട്ടാളികളും. ഹൈവേയില്‍ മിന്നല്‍ വേഗതയില്‍ കരണ്‍ പായുമ്പോള്‍ തൊട്ടു പുറകെ അവനെ വിടാതെ ജഫാ ആന്‍ഡ് ടീം! "𝗚𝗨𝗬𝗦 𝗟𝗔𝗨𝗡𝗖𝗛 𝗧𝗛𝗘 𝗗𝗥𝗢𝗡𝗘𝗦.." ജഫായുടെ നിര്‍ദേശം കിട്ടിയതും കൂട്ടാളിയില്‍ ഒരുത്തന്‍ ഡ്രോണ്‍ ലോഞ്ച് ചെയ്തു . ഫൂൂൂം !!! ഫൂൂൂം !!! കാറില്‍ നിന്നും ആറോളം ഡ്രോണുകള്‍ ആകാശത്ത് വട്ടമിട്ട് പറന്ന് ചീറി പായുന്ന കരണിനെ ലക്ഷ്യമിട്ട് പിന്നാലെ കുതിച്ചു. "𝗛𝗘𝗬 𝗠𝗢𝗩𝗘 𝗠𝗢𝗩𝗘 𝗠𝗢𝗩𝗘....!" വഴിയിലെ ആളുകളെ നോക്കി അലറി ഡ്യൂക്കില്‍ കരണിന്‍റെ അത്യുഗ്രന്‍ പകടനം.! ആക്സിലേറ്റർ നന്നായി തിരിച്ച് അമിത വേഗതയിൽ അവൻ പാഞ്ഞു. ബൈക്കിന്‍റെ കണ്ണാടിയില്‍ നോക്കിയപ്പോഴാണ് ഡ്രോണുകള്‍ തനിക്ക് പിന്നിലുണ്ടെന്ന് കരണ്‍ മനസ്സിലാക്കിയത്. മുന്നില്‍ ചരക്ക് ലോറി വന്ന് പെട്ടതും ആദ്യം കണ്ട ഇടറോഡിലേക്ക് സാഹസികമായി കരണ്‍ ബൈക്ക് ഓടിച്ചു കയറ്റി. ഡ്രോണിലൊന്ന് ലക്ഷ്യം തെറ്റി ചരക്ക് ലോറിയിലിടിച്ച് വലിയ ശബ്ദത്തോടെ പൊട്ടിച്ചിതറി.! ഭൂൂൂം...!!🔥 തൊട്ടു പിന്നാലെ ജഫായും ഇടറോഡിലേക്ക് കാര്‍ ഓടിച്ചു കയറ്റി. ജഫായുടെ അടുത്ത നിര്‍ദേശമനുസരിച്ച് ബാക്കിയുള്ള അഞ്ചോളം ഡ്രോണുകളുടെ വേഗത കൂട്ടി. ചീറി പായുന്ന കരണ്‍ ഒന്നൂടെ തന്‍റെ ആക്സിലേറ്റര്‍ തിരിച്ചു. ഫൂൂൂം.....!!! കരണിന് പിന്നാലെ ഡ്രോണുകളും അതിനു പിന്നാലെ ജഫായും. വഴിയിലെ ആളുകൾ വാ പൊളിച്ച് ആ രംഗം കണ്ടു നിന്നു. "ഹേയ് മാറ് , മാറ്...." മുന്നിലുള്ള ആളുകളോട് കയര്‍ത്ത് കരണ്‍ മിന്നി പാഞ്ഞു . കരണ്‍ അല്പമൊന്ന് വണ്ടി സ്ലോ ചെയ്തപ്പോള്‍ രണ്ട് ഡ്രോണുകള്‍ കരണില്‍ വന്നിടിക്കാന്‍ തുനിഞ്ഞും ഗിയര്‍ ചെയ്ഞ്ച് ചെയ്ത് വീണ്ടും അവൻ കുതിച്ചു പാഞ്ഞു . രണ്ട് ഡ്രോണുകള്‍ റോഡിലിടിച്ച് വലിയ ശബ്ദത്തോടെ പൊട്ടിച്ചിതറി. ഭൂൂൂൂം...!! ഭൂൂൂൂം...!!🔥🔥 "ആാാാ അയ്യോ...!!!" റോഡിലുള്ള ആളുകൾ പേടിച്ചരണ്ട് ചിതറിയോടി. "ഈ പന്നീടെ മോന്‍ നമ്മളെ കുരങ്ങു കളിപ്പിക്കുകയാ. ഇനി ആകെ മൂന്ന് ഡ്രോണുകളേയുള്ളൂ. എന്ത് പണ്ടാരമാ ഇവൻ.. എല്ലാ അഭ്യാസവും ഇവന് അറിയാമല്ലോ.!! വേഗം അവനെ പിടിക്കാന്‍ നോക്കടാ..." ജഫാ അലറി വിളിച്ചു. ആദ്യം കണ്ട റോഡിലൂടെ തിരിഞ്ഞ് വീണ്ടും ഹൈവേയിലേക്ക് കരണ്‍ വണ്ടിയോടിച്ച് കയറ്റി. "ഗൺ എടുത്ത് അവന്‍റെ നേര്‍ക്ക് പൊട്ടിക്കെടാ..." ജഫാ വീണ്ടും അലറി. "ജഫാ...??!" ഒരുത്തൻ വിളിച്ചു. "എന്താടാ...??!!" ജഫ വിളി കേട്ടു. "അന്നേരത്തെ വെപ്രാളത്തില്‍ ഗൺ അവന്‍റെ റൂമില്‍ വെച്ച് തന്നെ മറന്നു പോയി..." "ആഹഹാ.. ഞഞ്ഞായി...!! എന്തോന്ന് മണ്ടന്മാരാടാ നീയൊക്കെ.. നിന്നെയൊക്കെയാണല്ലോ ആ എസ്ഐക്ക് ഞാൻ ബില്‍ഡപ്പ് ചെയ്ത് കൊടുത്തത്.. എന്ത് ചെയ്തിട്ടായാലും വേണ്ടില്ല , എനിക്കിവനെ എന്തായാലും കിട്ടണം ." ജഫാ പറഞ്ഞ് തീര്‍ന്നതും കൂട്ടത്തിലൊരു ഡ്രോണ്‍ ബാറ്ററി തീര്‍ന്ന് തനിയെ താഴെ വീണ് പൊട്ടിച്ചിതറി. ഭൂൂൂം....!!!🔥 സര്‍വ്വ ശക്തിയുമെടുത്ത് കാറിന്‍റെ ബ്രേക്ക് ആഞ്ഞു ചവിട്ടി. അന്തരീക്ഷം ആകെ പുകമയം. മുന്നിലുള്ളതൊന്നും ജഫായ്ക്ക് കാണാന്‍ കഴിയുന്നില്ല. "ഇതെന്തു പറ്റിയെടാ...???! ഡ്രോൺ തനിയേ പൊട്ടുന്നോ..??!!" ജഫ ആക്രോഷിച്ചു. "ബാറ്ററി തീര്‍ന്നു പോയതാ ജഫാ...!!" "ശ്ശോ....!!!" ജഫാ തലയില്‍ കൈ വച്ചു. "ഇനി ആകെ രണ്ട് ഡ്രോണുകളേയുള്ളൂ . അവനാണേല്‍ രക്ഷപ്പെടുകയും ചെയ്തു." ജഫാ ആകെ നിരാശയടിച്ച് അല്‍പ്പം നേരം കഴിഞ്ഞില്ല. മുന്നിലെ കാഴ്ച കണ്ട് അയാളുടെ കണ്ണുകൾ വിടർന്നു വരികയായിരുന്നു : "ടാ അവന്‍റെ വണ്ടിയല്ലേ നമ്മുടെ നേർക്ക് ആ വരുന്നത്...??" അലര്‍ച്ചയോടെ ജഫാ കരണിനെ നോക്കി. മിന്നല്‍ വേഗതയില്‍ കരണ്‍ ജഫായുടെ കാറ് ലക്ഷ്യമാക്കി കുതിച്ചു വന്നു. "ടാ ടാ ടാ വണ്ടിയെടുക്കെടാ... ഇല്ലേല്‍ ആ ഡ്രോണ്‍ നമ്മളെ തന്നെ വന്നിടിക്കും..." ജഫായുടെ കൂട്ടാളി കാർ സ്റ്റാര്‍ട്ട് ചെയ്യാന്‍ ശ്രമിച്ചു. നോ രക്ഷ...!! കാര്‍ സ്റ്റാര്‍ട്ടാവുന്നില്ല!!! "പെട്ടെന്ന് സ്റ്റാര്‍ട്ട് ചെയ്യടാ... അവന്‍ ദേ അടുത്തെത്തി..." ജഫ അലറി വിളിച്ചു കൂവി. മുഴുവൻ അരിശത്തോടെ കരൺ കുതിച്ചു വന്നു. അവന്റെ പുറകിൽ ആ രണ്ടു ഡ്രോണുകളും വിടാതെ തന്നെ പിന്തുടർന്നു. "ടാ ഡ്രോണിന്റെ ദിശ മാറ്റടാ.. അല്ലെങ്കിൽ അത് നമ്മളെ ഇടിച്ച് നമ്മൾ തന്നെ പൊട്ടിച്ചിതറും..." ജഫ ഉച്ചത്തിൽ പറഞ്ഞു. "രക്ഷയില്ല ജഫ.. അവനെ ടാർഗറ്റ് ലോക്ക് ചെയ്തത് കൊണ്ട് ഡ്രോൺ വേറെ ദിശയിൽ ആക്സസ് ആവുന്നില്ല..." ഭീതിയോടെ കൂട്ടാളി ജഫയെ നോക്കി. ജഫയും സംഘവും പേടിച്ചരണ്ട് കാറിൽ നിന്നും പുറത്തേക്ക് കടക്കാൻ ശ്രമിച്ചതും കരൺ ഏതാണ്ട് അവർക്കടുത്ത് എത്തിക്കഴിഞ്ഞിരുന്നു. അതി സാഹസികമായി അവൻ ബൈക്ക് കാറിനു മുകളിലൂടെ ജമ്പ് ചെയ്ത് മുന്നോട്ട് പാഞ്ഞു പോയി വണ്ടി നിര്‍ത്തി തിരിഞ്ഞു നോക്കി. ഡ്രോണുകൾ ജഫയുടെ കാർ ലക്ഷ്യമാക്കി വന്നു. ആാാാ......!!!! ജഫായും ടീമും നിലവിളിയോടെ നോക്കി നില്‍ക്കേ പിന്നാലെ വന്ന ആ രണ്ട് ഡ്രോണുകള്‍ സ്വന്തം കാറിലിടിച്ച് പൊട്ടിച്ചിതറി. ഭൂൂൂൂം....!!🔥 ഭൂൂൂൂം.....!!🔥 അന്തരീക്ഷം അഗ്നിയാൽ സമ്പന്നമായി. കാറിൽ നിന്നും ജഫയും സംഘവും തീകൊണ്ട് പൊതിഞ്ഞ് പുറത്തേക്ക് ചാടി. അവർ ഉച്ചത്തിൽ നിലവിളിച്ചു കരഞ്ഞു. ഭീകരമായ രംഗം!! എല്ലാം കണ്ടു നിന്ന കരണിന്റെ ചുണ്ടിൽ ഒരു പുച്ഛം വിടർന്നു : "ങ്ഹും.. കേവലം കുറേ ഡ്രോണുകളും കൊണ്ട് കരണിനെ ഉണ്ടാക്കാന്‍ വന്നേക്കുന്നു...." കോപത്തോടെ അവൻ വണ്ടിയുമായി പോയി. ഏകദേശം രണ്ട് കിലോമീറ്റര്‍ കഴിഞ്ഞില്ല, ഏതോ ഒരു അജ്ഞാതവണ്ടി കരണിനെ ഇടിച്ചു തെറുപ്പിക്കുകയായിരുന്നു. വായുവിൽ ഉയർന്ന് മലക്കം മറിഞ്ഞ് നടുറോഡിലേക്ക് അവൻ അലച്ചു വീഴുമ്പോൾ ആ അജ്ഞാത വാഹനം നിർത്താതെ കടന്നു കളഞ്ഞു. രക്തം വാര്‍ന്ന് സഹായിക്കാനാരുമില്ലാതെ കരണ്‍ കിടന്നു. ഒന്നനങ്ങാന്‍ പോലും കഴിയാതെ അവനൊന്നു ചുമച്ചപ്പോൾ വായിൽ നിന്നും രക്തം തെറിച്ചു. പതിയെ അവന്റെ ബോധം മറയുവാൻ തുടങ്ങി. ആ നിമിഷം രണ്ടു കൈകള്‍ കരണിനെ താങ്ങുകയായിരുന്നു. "ഹെല്‍പ്പ്...! ഹെല്‍പ്പ്...!" അതൊരു പെണ്‍കുട്ടിയാണെന്ന് കരണ്‍ മനസ്സിലാക്കി. അവളുടെ മുഖത്ത് നോക്കിയ അവൻ അറിയാതെ വിളിക്കുന്നുണ്ടായിരുന്നു : "അ... അ... അശ്വി... അശ്വിനി...!!!" പേര് മന്ത്രിച്ചതും കരണിന്‍റെ ബോധം പൂര്‍ണ്ണമായും മാഞ്ഞു പോവുകയായിരുന്നു. ((തുടരും)) രചന :കണ്ണൂർകാരൻ ❤️❤️❤️❤️ #📔 കഥ #📚 ട്വിസ്റ്റ് കഥകൾ #💞 പ്രണയകഥകൾ #📙 നോവൽ #✍ തുടർക്കഥ