#અમે સુરતી #💥 સુરત અપડેટ્સ #📰 5 ડિસેમ્બર ના સમાચાર #સુરત સમાચાર #સુરત સુરતના ડિંડોલી વિસ્તારમાં આવેલી એક હોટલમાં 28 વર્ષીય યુવકનું શંકાસ્પદ સંજોગોમાં મોત થતા ચકચાર મચી ગઈ છે. પર્વત પાટિયા વિસ્તારમાં રહેતા અને ફરસાણના વ્યવસાય સાથે જોડાયેલા વિનેશ પટેલ પોતાની પ્રેમિકા સાથે જી-નાઈન કોમ્પ્લેક્સમાં આવેલી “ધ વેલેન્ટાઈન” હોટેલમાં ગયા હતા.
મળતી માહિતી મુજબ બપોરે અંદાજે 3:30 વાગ્યાના અરસામાં હોટલના રૂમમાં અચાનક વિનેશની તબિયત બગડી હતી. પ્રેમિકાના જણાવ્યા મુજબ વિનેશના મોઢામાંથી ફીણ નીકળવા લાગ્યા અને તે અચાનક જમીન પર ઢળી પડ્યો હતો. આ ઘટનાથી ગભરાઈ ગયેલી યુવતીએ તરત જ વિનેશના ભાઈ સમીરને ફોન કરીને જાણ કરી હતી.
થોડી જ વારમાં ભાઈ સમીર અને 108 એમ્બ્યુલન્સની ટીમ હોટલ પર પહોંચી હતી, પરંતુ પેરામેડિકલ સ્ટાફે તપાસ કરતા વિનેશના શરીરમાં કોઈ પ્રતિક્રિયા જોવા મળી નહોતી અને તેને મૃત જાહેર કરવામાં આવ્યો હતો. ત્યારબાદ મૃતદેહને પોસ્ટમોર્ટમ માટે સુરતની નવી સિવિલ હોસ્પિટલ ખસેડવામાં આવ્યો હતો.
પ્રાથમિક તપાસમાં સામે આવ્યું છે કે વિનેશ અને યુવતી છેલ્લા ત્રણ વર્ષથી પ્રેમસંબંધમાં હતા અને બંને લગ્ન કરવા માંગતા હતા, પરંતુ પરિવારજનો આ સંબંધ માટે સંમત નહોતા. હાલ ડિંડોલી પોલીસે અકસ્માતે મોતનો ગુનો નોંધી તપાસ શરૂ કરી છે. પોલીસના જણાવ્યા મુજબ યુવકને ‘ખેંચ’ આવવાના કારણે મોત થયું હોવાની શક્યતા છે, પરંતુ પોસ્ટમોર્ટમ રિપોર્ટ આવ્યા બાદ જ સાચું કારણ બહાર આવશે.
#SuratNews #Dindoli #MysteryDeath #SuratBreaking #LocalNews
Surat hotel death | Dindoli hotel incident | Vinesh Patel death | Surat mystery case | Valentine hotel Surat
Surat Dindoli Hotel Mystery Death: Youth Dies Suddenly While With Girlfriend
