ഇമാം മാലിക് رضي الله عنه കണ്ട മദീന അത് കെട്ടിടങ്ങളുടെ നഗരം മാത്രമല്ല, അദബിന്റെ, വഖാറത്തിന്റെ, നബീﷺയുടെ സ്‌നേഹത്തിന്റെ ജീവിച്ചിരുന്ന തലസ്ഥാനം ആയിരുന്നു. ഇമാം മാലിക് (റ)ക്ക് മദീന ദാറുൽ ഹദീസ് ആയിരുന്നു. തിരുനബി ﷺ നടന്ന വഴികൾ, പ്രസംഗിച്ച മിംബർ, വിശ്രമിച്ച ഖബർ അവിടെയെല്ലാം മഹാനാവറുകൾക്ക് ഇൽമിനേക്കാൾ മുൻപ് അദബ് പഠിപ്പിച്ചു. മദീനയിൽ ഹദീസ് പറയുമ്പോൾ പോലും അവിടുന്ന് വസ്ത്രം മാറ്റി, സുഗന്ധം പുരട്ടി, ശബ്ദം താഴ്ത്തി ഇരുന്നുവെന്ന് ചരിത്രം പറയുന്നു. കാരണം “ഇത് നബി ﷺയുടെ നഗരം; ഇവിടെ ഉയരുന്ന ശബ്ദം പോലും ആദരത്തിന്റെ പരിധി കടക്കരുത്.” മഹാൻ പറഞ്ഞു: > “ഈ മണ്ണിൽ ജീവിക്കുന്ന സുന്നത്ത്, പുസ്തകങ്ങളിലെ ആയിരം റിവായത്തുകളേക്കാൾ ശക്തമാണ്.” അതിനാൽ തന്നെയാണ് മദീനയിലെ ആചാരങ്ങൾ (ʿഅമൽ അഹ്‌ലിൽ മദീന) അവിടുത്തെ ഫിഖ്ഹിലെ ദൃഢമായ തെളിവായത്. മദീന ഇമാം മാലിക് (റ)ക്ക് ഇൽമിന്റെ അളവുകോൽ ആയിരുന്നു. ഇന്ന് നാം കാണുന്ന മദീനയേക്കാൾ അവിടുന്ന് കണ്ട മദീനയിൽ ഗാമ്പ്യീര്യത കൂടുതലായിരുന്നു, നിശ്ശബ്ദത ഇബാദത്തായിരുന്നു, സ്നേഹം സുന്നത്തായിരുന്നു. അല്ലാഹുവേ… ഇമാം മാലിക് (റ) കണ്ട അതേ ആദരത്തോടെ മദീനയെ കാണാൻ ഞങ്ങൾക്കു തൗഫീഖ് നൽകേണമേ നബീ ﷺയുടെ നഗരത്തോട് ഹൃദയം വിറയ്ക്കുന്ന സ്നേഹം ഞങ്ങളിൽ നിറച്ചരുളണമേ. 🤍 #🛐 മുത്ത്നബി