മറ്റൊരു റൊമാന്റിക് നോവൽ ആരംഭിക്കുന്നു രണ്ടു മാസം ചുരുങ്ങിയത് നിങ്ങൾ കൂടെ വേണം മന്ത്രകോടി :പാർട്ട്‌ -1💚🌺 ഈ കല്യാണം നടക്കില്ല ..... അവൻ വർദ്ധിച്ച രോഷത്തോടെ ദേവകിയ്ക്ക് നേരെ ചീറി .... മഹീ ...... അമ്മ എന്തൊക്ക പറഞ്ഞാലും ശെരി ഇത്‌ നടക്കില്ല . എനിക്ക് ഭാമയെ വിവാഹം കഴിക്കാൻ താല്പര്യമില്ല . എന്തുകൊണ്ട് താല്പര്യമില്ലാ... അത് കൂടി പറയ് നീ ...... മഹി ഉത്തരം പറഞ്ഞില്ല . കല്യാണം തീരുമാനിച്ചുറപ്പിച്ചപ്പോഴേ നിന്നോട് ഞാനെല്ലാം പറഞ്ഞതല്ലേ . പരസ്പരം പരിചയപ്പെടാൻ ആ പെൺകുട്ടിയുടെ ഫോൺ നമ്പർ വാങ്ങി തന്നതല്ലേ. അതുവരെ നിനക്ക് ഒരു പ്രശ്നവും എല്ലാരുന്നല്ലോ .എല്ലാം അമ്മയുടെ ഇഷ്ടം പോലെ എന്നല്ലേ നീ പറഞ്ഞത് . എന്നിട്ടിപ്പോവന്ന് വിവാഹം വേണ്ടന്ന് പറഞ്ഞാൽ ...... അല്ലെങ്കിൽ തന്നെ വേണ്ടാന്ന് വയ്ക്കാൻ തക്ക എന്ത് പ്രശ്നമാ നിനക്ക് ഉണ്ടായത് . നിന്റെ ഈ തീരുമാനം കൊണ്ട് എത്രപേരുടെ സന്തോഷവും സ്വപ്നവും അധ്വാനവുമാണ് നീ നശിപ്പിക്കാൻ പോകുന്നതെന്ന് നിനക്കറിയോ നീ ഒറ്റൊരാൾ കാല് മാറുമ്പോൾ വിവാഹത്തിനായി ഒരുങ്ങി ഇറങ്ങുന്ന ബാക്കിയുള്ളവർ എന്താ ചെയ്യേണ്ടത് . എല്ലാം പോട്ടെ നിനക്ക് വേണ്ടി കല്യാണപന്തലിലേക്ക് ഒരുങ്ങി വരുന്ന പെൺകുട്ടി ഇല്ലേ ? അവളോട് എന്ത് സമാധാനം പറയും ? മഹിയുടെ നേർക്ക് അവർ ചോദ്യങ്ങളുടെ കൂരമ്പെറിഞ്ഞു. പക്ഷെ അവനൊന്നിനും ഉത്തരമില്ലായിരുന്നു മഹി ദേഷ്യത്തോടെ അമ്മയ്ക്ക് മുന്നിൽ നിന്നും അകത്തേക്ക് പാഞ്ഞു . അവർ അവൻ പോയ വാതിലിനുള്ളിലേക്ക് കുറച്ച് നേരം നോക്കി നിന്നു ദേവകിയമ്മ മരവിച്ച മനസ്സോടെ ഉമ്മറത്തെ കസേരയിലേയ്ക്കിരുന്നു . ഇന്ന് രാവിലെ മുതൽ തുടങ്ങിയ യുദ്ധമാണ് താനും മഹിയും തമ്മിൽ . അവനീ കല്യാണം വേണ്ടത്രേ . ആദ്യം കേട്ടപ്പോൾ വല്ലാത്തൊരു ഞെട്ടലായിപ്പോയി . കല്യാണത്തിന്റെ ഒരുക്കങ്ങൾ തുടങ്ങിയിട്ട് ഒരു മാസം കഴിഞ്ഞു ഇത്രയും ദിവസം ഒരു പ്രശ്നവുമില്ലാതെ നിന്നവൻ. എല്ലാം അവന്റെ സമ്മതത്തോടെയായിരുന്നു . കല്യാണത്തിന്റെ രണ്ട് മൂന്ന് ദിവസം മുന്നേ നാട്ടിലേക്കു വരൂ എന്ന്‌ പറഞ്ഞവൻ രണ്ട് ദിവസം ബാക്കിനിൽക്കെ വന്ന് വിവാഹത്തിന് സമ്മതമല്ലന്നു പറഞ്ഞാൽ താൻ എന്താണ് ചെയ്യേണ്ടത് . നാട്ടുകാരോടും വീട്ടുകാരോടും എന്ത് പറയും എല്ലാത്തിനു മുപരി അവനെ സ്വപ്നം കാണാനായിപറഞ്ഞ പെൺകുട്ടിയോട് എന്ത് പറയും . ഇത്രയും നാൾ ദേവകിയമ്മ ടീച്ചർ ഉണ്ടാക്കിയെടുത്ത പേരും ബഹുമാനവും എല്ലാം ഈ ഒരു വിഷയത്തോടെ തകരില്ലേ . തന്റെ മകൻ ചെയ്ത തെറ്റിന് എല്ലാവരുടെയും മുന്നിലും തലകുനിക്കേണ്ടി വരില്ലേ ...... ഒരുപാട് പേരുടെ സ്വപ്നം തന്റെ കുടുംബം കാരണം ........ അവരുടെ നെഞ്ചുവിങ്ങി . രണ്ടുനാൾ കഴിഞ്ഞാൽ ബാലചന്ദ്രൻ മെമ്മോറിയൽ ലൈബ്രറിയും മറ്റ് സന്നദ്ധ സങ്കടനകളും കൂടി ചേർന്ന് നടത്തുന്ന സമൂഹവിവാഹമാണ് പാവപ്പെട്ട പത്ത് പെൺകുട്ടികളുടെ കല്യാണമാണ് ഈ പരിപാടിയിലൂടെ നടത്താൻ പോകുന്നത് . ബാലാചന്ദ്രൻ മെമ്മോറിയൽ ലൈബ്രറി തങ്ങളുടേത് തന്നെയാണ് ഭർത്താവിന്റെ മരണശേഷം ജംഗ്ഷനിലുള്ള അഞ്ചു സെന്റിൽ പണികഴിപ്പിച്ച ഒരു ഒറ്റനില .... റോഡിനോട് ചേർന്നാണ് ..... പന്ത്രണ്ട് വർഷമായി അതവിടെ സ്ഥിതിചെയ്യുന്നു . ദേവകിയമ്മ അടുത്തുള്ള up സ്കൂളിലെ ടീച്ചർ ആയിരുന്നു . ഇപ്പോൾ റീട്ടെയ്‌ഡ്‌ ആണ് രണ്ട് ആൺമക്കൾ ഒന്ന് മഹി രണ്ടാമത്തേത് നന്ദൻ മഹി ബാംഗ്ലൂരിൽ ഒരു സ്വകാര്യ കമ്പിനിയിൽ വർക്ക്‌ ചെയ്യുന്നു നന്ദൻ ദേവകിയമ്മ വർക്ക്‌ ചെയ്തിരുന്ന അതേ സ്കൂളിലെ അധ്യാപകനാണിപ്പോ . വർഷങ്ങളോളമുള്ള അധ്യാപിക ജീവിതത്തിൽ നിന്നുതന്നെ എല്ലാവർക്കും വളരെ പ്രിയവും ബഹുമാനവുമാണ് ദേവകിയമ്മയോടും കുടുംബത്തോടും . റിടൈഡ് ആയെങ്കിലും വീട്ടിൽ ഇരിക്കാതെ ഒരു ട്യൂഷൻ സെന്റർ നടത്തുന്നുണ്ട് ദേവകിയമ്മ . അഞ്ചുമുതൽ പത്തുവരെ ഉള്ള കുട്ടികൾക്ക് രാവിലെയും വൈകിട്ടുമായി ക്ലാസ്സ്‌ നടത്തിവരുന്നു . നന്ദനടക്കം ആറേഴ് പേരവിടെ പഠിപ്പിക്കുന്നുണ്ട് . പ്രിൻസിപ്പൽ സ്ഥാനത്തിരുന്ന് എല്ലാം നോക്കിനടത്തുന്നത് ദേവകിയമ്മയാണ് . അവരോടുള്ള വിശ്വസ്ഥയിലും ബഹുമാനത്തിലും അന്നാട്ടിലെ ഒരുപാട് പേര് അവിടെ കുട്ടികളെ ചേർത്തിട്ടുണ്ട് . കാർക്കശ്യവും സ്നേഹവും എല്ലാം ഇടകലർന്നുള്ള ഇടപെടൽ കൊണ്ട് കുട്ടികൾക്ക് പ്രിയമാണ് അവരോട് . ലൈബ്രറി കാര്യങ്ങൾ എല്ലാം നോക്കിനടത്തുന്നത് ഗോപിപിള്ളയാണ് ദേവകിയമ്മയുടെ ഒരകന്ന ബന്ധം . വർഷം തോറും വരുന്ന ബാലചന്ദ്രൻ അനുസ്മരണ ദിവസം എന്നത്തേതും പോലെ കടന്നുപോകട്ടെ എന്നായിരുന്നു ദേവകിയമ്മ ടീച്ചറുടെ അഭിപ്രായം . എന്നാൽ അതൊന്നു വിപുലമായി നടത്തണമെന്ന ലൈബ്രറി ആർട്സ് കമ്മിറ്റിയുടെ അഭിപ്രായത്തിൽ എല്ലാവരും ശെരിവച്ചു . അതിന്റെ കൂടെ തന്നെ മറ്റു രണ്ടു മൂന്ന് സംഘടനകൾ കൂടി ചേർന്ന് ഒരു സമൂഹവിവാഹവും നടത്തണമെന്ന് തീരുമാനങ്ങൾ വന്നു . എല്ലാവരും ദേവകിയമ്മയുടെ അഭിപ്രായത്തിനായി കാത്തു . ഒന്നോർത്താൽ വളരെ നല്ലകാര്യം തന്നെയാണ് . വിവാഹം നടത്താൻ കഴിയാതെ വിഷമിക്കുന്ന പാവപ്പെട്ട വീട്ടിലെ കുട്ടികളെയും അനാഥാലയത്തിലെ കുട്ടികളെയും ഉൾക്കൊള്ളിച്ച് അവർക്കൊരു പുതിയ ജീവിതം നൽകുന്നത് നല്ലോരു തീരുമാനമാണ് അത് അന്നേ ദിവസം നടക്കുമ്പോൾ ഒരു സാംസ്‌കാരിക പ്രവർത്തകനായി പ്രവർത്തിച്ചിരുന്ന അദ്ദേഹത്തിന് കൊടുക്കാൻ കഴിയുന്ന ഏറ്റവും നല്ല ഓർമ്മദിനമാകും . എല്ലാവരും ചേർന്ന് പരുപാടി ഗംഭീരമാക്കണം എന്ന ചർച്ചയിൽ തന്നെയാണ്..... അതിനായി രാവും പകലും ഓരോരുത്തരായി ഓട്ടവും തുടങ്ങി . ആർട്ട്‌ ആൻഡ് സ്പോർട്സ് ഇൽ തന്നെ ഇന്നാട്ടിലെ നല്ലോരു വിഭാഗം ചെറുപ്പക്കാരുണ്ട് .കൂടാതെ നന്ദനും മറ്റെല്ലാ കാര്യങ്ങളും മാറ്റിവച്ചു ഇതിലേക്ക് ശ്രദ്ധ കേന്ദ്രീകരിച്ചുനിൽക്കുകയാണ് . പെണ്ണിന്റെയും ചെർക്കന്റെയും ലിസ്റ്റെടുത്തപ്പോൾ തന്റെ ട്യൂഷൻ സെന്ററിൽ പഠിപ്പിക്കുന്ന ഭാമ എന്ന പെൺകുട്ടിയുടെ പേരിനടുത്തേക്ക് തന്റെ മകന്റെ പേര്‌ കൂടി എഴുതി ചേർത്തു . കണ്ടു നിന്നവരുടെ മനസ്സ് നിറഞ്ഞു . ദേവകിയമ്മ എല്ലാവരെയും നോക്കിയൊന്നു പുഞ്ചിരിച്ചു . എന്റെ ഒരു മകന്റെ വിവാഹം കൂടി നടക്കട്ടെ ഒരു മാതൃകയാകട്ടെ . ചോദിച്ചപ്പോൾ അവനും സമ്മതം . ഭാമ അച്ഛനും അമ്മയും ഇല്ലാത്ത കുട്ടിയാണ് അമ്മാവനും അമ്മായിയുമാണ് അവളെ നോക്കി വളർത്തുന്നത് . തന്റെ ട്യൂഷൻ സെന്ററിൽ പഠിപ്പിക്കുന്നത് കൊണ്ട് തന്നെ വളരെ പരിചയമാണ് അവളെ നല്ലകുട്ടിയാണ് . തനിക്കൊരു മകളുണ്ടായിരുന്നെങ്കിലെന്ന് അവളെ കാണുമ്പോൾ പലപ്പോഴും ആഗ്രഹിച്ചു പോയിട്ടുണ്ട് . ഓരോന്ന് ആലോചിച്ച് മനസ്സ് മറ്റൊരു ദിശയിലേക്ക് പോയപ്പോഴാണ് മഹി ഒരു ബാഗുമായി ഇറങ്ങി വരുന്നത് കണ്ടത് നിമി നേരം കൊണ്ട് അവരുടെ കണ്ണുകൾ നിറഞ്ഞു . അവൻ തിരിഞ്ഞ് ഒരു നിമിഷം അമ്മയെ നോക്കി ...... ശേഷം ഉമ്മറത്ത് നിന്നും പടികളിറങ്ങി മുറ്റത്തേക്ക് നടന്നു . അവൻ പോകുന്നത് നിറഞ്ഞ കണ്ണാലെ അവർ നോക്കിയിരുന്നു . തിരിച്ചു വിളിക്കാൻ ആ അമ്മയുടെ നാവുയർന്നില്ല . തന്റെ വാക്കവന് ഇത്രയേ ഉണ്ടായിരുന്നുള്ളൂ എന്ന് ആലോചിച്ചപ്പോൾ അവരുടെ നെഞ്ചുവിങ്ങി..... കുറച്ച് സമയം കഴിഞ്ഞതും നീണ്ട മുറ്റത്തെ ചെമ്പരത്തി വേലിക്കരികിലൂടെ വീടിലേക്ക്‌ വരുന്ന നന്ദന്റെ ബുള്ളറ്റിന്റെ ശബ്ദം കേട്ടു കൊണ്ടാണ് ദേവകിയമ്മ ചിന്തയിൽ നിന്നുണർന്നത് . വണ്ടിയിൽ നിന്നിറങ്ങി പടിക്കെട്ട് കയറിയതും ഉമ്മറത്തെ കൈതിണ്ണയിൽ ഭിത്തിയോട് ചേർന്ന് ചാരിയിരിക്കുന്ന അമ്മയെ കണ്ട് അവൻ അമ്മയ്ക്കടുത്തേക്കു വന്നു . താൻ വന്നിട്ടും അതൊന്നും അറിയാതെ ഈ ലോകത്തല്ലെന്നപോലുള്ള അമ്മയുടെ ഇരിപ്പ് കണ്ടതും അവൻ അമ്മക്കടുത്തേക്ക് ചെന്നു . എന്തുപറ്റി അമ്മേ എന്താ ഇങ്ങനെയിരിക്കുന്നെ അമ്മയുടെ കണ്ണുനീർ പടർന്ന കണ്ണുകളും മുഖവും കണ്ട് ഒരു ആശങ്കയോടെ അവൻ ചോദിച്ച് അമ്മയ്ക്കരികിലേക്ക് ഇരുന്നു . അവരൊരു ഒരു വിങ്ങലോടെ അവന്റെ നെഞ്ചിലേക്ക് ചാഞ്ഞു . മഹി .......മഹി പോയി ..... എന്റെ വാക്ക് കേൾക്കാതെ ഇവിടുന്ന് ഇറങ്ങിപ്പോയി ....... പെട്ടന്നുള്ള അമ്മയുടെ പൊട്ടിക്കരച്ചിൽ കണ്ടതും അവൻ പതറിപ്പോയി ... കൂടാതെ മഹി പോയന്നുള്ള വാർത്തയും . മഹി ......മഹിയെട്ടൻ എവിടെ പോയെന്ന അവൻ നെറ്റി ചുളിച്ചു അറിയില്ല. അവന് ഈ വിവാഹത്തിന് സമ്മതമല്ലന്ന് . സമ്മതമല്ലെന്നോ ??? നന്ദൻ ഞെട്ടലോടെ അമ്മയെ നോക്കി ..... രാവിലെ മുതൽ ഉണ്ടായ പ്രശ്നങ്ങളെല്ലാ അവർ നന്ദനോട് പറഞ്ഞു . ഏട്ടനോട് ചോദിച്ചിട്ടല്ലേ ഇതുറപ്പിച്ചത് . ഇപ്പോ സമ്മതമല്ലെന്നു പറഞ്ഞാൽ ...... ഇനി രണ്ടുദിവസം തികച്ചുണ്ടോ വിവാഹത്തിന് . ഈ അവസാനനിമിഷത്തിൽ ഇങ്ങനെ പറഞ്ഞാൽ നമ്മളെന്താ ചെയ്യാ നന്ദൻ അമ്മയെ നോക്കി . അവർ നന്ദന്റ നെഞ്ചിൽ നിന്നും മുഖമുയർത്തി . എനിക്കറിയില്ല നന്ദ അവന് എന്തുപറ്റിയെന്ന് ...... നമ്മളെല്ലാവരോടും എന്ത് സമാധാനം പറയും? ആ പെൺകുട്ടിയോട് എന്തുപറയും ? ആലോജിച്ചിട്ട് എനിക്കൊരു വഴിയും കിട്ടുന്നില്ല . അമ്മ വിഷമിക്കാതെ മഹിയെട്ടനെ ഞാൻ വിളിച്ചുനോക്കട്ടെ . അവൻ ഫോൺ എടുത്ത് മഹിയെ വിളിച്ചുനോക്കി മറുപുറത് നിന്നും സുച് ഓഫ്‌ എന്ന് കേട്ടതും നന്ദൻ വീണ്ടും വീണ്ടും വിളിച്ചു നോക്കി എന്ത് ചെയ്യണമെന്ന് അവനൊരു പിടിയും കിട്ടുന്നുണ്ടായിരുന്നില്ല . ഏട്ടൻ ഇങ്ങനെ കാണിക്കുമെന്ന് സ്വപ്നത്തിൽ പോലും കരുതിയിരുന്നില്ല . ഇനി രണ്ടു ദിവസമേയുള്ളൂ കല്യാണത്തിന് നാട്ടിലുള്ള എല്ലാവരും ചേർന്ന് നടത്താൻ പോകുന്ന സമൂഹവിവാഹം അതും അച്ഛന്റെ ഓർമ്മ ദിവസം ഏട്ടൻ കാരണം അത് നടക്കാതെ പോയാൽ ...... അവൻ അമ്മയെ നോക്കി ഇപ്പോഴും അതേ ഇരുപ്പാണ് . അവൻ പെട്ടന്ന് പുറത്തേക്കിറങ്ങി വണ്ടിയിലേക്ക് കയറി ഏട്ടൻ അധിക ദൂരമൊന്നും പോയിട്ടുണ്ടാവില്ലെന്ന് അവന്റെ മനസ്സ് പറയുന്ന പോലെ . 🌼🌼🌼🌼🌼🌼🌼🌼 മഹി അപ്പോഴേക്കും കവലയിൽ നിന്ന് ബസ്സ് കയറിയിരുന്നു . അവന്റെ മനസ്സാകെ അസ്സൊസ്ഥമായിരുന്നു എത്രയും പെട്ടന്ന് തിരിച്ചുപോയാൽ മതിയെന്നുള്ള ചിന്തയായിരുന്നു അവന് . ആ നിമിഷം കുടുംബത്തെയും അമ്മയെയും സഹോദരനെയും അവൻ കാരണം ഉണ്ടാകാൻ പോകുന്ന പ്രശ്നങ്ങളേയും എല്ലാമവൻ സ്വയം മറന്നു . തുടരും .🌺💚 പുതിയകഥയാണേ ..... വായിച്ച് അഭിപ്രായങ്ങൾ അറിയിക്കണേ കണ്ണൂർകാരൻ ❤️❤️❤️❤️ #📔 കഥ #📚 ട്വിസ്റ്റ് കഥകൾ #📙 നോവൽ #✍ തുടർക്കഥ #💞 പ്രണയകഥകൾ .