मराठी अभिनेत्री ऐश्वर्या नारकर या नुकत्याच एका ऑनलाइन फसवणुकीच्या प्रयत्नातून थोडक्यात बचावल्या. काही दिवसांपूर्वी त्यांना महानगर गॅस लिमिटेडच्या नावाने व्हॉट्सॲपवर मेसेज आला. त्या मेसेजमध्ये त्यांच्या गॅस कनेक्शनमध्ये अडचण असून ते तात्काळ बंद करण्यात येईल, असे नमूद केले होते. नारकर नियमितपणे गॅस बिल भरत असल्यामुळे त्यांना हा दावा संशयास्पद वाटला. त्यानंतर संबंधित व्यक्तींनी व्हॉट्सॲप कॉल करून एक APK फाईल पाठवली आणि ती डाउनलोड करून माहिती भरून परत पाठवण्यास सांगितले. मात्र त्यांच्याकडे iPhone असल्याने ती फाईल उघडलीच नाही आणि संभाव्य धोका टळला. यानंतर त्या व्यक्तींनी “तुमच्याकडे सॅमसंग फोन नाही का?”, “तुम्ही घरी आहात का?”, “मीटर नंबर पाठवा” असे प्रश्न विचारण्यास सुरुवात केली. या चौकशीमुळे त्यांचा संशय अधिकच वाढला. त्यांनी ठामपणे उत्तर देत, “मी कुठेही असले तरी तुम्हाला त्याचा काय संबंध?” असे सांगितले. त्यावर समोरच्यांनी लगेच कॉल कट केला. यापूर्वी अभिनेता चिन्मय मांडलेकर यांनाही अशाच प्रकारचा कॉल आला होता. त्यांनी त्या कॉलचे रेकॉर्डिंग सोशल मीडियावर शेअर करून लोकांना सावध राहण्याचे आवाहन केले होते.# #🎞सिने स्टार्स #🎬मराठी पिक्चर