ਅਸਮਾਨੀ ਬਿਜਲੀ ਡਿੱਗਣ ਕਾਰਨ ਕ੍ਰਿਕਟ ਖੇਡ ਰਹੇ ਇਕ ਨੌਜਵਾਨ ਦੀ ਮੌਤ ਅਤੇ 2 ਜਣਿਆਂ ਦੇ ਗੰਭੀਰ ਜਖ਼ਮੀ ਹੋਣ ਦੀ ਖ਼ਬਰ ਹੈ। ਇਹ ਘਟਨਾ ਗੜ੍ਹਸ਼ੰਕਰ ਅਧੀਨ ਆਉਂਦੇ ਪਿੰਡ ਰਸੂਲਪੁਰ ਵਿਖੇ ਵਾਪਰੀ ਜਿਥੇ ਪਿੰਡ ਤੋਂ ਬਾਹਰਵਾਰ ਬਕਾਪੁਰ ਗੁਰੂ ਦੇ ਰਕਬੇ ’ਚ ਪੈਂਦੇ ਖੇਡ ਮੈਦਾਨ ਵਿਚ ਪਿੰਡ ਦੇ ਲੜਕੇ ਕ੍ਰਿਕਟ ਖੇਡ ਰਹੇ ਸਨ।ਇਕੱਤਰ ਜਾਣਕਾਰੀ ਅਨੁਸਾਰ 10-15 ਲੜਕੇ ਜਦੋਂ ਕ੍ਰਿਕਟ ਖੇਡ ਰਹੇ ਸਨ ਤਾਂ ਉਸ ਸਮੇਂ ਅਚਾਨਕ ਬੱਦਲਵਾਈ ਹੋਣ ਨਾਲ ਮੀਂਹ ਪੈਣ ਵਾਲਾ ਮੌਸਮ ਬਣਿਆ ਹੋਇਆ ਸੀ। ਇਸ ਦੌਰਾਨ ਅਚਾਨਕ ਅਸਮਾਨੀ ਬਿਜਲੀ ਪੈਣ ਨਾਲ ਤਰਨਦੀਪ ਸਿੰਘ (16) ਪੁੱਤਰ ਉਂਕਾਰ ਸਿੰਘ ਵਾਸੀ ਰਸੂਲਪੁਰ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ ਜਦਕਿ ਇਸ ਦੌਰਾਨ ਦੋ ਹੋਰ ਲੜਕੇ ਅੰਸ਼ਪ੍ਰੀਤ ਪੁੱਤਰ ਮੁਖਤਿਆਰ ਚੰਦ ਅਤੇ ਜੱਸੀ ਲੋਈ ਪੁੱਤਰ ਲਛਮਣ ਰਾਮ ਗੰਭੀਰ ਜਖ਼ਮੀ ਹੋ ਗਏ ਜਿਨ੍ਹਾਂ ਦਾ ਨਵਾਂਸ਼ਹਿਰ ਦੇ ਇਕ ਪ੍ਰਾਈਵੇਟ ਹਸਪਤਾਲ ਵਿਚ ਇਲਾਜ ਚੱਲ ਰਿਹਾ ਹੈ। ਤਰਨਦੀਪ ਸਿੰਘ ਦੀ ਮ੍ਰਿਤਕ ਦੇਹ ਨੂੰ ਸਿਵਲ ਹਸਪਤਾਲ ਗੜ੍ਹਸ਼ੰਕਰ ਦੇ ਲਾਸ਼ਘਰ ਵਿਚ ਰੱਖਿਆ ਗਿਆ ਹੈ।ਦੱਸਿਆ ਜਾ ਰਿਹਾ ਕਿ ਮ੍ਰਿਤਕ ਲੜਕੇ ਤਰਨਦੀਪ ਸਿੰਘ ਵੱਲੋਂ ਪੈਰਾਂ ਵਿਚ ਚੱਪਲ ਆਦਿ ਨਾ ਪਾਏ ਜਾਣ ਕਾਰਨ ਅਸਮਾਨੀ ਬਿਜਲੀ ਪੈ ਗਈ। ਉੱਚੇ ਲੰਮੇ ਕੱਦ ਵਾਲੇ ਲੜਕੇ ਤਰਨਦੀਪ ਸਿੰਘ ਵੱਲੋਂ ਹਾਲ ਹੀ ਵਿਚ ਦਸਵੀਂ ਜਮਾਤ ਦੇ ਪੇਪਰ ਦਿੱਤੇ ਗਏ ਸਨ ਤੇ ਉਹ ਪੜ੍ਹਾਈ ਵਿਚ ਬਹੁਤ ਹੋਣਹਾਰ ਸੀ। #😢ਪੰਜਾਬ: ਚੱਲਦੇ ਮੈਚ 'ਚ ਡਿੱਗੀ ਬਿਜਲੀ, ਖਿਡਾਰੀ ਦੀ ਮੌਤ