*దినమంతా పరిశుద్ధంగా ఉండాలంటే..?* *ప్రతిరోజు శుభ్రమైన బట్టలు ధరించాలని ఆశపడే వ్యక్తి ఎప్పటికప్పుడు మురికి బట్టలను ఉతుక్కునే ప్రయత్నం చేస్తాడు కానీ శుభ్రతను అంతగా ఇష్టపడని వ్యక్తి తన బట్టలు ఎప్పటికప్పుడు ఉతుక్కోకుండా అవే మురికి బట్టలు నాలుగైదు రోజులు వేసుకునే ప్రయత్నము చేస్తాడు. ఆ బట్టలు ఎంత మురికిగా ఉన్నా ఎన్ని మరకలు పడినా అంతగా పట్టించుకోడు. కానీ చక్కగా శుభ్రమైన బట్టలు ధరించడానికి ఇష్టపడిన వ్యక్తి, తాను ధరించిన డ్రెస్‌ మీద ఏమాత్రం చిన్న మరక పడినా, కొంచెం వాటర్‌ పడినా గబా గబా ఆ డ్రెస్‌ని శుభ్రం చేసే ప్రయత్నము చేస్తాడు. అదే విధముగా హృదయ పరిశుద్ధతను కోరుకునే వ్యక్తి తన హృదయాన్ని ఎప్పటికప్పుడు క్రీస్తు రక్తములో కడుగుకుంటాడు.* *కొంతమంది ఉంటారు- వీరు సంవత్సరములో కేవలం మూడుసార్లు (ఈస్టర్‌కి, క్రిస్మస్‌కి, న్యూఇయర్‌కి) మాత్రమే హృదయాలను శుద్ధి చేసుకుంటారు. మరికొంతమంది కేవలం వారానికి ఒకసారి మాత్రమే (ఆదివారం) తమ హృదయాలను కడుగుకుంటారు. మనము ప్రతీ దినము ప్రభువు సన్నిధిలో శుద్ధి చేసుకునేవారముగా ఉండాలి.* *దావీదు భక్తుడు సెలవిస్తున్నాడు - ''దేవా, నన్ను పరిశోధించి నా హృదయమును తెలిసికోనుము, నన్ను పరీక్షించి నా ఆలోచనలను తెలిసికొనుము. నీకాయాసకరమైన మార్గము నాయందున్నదెమో చూడుము.'' (కీర్తనలు 139:23, 24).* *దావీదు యోహోవా హృదయానుసారుడు, ఎప్పటికప్పుడు తన హృదయాన్ని జాగ్రత్త పరుచుకునేవాడు. క్రియల్లోనే కాదు ఆలోచనల్లో కూడా పరిశుద్ధతను కోరుకున్నాడు. దావీదు - కేవలం సంవత్సరానికో, వారానికో, రోజుకో ఒక్కసారి శుద్ధిచేసుకునే వ్యక్తి కాదు. దినమునకు ఏడుసార్లు దేవుని సన్నిధిలో కనిపించేవాడట. ఎంత గొప్ప ఆత్మీయత..!* *దావీదు దినమునకు ఏడుసార్లు (కీర్తన 119:164) దేవున్ని స్తుతిస్తూ గడిపేవాడు. స్తుతించాలంటే సంతోషముగా వుండాలి. సంతోషంగా వుండాలంటే పరిశుద్ధముగా వుండాలి. (యాకోబు 5: 13) దినమునకు ఏడుసార్లు అంటే ప్రతి మూడు గంటలకు ఒకసారి దేవుని సన్నిధిలో తన హృదయాన్ని శుద్ధి చేసుకునేవాడు. ఇది చదువున్న మీరు కూడా అట్టి ఆత్మీయతను కలిగి ఉంటే ఎంత బాగుటుంది. ప్రతీ మూడు గంటలకు ఒక్కసారైనా ఒక 5 నిమిషాలు కళ్ళు మూసుకొని- ''ప్రభువా..! ఈ దినమంతా నేను పరిశుద్ధముగా జీవించుటకు నాకు తోడుగా ఉండు. నేను చేసే ప్రతీ పనిలో నీ హస్తాన్ని నాకు తోడుగా ఉంచు. నా కుటుంబానికి నీవు తోడుగా ఉండి దుష్టుని యొక్క ప్రతీ ఆలోచన లయపరచు.'' ఈ విధముగా క్లుప్తముగా ప్రతీ మూడు గంటలకు ఒక 5 లేదా 10 నిమిషాలు కళ్ళు మూసుకొని ప్రభువుతో మాట్లాడటం కష్టమంటారా? ఒక్కసారి ఆలోచించండి. లేదా ఈ విధముగా కూడా ఒక ప్రార్థన లిస్టు ప్రిపేర్‌ చేసుకోవచ్చు. ఉదయం 9 గంటలకు కుటుంబ సభ్యుల నిమిత్తము ప్రార్థన చేయడం, మధ్యాహ్నం 12 గంటలకు బంధువుల నిమిత్తము ప్రార్థన చేయడం, సాయంత్రం 3 గంటలకు సంఘ కాపరి నిమిత్తము ప్రార్థన చేయడం.. ఈ విధంగా దినమునకు ఏడుసార్లు ప్రార్థన చేస్తున్నప్పుడు ఏడు ప్రార్థన అవసరతలు కలిగి ప్రార్థన చేసే ప్రయత్నము చేయండి.* *ప్రార్థించే క్రైస్తవుడంటే పరలోకానికి బహు ఇష్టమట కావున ప్రతీ మూడు గంటలకు మీరు ఆకాశం వైపు చూస్తే.. ప్రతి మూడు గంటలు పరలోకమంతా మీ వైపే చూస్తుంది.* *ప్రతీ మూడు గంటలకు మీరు ఒక 5 నుంచి 10 నిమిషాలు దేవునితో సమయం గడవగలిగితే.. మీకు తెలియకుండానే దినమయ్యేసరికి ఇంచుమించు ఒక గంట దేవునితో మాట్లాడగల్గుతున్నారు. ఇది గొప్ప ధన్యతో ఒక్కసారి ఆలోచన చేయండి!!* *(దేవునితో ప్రతిదినం)* ***************************************** *ప్రతిదినం పరిశుద్ధంగా జీవించాలని ఆశపడుతున్నారా? అయితే మీ కోసమే ఈ గ్రూప్స్...!* *WhatsApp Community - 1 link:* https://chat.whatsapp.com/BKEcChdxaKrK0dJ8CqADcD *************************************** *Telegram group Link* https://t.me/+XtII92fKOXAyNWQ9 ******************************** *మీ ప్రార్దన అవసరతను నా నెంబర్ కు మెసేజ్ చేయండి.... మీ ప్రార్దన మనవిని మన అన్నీ గ్రూప్స్ లో నేనే పోస్ట్ చేయడం జరుగుతుంది. మీ సమస్యపై మన గ్రూప్స్ సభ్యులందరూ ప్రార్దన చేస్తారు. మనకు కావల్చింది వాక్యం, ప్రార్దన.* *- మీ సహోదరుడు మోషే* *- (Calvary Kiranalu )* *-(📲 9550576444)* ************************************* #jesu #యేసు ప్రభువు #✝️తెలుగు క్రైస్తవ వాట్సాప్ స్టేటస్ ⛪️💒 #JESU I LOVE YOU JESUS #✝️Jesu✝️ #i love jesu