କେନ୍ଦ୍ର ସରକାର ଶନିବାର ଦିନ ଘରୋଇ ରାନ୍ଧଣା ଗ୍ୟାସ ସପ୍ଲାଇ ସମ୍ବନ୍ଧୀୟ ଚାଲୁଥିବା ନିୟମରେ ବଡ଼ ପରିବର୍ତ୍ତନ କରିଛନ୍ତି। ନୂଆ ନିୟମ ଅନୁଯାୟୀ, ଯେଉଁ ଘରରେ ପାଇପ୍ଡ ନ୍ୟାଚୁରାଲ୍ ଗ୍ୟାସ (PNG) କନେକ୍ସନ୍ ରହିଛି, ସେମାନେ ସବସିଡି ଥିବା LPG ସିଲିଣ୍ଡର ନେଇପାରିବେ ନାହିଁ । ପଶ୍ଚିମ ଏସିଆରେ ଚାଲୁଥିବା ସଙ୍କଟ ଯୋଗୁଁ ଏନର୍ଜି ସପ୍ଲାଇରେ ବାଧା ସୃଷ୍ଟି ହେବାର ଆଶଙ୍କା ମଧ୍ୟରେ ସରକାର ଏହି ପଦକ୍ଷେପ ନେଇଛନ୍ତି ।ସରକାର ଅତ୍ୟାବଶ୍ୟକୀୟ ସାମଗ୍ରୀ ଆଇନ, ୧୯୫୫ ର ଅଧିକାର ବ୍ୟବହାର କରି ଏକ ନୋଟିଫିକେସନ୍ ଜାରି କରିଛି। ଏଥିରେ ତରଳ ପେଟ୍ରୋଲିୟମ୍ ଗ୍ୟାସ୍ (ଯୋଗାଣ ଏବଂ ବଣ୍ଟନ ନିୟନ୍ତ୍ରଣ) ସଂଶୋଧନ ଆଦେଶ, ୨୦୨୬ ଜାରି କରାଯାଇଛି, ଯାହା ଦ୍ୱାରା ଏଲପିଜି ନିୟନ୍ତ୍ରଣ ଆଦେଶ, ୨୦୦୦ର କିଛି ନିୟମରେ ପରିବର୍ତ୍ତନ ଆଣାଯାଇଛି।ନୂଆ ନିୟମ ଅନୁଯାୟୀ, ଯେଉଁ ଲୋକଙ୍କ ପାଖରେ ପୂର୍ବରୁ PNG କନେକ୍ସନ୍ ଅଛି, ସେମାନେ ଘରୋଇ LPG କନେକ୍ସନ୍ ରଖିବା କିମ୍ବା ସରକାରୀ ତେଲ କମ୍ପାନୀ କିମ୍ବା ତାଙ୍କ ଡିଷ୍ଟ୍ରିବ୍ୟୁଟର ଠାରୁ LPG ସିଲିଣ୍ଡର ରିଫିଲ୍ ଆଉ ନେଇ ପାରିବେ ନାହିଁ। #❌ସରକାରଙ୍କ ବଡ଼ ଘୋଷଣା: ମିଳିବନି ସିଲିଣ୍ଡର⛽