"രേണു... രേണു.." ഈ പെണ്ണ്... എന്നും പറയും നേരത്തെ വിളിക്കണേ എന്ന്.. എന്തിന്? വിളിച്ചാൽ അപ്പൊ തുടങ്ങും അര മണിക്കൂർ കഴിയട്ടെ എന്ന് പറഞ്ഞു നിലവിളി.. നാളെ മുതൽ ജോലിക്ക് പോകാൻ ഉള്ളതാ.. ഇനി ഉത്തരവാദിത്തമൊക്കെ വച്ചോളും.. എന്താടോ സുലു രാവിലെ തന്നെ ഇത്ര ഒച്ച..? കയ്യിലിരുന്ന പത്രം മടക്കികൊണ്ട് പത്മകുമാർ അടുക്കളയിലേക്ക് വന്നു.. "പുന്നാരിച്ചു വച്ചിരിക്കുന്ന മോളെ വിളിക്കുന്ന പൊല്ലാപ്പ് ആണ്..ഇതാണ് പറയുന്നത് ഒന്നായാലും ഒലക്ക കൊണ്ട് അടിച്ചു വളർത്തണമെന്ന്.." "അതൊക്കെ നാളെ മുതൽ ശെരിയാകും എന്റെ സുലു.. താനിങ്ങനെ കിടന്നു വെപ്രാളപ്പെടേണ്ട.." "ആ.. എല്ലാ കൊള്ളരുതായ്മകൾക്കും വളം വച്ചു കൊടുക്കുന്ന അച്ഛനുണ്ടേൽ ഇതല്ല ഇതിനപ്പുറവും നടക്കും.. കെട്ടിച്ചു വിടട്ടെ പുറകെ അച്ഛനും കൂടെ പോകേണ്ടിവരും മോളെ രാവിലെ വിളിച്ചുണർത്താൻ.. ഇല്ലേൽ കെട്ടിക്കൊണ്ടുപോകുന്ന ചെക്കൻ ഒരാഴ്ച കഴിയുമ്പോൾ തന്നെ വീട്ടിൽ കൊണ്ടാക്കും.." " എങ്കിൽ ഞാനിങ്ങു പോരും.. ഡിവോഴ്സ് നടത്തി നഷ്ടപരിഹാരം വാങ്ങി അടിപൊളിയായി ജീവിക്കും.." അടുക്കള വാതിൽക്കൽ ശബ്ദം കേട്ടിടത്തേക്ക് അവർ തിരിഞ്ഞു നോക്കി.. " രാവിലെ തന്നെ ആവശ്യമില്ലാത്ത വർത്താനം ഒന്നും പറയല്ലേ രേണു.." "ആവശ്യമില്ലാത്ത വർത്താനം ഒന്നുമല്ല.. ഇപ്പോൾ കല്യാണം കഴിച്ചു പോകുന്നതിനു യാതൊരു ഗ്യാരണ്ടിയും ഇല്ല.. അതുകൊണ്ട് നേരിടാൻ നമ്മൾ തയ്യാറായിരിക്കണം.. അല്ലേ അച്ഛ.. ഞാൻ ഇങ്ങു വന്നാൽ എന്നെ രണ്ടുപേരും സ്വീകരിക്കില്ലേ.." അവൾ അവർക്ക് അടുത്തേക്ക് വന്നു കൊണ്ട് ചോദിച്ചു..? " പിന്നെ അല്ലാതെ.. എന്റെ കുഞ്ഞിന് പ്രശ്നമാണെങ്കിൽ നീ ധൈര്യമായിട്ട് ഇങ്ങ് പോരെ.." പത്മകുമാറിന്റെ സംസാരം കൂടി കേട്ടപ്പോൾ സുലു ദോശ ചുടുന്നത് നിർത്തി ദേഷ്യത്തോടെ രണ്ടുപേരെയും നോക്കി.. "ആവശ്യമില്ലാത്തത് തമാശ പറയരുത്.. ജീവിതകാലം മുഴുവനും ഒരുമിച്ച് നിൽക്കണം ആഗ്രഹത്തോടെയാണ് ഓരോ പെൺകുട്ടിയും കല്യാണം കഴിക്കുന്നത്.. ഇവിടെ കല്യാണത്തിന് മുന്നേ തന്നെ ഡിവോഴ്സ് വാങ്ങി വരാൻ പോകുന്ന ഒരു മോളും അതിന് കൂട്ടുനിൽക്കുന്ന അച്ഛനും.." "എന്റെ സുലു ..അവൾ തമാശ പറഞ്ഞതല്ലേ കൊച്ചുകുട്ടി അല്ലേ അവൾ.. അതിനു താൻ ഇങ്ങനെ രാവിലെ തന്നെ ചൂടായാലോ.."? അതും പറഞ്ഞ് അയാൾ അവരുടെ അടുത്തേക്ക് പോയി തോളിൽ കൂടി കയ്യിട്ട് ചേർത്തു പിടിച്ചു.. " അതെ..കല്യാണവും ഡിവോഴ്സും പിന്നീട്..ആദ്യം കെട്ടിക്കാൻ പ്രായമായ മോൾ ഇവിടെ നിൽപ്പുണ്ട് ഓർക്കണം.. പിന്നെ മതി റൊമാൻസ്.." " അതെന്താ?എനിക്കെന്റെ ഭാര്യയോടല്ലേ റൊമാൻസിക്കാൻ പറ്റു.. വേണേൽ നിന്റെയും ഭാവി ഭർത്താവിന്റെയും കൂടെ ഞങ്ങളും സെക്കന്റ് ഹണിമൂണിന് വരും.. അല്ലെ സുലു ..." "പപ്പേട്ടാ.. " സുലു ചമ്മലോടെ വിളിച്ചു.. "രേണു നിൽക്കുന്നു എന്ന് പോലും വിചാരമില്ല.. ഈ മനുഷ്യനെ കൊണ്ട് തോറ്റു.." അവർ അയാളുടെ കൈ തോളിൽ നിന്നും എടുത്തു മാറ്റി.. ദേ രണ്ടാളും പുറത്ത് ഇറങ്ങിക്കെ.. പപ്പേട്ടാ പോയി റെഡി ആയി വാ.. രേണു നീയും ഫ്രഷ് ആയി വാ...നിനക്ക് എന്തൊക്കെയോ വാങ്ങാൻ ഉണ്ടെന്ന് പറഞ്ഞില്ലേ.. ഉച്ചക്ക് പോകാം..പപ്പേട്ടാ ഓട്ടോ വിളിച്ചു പറയണം.." അവർ തിരിഞ്ഞു നിന്നു ദോശ ചുടാൻ തുടങ്ങി.. "എന്തിനാ അമ്മേ ഓട്ടോ..?നമുക്ക് സ്കൂട്ടിയിൽ പോകാം.. ഞാൻ ശ്രദ്ധിച്ചു ഓടിക്കാം.." "ഇല്ല രേണു .. ഇവിടെ അടുത്തെങ്ങാനും അല്ലാതെ സിറ്റിയിൽ ഒന്നും നീ വണ്ടിഎടുക്കേണ്ട.. ആൾക്കാർക്ക് ഒക്കെ വണ്ടി കിട്ടിയാൽ പ്രാന്ത് ആണ്.. അതുകൊണ്ട് പറയുന്നത് കേൾക്ക്.." അവൾ സങ്കടഭാവമിട്ട് പത്മകുമാറിനെ നോക്കി. അയാൾ തിരികെ പറ്റില്ല എന്ന് തലയാട്ടി.. അവൾ കെറുവിച്ചു ഇറങ്ങി പോയി.. 💞💞💞💞 ചുവരിൽ പതിപ്പിച്ചിരിക്കുന്ന വലിയ എണ്ണഛായ ചിത്രത്തിന് മുന്നിൽ അവൻ നിന്നു.. അതിലെ രൂപത്തിലേക്ക് ഒട്ടൊരു നിമിഷം കണ്ണെടുക്കാതെ നോക്കി.. "അച്ഛാ... അച്ഛന്റെ ഏറ്റവും വലിയ സ്വപ്നം നിറവേറ്റാൻ ഇനി എനിക്ക് കുറച്ചു ദിവസങ്ങൾ കൂടിയേ ഉള്ളു..ഞാൻ അത് നേടിയിരിക്കും.. ഇത് ഈ മകന്റെ വാക്കാണ്.." അവൻ പയ്യെ അതിലേക്ക് തൊട്ടു.. പിന്നെ പുറത്തേക്കിറങ്ങി കാറിലേക്ക് കയറി..അവനെയും കൊണ്ടു നിമിഷങ്ങൾക്കുള്ളിൽ ആ ആഡംബരകാർ നഗരത്തിന്റെ തിരക്കിലേക്ക് ഊളിയിട്ടു.. അവളുടെ ദേഹത്തെ ഉടയാടകൾ അവൻ പതിയെ മാറ്റി കൊണ്ടിരുന്നു.തന്റെ ഉടലിനു തൂവലിന്റെ ഭാരം മാത്രമേ ഉള്ളു എന്ന് അവൾക്ക് തോന്നി...ദൃഢമായ കയ്യുകളാൽ കാറ്റ് കടക്കാത്ത രീതിയിൽ അവളെ തന്നോട് ചേർത്തു പിടിച്ചവൻ അവളിലേക്ക് അമർന്നു..വെളുത്തു നീണ്ടു മെലിഞ്ഞ ചൂണ്ടു വിരലാൽ അവളുടെ വിറകൊള്ളുന്ന അധരങ്ങളെ അവൻ വിടർത്തി..പതിയെ അതിനെ ഞെരിച്ചു വിട്ടു.. ഒരു നിമിഷം കഴിഞ്ഞതും അവളുടെ ചുണ്ടുകളിലേക്ക് അവൻ തന്റെ ചുണ്ടുകൾ കൊരുത്തു.. അവൾ ഒന്ന് ഏങ്ങി പിടഞ്ഞു.. തന്റെ കൈ കൊണ്ടവൾ അവന്റെ തലമുടിയിൽ കോർത്തു വലിച്ചു..അവൻ അവളിലെ പിടി വിടാതെ ചുംബിച്ചു തളർത്തി കൊണ്ടിരുന്നു..അവളുടെ ചുണ്ടുകൾ ചുവപ്പാർന്നു കൊണ്ടിരുന്നു.. ചുണ്ടുകൾ കടന്നു അവന്റെ നാവിന്റെ സ്പർശനം അവളുടെ നാവിൽ അറിഞ്ഞു.. പെട്ടെന്ന് തങ്ങളെ ഒട്ടാകെ നനച്ചു കൊണ്ടു മഴ പെയ്യാൻ തുടങ്ങി..മുഖത്താകെ മഴത്തുള്ളികൾ ചിതറിതെറിച്ചു..തുടകളിൽ ആഞ്ഞൊരു അടിയും.. ഞെട്ടി കണ്ണുകൾ തുറന്നു നോക്കിയവൾ.. കയ്യിൽ പാത്രത്തിൽ വെള്ളവുമായി ദേഷ്യത്തോടെ സുലു.. എന്റീശ്വരാ..!!കണ്ടതൊക്കെ സ്വപ്നം ആയിരുന്നോ..? എന്ത് സ്വപ്നമാണ് അത്.. ഓർമ്മയിൽ അവൾക്ക് ദേഹം കുളിർന്നു..രോമങ്ങൾ എഴുന്നു.... അതാരാ ആ ചെക്കൻ.?. ശരീരത്തിൽ ഇപ്പോഴും അവന്റെ സ്പർശനം നിൽക്കുന്നത് പോലെ തോനുന്നുണ്ട്.. നാവിൽ പഞ്ഞി പോലെ അവന്റെ നാവിന്റെ സ്പർശനം.. "കാപ്പിയും കുടിച്ചു അകത്തേക്ക് നീ വലിഞ്ഞു വന്നപ്പോഴേ എനിക്ക് തോന്നി കിടന്നുറങ്ങാൻ ആണെന്ന്..എഴുന്നേറ്റു റെഡിയാക് പെണ്ണെ.." "അതിനു നമ്മൾ ഉച്ചക്ക് ശേഷമല്ലേ പോകുന്നത്.." കണ്ണും തിരുമ്മി ഇരുന്നവൾ ചോദിച്ചു.. "ആഹാ എന്റെ കൊച്ച് സമയം എത്രയായി എന്ന് നോക്കിക്കേ.. മണി പന്ത്രണ്ടാകാൻ പോണു.. കുളിയൊക്കെ കഴിഞ്ഞു വല്ലതും കഴിച്ചു വേണം പോകാൻ.." "അത്രയും നേരമായി ഞാൻ ഉറങ്ങുകയായിരുന്നോ..? അമ്മയോട് സ്കൂട്ടിയുടെ കാര്യം പറഞ്ഞു തർക്കിക്കാൻ ആവതില്ലാത്തത് കൊണ്ടു കാപ്പി കുടി കഴിഞ്ഞതും എഴുന്നേറ്റു വന്നതാ.. കുറച്ചു നേരം മൊബൈൽ നോക്കി ഇരുന്നു...ഇന്ന് കൂടിയേ മടി പിടിച്ചു കിടക്കാൻ പറ്റുള്ളൂ.. നാളെ മുതൽ ജോലിക്കാരി ആണ്. അവൾ എഴുന്നേറ്റു...ഇനി എന്നെ പറ്റി വിശദമായി പറയാം... ഞാൻ രേണുക പത്മകുമാർ..ഇരുപത്തിമൂന്നുകാരി.. ശ്രീനിലയത്തിൽ പത്മകുമാറിന്റെയും സുലോചനയുടെയുടെയും ഒരേ ഒരു സന്താനം..അച്ഛൻ കെഎസ്എഫ്ഇ യിൽ ആണ്.. അമ്മ വീട്ടമ്മ... നാളെ മുതൽ ആദ്യമായി ഞാൻ ജോലിയിൽ കയറുകയാണ്.. കേരളത്തിലെ അറിയപ്പെടുന്ന ഹോട്ടൽ ഗ്രൂപ്പ്‌ ആയ എസ്ബി പാലസിന്റെ എംഡി യുടെ പേർസണൽ അസിസ്റ്റന്റ്..ഇന്റർവ്യൂ ഒക്കെ കഴിഞ്ഞപ്പോൾ കിട്ടുമെന്ന് ഒട്ടും പ്രതീക്ഷിച്ചില്ല.. മെയിൽ കണ്ടു ഞാൻ ഭയങ്കര സന്തോഷം ആയി...എംഡി അന്ന് ഒരു ബിസിനസ് ടൂറിലായിരുന്നത് കൊണ്ടു നാളെ സാറിനെ കണ്ടിട്ട് വേണം ജോയിൻ ചെയ്യാൻ.... റെഡിയായി കഴിച്ചു കഴിഞ്ഞപ്പോഴേക്കും ഓട്ടോ എത്തി.. എനിക്ക് കുറച്ചു ഡ്രെസ്സും ബാഗും അമ്മക്ക് കുറച്ചു വീട്ടുസാധനങ്ങൾ കൂടി വാങ്ങാൻ ഉണ്ടായിരുന്നു.. എന്റെ നിർബന്ധപ്രകാരം രാത്രിയിലേക്ക് ബിരിയാണി കൂടി വാങ്ങിയാണ് വീട്ടിലേക്ക് തിരിച്ചത്.. വരുന്ന വഴിയിൽ തന്നെയാണ് എസ്ബി പാലസ് മെയിൻ ഓഫീസും റെസ്റ്റോറന്റും .. പുറത്തു നിന്ന് നോക്കുമ്പോൾ അധികം വലിപ്പം കാണില്ലേങ്കിലും ഇന്റർവ്യൂവിന് വന്നപ്പോൾ ആണ് ഒരുപാട് സ്ഥലം ഉള്ളതായി അവൾക്ക് മനസിലായത്.. രാത്രി നേരത്തെ ഭക്ഷണം കഴിക്കാൻ ഇരുന്നു.. പത്മകുമാറും സുലുവും നന്നായി ഉപദേശിച്ചു രേണുവിനെ..എല്ലാവരോടും നന്നായി പെരുമാറാനും അച്ചടക്കത്തോടെ ജോലി ചെയ്യാനും.. രാവിലെ അലാറം വച്ചു രേണു തനിയെ എഴുന്നേറ്റു.. ആദ്യദിവസം ആയതു കൊണ്ടു ഒട്ടും താമസിക്കാൻ പാടില്ലല്ലോ.. അംബരചുംബിയായ കെട്ടിടത്തിനു മുന്നിൽ സ്കൂട്ടി നിർത്തി.. സെക്യൂരിറ്റി കാണിച്ചു കൊടുത്ത പാർക്കിംഗ് ലോട്ടിൽ അവൾ നിർത്തി.. ധൃതിയിൽ അവൾ അകത്തേക്ക് നടന്നു.. അച്ഛ കൊണ്ടാക്കാമെന്ന് പറഞ്ഞതാണ്.. പക്ഷേ സ്കൂട്ടി ഓടിക്കാൻ ഉള്ള ആഗ്രഹം കാരണം ഞാൻ തനിയെ വന്നു.. .വണ്ടിയെടുക്കാൻ സമ്മതിച്ചത് അടുത്തായത് കൊണ്ടാണ് അമ്മ.. എതിരെ വന്ന ആളെ ഓരോന്ന് ആലോചിച്ചു നടന്ന അവൾ ശ്രദ്ധിച്ചില്ല.. മനസ്സ് മുഴുവൻ ചെറിയൊരു ടെൻഷൻ തോന്നുന്നുണ്ട്.. തല ചെന്നു ഉറച്ച എന്തോ സാധനത്തിൽ മുട്ടിയപ്പോൾ ആണ് അവൾക്ക് ബോധം വന്നത്.. ഇതെന്താ ചൈനയുടെ വൻമതിൽ ആണോ? നെറ്റി ഉഴിഞ്ഞു മുകളിലേക്ക് നോക്കിയപ്പോൾ കണ്ടത് തെന്നി നീങ്ങുന്ന ആഡംസ് ആപ്പിൾ..ഇതാരപ്പാ മുന്നിൽ എന്ന് അവൾ അമ്പരന്ന് നോക്കി.. തന്നെ ഉറ്റു നോക്കി നിൽക്കുന്ന രണ്ട് കുഞ്ഞി കണ്ണുകൾ...വട്ട മുഖത്തു നീണ്ട മൂക്ക്.. ക്ലീൻ ഷേവ് ചെയ്ത താടി.. കുഞ്ഞു പിങ്ക് ലിപ്സ്....ഇത്രയും ഒറ്റനോട്ടത്തിൽ അവൾ കണ്ടു പിടിച്ചു..എന്റെ ദൈവമേ ഇതാരാ ഇത്രയും മൊഞ്ചൻ.. ഉള്ളിൽ ആഞ്ഞു കൂവിയ കോഴിയെ അവൾ അടക്കി നിർത്തി..കഴിച്ചിട്ട് പോകുന്ന ആൾ ആണെന്ന് തോന്നുന്നു.. എന്തോ ഭക്ഷണത്തിന്റെ മണം വരുന്നുണ്ട്.. "നിനക്ക് കണ്ണ് കണ്ടുടെടി ..? സോറി പറയാൻ ആഞ്ഞവൾ ഒരു നിമിഷം നിന്നു.. ടി എന്ന സംബോധന അവൾക്ക് ഇഷ്ടപ്പെട്ടില്ല.. "നിനക്ക് കണ്ണില്ലേടോ.." അതേ നാണയത്തിൽ അവൾ തിരികെ പറഞ്ഞു.. "ഡി..." അവന്റെ ശബ്ദം പരിധിയിൽ കൂടുതൽ ഉറക്കെ ആയി.. "ഓഹ്.!!!!. ചെവിക്കകത്ത് കയറി നിലവിളിക്കുന്നോടാ.. " അവൾ ചെവിയിൽ ഒരു വിരൽ തിരുകി ചോദിച്ചു.. "ഡി ഞാൻ ആരെന്ന് നിനക്ക് അറിയില്ല.. മര്യാദക്ക് സംസാരിക്കണം.." "ഞാൻ ആരെന്നറിയോ നിനക്ക് ? ഇവിടുത്തെ എംഡി എന്റെ ആരെന്ന് അറിയോ? അവൻ ഒരു നിമിഷം അവളെ നോക്കി നിന്നു.. "എം ഡി നിന്റെ ആരാ ..? കുറുകിയ കണ്ണുകളോടെ അവൻ ചോദിച്ചു.. "അത്... അത് ഒരു സീക്രെട് ആണ്.. നിന്നോട് എന്നാലും പറയാം...ഞാൻ കെട്ടാൻ പോകുന്ന ആളാണ് ഇവിടുത്തെ എം ഡി..ചെക്കാ ഞാൻ വിചാരിച്ചാൽ നിന്റെ പണി പോകും .." അവൻ ഒന്നും മിണ്ടാതെ അവളെതന്നെ ഉറ്റു നോക്കി.. "എന്താ നോക്കുന്നെ? ബഹുമാനം തോന്നുന്നുണ്ടോ "ഒരെണ്ണം തരാൻ തോന്നുന്നുണ്ട് ..." "ഏഹ്.. എന്ത്..? "ഒന്നുമില്ല..ഞങ്ങളുടെ സാറിന്റെ ഫിയോൻസെ അല്ലെ.. അതുകൊണ്ട് എന്തെങ്കിലും ഗിഫ്റ്റ് തരാൻ തോന്നുന്നുണ്ട് എന്ന്.." "ആ അങ്ങനെ.. ഓക്കേ.. എന്തായാലും ഞാൻ തന്നോട് ക്ഷമിച്ചു.. തന്റെ പേരെന്താ? "എന്തിനാ? എനിക്കെതിരെ കംപ്ലയിന്റ് കൊടുക്കാൻ ആണോ? സ്വരത്തിൽ അല്പം പേടി കലർത്തി അവൻ... "ഏയ്.. വെറുതെ ചോദിച്ചതാ.." "ദേവ്.." "ഓക്കേ.. ദേവ്.. സോറിയൊന്നും വേണ്ട.. ഞാൻ കുറച്ചു തിരക്ക് ആണ് പെട്ടെന്ന് പോട്ടെ.. രാവിലെ ഏട്ടൻ എന്നെ കണ്ടില്ലേൽ പിന്നെ ആകെ അലമ്പാ... മോർണിംഗ് കിസ്സ് കൊടുക്കണം.. " അവൾ നാണത്തിൽ പറഞ്ഞു കൊണ്ടു തിരിഞ്ഞു നടന്നു.. അവൻ അവളെ ആകെ മൊത്തം നോക്കി തലയാട്ടി .. പൊട്ടൻ തന്നെ.. " അകത്തേക്ക് നടക്കുമ്പോൾ അവൾ ഓർത്തു ചിരിച്ചു.. വെറുതെ ആദ്യ ദിവസം തന്നെ ആരോടും അടി കൂടാൻ വയ്യാ.. എന്നാലും പറഞ്ഞത് മുഴുവൻ വെള്ളം തൊടാതെ വിഴുങ്ങിയല്ലോ 🤭 ◾◾ എംഡിയുടെ റൂമിന് മുന്നിൽ അവൾ നിന്നു..അവളുടെ ക്യാബിനും മറ്റും ഓഫീസ് സ്റ്റാഫ് നേരത്തെ വന്നു കാണിച്ചു കൊടുത്തു.. എല്ലായിടത്തെയും പോലെ അല്ല ഇവിടുത്തെ സമ്പ്രദായം കുറച്ചു വ്യത്യാസം ആണ്..രണ്ട് പേർസണൽ അസിസ്റ്റന്റ്മാർ ഉണ്ട്.. ഓരോ ചുമതലകളും രണ്ട് പേർക്കും ഉണ്ട്..ഇന്റർവ്യൂ സമയത്തും മറ്റുള്ളവരുടെ രീതി അല്ല എംഡിക്ക് എന്ന് പറഞ്ഞിരുന്നു..വാതിലിൽ നോക് ചെയ്തു അവൾ നിന്നു..അകത്തു നിന്നും കം ഇൻ കേട്ട് അവൾ വാതിൽ തുറന്നു അകത്തേക്ക് കയറി..അവിടെ ഈസി ചെയറിൽ ചാരി ഇരിക്കുന്നവനെ കണ്ടവൾ ഞെട്ടി.. താഴെ വച്ചു കണ്ടുമുട്ടിയ അല്ല കൂട്ടി മുട്ടിയവനല്ലേ ആ ഇരിക്കുന്നത്..? അവൾ ആകെ കിളി പറന്ന മട്ടിൽ അന്തം വിട്ട് നിന്നു അവനെ സൂക്ഷിച്ചു നോക്കി.. ഏയ്..അവൻ ഇങ്ങനെ അല്ലല്ലോ.. അവൻ ക്ലീൻ ഷേവും നോട്ടവും ഭാവവും ഒക്കെ വേറെ ആയിരുന്നല്ലോ.. ചെയറിൽ ഇരിക്കുന്നവന് താടി ഉണ്ട്.. എന്തായാലും പത്തു മിനിറ്റിൽ ഇത്രയും താടി ഇമ്പോസിബിൾ..ഒന്നും മനസിലാകാതെ നിന്നവൾ.. അവിടെ നിന്നും ഒരു ശബ്ദം മുഴങ്ങി.. എക്സ്ക്യുസ് മീ.. വാട്ട്‌ യു വാണ്ട്‌..? Sorry sir.. New appointment.. പേഴ്സണൽ അസിസ്റ്റന്റ്.. യാ.. Come in Ms രേണുക.ടേക്ക് എ സീറ്റ്‌....സിവി ഞാൻ കണ്ടിരുന്നു .. അവൾ അവന്റെ മുന്നിലായി ഇരുന്നു.. നോക്കി കൊണ്ടിരുന്ന ഫയൽ അടച്ചു വച്ചു അവൻ അവളെ നോക്കി.. Ms രേണുക.. മറ്റുള്ള ഓഫിസുകളെ പോലെ അല്ല..ഇവിടെ കുറച്ചു വ്യത്യാസം ഉണ്ട്..എനിക്ക് അസിസ്റ്റന്റ് രണ്ട് പേരാണ് വേണ്ടത്....രണ്ട് പേര് എന്നൊരു ഐഡിയ വന്നത് ഒരുപാട് വർക്ക്‌ ഉള്ളത് കൊണ്ടാണ് .. എതു സമയവും വില്ലിംഗ് ആയിരിക്കണം..എന്റെ കൂടെ എപ്പോഴും ഒരു അസിസ്റ്റന്റ് ഉണ്ടാകണം.. ഓക്കെ.. സമ്മതം ആണെങ്കിൽ ഇന്ന് ഫസ്റ്റ് ഡേയാണ് തനിക്കു.. എനിക്ക് പ്രശ്നം ഒന്നുമില്ല സർ..സമ്മതം ആണ്.. Ok..യു മേ ഗോ നൗ..ദീപ്തി ബാക്കി ഡീറ്റെയിൽസ് ഒക്കെ പറയും.ദീപ്തി ആണ് നിലവിലെ എന്റെ ഒരു അസിസ്റ്റന്റ്..... തലയാട്ടി സമ്മതം പറഞ്ഞു എഴുന്നേൽക്കാൻ ആഞ്ഞതും ആരോ ഒരാൾ ഡോർ തുറന്നു അകത്തേക്ക് വന്നു.. നേരത്തെ താഴെവച്ചു കണ്ട അതേ ആൾ.. ദേവ് എന്ന പേര് ഞാൻ ഓർത്തു..ഞാൻ ആകെ പകച്ചിരുന്നു.. What happend dev ..? ഇതുവരെ നീ പോയില്ലേ..? ഇല്ല.. ഒരു കാര്യം പറയാൻ വന്നതാ..ഏട്ടത്തി മോർണിംഗ് കിസ്സ് തന്നോ ഏട്ടന്..? അവൻ ഒരു വല്ലാത്ത ചിരിയോടെ അവളെ നോക്കി.. ആദിയുടെ നെറ്റി ചുളിഞ്ഞു.. വാട്ട്‌ ദി ഹെൽ.. ദേവ് നീ എന്തൊക്കെയാ ഈ പറയുന്നത്..? കസേരയിൽ ഇരുന്നവൻ ചാടി എഴുന്നേറ്റു.. സർവനാഡികളും തളർന്നു രേണുക അവനെ നോക്കി.. ഏട്ടൻ അറിഞ്ഞില്ലേ..?ഏട്ടന്റെ കല്യാണം ഉറപ്പിച്ചല്ലോ പത്തു മിനിറ്റ് മുൻപ്...ആദിഏട്ടന്റെ , ഐ മീൻ കേരളത്തിലെ നമ്പർ വൺ ബിസിനസ്മാനായ ദി വൺ ആൻഡ് ഒൺലി ആദിശേഷന്റെ മാര്യേജ് ഉറപ്പിച്ചു..വൈഫ് ആകാൻ പോകുന്നവൾ ദാ ഈ ഇരിക്കുന്ന ആളാണ് ആദിയുടെ അടുത്തേക്ക് ചെന്നു ദേവ് എന്തോ സ്വകാര്യം പറഞ്ഞു.. പിന്നെ പുറത്തേക്ക് നടന്നു.. പോകുന്നതിനിടയിൽ രേണുകയെ നോക്കി ഒന്ന് കണ്ണ് ചിമ്മാനും അവൻ മറന്നില്ല.. ദേഷ്യം നിറഞ്ഞ കണ്ണുകളോടെ അവൾക്ക് നേരെ തിരിഞ്ഞു ആദി .. അന്ധാളിപ്പോടെ കസേരയിൽ ഇരിക്കുന്ന രേണുകയുടെ അടുത്തേക്ക് പാഞ്ഞു വന്നവൻ... ഒരു കയ്യാൽ അവളെ പിടിച്ചുയർത്തി.. നീ ആരാ..?ആരാ നിന്നെ ഇങ്ങോട്ട് അയച്ചത്? നീ ഇവിടെ വന്നത് എന്ത് ഉദ്ദേശത്തിൽ ആണ് ? രേണുക അവനെ ഒന്നും മനസിലാകാതെ മിഴിച്ചു നോക്കി..അവളുടെ ഇടുപ്പിൽ കൈ കൊണ്ടു ചേർത്തു വലിച്ചവൻ അവളെ തന്നോട് ചേർത്തു നിർത്തി.. സ്വബോധത്തിൽ വന്നു പകച്ചു കുതറുന്നവളെ അവൻ വീണ്ടും തന്നിലേക്കമർത്തി.. ഞാൻ നിന്നെ വെറുതെ വിടുമെന്ന് വിചാരിക്കേണ്ട.. നിന്റെ പുറകിൽ പ്രവർത്തിക്കുന്നവനും നിനക്കും ഞാൻ ഒരു സർപ്രൈസ് തരുന്നുണ്ട്.. അവന്റെ പിടി എങ്ങനെയോ വിടുവിച്ചു മാറി നിന്ന് കിതച്ചവൾ.. കിതപ്പ് ഒന്നടങ്ങിയപ്പോൾ അവൾ അവനോട് ചോദിച്ചു.. സർ എന്തൊക്കെയാ ഈ പറയുന്നത്.. എനിക്കൊന്നും മനസിലായില്ല.. എന്റെ പുറകിൽ ആരുണ്ടെന്ന്..? ഡി.. എന്റെ മുന്നിൽ നീ അഭിനയിക്കല്ലേ.. ഇതിനേക്കാൾ നന്നായി എനിക്ക് അഭിനയിക്കാൻ അറിയാം.. അവൾ പുച്ഛത്തിൽ ചിറി കോട്ടി.. ഓ.. സർ അപ്പോൾ നാടകനടൻ ആയിരിക്കും.. . അവളെ രൂക്ഷമായി നോക്കി കൊണ്ടു അവൻ മുന്നോട്ട് നടന്നു.. പുറകിലോട്ട് അവളും.. അവളുടെ തൊട്ടടുത്തായ് വന്നു നിന്നവൻ.. സാറിന് എന്നോട് എന്തെങ്കിലും പറയാൻ ഉണ്ടെങ്കിൽ കുറച്ചു മാറി നിന്ന് പറഞ്ഞാൽ മതി.. ഇത്ര അടുത്തേക്ക് വരേണ്ട.. അവൻ ചെറുതായി ചിരിച്ചു.. എന്റെ വുഡ് ബി അല്ലെ നീ..? ഞാൻ അടുത്തേക്ക് വന്നാൽ എന്താ പ്രശ്നം ? മോർണിംഗ് കിസ്സ് വേണമല്ലേ നിനക്കിപ്പോൾ .. ഞാൻ തരുന്നുണ്ട് .. ഒരു കുഞ്ഞിനെ എടുക്കുന്ന ലാഘവത്തിൽ അവനവളെ ഉയർത്തിയെടുത്തു..അതേ പടി അവളെ ചുവരിലേക്ക് ചേർത്ത് പിടിച്ചുനിർത്തി അവനും ചേർന്നു നിന്നു.... അവളുടെ മാറിടങ്ങൾ അവന്റെ മുഖത്തായി .. ശ്വാസം അകത്തേക്ക് വലിച്ചവൾ കൂനിക്കൂടി...ഹൃദയമിടിപ്പ് കൂടുന്നുണ്ട്.. അനുവാദം ഇല്ലാതെ ആരെങ്കിലും ദേഹത്തു തൊട്ടാൽ സാധാരണയായി പ്രതികരിക്കുന്ന താനാണ് ഇപ്പൊൾ ഒന്നും മിണ്ടാതെ നിൽക്കുന്നത്.. അവൾ സർവ്വശക്തിയുമെടുത്തു കുതറി... മുഖത്ത് അലതല്ലുന്ന അവളുടെ മൃദുലത അറിഞ്ഞവൻ അവളെ കൂട്ടിപിടിച്ചു താഴേക്ക് നിർത്തി..അവന്റെ അധരങ്ങൾ എന്ത് സംഭവിക്കുന്നു എന്നവൾ മനസിലാകും മുൻപേ അവളുടെ അധരങ്ങളിൽ കൊരുത്തു.. ===================== വിരൽ ഞൊടിക്കുന്ന ശബ്ദം കേട്ട് ഞെട്ടിയുണർന്നവൾ.. കൈ കെട്ടി നിന്നു കുറച്ചു മാറി, അവളെ തന്നെ നോക്കുന്ന ആദി.. അയ്യേ... ഞാനിപ്പോൾ ഉണർന്നിരുന്ന് സ്വപ്നം കാണാൻ തുടങ്ങിയോ..നേരത്തെ കണ്ട സ്വപ്നത്തിൽ അവളുടെ ദേഹം മുഴുവൻ രോമാഞ്ചം തോന്നിപ്പിച്ചു.. "ഇയാൾ എന്താണ് കണ്ണടച്ച് നിന്നും പിറു പിറുക്കുന്നെ... ഞാൻ നേരത്തെ പറഞ്ഞത് പോലെ എന്റെടുത്ത് നിന്നും ഉമ്മ വാങ്ങാൻ ആണോ..?. ആകെ നാണംകെട്ട് തൊലിയുരിഞ്ഞു പോകുന്നത് പോലെ തോന്നിയവൾക്ക്.. ഈ മെയിലുകൾ സ്വപ്നം കണ്ടു തീർന്നെങ്കിൽ അയക്കു.. പിന്നെ ഉച്ചക്ക് ശേഷം ഉള്ള മീറ്റിംഗ് അറേഞ്ച് ചെയ്യണം ഓക്കേ..? ശരി സർ.. അവന്റെ റൂമിൽ നിന്നും അവൾ ഓടുന്നത് പോലെ വെളിയിൽ ചാടി.. രണ്ട് നിമിഷം കിതച്ചു നിന്നവൾ.. എന്തൊക്കെയാ താൻ ചിന്തിച്ചു കൂട്ടിയെ.. ആകെ നാണം കെട്ടു ആ രക്ഷസന്റെ മുന്നിൽ .. സ്വന്തം ക്യാബിനിൽ അവൾ ചെന്നു.. മെയിലുകൾ അയച്ചു തുടങ്ങി.. കുറച്ചു കഴിഞ്ഞതും അവിടെ ഒട്ടാകെ നല്ലൊരു സുഗന്ധം നിറഞ്ഞു.. ഒപ്പം ഹൈഹീൽ ചെരുപ്പിന്റെ ശബ്ദവും.. രേണുക.. തന്റെ പേര് വിളിക്കുന്നത് കേട്ടതും അവൾ തിരിഞ്ഞു നോക്കി..അതി സുന്ദരിയായ നല്ല ഉയരത്തിലുള്ള ഒരു പെണ്ണ്.. ചുമലുകൾ മറച്ചു കിടക്കുന്ന അലകൾ പോലെ മുടിയിഴകൾ.. അതിൽ അങ്ങിങ്ങായി കാണുന്ന ബ്രൗൺ കളർ ചെയ്തിട്ടുണ്ട്.., നീണ്ട വിടർന്ന കണ്ണുകളിൽ കടുപ്പിച്ചു കാജൽ വരച്ചിരിക്കുന്നു..ഷേപ്പ് ഒത്ത ചുണ്ടുകളിൽ കടുത്ത ചുവപ്പ് ചായം തേച്ചിട്ടുണ്ട്.. മോഡലുകളെ പോലെ ഒതുങ്ങിയ വടിവൊത്ത ശരീരം...നേർത്ത ഷിഫോൺ സാരിയിലും സ്ലീവ്ലെസ്സ് ബ്ലോസിലും അവളുടെ സൗന്ദര്യം ജ്വലിച്ചു നിന്നു.. വായും തുറന്നു രേണുക അടിമുടി അവളെ നോക്കി.. രേണുകയുടെ നോട്ടം കണ്ട് അവൾ ചിരിച്ചു.. Hi .. ഞാൻ ദീപ്തി.. ആദിസാറിന്റെ പേർസണൽ അസിസ്റ്റന്റ് ആണ്..പുതിയ ആൾ അല്ലെ .. വരൂ.. മായികവലയത്തിൽ പെട്ടത് പോലെ അവളുടെ പിന്നാലെ രേണുക നടന്നു.. കഫെറ്റേരിയയിൽ ചെന്നു രണ്ട് കോഫി പറഞ്ഞു ദീപ്തി.. പിന്നെ രേണുവിനെ ആകെ മൊത്തം നോക്കിയവൾ.. കുർത്തിയും ജീനും ധരിച്ച ഒരു സാധാരണ പെണ്ണ്.. ചെറിയൊരു മേക്കപ്പ് മുഖത്ത് അല്ലാതെ വേറൊന്നും ഇല്ല.. പൊക്കം കുറഞ്ഞു തടിച്ച പ്രകൃതം..അവളിൽ എടുത്തു പറയത്തക്ക യാതൊരു പ്രത്യേകതയും ദീപ്തി കണ്ടില്ല..ഞാൻ രാവിലെ ഇത്രക്ക് ഇവൾക്ക് വേണ്ടിയാണോ അണിഞ്ഞൊരുങ്ങി വന്നത്.. എനിക്കൊരു എതിരാളിയെ അല്ല ഇവൾ .. രേണുക.. കുറച്ചു അധികം റെസ്ട്രിക്ഷൻസ് ആദിസാറിന് ഉണ്ട്..എന്റെ ഒപ്പം നിന്നോളൂ..എല്ലാം ഒന്നു പരിചയപ്പെടുന്നത് വരെ.. അവൾ തലയാട്ടി.. ഒരു വർഷം ആയതേ ഉള്ളൂ ആദിസാർ രണ്ട് അസിസ്റ്റന്റ് എന്നൊരു സിസ്റ്റം കൊണ്ടു വന്നിട്ട് .. ഈ പൊസിഷനിൽ ആറു പേര് ഇപ്പൊൾ തന്നെ തനിക്ക് മുൻപേ വന്നതാണ്.. ഒന്നും രണ്ടും മാസം ഒക്കെ ആണ് അവരൊക്കെ ഇവിടെ നിന്നത്.. സർവൈവൽ പീരിയഡ് കുറവാണു എല്ലാപേർക്കും .. മൂന്നു വർഷമായി ഞാൻ ഇവിടെ ഉണ്ട്.. എല്ലാത്തിനോടും ഏകദേശം ഒക്കെ പൊരുത്തപ്പെട്ടു.. ഇയാളെ ഞാൻ പേടിപ്പിക്കാൻ വേണ്ടി പറഞ്ഞതല്ല..ബി കെയർഫുൾ.. ആദിസർ .. ഹി ഈസ്‌ റിയലി എ ഡേഞ്ചറസ് മാൻ.. രേണുകക്ക് പേടിയായി.. ആറു പേരൊക്കെ ജോലി കളഞ്ഞിട്ട് പോയെന്ന് പറഞ്ഞാൽ..?അതും ഒരു വർഷത്തിനുള്ളിൽ..ഇയാൾ എന്താ വല്ല രാക്ഷസനും ആണോ? 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://app.aksharathalukal.in/series/48748/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ