#💥 સુરત અપડેટ્સ #સુરત સમાચાર #સુરત #📰 5 ડિસેમ્બર ના સમાચાર #અમે સુરતી ઓડિશામાં ભ્રષ્ટાચાર વિરોધી એજન્સી દ્વારા મોટી કાર્યવાહી કરવામાં આવી છે. કટક સર્કલ માઈન્સ વિભાગના ડેપ્યુટી ડિરેક્ટર દેવબ્રત મોહંતીને 30 હજાર રૂપિયાની લાંચ લેતા ઝડપાયા બાદ વિજિલન્સ ટીમે ભુવનેશ્વર સહિતના અનેક સ્થળોએ દરોડા પાડ્યા હતા. દરોડા દરમિયાન ભુવનેશ્વરના ફ્લેટમાંથી ટ્રોલી બેગ અને કબાટમાં છુપાવી રાખેલા 4 કરોડથી વધુ રોકડ રૂપિયા જપ્ત કરવામાં આવ્યા છે, જેને ઓડિશા વિજિલન્સના ઇતિહાસમાં અત્યાર સુધીની સૌથી મોટી રોકડ જપ્તી માનવામાં આવી રહી છે. અધિકારીઓએ આરોપી સાથે જોડાયેલા અન્ય સ્થળો જેમ કે પાટિયાના શ્રી વિહાર સ્થિત રહેણાંક ફ્લેટ, ભદ્રક જિલ્લામાં આવેલું પૈતૃક ઘર અને કટકમાં આવેલી ઓફિસ ચેમ્બર પર પણ તપાસ હાથ ધરી હતી. તપાસ દરમિયાન ઓફિસના ડ્રોઅર અને અંગત સામાનમાંથી અંદાજે 1.20 લાખ રૂપિયા પણ મળી આવ્યા છે. વિજિલન્સની ટીમને ભુવનેશ્વરના પહલા વિસ્તારમાં લગભગ 2,400 સ્ક્વેર ફૂટની બે માળની ઇમારત તેમજ આશરે 130 ગ્રામ સોનાની પણ માહિતી મળી છે. હાલ સર્ચ ઓપરેશન ચાલુ છે અને તપાસ આગળ વધતા વધુ ગેરકાયદેસર સંપત્તિ સામે આવવાની શક્યતા વ્યક્ત કરવામાં આવી રહી છે. આરોપી અધિકારી સામે ભ્રષ્ટાચાર નિવારણ અધિનિયમ હેઠળ ગુનો નોંધાયો છે. નોંધનીય છે કે આ જપ્તીએ વર્ષ 2022માં ગંજમ જિલ્લાના આસિસ્ટન્ટ એન્જિનિયરના ઘરે મળી આવેલી 3.4 કરોડની રોકડનો અગાઉનો રેકોર્ડ પણ તોડી નાખ્યો છે. #OdishaNews #CorruptionCase #VigilanceRaid #CashSeizure #BreakingNews Odisha vigilance raid, Debabrata Mohanty case, corruption arrest India, cash seizure Bhubaneswar, anti corruption operation Odisha Vigilance Raid: ₹4 Crore Cash Seized From Deputy Director’s Flat in Bhubaneswar