ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6g05V5x?d=n&ui=v64j8rk&e1=c💞ദേവനന്ദിനി..... Part 32💞 കോളേജിൽ രുദ്രനും ഗൗരിയും സ്ഥിരമായി കാണുന്നിടത്ത് അവരെ കാത്തു നിൽക്കുകയാണ് ജിജോയും രേഷ്മയും. രുദ്രൻ ജിജോയെയും ഗൗരി രേഷ്മയെയും വിളിച്ചു വരുത്തിയിരിക്കുകയാണ് അവിടെക്ക്…. "രേഷ്മേ….രാവിലെ തന്നെ ഫസ്റ്റ് അവർ കട്ട്‌ ചെയ്യുവാണെന്നും എന്റെ ബൈക്ക് എടുക്കുന്നു എന്നും പറഞ്ഞിരുന്നു രുദ്രൻ. എന്തിനാണെന്ന് പറഞ്ഞില്ല. കുറച്ചു മുൻപ് എന്നോട് ഇങ്ങോട്ട് വരാനും പറഞ്ഞു. എന്താണാവോ… ആട്ടെ ഗൗരിയെവിടെ"…..രുദ്രനെ കാത്തിരിക്കുമ്പോൾ ജിജോ രേഷ്മയോട് ചോദിച്ചു….. "അപ്പോൾ ജിജോചേട്ടൻ ഒന്നുമറിഞ്ഞില്ലേ…..നിങ്ങടെ ചങ്ങാതി പരമശിവൻ ഇങ്ങോട്ട് വന്നു അങ്ങേരുടെ പാർവതിയെയും കൊണ്ട് എങ്ങോട്ടോ പോയിട്ടുണ്ട് ചേട്ടന്റെ ബൈക്കിൽ. ചോദിച്ചപ്പോൾ കൈലാസത്തിലോട്ടാണെന്ന ശിവൻ പറഞ്ഞത് "…..രേഷ്മയൊരു ചിരിയോടെ മറുപടി പറഞ്ഞു…. "അപ്പോൾ അതാണ് കാര്യം…. എന്താവും ഇനി "…. (ജിജോ) "എന്താവാൻ ചേട്ടാ….രണ്ടും ജാക്കും റോസുമായി വരുന്നത് കാണാം. രണ്ട് പേർക്കും തമ്മിൽ ഇഷ്ടമാ പക്ഷെ പറയാൻ ഒരു വിമ്മിഷ്ടം "….രേഷ്മ മറുപടി നൽകി… "എന്തായാലും കൊള്ളാം….ഇന്ന് രണ്ടിനേം കൊണ്ട് ചെലവ് ചെയ്യിപ്പിച്ചേ മതിയാകൂ….." ജിജോ രേഷ്മയോട് പറഞ്ഞു… "അത് പിന്നെ പറയാനുണ്ടോ ചേട്ടാ…..ഇന്ന് അവരെ മുടിപ്പിച്ചിട്ട് തന്നെ കാര്യം "…. രേഷ്മ മറുപടി നൽകി… അല്പ സമയം കഴിഞ്ഞപ്പോൾ രുദ്രനും ഗൗരിയും നടന്നു വരുന്നത് കണ്ടു. ഗൗരി രുദ്രന്റെ ഇടം കയ്യിൽ തൂങ്ങിക്കൊണ്ടാണ് നടക്കുന്നത്. അവർ വരുന്നത് ആമോദത്തോടെ നോക്കി നിന്നു ജിജോയും രേഷ്മയും…. ജിജോയുടെയും രേഷ്മയുടെയും അടുത്തെത്തിയതും അരുണാഭയണിഞ്ഞ മുഖത്തോടെ ഗൗരി രുദ്രന്റെ കയ്യിൽ പിടിച്ചു നിന്നു…. "അപ്പൊൾ ശിവനും പാർവതിയും കൈലാസത്തിൽ നിന്നും തിരിച്ചു വന്നല്ലേ… എന്തേ എന്റെ ഗൗരിക്കുട്ടിയുടെ മുഖത്തൊരു നാണം "….. രേഷ്മയൊരു കള്ളച്ചിരിയോടെ ചോദിച്ചു…. "ശിവനും പാർവതിയും കൈലാസത്തിൽ പോയതൊക്കെ കൊള്ളാം…. പക്ഷെ നിങ്ങൾ നന്ദികേശൻ ആക്കിയ എന്റെ സ്വന്തം വണ്ടിയ്ക്ക് എന്തെങ്കിലും തിന്നാൻ കൊടുക്കുന്നത് ഓർമ വേണം…." "അങ്ങനെ ഇത് വരെ ഉള്ളിൽ കൊണ്ട് നടന്നത് ഇന്ന് പരസ്പരം പറഞ്ഞങ്ങട് അല്ലെ രുദ്രാ "…. ജിജോ ചിരിയോടെ തന്നെ ചോദിച്ചു. രുദ്രൻ പുഞ്ചിരിയോടെ അതേയെന്ന് തലയാട്ടി… "ഇന്ന് നിങ്ങടെ ചെലവാണ് മക്കളെ… കാന്റീനിൽ നിന്നും വേണ്ട….പുറത്തുന്നു മതി"…. ജിജോ രണ്ട് പേരോടുമായി പറഞ്ഞു… "എന്നാലും ഭരണിപാട്ട് കേട്ടിട്ട് ഒരാളോട് ഇഷ്ടം തോന്നുന്നത് ലോകത്തെ ആദ്യത്തെ സംഭവമായിരിക്കും "…. രേഷ്മ കളിയാക്കിച്ചിരിച്ചു കൊണ്ട് പറഞ്ഞു… ജിജോയും അത് കേട്ടു പൊട്ടിച്ചിരിച്ചു… "ദേവേട്ടൻ അന്ന് അങ്ങനെ പറഞ്ഞെങ്കിലും അത് തെറ്റാണെന്ന് കണ്ടു സ്വയം തിരുത്തി. ദേവേട്ടന്റെ വ്യക്തിത്വത്തെയാ ഞാനിഷ്ടപ്പെട്ടത്… കേട്ടോടീ കഴുതേ"…. ഗൗരി രേഷ്മയുടെ നേരെ നോക്കി കണ്ണുരുട്ടിക്കൊണ്ട് പറഞ്ഞു… "സാരമില്ല നന്ദു….വിട്ടുകള"… രുദ്രൻ ഗൗരിയോട് പറഞ്ഞു… "ജിജോ ചേട്ടാ… കണ്ടോ കണ്ടോ… രുദ്രൻ ചേട്ടനെ പറഞ്ഞത് ഇഷ്ടപ്പെട്ടില്ല "…. രേഷ്മ ജിജോയോട് പറഞ്ഞു… "നിക്ക് നിക്ക്… രുദ്രനിപ്പോൾ നന്ദു എന്നൊക്കെ പറഞ്ഞല്ലോ ഇപ്പോൾ "… ജിജോ ഒന്നഭുതം കൂറി… "അപ്പോൾ ജിജോ ചേട്ടൻ അതൊന്നും അറിഞ്ഞില്ലേ… ഇപ്പോൾ ഇവര് തമ്മിൽ പരസ്പരം ദേവേട്ടനും നന്ദുമോളുമാ… ദേവേട്ടൻ എന്ന് എന്നോട് വിളിച്ചു പോകരുതെന്ന് ഗൗരിക്കുട്ടിയുടെ സ്ട്രിക്ട് ഓർഡർ ഉണ്ട് "….. രേഷ്മ ഗൗരിയെ കളിയാക്കി… ഗൗരി രേഷ്മയെ നോക്കി കണ്ണുരുട്ടി…. "ഇതൊക്കെ എപ്പോ "…. ജിജോ അത്ഭുതത്തോടെ തന്നെ രുദ്രനെ നോക്കി… "അതൊക്കെ സംഭവിച്ചു അളിയാ"….രുദ്രനൊരു ചമ്മിയ ചിരിയോടെ പറഞ്ഞു…. "കൊള്ളാം….ഭരണിപ്പാട്ട് പാടി നടന്ന നിന്റെയുള്ളിൽ ഒരു പഞ്ചാരക്കുട്ടനുറങ്ങിക്കിടപ്പുണ്ടെന്നു ഞാനറിഞ്ഞില്ലെടാ "…. ജിജോ രുദ്രനെ കളിയാക്കി…. "അപ്പോൾ ശിവനും പാർവതിയും ഞങ്ങൾക്ക് നല്ലൊരു ട്രീറ്റ്‌ തന്നെ ഇപ്പോ തന്നെ"… (രേഷ്മ) "ഇപ്പോൾ തന്നെ വേണോ "…. (രുദ്രൻ) "അതെന്താടാ ഇപ്പോൾ തന്നാൽ….ഇപ്പോഴാവുമ്പോഴേ അതിനൊരു ചൂടുണ്ടാവൂ "…. (ജിജോ) "ആയിക്കോട്ടെ ജിജോ ചേട്ടാ… നമുക്കിപ്പോൾ തന്നെ പോകാം "… ഗൗരി പറഞ്ഞു…. 🌸🌸🌸🌸🌸🌸🌸🌸🌸🌸🌸🌸🌸🌸🌸 കോലഞ്ചേരി ടൗണിലെ പ്രശസ്തമായ ഹോട്ടലിലെ ഫാമിലി റൂമിൽ രുദ്രന്റെയും ഗൗരിയുടെയും എതിർവശത്തായി ജിജോയും രേഷ്മയും ഇരുന്നു. ഈ ഹോട്ടലിലെ ബിരിയാണിയാണ് സ്പെഷ്യൽ ഐറ്റം…. ബിരിയാണി കൂടാതെ ഒരു മൂന്നാലു ഡിഷുകൾ ജിജോയും രേഷ്മയും ഓർഡർ ചെയ്തപ്പോൾ രുദ്രൻ പറഞ്ഞു… "അളിയാ… അവസാനം ഞാനിവിടെ അരിയാട്ടി കൊടുക്കേണ്ടി വരുമോ…." "രുദ്രൻ ചേട്ടനെന്തിനാ അരിയാട്ടി കൊടുക്കുന്നത്. ഒരു കോടീശ്വരിയല്ലേ കൂടെയുള്ളത് "…. രേഷ്മ ഗൗരിയെ നോക്കിക്കൊണ്ട് പറഞ്ഞു… ഗൗരിയവളെ നോക്കി കണ്ണുരുട്ടിക്കൊണ്ടിരുന്നു… "രേഷ്മേ…നീയും ഏതെങ്കിലും ഒരുത്തന്റെ നെഞ്ചത്തോട്ട് ഇടിച്ചു കയറി ഒരു ലൈൻ സെറ്റാക്ക്… ആ ട്രീറ്റും നമുക്കിവിടുന്നാക്കാം"…. ജിജോ ചിരിച്ചു കൊണ്ട് രേഷ്മയോട് പറഞ്ഞു…. "അയ്യോ… വേണ്ടായേ…. രുദ്രൻ ചേട്ടനെ പോലെ ഭരണിപ്പാട്ടിൽ ഡോക്ടറേറ്റ് നേടിയ വല്ലവനുമാണെങ്കിൽ എനിയ്ക്ക് താങ്ങാൻ കഴിയില്ല "….. രേഷ്മയതും പറഞ്ഞു രുദ്രനെ നോക്കി കളിയാക്കിച്ചിരിച്ചു…. "ദേവേട്ടനാ ദിവസത്തിനു ശേഷം ആരെയും ഒന്നും വിളിച്ചിട്ടില്ലല്ലോ...മതി അതും പറഞ്ഞു ദേവേട്ടനെ താങ്ങിയത് "…. ഗൗരിയൊന്നു ചൊടിച്ചുകൊണ്ട് രേഷ്മയോട് പറഞ്ഞു…. "ഗൗരിക്കുട്ടിയ്ക്ക് നൊന്തു…. രുദ്രൻ ചേട്ടനെ പറഞ്ഞപ്പോൾ "…. രേഷ്മ പൊട്ടിച്ചിരിച്ചുകൊണ്ട് പറഞ്ഞു… "അവള് പറഞ്ഞോട്ടെ നന്ദു…. ഇവര് രണ്ട് പേരും നമ്മുടെ ചങ്കുകളല്ലേ…. പിന്നെ രേഷ്മ പറഞ്ഞതിൽ ശരികേടൊന്നുമില്ലല്ലോ…." രുദ്രൻ ഗൗരിയെ ആശ്വസിപ്പിച്ചു കൊണ്ട് പറഞ്ഞു…. "അങ്ങനെയെങ്കിൽ അങ്ങനെ "…. ഗൗരി രുദ്രന്റെ കയ്യും പിടിച്ചു അവന്റെ തോളിലേക്ക് ചാഞ്ഞു കൊണ്ട് പുഞ്ചിരിയോടെ പറഞ്ഞു…. അപ്പോഴേക്കും ഭക്ഷണം വന്നപ്പോൾ അവർ കഴിയ്ക്കാൻ ആരംഭിച്ചു….. "അപ്പോൾ രുദ്രാ… നിന്റെ ഉത്തരവാദിത്തങ്ങൾ കൂടി… ഇനിയൊരു കാരണവശാലും പഠിത്തത്തിൽ പിന്നോട്ട് പോകാൻ പറ്റില്ല "…. ജിജോ രുദ്രനോട് പറഞ്ഞു….. "അത് ശരിയാണ്… പഠിച്ചു ഒരു ജോബ് നേടിയിട്ട് വേണം എനിയ്ക്ക് ദേവേട്ടന്റെ കൂടെ ഇറങ്ങിപ്പോരാൻ… അതോണ്ട് മോനിനി പഠിത്തത്തിൽ കൂടുതൽ ശ്രദ്ധിച്ചേ പറ്റൂ….." ഗൗരി ജിജോ പറഞ്ഞതിനെ ശരി വച്ചു… പരസ്പരം കളിയാക്കിക്കൊണ്ടും മറ്റും അവർ അവിടെ ഭക്ഷണം കഴിച്ചു കൊണ്ട് സമയം ചിലവഴിച്ചു… 🌸🌸🌸🌸🌸🌸🌸🌸🌸🌸🌸🌸🌸🌸🌸 പിന്നീടുള്ള ദിവസങ്ങൾ രുദ്രന്റെയും ഗൗരിയുടെയും പ്രണയകാലമായിരുന്നു. സ്ഥിരം അവർ കണ്ടുമുട്ടുന്ന സ്ഥലവും, കോളേജ് ഗ്രൗണ്ടും മറ്റും അവരുടെ പ്രണയത്തിനു സാക്ഷികളായി. രുദ്രൻ അവന്റെ നന്ദുവിന് വേണ്ടി അവളോടുള്ള പ്രണയം തുളുമ്പുന്ന വരികൾ എഴുതിക്കൊണ്ടിരുന്നു…. ഒരിക്കൽ ഗ്രൗണ്ടിന്റെ കുറച്ചു ദൂരെയായി ഒരു മരത്തിന്റെ ചുവട്ടിൽ ഗൗരിയെ നെഞ്ചോട് ചേർത്തു പിടിച്ചിരുന്നു കൊണ്ട് രുദ്രൻ എന്തോ ആലോചിച്ചിരുന്നു…. "ദേവേട്ടാ….. എന്താ ആലോചിച്ചോണ്ടിരിക്കുന്നത്…" "ഏയ്‌…ഒന്നുമില്ല നന്ദു… അന്ന് ഈ നെഞ്ചിലോട്ട് ഇടിച്ചു കയറിയ പെണ്ണിനെ ഇന്ന് നെഞ്ചോട് ചേർത്തു പിടിച്ചിരിക്കുന്നു. അതോർത്തതാ…" "ഈ നെഞ്ച് അങ്ങനെ ആർക്കും കൊടുക്കണ്ട….ഇതെനിക്ക് മാത്രമുള്ളതാ…." തന്റെ പൂവിരലുകളാൽ അവന്റെ നെഞ്ചിൽ വരച്ചു കൊണ്ട് ഗൗരി പറഞ്ഞു…. "നന്ദു…. ചിലപ്പോൾ ഞാനോർക്കും എനിക്ക് നിന്നെ പോലെയൊരു കുട്ടിയെ ആഗ്രഹിക്കാനുള്ള അർഹതയുണ്ടോന്നു…." "അതെന്താ അങ്ങനെ തോന്നാൻ. ഞാൻ ദേവേട്ടന്റെ ചുറ്റുപാടും മറ്റുമല്ല ഇഷ്ടപ്പെട്ടത്. ദേവേട്ടനെയാ…." "എന്നാലും….." "ഒരെന്നാലുമില്ല… ദേവേട്ടന് എന്നോടുള്ള സ്നേഹം സത്യമല്ലേ…." "നൂറു ശതമാനം…അത് മാത്രമേ നിനക്ക് തരാനായി എന്റെ പക്കലുള്ളൂ…" "എന്റെ സ്നേഹം സത്യമല്ല എന്ന് ദേവേട്ടന് തോന്നിയിട്ടുണ്ടോ…" രുദ്രൻ ഇല്ലെന്നു തലയാട്ടി… "എന്നാൽ നേരത്തെ പറഞ്ഞ പോലെ ചിന്തിക്കുകയേ വേണ്ട….എന്നെ എന്നും ഇത് പോലെ പൊതിഞ്ഞു പിടിക്കാൻ ദേവേട്ടൻ കാണുമെന്നു ഞാനുറച്ചു വിശ്വസിക്കുന്നു….അത് കൊണ്ട് വെറുതെ കോംപ്ലക്സ് കൊണ്ട് നടക്കേണ്ട…കേട്ടോടാ ഭരണീ "….. ഗൗരി മുഖം കൂർപ്പിച്ചു.. "ഇല്ല… ഇനിയങ്ങനെ ചിന്തിക്കില്ല…പോരെ.." അവനവളുടെ നെറ്റിയിൽ ചുണ്ടുകളമർത്തി… 🌸🌸🌸🌸🌸🌸🌸🌸🌸🌸🌸🌸🌸🌸🌸 ദിവസങ്ങൾ കടന്നു പോയി. പി ജി കാർക്ക് സ്റ്റഡി ലീവ് തുടങ്ങി. രുദ്രനെ സംബന്ധിച്ച് സ്റ്റഡി ലീവ് എപ്പോഴും നരകമായിരുന്നു.കാരണം അവന്റെ അമ്മാവന്റെ വീട്ടിൽ നിൽക്കേണ്ടി വരുന്നത് തന്നെ. ഇത്തവണ അവൻ പകൽ സമയങ്ങളിലും ഹോട്ടലിൽ പണിയെടുത്തു വീട്ടിൽ നിൽക്കുന്നത് ഒഴിവാക്കാൻ. കിട്ടുന്ന ചില ഗ്യാപ്പുകളിൽ അവൻ പഠനവും തുടർന്നു കൊണ്ടിരുന്നു…. ഗൗരിയുടെ ഡിഗ്രി ബാച്ചിന് സ്റ്റഡി ലീവ് തുടങ്ങാൻ ഇനിയും സമയമുള്ളതിനാൽ ഇടയ്ക്ക് രുദ്രൻ ജിജോയുടെ വണ്ടിയെടുത്ത് കോളേജിന് അകത്തു വച്ചും പുറത്തു വച്ചും ഒക്കെ ഗൗരിയെ കണ്ടു കൊണ്ടിരുന്നു… ഒരു ദിവസം പുറത്തു ഒരു സ്നാക്സ് ബാറിൽ വച്ചു സംസാരിച്ചു കൊണ്ടിരിക്കുമ്പോൾ ഗൗരി പഠിത്തത്തിനെ പറ്റി ചോദിച്ചു… "വീട്ടിൽ നിൽക്കാൻ പറ്റില്ല. അത് കൊണ്ട് ഇപ്പോൾ രാവിലെയും ഹോട്ടലിൽ പോകുന്നുണ്ട്. പിന്നെ ബുക്സ് ഒക്കെ കൂടെ എടുക്കും. കിട്ടുന്ന ഗ്യാപ്പിൽ പഠിയ്ക്കും. ചില ദിവസങ്ങളിൽ അത് നടക്കില്ല "… രുദ്രനൊന്നു നെടുവീർപ്പിട്ടു… "ദേവേട്ടൻ ജോലിയ്ക്ക് പോണ്ടെന്നു ഞാൻ പറയില്ല. പക്ഷെ പഠിത്തത്തിന്റെ കാര്യവും ശ്രദ്ധിക്കണേ…ദേവേട്ടന് വേണ്ടി എന്റെ പ്രാർത്ഥന എപ്പോഴുമുണ്ട്….ഈ കഷ്ടപ്പെടുന്നതിനൊക്കെ ദൈവം ഇരട്ടിയായി ദേവേട്ടന് തിരിച്ചു തരും "… അവന്റെ കയ്യിൽ പിടിച്ചുകൊണ്ട് ഗൗരി പറഞ്ഞു…. അവനെ ആശ്വസിപ്പിയ്ക്കുമ്പോഴും അവളുടെയുള്ളിൽ അവനെയോർത്തു സങ്കടം തുളുമ്പിക്കൊണ്ടിരുന്നു… "അതൊക്കെ പോട്ടെ നന്ദു.. നിനക്ക് സ്റ്റഡി ലീവ് തുടങ്ങുന്നതൊക്കെ എപ്പോഴാ…." "രണ്ടാഴ്ച കൂടി കഴിയും…" "അപ്പോൾ തമ്മിൽ കാണാനും ബുദ്ധിമുട്ടാവും അല്ലെ…." "ദേവേട്ടനോട് ഞാൻ എന്റെ ഒരു റിലേറ്റീവ്ന്റെ ഡാൻസ് സ്കൂളിനെ പറ്റി പറഞ്ഞിട്ടില്ലേ. പുള്ളിക്കാരിയോട് ഞാൻ നമ്മുടെ കാര്യം പറഞ്ഞിട്ടുണ്ട്. എന്റെ അകന്ന ബന്ധമാണ്. എന്റെ വീട്ടുകാരുമായി അങ്ങനെ ബന്ധമൊന്നുമില്ല. അത് കൊണ്ട് പ്രശ്നമുണ്ടാവില്ല. അവിടെ വച്ചു ഇടയ്ക്ക് നമുക്ക് കാണാം….അധികം സംസാരിച്ചിരിക്കാൻ പറ്റില്ലെന്നല്ലേ ഉള്ളൂ. തമ്മിൽ ഒന്നു കാണാലോ…." "അതൊക്ക അതിനനുസരിച്ചു എന്തെങ്കിലും ചെയ്യാം നന്ദു….നിന്റെ ക്ലാസ്സ്‌ വിശേഷങ്ങളൊക്കെ പറ…. അല്ല നിന്റെ രേഷ്മയെവിടെ…." "ദേവേട്ടന് എന്നെ കണ്ടാൽ പോരെ….എപ്പോഴും അവളെ പറ്റി ചോദിക്കുന്നത് കാണാലോ "…. ഗൗരിയുടെ വാക്കുകളിൽ കുശുമ്പ് നിറഞ്ഞു… "നിങ്ങളെ രണ്ട് പേരെയും കൂടി ഒരുമിച്ചല്ലേ മിക്കവാറും കാണാറുള്ളത്. അത് കൊണ്ട് ചോദിച്ചതാ….. എന്റെ നന്ദു മോൾക്ക് തീരെ കുശുമ്പില്ല അല്ലെ "… രുദ്രൻ ചിരിച്ചു കൊണ്ട് പറഞ്ഞു…. "ഞാൻ കരുതി ദേവേട്ടൻ ഇനി ഞാനറിയാതെ വല്ല ലൈനും വലിക്കുന്നുണ്ടെന്നു…" ഗൗരിയൊന്നു കണ്ണിറുക്കി ചിരിച്ചു കൊണ്ട് പറഞ്ഞു… "അതിനെ പറ്റി ഒന്നാലോചിച്ചാലോ…ഏതായാലും ഒരു സെക്കന്റ്‌ ഓപ്ഷൻ എപ്പോഴും നല്ലതല്ലേ "… രുദ്രനൊരു പൊട്ടിച്ചിരിയോടെ പറഞ്ഞു.. "അയ്യെടാ… മോന്റെ ആഗ്രഹം കൊള്ളാലോ. മോനെ ദേവേട്ടാ അങ്ങനെ വല്ല ചിന്തയും ഉണ്ടെങ്കിൽ ഗൗരിയുടെ ഭദ്രകാളി രൂപം നിങ്ങൾ കാണും "…. ഗൗരി മുഖം കോട്ടിക്കൊണ്ട് അവനൊരു നുള്ള് കൊടുത്തു… "തല്ക്കാലം എന്റെ നന്ദു മോള് ഭദ്രകാളിയാവേണ്ട… ഞാനൊന്നു ചൊടിപ്പിയ്ക്കാൻ പറഞ്ഞതാ… ചിരിച്ചോണ്ടിരിക്കുന്ന ഈ മുഖം ഇടയ്ക്ക് ദേഷ്യം പിടിച്ചിരിക്കുന്നതും കാണാൻ എനിക്കിഷ്ടമാ…."😜 "ദേവേട്ടനെ നഷ്ടപ്പെടുന്നത് എനിക്ക് തമാശയ്ക്ക് പോലും ചിന്തിക്കാൻ വയ്യ…" രുദ്രന്റെ കൈപിടിച്ചു കൊണ്ടത് പറയുമ്പോൾ ഗൗരിയുടെ മിഴികളിൽ വ്യഥയുടെ ഓളങ്ങൾ നിറഞ്ഞു… "നന്ദു…. നിനക്കെന്നെ നഷ്ടപ്പെടുമെന്ന് തോന്നുന്നുണ്ടോ. നമുക്ക് പിരിയാൻ കഴിയുമോ അങ്ങനെ. രേഷ്മയും ജിജോയും പറയുന്നത് പോലെ ശിവപാർവതിമാരല്ലേ നമ്മൾ "…. രുദ്രനവളുടെ കൈകളിൽ ചുംബിച്ചു കൊണ്ട് പറഞ്ഞു….. അവന്റെ പ്രണയം തുളുമ്പുന്ന മിഴികളിലേക്ക് നോക്കിയ ഗൗരി അവന്റെ ചുമലിലേക്ക് ചാഞ്ഞു…. രുദ്രനവളെ ചേർത്തു പിടിച്ചു…. തുടരും കണ്ണൂർകാരൻ ❤️❤️❤️ #✍ തുടർക്കഥ #💞 പ്രണയകഥകൾ #📙 നോവൽ #📚 ട്വിസ്റ്റ് കഥകൾ #📔 കഥ