చాలా మంది గ్యాస్ సిలిండర్ డెలివరీ బాయ్‌కు 30 రూపాయలు, 40 రూపాయలు ఇచ్చినా “దోపిడి చేస్తున్నారు” అని మాట్లాడుతుంటారు. కానీ ఒకసారి వారి పరిస్థితి గురించి ఆలోచించారా? చాలా అపార్ట్‌మెంట్లలో గ్యాస్ సిలిండర్ తీసుకువచ్చే వారికి లిఫ్ట్ ఉపయోగించనివ్వరు. ఇండిపెండెంట్ హౌస్‌లలో అయితే దాదాపు లిఫ్ట్ అనే సౌకర్యమే ఉండదు. అలాంటి చోట్ల 14 కేజీల బరువున్న గ్యాస్ సిలిండర్‌ను భుజాన వేసుకుని 2వ, 3వ, కొన్ని సార్లు 5వ అంతస్తు వరకు మోసుకెళ్లాలి. ఖాళీ సిలిండర్‌ను మళ్లీ భుజాన వేసుకుని దిగాలి. ఒక వేళ లిఫ్ట్ ఉన్నా కూడా బజార్ లోని బండి నుండి లిఫ్ట్ వరకు, మళ్ళీ లిఫ్ట్ దగ్గర నుంచి ఇంటి కిచెన్ వరకు మోసి తీసుకురావాల్సిందే. ఒక్కసారి 14 కేజీల బరువున్న సిలిండర్‌ను భుజాన వేసుకుని 10 మెట్లు ఎక్కి చూడండి లేదా కనీసము ఎత్తి భుజాన పెట్టుకోండి. అప్పుడు తెలుస్తుంది అది ఎంత కష్టమైన పని అనేది. గుండె పట్టేస్తుంది. వారికి జీతం కూడా పెద్దగా ఉండదు. సగటున ₹12,000 – ₹15,000 మధ్యలోనే ఉంటుంది. మహా అయితే రోజుకు సుమారు 40–50 సిలిండర్లు డెలివరీ చేస్తారు. అది కూడా పట్టణ ప్రాంతాల్లో రోజుకు రెండు బండ్లు తీసుకెళ్తే. రిమోట్ ప్రాంతాల్లో అయితే ఒక ట్రిప్ చేయడానికి పూర్తి రోజు కూడా పడుతుంది. అప్పుడు రోజుకి 20–30 కంటే సిలిండర్లు ఎక్కువ డెలివరీ చేయలేరు. మనమిచ్చే ₹30 లేదా ₹40 వారికి పెద్ద సంపాదన కాదు. ఆ కష్టానికి ఇచ్చే చిన్న గౌరవం మాత్రమే. రోజూ భారమైన సిలిండర్లు మోసి మోసి ఆరోగ్యాలు పాడుచేసుకున్న వారు కూడా చాలా మంది ఉన్నారు. ఆ సమయంలో ఆసుపత్రి ఖర్చులు ఎవరు పెట్టుకుంటారు? ఏజెన్సీ లు కనీసం ఇన్సూరెన్స్ ఇవ్వరు, వారు వ్యక్తిగతంగా ఇన్సూరెన్స్ లు తీసుకోవలసిందే...... ఒక్క 10 రోజులు గ్యాస్ డెలివరీ సిస్టమ్ పని చేయకపోతే వారి విలువ ఏమిటో తెలుస్తుంది. అందుకే వారు తీసుకునే చిన్న టిప్‌ను “దోపిడి”గా కాకుండా, వారి కష్టానికి ఇచ్చే గౌరవంగా చూడాలి. #✌️నేటి నా స్టేటస్ #😃మంచి మాటలు #✍️కోట్స్ #📝బెస్ట్ కోట్స్👌