తెలంగాణ రాష్ట్ర 4వ పోలీస్ గేమ్స్ మరియు స్పోర్ట్స్ మీట్‌లో జిల్లా పోలీసుల మెరుగైన ప్రతిభ13 పతకాలతో జిల్లాకు గౌరవం క్రీడాస్ఫూర్తితో జాతీయ స్థాయిలో రాణించాలని ఎస్పీ డి.జానకి పిలుపు సైబరాబాద్ కమిషనరేట్ వేదికగా నిర్వహించిన తెలంగాణ రాష్ట్ర 4వ పోలీస్ స్పోర్ట్స్ మరియు గేమ్స్ మీట్‌లో జిల్లా పోలీసు క్రీడాకారులు విశేష ప్రతిభ కనబరిచి మొత్తం 13 పతకాలు (02 గోల్డ్, 03 రజతం, 08 కాంస్యం) సాధించేరని జిల్లా ఎస్పీ డి.జానకి, ఐపీఎస్ గారు సంతోషం వ్యక్తం చేశారు. ఎస్పీ కార్యాలయం నందు నిర్వహించిన కార్యక్రమంలో విజేతలకు ప్రశంసాపత్రాలు అందజేస్తూ ఎస్పీ మాట్లాడుతూ క్రీడలు శారీరక దృఢత్వంతో పాటు మానసిక స్థైర్యాన్ని పెంపొందిస్తాయని తెలిపారు. గెలుపోటములు సహజమని, విజేతలు జాతీయ స్థాయిలో మరింత ప్రతిభ కనబరచాలని, ఓటమి చెందిన వారు నిరాశ చెందకుండా తమ లోపాలను సరిదిద్దుకొని మరింత కృషితో ముందుకు సాగాలని సూచించారు. జిల్లాకు కీర్తి తీసుకువచ్చిన క్రీడాకారులందరినీ ప్రత్యేకంగా అభినందించారు. పతక విజేతలు మహిళల ఆర్మ్స్ రెజ్లింగ్ & వెయిట్ లిఫ్టింగ్‌లో గోల్డ్ మెడల్ – అడ్డకల్ పోలీస్ స్టేషన్ మహిళా పీసీ 2405 రాధిక. బ్యాడ్మింటన్ 55+ ఏజ్ గ్రూప్ సింగిల్స్ & డబుల్స్ – టూ టౌన్ పీఎస్ హెడ్ కానిస్టేబుల్ 1532 శేఖర్. బ్యాడ్మింటన్ 55+ డబుల్స్ – ఏఆర్ హెచ్‌సీ 2128 పురేందర్. బాడీ బిల్డింగ్ 90+లో సిల్వర్ & లాన్ టెన్నిస్‌లో బ్రోంజ్ – ఏఆర్ హెచ్‌సీ 373 ఇమ్రాన్. స్విమ్మింగ్ 200 మీటర్స్ ఫ్రీ స్టైల్‌లో సిల్వర్, 200 మీటర్స్ ఇండివిడ్యువల్ & 100 మీటర్స్ బటర్‌ఫ్లైలో బ్రోంజ్ – ఏఆర్‌పీసీ 2758 బిక్షం. స్విమ్మింగ్ బ్రెస్ట్ స్ట్రోక్‌లో బ్రోంజ్ – ఏఆర్‌పీసీ 525 నర్సింహారెడ్డి. బాక్సింగ్‌లో బ్రోంజ్ – ఏఆర్‌పీసీ 2908 రఘునాయక్. టీమ్ ఈవెంట్‌లో బ్రోంజ్ – పీసీ 93 విష్ణువర్ధన్ రెడ్డి, భూత్పూర్ పీఎస్. ఈ కార్యక్రమంలో అదనపు ఎస్పీ ఎన్.బి. రత్నం, ఏఆర్ అదనపు ఎస్పీ సురేష్ కుమార్, DCRB DSP రమణా రెడ్డి, ఆర్‌ఐలు కృష్ణయ్య, నగేష్, అశోక్ కుమార్, వన్ టౌన్ ఇన్స్పెక్టర్ అప్పయ్య తదితర సిబ్బంది పాల్గొన్నారు. జిల్లా పోలీస్ సిబ్బంది క్రీడల్లో చురుకుగా పాల్గొని శారీరక దృఢత్వం, క్రమశిక్షణ, జట్టు భావనను పెంపొందించుకోవాలని ఎస్పీ గారు ఆకాంక్షించారు. #MahabubnagarPolice #📰 వార్తలు